1
00:00:05,000 --> 00:00:16,580
Gozde goc caꞌ Jesúsenꞌ gwyejeꞌ yešḻaꞌa nisdaoꞌ c̱he Galilea len beṉeꞌ caꞌ zjanaqueꞌ ḻeꞌ txen. Naꞌ nisdaoꞌ naꞌ ḻecze nzinꞌ Nisdaoꞌ Tiberias.

2
00:00:16,580 --> 00:00:23,980
Naꞌ beṉeꞌ zan zjanaoꞌ Jesúsenꞌ daꞌ ba beseleꞌedeꞌ yeḻaꞌ guac danꞌ chonenꞌ cheyoneꞌ beṉeꞌ güeꞌ caꞌ.

3
00:00:23,980 --> 00:00:30,380
Naꞌ gwloe Jesúsenꞌ to ḻo yaꞌa len beṉeꞌ caꞌ zjanaqueꞌ ḻeꞌ txen naꞌ gosebiꞌe.

4
00:00:30,380 --> 00:00:36,580
Naꞌ daꞌ yoble ba zoa gaḻaꞌ ḻṉi c̱he netoꞌ beṉeꞌ Israel daꞌ nziꞌ pascw.

5
00:00:36,580 --> 00:00:46,900
Naꞌ cateꞌ gwṉaꞌ Jesúsenꞌ bleꞌedeꞌ beṉeꞌ zan ba zjanaoꞌ ḻeꞌ naꞌ gožeꞌ Felipenꞌ: ―¿Gaxe siꞌcho daꞌ yesagw yogoꞌ beṉeꞌ quinga?

6
00:00:46,900 --> 00:00:53,240
Gwneꞌ caꞌ yešque bi ṉa Felipenꞌ, ḻe Jesúsenꞌ ṉezeczedeꞌ naquenꞌ goneꞌ.

7
00:00:53,240 --> 00:01:02,400
Naꞌ Felipenꞌ gožeꞌneꞌ: ―C̱hop gayoa denario yetextilenꞌ bi gaquen yesyecheḻe to toeꞌ ṉe lateꞌ güejen.

8
00:01:02,400 --> 00:01:12,620
Naꞌ yeto benꞌ naqueꞌ Jesúsenꞌ txen le Andrés naꞌ naqueꞌ beṉeꞌ bišeꞌ Simón Pedro. Naꞌ Andrésenꞌ gožeꞌ Jesúsenꞌ:

9
00:01:12,620 --> 00:01:24,960
―Nga zoa to biꞌ byo daoꞌ naꞌ de gayoꞌ yetextil de cebada c̱hebeꞌ naꞌ yec̱hope beḻ yaꞌa. Perw ¿bi de gon daꞌ quinga? ḻe beṉeꞌ zanṉaꞌ žeꞌ nga.

10
00:01:24,960 --> 00:01:41,500
Nach Jesúsenꞌ gožeꞌ beṉeꞌ caꞌ zjanaqueꞌ ḻeꞌ txen: ―Ḻe yeꞌ yogoꞌḻoḻeꞌ yesebiꞌe. Dechgua yixye latjenꞌ, naꞌ gosebeꞌ beṉeꞌ caꞌ ḻo yixyenaꞌ, ca do gayoꞌ mil beṉeꞌ byo, bi cuent noꞌole len bidaoꞌ.

11
00:01:41,500 --> 00:02:02,100
Nach gwxiꞌ Jesúsenꞌ yetextil caꞌ, naꞌ beyož beꞌe yeḻaꞌ chox̱clen c̱he Diosenꞌ bnežjuenꞌ beṉeꞌ caꞌ zjanaqueꞌ ḻeꞌ txen cont goseyisenꞌ len beṉeꞌ caꞌ zjachiꞌ naꞌ. Naꞌ ḻecz caꞌ beneꞌ len beḻ yaꞌa caꞌ. Naꞌ gosoꞌe to toeꞌ con caꞌteꞌteꞌ gosaclažeꞌ gosagüeꞌ.

12
00:02:02,100 --> 00:02:13,220
Naꞌ beyož gosagüeꞌ caꞌteꞌteꞌ goseljdeꞌ, Jesúsenꞌ gožeꞌ beṉeꞌ caꞌ zjanaqueꞌ ḻeꞌ txen: ―Ḻe yotobe daꞌ caꞌ begaꞌaṉ lateꞌ güeje cont bibi cuiayiꞌ.

13
00:02:13,220 --> 00:02:23,080
Nach bosyotobeꞌ daꞌ bixjw caꞌ danꞌ besyegaꞌaṉ lao gayoꞌ yetextil caꞌ de cebad, naꞌ goquen šižiṉw žome.

14
00:02:23,080 --> 00:02:36,080
Cateꞌ beṉeꞌ caꞌ beseleꞌedeꞌ yeḻaꞌ guac danꞌ benenꞌ nach goseneꞌ: ―Daꞌ ḻi benganꞌ choeꞌ xtižaꞌ Dios naꞌ naqueꞌ benꞌ ba gwlezcho seḻaꞌ Diosenꞌ yežḻio nga.

15
00:02:36,080 --> 00:02:48,220
Naꞌ cateꞌ Jesúsenꞌ gocbeꞌedeꞌ ba zoa yesec̱heꞌex̱ox̱jeꞌ ḻeꞌ cont yesoneꞌ ḻeꞌ rey c̱hegaqueꞌ, nach gozzeꞌe gozejeꞌ yaꞌadaonꞌ tozeꞌ.