1
00:00:05,000 --> 00:00:13,580
Naꞌ gwde to tiemp bžin ža goc yeto ḻṉi c̱he netoꞌ beṉeꞌ Israel Jerusalénṉaꞌ, naꞌ Jesúsenꞌ gwyejeꞌ.

2
00:00:13,580 --> 00:00:29,900
Jerusalénṉaꞌ gaḻaꞌze choꞌa puert c̱he zeꞌe daꞌ nyec̱hj ciudanꞌ danꞌ nziꞌ Puert c̱he Xilaꞌ žia to ga chož nis daꞌ nziꞌ Betesda, naꞌ ze gayoꞌ chalšil cueꞌej cuite ganꞌ chož nisenꞌ.

3
00:00:29,900 --> 00:00:44,660
Naꞌ beṉeꞌ zan beṉeꞌ güeꞌ zjadieꞌ chalšil caꞌ, no beṉeꞌ lc̱hoḻ, no beṉeꞌ nxiṉj ṉiꞌe, no beṉeꞌ natsiꞌ lateꞌ güeje cuerp c̱hegaquenꞌ. Zjadieꞌ chesebezeꞌ batcanꞌ ta nisenꞌ.

4
00:00:44,660 --> 00:00:57,440
Ḻe tgüeje betj to angl naꞌ bteꞌ nisenꞌ, naꞌ beṉeꞌ nechw beṉeꞌ choꞌe ḻoꞌ nisenꞌ cheyož chta anglenꞌ ḻen, cheyacdeꞌ biteꞌtez yižgüeꞌ cheꞌedeꞌ.

5
00:00:57,440 --> 00:01:04,280
Naꞌ cateꞌ bžin Jesúsenꞌ naꞌ de to beṉeꞌ ba goc šinoꞌšoṉechoa iz chacšendeꞌ.

6
00:01:04,280 --> 00:01:12,560
Naꞌ Jesúsenꞌ bleꞌedeꞌ benꞌ naꞌ gocbeꞌedeꞌ ba chac sša deꞌ caꞌ, naꞌ gožeꞌneꞌ: ―¿Chaclažoꞌ yeyacoꞌ?

7
00:01:12,560 --> 00:01:26,120
Naꞌ beṉeꞌ güenꞌ gožeꞌ Jesúsenꞌ: ―Beṉeꞌ, nono zoa no coꞌ nedaꞌ ḻoꞌ nisenꞌ cateꞌ chdan. Naꞌ šlac zyaꞌa cont šoꞌa, beṉeꞌ yoble chyobdeꞌ chetjeꞌ ḻoꞌ nisenꞌ.

8
00:01:26,120 --> 00:01:31,400
Nach gož Jesúsenꞌ ḻeꞌ: ―Gwyas naꞌ botobe xtaꞌon naꞌ gwda.

9
00:01:31,400 --> 00:01:42,940
Naꞌ ḻaꞌ beyacte benaꞌ naꞌ botob xteꞌen naꞌ gwzolao chdeꞌ. Perw naꞌ goquen to ža c̱he Dios cateꞌ bi de ḻsens gon netoꞌ beṉeꞌ Israel žin.

10
00:01:42,940 --> 00:01:51,960
Nach beṉeꞌ gwnabiaꞌ c̱he netoꞌ beṉeꞌ Israel goseꞌe benaꞌ beyaquenꞌ: ―Ža c̱he Dios ṉaꞌa. Bi de ḻsens yeyoaꞌ xtaꞌonaꞌ.

11
00:01:51,960 --> 00:01:58,820
Naꞌ gož benꞌ ḻegaqueꞌ: ―Benaꞌ beyon nedaꞌ gožeꞌndaꞌ: “Botobe xtaonꞌ naꞌ gwda.”

12
00:01:58,820 --> 00:02:03,440
Nach goseꞌeneꞌ: ―¿Nonꞌ gož leꞌ: “Botobe xtaonꞌ naꞌ gwda”?

13
00:02:03,440 --> 00:02:11,000
Naꞌ benꞌ beyaquenꞌ bi gwṉezdeꞌ nonꞌ beyon ḻeꞌ, ḻe Jesúsenꞌ beniteꞌ ladjo beṉeꞌ zan caꞌ.

14
00:02:11,000 --> 00:02:24,700
Gwdechle Jesúsenꞌ bediḻeꞌ benaꞌ beyaquenꞌ ḻoꞌ yodaoꞌ blaonꞌ naꞌ gožeꞌ ḻeꞌ: ―Bac̱h beyacoꞌ ṉaꞌa, naꞌ cheyaḻaꞌ cuejyic̱hjoꞌ daꞌ malenꞌ bich gononꞌ, cont bi gac c̱hioꞌ to daꞌ malech.

15
00:02:24,700 --> 00:02:33,600
Nach bezaꞌ benaꞌ jatix̱jueꞌedeꞌ beṉeꞌ gwnabiaꞌ c̱he nación Israel c̱hetonꞌ gožeꞌ ḻegaqueꞌ Jesúsnaꞌ benꞌ beyon ḻeꞌ.