1
00:00:05,000 --> 00:00:12,340
Naꞌ cateꞌ goc c̱hop ža, Jesúsenꞌ len beṉeꞌ caꞌ zjanaqueꞌ ḻeꞌ txen gosaꞌaqueꞌ jayaꞌaqueꞌ Galilea.

2
00:00:12,340 --> 00:00:19,180
Ḻe cuin Jesúsenꞌ ba gwneꞌ noteꞌteze beṉeꞌ choꞌe xtižaꞌ Diosenꞌ, bi chesonḻaꞌaṉcze beṉeꞌ gualaž c̱henꞌ ḻeꞌ.

3
00:00:19,180 --> 00:00:33,780
Naꞌ cateꞌ besežineꞌ Galileanꞌ beṉeꞌ gualaž c̱hegaquenꞌ bosolebeꞌ Jesúsenꞌ danꞌ ba beseleꞌedeꞌ yogoꞌ daꞌ güen daꞌ beneꞌ Jerusalénṉaꞌ ḻo ḻṉinꞌ, ḻe lencze ḻegaqueꞌ jaꞌaqueꞌ ḻṉinaꞌ.

4
00:00:33,780 --> 00:00:51,140
Naꞌ gozej Jesúsenꞌ yetṉiꞌa yež Caná danꞌ chiꞌ distritw Galilea ganꞌ beneꞌ cont nisenꞌ beyaquen vino. Naꞌ yež Capernaum gwzoa to beṉeꞌ gwnabiaꞌ beṉeꞌ chon žin c̱he rey, naꞌ chacšenchgüe xiꞌiṉeꞌ.

5
00:00:51,140 --> 00:01:04,180
X̱a biꞌnaꞌ cateꞌ bendeꞌ ba bežin Jesúsenꞌ Galileanꞌ zezeꞌe Judeanꞌ, nach gwyejeꞌ lao Jesúsenꞌ gwṉeyoedeꞌ ḻeꞌ šejeꞌ šjayeneꞌ xiꞌiṉenꞌ, ḻe ba zoa gatbeꞌ.

6
00:01:04,180 --> 00:01:11,800
Naꞌ Jesúsenꞌ gožeꞌneꞌ: ―Še bi chleꞌele yeḻaꞌ guac naꞌ bichle daꞌ zacaꞌ yebanele, bi chejḻeꞌle c̱hiaꞌ.

7
00:01:11,800 --> 00:01:19,360
Nach benꞌ chon žin c̱he reyenꞌ gotaꞌyoedeꞌ ḻeꞌ gwneꞌ: ―Beṉeꞌ, yoꞌošca šlac biṉaꞌ gat biꞌ c̱hianꞌ.

8
00:01:19,360 --> 00:01:28,560
Naꞌ Jesúsenꞌ gožeꞌneꞌ: ―Beyej ližoꞌ, bi gat biꞌ c̱hionꞌ. Nach gwyejḻeꞌ benaꞌ danꞌ gož Jesúsenꞌ ḻeꞌ naꞌ bezeꞌe.

9
00:01:28,560 --> 00:01:35,180
Ba zoa yežineꞌ cateꞌ jasešag xmoseꞌ caꞌ ḻeꞌ naꞌ goseꞌeneꞌ: ―Ba beyac biꞌ c̱hionꞌ.

10
00:01:35,180 --> 00:01:45,860
Naꞌ gwṉabdeꞌ ḻegaqueꞌ bi hor gwzolao bešaꞌalažeꞌbeꞌ, naꞌ goseꞌe ḻeꞌ: ―Ṉeje cheda to gwde guagwbiž bechojbeꞌ daꞌ ḻanꞌ.

11
00:01:45,860 --> 00:01:57,720
Naꞌ x̱abenꞌ gocbeꞌedeꞌ ca hor naꞌczenꞌ gož Jesúsenꞌ ḻeꞌ bi gat biꞌ c̱henꞌ. Nach gwyejnilažeꞌ Jesúsenꞌ, ḻeꞌ len yogoꞌ beṉeꞌ žeꞌ liženꞌ.

12
00:01:57,720 --> 00:02:05,160
Daꞌ nga goc yeḻaꞌ guac gwchop daꞌ ben Jesúsenꞌ šlac bezeꞌe Judeanꞌ naꞌ bežineꞌ Galilea.