1
00:00:05,000 --> 00:00:39,480
Naꞌ goquenꞌ beṉeꞌ zanch chosozenagueꞌ c̱he Jesúsenꞌ ca beṉeꞌ chosozenag c̱he Juanṉaꞌ, naꞌ beṉeꞌ zanch chesezoa nis len Jesúsenꞌ ca beṉeꞌ chesezoa nis len Juanṉaꞌ, ḻaꞌczḻaꞌ gague cuin Jesúsenꞌ bzoeꞌ beṉeꞌ nis, beṉeꞌ caꞌ zjanaqueꞌ ḻeꞌ txen gosonenꞌ. Nach cateꞌ Jesúsenꞌ gwṉezdeꞌ beṉeꞌ fariseo caꞌ gosacbeꞌedeꞌ beṉeꞌ zanch zjanaꞌogüeꞌ ḻeꞌ, nach bezeꞌe distritw Judeanꞌ naꞌ beyejeꞌ distritw Galileanꞌ len beṉeꞌ caꞌ zjanaqueꞌ ḻeꞌ txen.

2
00:00:39,480 --> 00:00:43,740
Naꞌ benen byen zjayaꞌaqueꞌ nez daꞌ chde Samarianꞌ.

3
00:00:43,740 --> 00:00:57,180
Caꞌ goquenꞌ besežineꞌ to yež daꞌ nziꞌ Sicar ḻo distritw Samarianꞌ. Yeženꞌ chegaꞌaṉen gaḻaꞌze ganꞌ de yežlio danꞌ bnežjw daꞌ Jacob daꞌ xiꞌiṉeꞌ José.

4
00:00:57,180 --> 00:01:25,420
Naꞌ žia to bej daꞌ nacchgua sitjw daꞌ nziꞌ Bej c̱he daꞌ Jacob. Ca do guagwbiž Jesúsenꞌ ba chjax̱aquedeꞌ ngüeꞌe nezenꞌ nach gwchiꞌe choꞌa bejenꞌ. Naꞌ beṉeꞌ caꞌ zjanaqueꞌ ḻeꞌ txen ba zjaꞌaqueꞌ lagüe yeženꞌ zjasexiꞌe daꞌ yesagüeꞌ len ḻeꞌ, cateꞌ bžin to noꞌole Samaria choꞌa bejenꞌ cont güeꞌe nis. Naꞌ Jesúsenꞌ gožeꞌneꞌ: ―Beṉ lateꞌ nis yeꞌejaꞌ.

5
00:01:25,420 --> 00:01:42,260
Naꞌ noꞌole Samarianꞌ božiꞌen gožeꞌneꞌ: ―¿Nacxec̱henꞌ leꞌ nacoꞌ beṉeꞌ Israel chṉabdoꞌ nedaꞌ nis yeꞌejoꞌ? ḻe noꞌole Samaria nedaꞌ. (Naꞌ ca nac beṉeꞌ Israel gualaž c̱hetoꞌ caꞌ, bi cheseṉe ḻježeꞌ len beṉeꞌ Samaria caꞌ.)

6
00:01:42,260 --> 00:02:02,360
Nach Jesúsenꞌ gožeꞌneꞌ: ―Nedaꞌ ba gošaꞌ leꞌ: “Beṉ lateꞌ nis yeꞌejaꞌ”, naꞌ šacaꞌ ṉezdoꞌ daꞌ chaclažeꞌ Diosenꞌ goṉeꞌ leꞌ naꞌ šacaꞌ chacbeꞌedoꞌ nonꞌ nacaꞌ nedaꞌ, ba gwṉabdonꞌ nedaꞌ naꞌ ba beṉaꞌ leꞌ nis daꞌ choṉ yeḻaꞌ mban toḻi tocaṉe šacaꞌ.

7
00:02:02,360 --> 00:02:13,460
Naꞌ noꞌolenꞌ gožeꞌneꞌ: ―Beṉeꞌ, bi nox̱oꞌ bi gašeꞌdonꞌ naꞌ bej nga naquen sitjw. ¿Gaxe siꞌo nis daꞌ choṉ yeḻaꞌ mbanṉaꞌ žoꞌ caꞌ?

8
00:02:13,460 --> 00:02:23,800
¿Chacdoꞌ zacaꞌchoꞌ ca daꞌ x̱ozxtaꞌocho Jacob benꞌ bocuaꞌaṉ len netoꞌ bej nga ganꞌ güeꞌejeꞌ len xiꞌiṉeꞌ caꞌ naꞌ len beyix̱eꞌ c̱heꞌ caꞌ?

9
00:02:23,800 --> 00:02:30,780
Gož Jesúsenꞌ ḻeꞌ: ―Noteꞌtez beṉeꞌ yeꞌej nis c̱he bej nga biaꞌcze biḻdeꞌ daꞌ yoble.

10
00:02:30,780 --> 00:02:46,880
Naꞌ noteꞌtez beṉeꞌ yeꞌej nisenꞌ gwnežjuaꞌneꞌ nedaꞌ, gwbatech biḻdenꞌ daꞌ yoble, ḻe danꞌ gwnežjuaꞌnenꞌ gaquen ḻoꞌ laždaꞌogüeꞌ ca to latje ga chaldi nis cont gataꞌ yeḻaꞌ mban c̱heꞌ toḻi tocaṉe.

11
00:02:46,880 --> 00:02:55,800
Naꞌ noꞌolenꞌ gožeꞌneꞌ: ―Beṉeꞌ, beṉ nedaꞌ nisenꞌ žoꞌ caꞌ cont bich biḻdanꞌ naꞌ bich yidaꞌ dex̱ianꞌ nga.

12
00:02:55,800 --> 00:03:01,260
Jesúsenꞌ gožeꞌneꞌ: ―Beyej jeḻ güiž beṉeꞌ c̱hioꞌ naꞌ ḻe da nga.

13
00:03:01,260 --> 00:03:10,360
Nach gožeꞌ Jesúsenꞌ: ―Notno beṉeꞌ c̱hiaꞌ zoa. Naꞌ Jesúsenꞌ gožeꞌ noꞌolenꞌ: ―Ledoꞌ canꞌ gwnaonꞌ nono beṉeꞌ c̱hioꞌ zoa,

14
00:03:10,360 --> 00:03:17,840
ḻe gayoꞌ beṉeꞌ c̱hioꞌ ba gwnitaꞌ naꞌ beṉeꞌ zoalenoꞌ ṉaꞌa gague naqueꞌ beṉeꞌ c̱hioꞌ. Daꞌ ḻi canꞌ ba gwnaonꞌ.

15
00:03:17,840 --> 00:03:26,540
Naꞌ gož noꞌolenꞌ ḻeꞌ: ―Beṉeꞌ, chacbeꞌedaꞌ nacoꞌ to beṉeꞌ chac chyix̱jueꞌedeꞌ bi daꞌ ža Diosenꞌ.

16
00:03:26,540 --> 00:03:37,500
Daꞌ x̱ozxtaꞌo netoꞌ beṉeꞌ Samaria gosonxeneꞌ Diosenꞌ ḻo yaꞌan zoa nga, naꞌ leꞌe nacle beṉeꞌ Israel žale Jerusalénṉaꞌ cheyaḻaꞌ gonxenchoneꞌ.

17
00:03:37,500 --> 00:03:49,180
Jesúsenꞌ božiꞌen gožeꞌneꞌ: ―Noꞌole, gwyejḻeꞌ c̱hiaꞌ, gwžin ža cateꞌ bi gonen byen gonxenḻe Diosenꞌ ḻo yaꞌa nga ṉe Jerusalénṉaꞌ.

18
00:03:49,180 --> 00:04:05,020
Leꞌe nacle beṉeꞌ Samaria bi nombiaꞌyaṉeꞌle Dios benꞌ chonxenḻe. Netoꞌ beṉeꞌ Israel nombiaꞌtoꞌ Dios benꞌ chonxentoꞌ, naꞌ ladjoꞌ netoꞌ beṉeꞌ Israel choj benꞌ yebej beṉac̱henꞌ ḻo daꞌ malenꞌ.

19
00:04:05,020 --> 00:04:24,860
Chžin ža naꞌ ṉaꞌa ba goḻeꞌ, cateꞌ beṉeꞌ yesonxeneꞌ X̱acho Diosenꞌ canꞌ cheyaḻaꞌcze yesonxeneꞌ ḻeꞌ, gateꞌtez niteꞌ, ḻoꞌ yic̱hjlaždaꞌogaquenꞌ yesonxeneꞌ beṉeꞌ naqueꞌ dogualje Dios, ḻe X̱acho Diosenꞌ cheyiljueꞌ beṉeꞌ yesonxeneꞌ ḻeꞌ caꞌ.

20
00:04:24,860 --> 00:04:38,400
Diosenꞌ bi naqueꞌ beṉeꞌ belaꞌ chen, naqueꞌ spiritw. Daꞌnanꞌ beṉeꞌ yesonxen ḻeꞌ, ḻoꞌ yic̱hjlaždaꞌogaqueꞌ cheyaḻaꞌ yesonxeneꞌ beṉeꞌ nac dogualje Dios.

21
00:04:38,400 --> 00:04:52,160
Nach noꞌolenꞌ gožeꞌneꞌ: ―Ṉezdaꞌ yid benꞌ ba gwlej Diosenꞌ cont yedeṉabiꞌe chioꞌ, benꞌ nziꞌ Mesías o Cristo, naꞌ cateꞌ ḻeꞌ yideꞌ yedezejniꞌideꞌ chioꞌ yogoꞌ daꞌ quinga.

22
00:04:52,160 --> 00:04:57,160
Nach Jesúsenꞌ gožeꞌ noꞌolenꞌ: ―Nedaꞌ choeꞌlenaꞌ leꞌ dižaꞌ nacaꞌ benꞌ žoꞌ caꞌ.

23
00:04:57,160 --> 00:05:15,220
Ṉeꞌ choeꞌlente Jesúsenꞌ noꞌolenꞌ dižanꞌ cateꞌ beṉeꞌ caꞌ zjanaqueꞌ ḻeꞌ txen besyežineꞌ choꞌa bejenꞌ. Naꞌ besyebandeꞌ choeꞌleneꞌ to noꞌole dižaꞌ, perw ṉe toeꞌ bi goseṉabdeꞌneꞌ bi dižanꞌ choeꞌleneꞌ noꞌolenꞌ o bixc̱henꞌ chšaḻjleneꞌ ḻeꞌ.

24
00:05:15,220 --> 00:05:22,900
Nach noꞌolenꞌ bocuaꞌaṉ cheꞌe nis c̱henꞌ naꞌ beyejeꞌ ḻo yeženꞌ jayežeꞌ beṉeꞌ gualaž c̱heꞌ caꞌ:

25
00:05:22,900 --> 00:05:32,600
―Ḻe šoꞌo ḻe ṉaꞌ to beṉeꞌ ba gožeꞌ nedaꞌ yogoꞌte daꞌ ba benaꞌ. ¿Še benganꞌ Cristo benꞌ chbezcho yedeṉabiꞌe?

26
00:05:32,600 --> 00:05:37,240
Naꞌ besežašeꞌ yeženꞌ jaꞌaqueꞌ ganꞌ chiꞌ Jesúsenꞌ.

27
00:05:37,240 --> 00:05:46,120
Naꞌ šlac zjayda noꞌolenꞌ, beṉeꞌ caꞌ zjanaqueꞌ Jesúsenꞌ txen gosataꞌyoedeꞌ ḻeꞌ, cheseꞌeneꞌ: ―Maestrw, gwdagw.

28
00:05:46,120 --> 00:05:51,620
Naꞌ Jesúsenꞌ gožeꞌ ḻegaqueꞌ: ―Bi ṉezele de to yeḻaꞌ guagw c̱hiaꞌ.

29
00:05:51,620 --> 00:05:56,280
Naꞌ goseꞌ ḻježeꞌ: ―¿Gague ba bedesesan beṉeꞌ daꞌ gwdagüeꞌ?

30
00:05:56,280 --> 00:06:07,260
Naꞌ gož Jesúsenꞌ ḻegaqueꞌ: ―Len nedaꞌ naquen ca to yeḻaꞌ guagw chonaꞌ canꞌ chazlažeꞌ Dios benꞌ gwseḻaꞌ nedaꞌ cont gac yogoꞌ daꞌ chnalažeꞌ.

31
00:06:07,260 --> 00:06:18,620
Leꞌe žale: “Ṉeꞌ dech yetap bioꞌ cont yedobe cosešenꞌ.” Naꞌ nedaꞌ chniaꞌ, ḻe ṉaꞌ naꞌ leꞌele to coseš daꞌ chyažje yedob ṉaꞌa.

32
00:06:18,620 --> 00:06:36,420
De daꞌ goncho ṉaꞌa cont beṉeꞌ yosozenagueꞌ c̱he Diosenꞌ naꞌ gataꞌ yeḻaꞌ mban c̱hegaqueꞌ toḻi tocaṉe. Naꞌ beṉeꞌ cheseyix̱jueꞌedeꞌ xtižaꞌ Diosenꞌ naꞌ lente beṉeꞌ chesoneꞌ cont yosozenag beṉeꞌ xtiženꞌ txen yeseniteꞌ mbalaz.

33
00:06:36,420 --> 00:06:42,120
Dižaꞌ nga naquen daꞌ ḻi, žan: “Beṉeꞌ yoble chaz naꞌ beṉeꞌ yoble chelap.”

34
00:06:42,120 --> 00:06:52,480
Bac̱h chseḻaꞌ leꞌe šjaylaple ganꞌ bi gozle, ḻe leꞌe gonḻe cont yosozenag beṉeꞌ xtižaꞌ Diosenꞌ danꞌ ba goseyix̱jueꞌe beṉeꞌ yoble.

35
00:06:52,480 --> 00:07:03,820
Naꞌ ca nac beṉeꞌ yež Sicar ga mbane Samaria, zaneꞌ gosejnilažeꞌ Jesúsenꞌ daꞌ gosendeꞌ gwna noꞌolenꞌ: “Ba gožeꞌ nedaꞌ yogoꞌ daꞌ ba benaꞌ.”

36
00:07:03,820 --> 00:07:13,080
Nachenꞌ besežin beṉeꞌ Sicarenꞌ ganꞌ chiꞌ Jesúsenꞌ gosataꞌyoedeꞌ ḻeꞌ yegaꞌaṉleneꞌ ḻegaqueꞌ, naꞌ begaꞌaṉeꞌ c̱hope ža.

37
00:07:13,080 --> 00:07:19,400
Naꞌ beṉeꞌ zanch gosejnilažeꞌ Jesúsenꞌ cateꞌ gosendeꞌ dižaꞌ daꞌ beꞌ cuineꞌ.

38
00:07:19,400 --> 00:07:35,560
Nach  goseꞌe noꞌolenꞌ: ―Bac̱h chejḻeꞌtoꞌ ṉaꞌa, gague danꞌ bzenagtoꞌ xtižoꞌ naꞌze, san daꞌ ba benetoꞌ choeꞌ cuineꞌ dižanꞌ, naꞌ ṉezetoꞌ benganꞌ Cristo benꞌ gwlej Diosenꞌ cont yebejeꞌ beṉac̱henꞌ ḻo daꞌ malenꞌ.