1
00:00:05,000 --> 00:00:20,640
Daꞌnanꞌ beṉeꞌ gwnabiaꞌ caꞌ gwzolao gosebeꞌnaꞌogüeꞌ Jesúsenꞌ naꞌ cheseyiljueꞌ nacle yesoneꞌ yesoteꞌneꞌ daꞌ choneꞌ yeḻaꞌ guac caꞌ ža c̱he Dios cateꞌ bi de ḻsens gon netoꞌ beṉeꞌ Israel žin.

2
00:00:20,640 --> 00:00:27,840
Naꞌ Jesúsenꞌ gožeꞌ ḻegaqueꞌ: ―X̱anꞌ zoaczeꞌ chelaḻdeꞌ bateꞌteze naꞌ ḻecze caꞌ nedaꞌ.

3
00:00:27,840 --> 00:00:45,840
Daꞌnanꞌ goseyiljwlažeꞌcheꞌ nacle yesoneꞌ yesoteꞌ Jesúsenꞌ, perw gague ṉec̱he bi choneꞌ canꞌ ža ley ganꞌ chguaḻanꞌ c̱he ža c̱he Dios naꞌzenꞌ, san ḻecze daꞌ gwneꞌ Diosenꞌ naqueꞌ X̱eꞌ, ḻe zejen toz ca zaqueꞌ len Diosenꞌ.

4
00:00:45,840 --> 00:01:04,400
Naꞌ gož Jesúsenꞌ ḻegaqueꞌ: ―Chniaꞌ leꞌe to daꞌ zejen, bibi chac gonaꞌ to gualazaꞌ. Con daꞌ chleꞌedaꞌ chon X̱anꞌ, ḻenṉaꞌ chonaꞌ, naꞌ biteꞌteze daꞌ chon X̱anꞌ, ḻenṉaꞌ chonaꞌ, ḻe nedaꞌ nacaꞌ Xiꞌiṉeꞌ.

5
00:01:04,400 --> 00:01:11,660
Chaque X̱anꞌ nedaꞌ naꞌ chloꞌedeꞌ nedaꞌ yogoꞌ danꞌ choneꞌ. Naꞌ gwloꞌedeꞌ daꞌ zacaꞌch ca daꞌ quinga daꞌ gonaꞌ cont yebanele.

6
00:01:11,660 --> 00:01:25,260
Ca X̱aꞌ Diosenꞌ chosbaneꞌ beṉeꞌ ladjo beṉeꞌ guat caꞌ, caꞌcze chonaꞌ nedaꞌ nacaꞌ Xiꞌiṉeꞌ, chnežjuaꞌ yeḻaꞌ mban c̱he noteꞌtez beṉeꞌ chbejaꞌ cont gataꞌ yeḻaꞌ mban c̱hegaqueꞌ.

7
00:01:25,260 --> 00:01:36,880
Naꞌ X̱anꞌ bi chc̱hoglagüeꞌ c̱he ṉe to beṉeꞌ še napeꞌ doḻaꞌ, san ba gwloꞌe ḻo naꞌ c̱hoglaguaꞌ c̱he yogoꞌ beṉac̱h še nonꞌ nap doḻaꞌ.

8
00:01:36,880 --> 00:01:50,120
X̱anꞌ chaclažeꞌ yogoꞌ beṉeꞌ yesonxeneꞌ nedaꞌ ḻecze canꞌ chesonxeneꞌ ḻeꞌ. Naꞌ beṉeꞌ bi chonxen nedaꞌ, ṉe X̱aꞌ Diosenꞌ bi chonxeneꞌ, ḻe ḻeꞌnaꞌ gwseḻeꞌ nedaꞌ.

9
00:01:50,120 --> 00:02:18,280
’Chniaꞌ leꞌe to daꞌ zejen, beṉeꞌ chosozenag xtižanꞌ naꞌ chesejnilažeꞌ Dios benꞌ gwseḻaꞌ nedaꞌ, de yeḻaꞌ mban c̱hegaqueꞌ toḻi tocaṉe. Naꞌ bi yesezacaꞌziꞌe toḻi tocaṉe daꞌ bi chesejnilažeꞌneꞌ. Bich zjanaqueꞌ ca beṉeꞌ guat len yic̱hjlaždaꞌogaquenꞌ daꞌ bi chosozenagueꞌ c̱he Diosenꞌ, san ba bocobeꞌ yic̱hjlaždaꞌogaquenꞌ ṉec̱he ba chesejnilažeꞌneꞌ.

10
00:02:18,280 --> 00:02:39,260
Chniaꞌ leꞌe to daꞌ zejen, gwžin ža cateꞌ beṉeꞌ zjanac ca beṉeꞌ guat len yic̱hjlaždaꞌogaqueꞌ yesendeꞌ xtižaꞌ nedaꞌ nacaꞌ Xiꞌiṉ Dios, naꞌ beṉeꞌ yosozenag c̱hiaꞌ gataꞌ yeḻaꞌ mban c̱hegaqueꞌ toḻi tocaṉe, naꞌ bac̱h chzolao chac caꞌ ṉaꞌa.

11
00:02:39,260 --> 00:02:54,620
X̱aꞌ Diosenꞌ zoaczeꞌ toḻi tocaṉe naꞌ choneꞌ cont zjamban beṉac̱henꞌ, naꞌ ḻecze ba beneꞌ cont nedaꞌ nacaꞌ Xiꞌiṉeꞌ zoaꞌ toḻi tocaṉe naꞌ chonaꞌ cont zjamban beṉeꞌ.

12
00:02:54,620 --> 00:03:03,380
Naꞌ ḻecze ba beṉeꞌ nedaꞌ yeḻaꞌ chnabiaꞌ cont ṉiaꞌ nonꞌ nap doḻaꞌ, ḻe ba gwseḻeꞌ nedaꞌ goljaꞌ beṉac̱h.

13
00:03:03,380 --> 00:03:12,380
Bi yebanele danꞌ chniaꞌ nga, ḻe gwžin ža cateꞌ yogoꞌḻoḻ beṉeꞌ guat žeꞌ ḻoꞌ ba yesendeꞌ cateꞌ yoḻ güižaꞌneꞌ.

14
00:03:12,380 --> 00:03:29,200
Naꞌ beṉeꞌ caꞌ goson daꞌ güen šlac gosebaneꞌ yesyechojeꞌ naꞌ yesebaneꞌ toḻi tocaṉe. Naꞌ beṉeꞌ caꞌ goson daꞌ mal šlac gosebaneꞌ yesyechojeꞌ naꞌ yesezacaꞌziꞌe toḻi tocaṉe.

15
00:03:29,200 --> 00:03:51,460
’Bibi gac gonaꞌ to gualazaꞌ. Chzenagaꞌ binꞌ ža X̱anꞌ cont ṉiaꞌ c̱he beṉac̱henꞌ noeꞌ nap doḻaꞌ. Naꞌ danꞌ ṉiaꞌ gac c̱he to to beṉeꞌ naquen daꞌ cheyaḻaꞌ gac, ḻe bi chiꞌyic̱hjaꞌ gac danꞌ chnalažaꞌ; san chiꞌyic̱hjaꞌ gac canꞌ chnalažeꞌ X̱anꞌ benꞌ gwseḻaꞌ nedaꞌ.

16
00:03:51,460 --> 00:03:57,780
Šacaꞌ toz nedaꞌ chguaꞌa daꞌ baḻi nonꞌ nacaꞌ, bi naquen to daꞌ šejḻeꞌle.

17
00:03:57,780 --> 00:04:05,600
Perw zoa X̱anꞌ choꞌe dižaꞌ ḻi nonꞌ nacaꞌ, naꞌ ṉezdaꞌ dižaꞌ daꞌ choꞌe c̱hiaꞌ naquen daꞌ šejḻeꞌle.

18
00:04:05,600 --> 00:04:13,980
Bac̱h gwseḻaꞌle beṉeꞌ lao Juanṉaꞌ cont jaseṉabdeꞌ ḻeꞌ nac nac c̱hiaꞌ, naꞌ Juanṉaꞌ beꞌe dižaꞌ ḻi nonꞌ nacaꞌ.

19
00:04:13,980 --> 00:04:27,160
Perw nedaꞌ bi chyažjdaꞌ dižaꞌ daꞌ güeꞌ ṉe to beṉac̱h c̱hiaꞌ. San chniaꞌ daꞌ quinga cont leꞌe šejḻeꞌle c̱hiaꞌ naꞌ gataꞌ yeḻaꞌ mban c̱hele toḻi tocaṉe.

20
00:04:27,160 --> 00:04:37,060
Juanṉaꞌ goqueꞌ ca to yiꞌ daꞌ chseṉiꞌchgua danꞌ bzejniꞌideꞌ leꞌe c̱he Diosenꞌ, naꞌ šlož daonꞌ bebele danꞌ bsed bloꞌedenꞌ.

21
00:04:37,060 --> 00:04:51,200
Naꞌ de to daꞌ choeꞌ xtižaꞌ daꞌ zacaꞌch ca dižaꞌ daꞌ choeꞌ Juanṉaꞌ c̱hiaꞌ: chonaꞌ yogoḻoḻ daꞌ ba gwloꞌo X̱anꞌ ḻo naꞌ gonaꞌ, naꞌ daꞌ caꞌ chonanꞌ choenꞌ dižaꞌ ḻe X̱anꞌ gwseḻeꞌ nedaꞌ.

22
00:04:51,200 --> 00:05:00,500
Nach X̱anꞌ benꞌ gwseḻaꞌ nedaꞌ ḻecze choꞌe xtižanꞌ, ḻaꞌczḻaꞌ biṉaꞌ yenele canꞌ chnenꞌ naꞌ biṉaꞌ leꞌele canꞌ naquenꞌ.

23
00:05:00,500 --> 00:05:07,360
Xtiženꞌ biṉaꞌ šonꞌ ḻoꞌ yic̱hjlaždaꞌolenꞌ, ḻe bi chejnilažeꞌle nedaꞌ nacaꞌ benꞌ gwseḻenꞌ.

24
00:05:07,360 --> 00:05:20,120
Chsedyaṉeꞌle ganꞌ nyoj Xtižaꞌ Diosenꞌ, ḻe chaquele gaple yeḻaꞌ mban toḻi tocaṉe ṉec̱he chsedlen. Naꞌ daꞌ caꞌ chsedlenꞌ zjanyojen chesoenꞌ xtižaꞌ.

25
00:05:20,120 --> 00:05:27,020
Perw bi chaclažeꞌle šejnilažeꞌle nedaꞌ cont gataꞌ yeḻaꞌ mban c̱hele toḻi tocaṉe.

26
00:05:27,020 --> 00:05:31,840
’Naꞌ nedaꞌ bi chyažjdaꞌ yesena beṉac̱henꞌ nacaꞌ beṉeꞌ zacaꞌ.

27
00:05:31,840 --> 00:05:35,580
Nombiꞌa leꞌe naꞌ ṉezdaꞌ bi chaquele Diosenꞌ.

28
00:05:35,580 --> 00:05:47,800
X̱anꞌ ba gwseḻeꞌ nedaꞌ chonaꞌ con daꞌ žeꞌ, perw bi chejḻeꞌle c̱hiaꞌ. Naꞌ cateꞌ zaꞌac beṉeꞌ cheson con bi daꞌ ža xbab c̱hegaczeꞌ, nachle chejḻeꞌle c̱hegaqueꞌ.

29
00:05:47,800 --> 00:05:58,920
¿Nacxe gac šejḻeꞌle c̱hiaꞌ? ḻe chzelažeꞌle yesena beṉeꞌ chonḻe güen, naꞌ bi chzelažeꞌle gonḻe cont toz Diosenꞌ ṉeꞌ chonḻe güen.

30
00:05:58,920 --> 00:06:13,540
Bi gonḻe xbab nedaꞌ gwcuišaꞌ leꞌe lao X̱anꞌ. Daꞌ Moisésenꞌ chcuišeꞌ leꞌe lagüenꞌ, ḻe chsedchguale danꞌ bzojenꞌ chaquele cont soale binḻo len Diosenꞌ, perw bi chejḻeꞌle xtiženꞌ.

31
00:06:13,540 --> 00:06:21,460
Šacaꞌ chejḻeꞌle xtižaꞌ daꞌ Moisésenꞌ, c̱hiaꞌ nedaꞌczenꞌ chejḻeꞌle še caꞌ, ḻe xtižaꞌ nedanꞌ bzojeꞌ.

32
00:06:21,460 --> 00:06:28,720
Naꞌ daꞌ bi chejḻeꞌle danꞌ bzoj daꞌ Moisésenꞌ, ¿nacxe gonḻe šejḻeꞌle bi danꞌ žiaꞌ leꞌe?