1
00:00:05,000 --> 00:00:26,700
Naꞌ beteyo beṉeꞌ zan beṉeꞌ caꞌ besyegaꞌaṉ yešḻaꞌa choꞌa nisdaonꞌ gosacbeꞌedeꞌ nono Jesúsenꞌ nḻaꞌ naꞌ gosacbeꞌedeꞌ bibi barcw yoble gotaꞌch san toga danꞌ besyeyoꞌo beṉeꞌ caꞌ zjanaqueꞌ Jesúsenꞌ txen, naꞌ zjaṉezdeꞌ Jesúsenꞌ bi beyoꞌe len ḻegaqueꞌ ḻoꞌ barconꞌ.

2
00:00:26,700 --> 00:00:38,840
Nach besežin barcw daꞌ zaꞌac ciuda Tiberias gaḻaꞌze ganꞌ gosagüeꞌ yetextilenꞌ catenꞌ beyož beꞌ X̱ancho Jesúsenꞌ yeḻaꞌ chox̱clen c̱he Diosenꞌ.

3
00:00:38,840 --> 00:00:51,820
Naꞌ cateꞌ gotaꞌbiaꞌ nono Jesúsenꞌ bežel ganꞌ niteꞌnaꞌ nach besyeyoꞌe ḻoꞌ barcw caꞌ jaꞌaqueꞌ Capernaum cont besyeyiljueꞌ Jesúsenꞌ do naꞌ.

4
00:00:51,820 --> 00:01:02,260
Naꞌ cateꞌ beṉeꞌ zan caꞌ besyeželdeꞌ Jesúsenꞌ yešḻaꞌale nisdaonꞌ nach goseꞌe ḻeꞌ: ―Maestrw, ¿batcaꞌ blaꞌo nga?

5
00:01:02,260 --> 00:01:19,200
Naꞌ Jesúsenꞌ gožeꞌ ḻegaqueꞌ: ―Chniaꞌ leꞌe to daꞌ zejen, cheyiljwle nedaꞌ ṉec̱he danꞌ gwdagwle ca beljele naꞌzenꞌ, gague ṉec̱he chejḻeꞌle c̱hiaꞌ lagüe ba bleꞌele yeḻaꞌ guac caꞌ ba benanꞌ.

6
00:01:19,200 --> 00:01:43,780
Bi cheyaḻaꞌ cuecyic̱hjle gataꞌ daꞌ yeꞌej gagwle daꞌ chbiayiꞌ, san cuecyic̱hjle gataꞌ daꞌ goṉ yeḻaꞌ mban c̱hele toḻi tocaṉe. Diosenꞌ gwseḻeꞌ nedaꞌ goljaꞌ beṉac̱h naꞌ nedaꞌ goṉaꞌ to daꞌ yeꞌej gagwle cont gataꞌ yeḻaꞌ mban c̱hele toḻi tocaṉe. Naꞌ X̱aꞌ Diosenꞌ ba bloꞌe nacaꞌ benꞌ ba gwseḻeꞌ.

7
00:01:43,780 --> 00:01:49,220
Naꞌ goseꞌeneꞌ: ―¿Bi cheyaḻaꞌ gontoꞌ, cont yebe Diosenꞌ netoꞌ?

8
00:01:49,220 --> 00:01:58,680
Naꞌ gož Jesúsenꞌ ḻegaqueꞌ: ―Daꞌ nga gonḻe cont yebe Diosenꞌ leꞌe, šejnilažeꞌle nedaꞌ nacaꞌ benꞌ gwseḻenꞌ.

9
00:01:58,680 --> 00:02:08,780
Naꞌ goseꞌe Jesúsenꞌ: ―¿Bi yeḻaꞌ guac gonoꞌ še caꞌ cont leꞌetoꞌ naꞌ šejnilažeꞌtoꞌ leꞌ? ¿Bi gonoꞌ?

10
00:02:08,780 --> 00:02:24,300
Daꞌ x̱ozxtaꞌocho caꞌ gosagüeꞌ yeḻaꞌ guagw daꞌ nziꞌ maná šlac goseniteꞌ latje dašenꞌ, naꞌ nyoj Xtižaꞌ Diosenꞌ c̱hegaquenꞌ, žan: “Yeḻaꞌ guagw daꞌ zaꞌ yabanꞌ beꞌe ḻegaqueꞌ gosagüeꞌ.”

11
00:02:24,300 --> 00:02:51,980
Nach Jesúsenꞌ gožeꞌ ḻegaqueꞌ: ―Chniaꞌ leꞌe to daꞌ zejen, gague daꞌ Moisésenꞌ bnežjueꞌ daꞌ x̱ozxtaꞌocho caꞌ yeḻaꞌ guagonꞌ, san X̱aꞌ Diosenꞌ bnežjuenꞌ ḻegaqueꞌ. Naꞌ bi ṉacho ḻenṉaꞌ zanꞌ yaba ganꞌ zoeꞌnaꞌ, san de to yeḻaꞌ guagw daꞌ ba gwseḻaꞌ Diosenꞌ ṉaꞌa daꞌ zaꞌ yabanꞌ naꞌ betjen yežlionꞌ, naꞌ chnežjon yeḻaꞌ mban c̱he noteꞌteze beṉeꞌ chesagw ḻen.

12
00:02:51,980 --> 00:03:00,120
Nach beṉeꞌ caꞌ goseꞌe ḻeꞌ: ―Beṉeꞌ, beṉšca netoꞌ yeḻaꞌ guagonꞌ žoꞌ caꞌ gagwtonꞌ yogoꞌ ža.

13
00:03:00,120 --> 00:03:19,440
Nach Jesúsenꞌ gožeꞌ ḻegaqueꞌ: ―Nedaꞌ nacaꞌ yeḻaꞌ guagw daꞌ chnežjon beṉeꞌ yeḻaꞌ mban toḻi tocaṉe. Noteꞌteze beṉeꞌ yosozenag c̱hiaꞌ naꞌ yesejnilažeꞌ nedaꞌ, guataꞌ daꞌ chyažje yic̱hjlaždaꞌogaqueꞌ toḻi tocaṉe.

14
00:03:19,440 --> 00:03:25,940
Naꞌ ba gwniczaꞌ leꞌe, ḻaꞌczḻaꞌ ba bleꞌele nedaꞌ bi chejnilažeꞌle nedaꞌ.

15
00:03:25,940 --> 00:03:42,400
Yogoꞌ beṉeꞌ chbej X̱anꞌ cont yesaqueꞌ nedaꞌ txen, chžin ža chesejnilažeꞌ nedaꞌ. Naꞌ noteꞌteze beṉeꞌ chaclažeꞌ šejnilažeꞌ nedaꞌ, bi gwsiaꞌneꞌ caꞌale, san gaclenaꞌneꞌ cont šejnilažeꞌndaꞌ.

16
00:03:42,400 --> 00:03:53,520
Nedaꞌ zaꞌa yaba naꞌ betjaꞌ yežlionꞌ gague cont gonaꞌ daꞌ žan c̱hiaꞌ san cont gonaꞌ canꞌ chaclažeꞌ X̱anꞌ benꞌ gwseḻaꞌ nedaꞌ.

17
00:03:53,520 --> 00:04:10,180
Ḻenꞌ chaclažeꞌ bi guaꞌa latje cuiayiꞌ ṉe toze beṉeꞌ ba gwlejeꞌ cont yesaqueꞌ nedaꞌ txen. Nach cateꞌ žin ža te c̱he yežlionꞌ canaꞌ yosbangacaꞌneꞌ ladjo beṉeꞌ guat še ba gosateꞌ.

18
00:04:10,180 --> 00:04:29,280
X̱anꞌ chaclažeꞌ yogoꞌḻoḻ beṉeꞌ yesejniꞌideꞌ nonꞌ nacaꞌ naꞌ yesejnilažeꞌ nedaꞌ cont gwnežjueꞌ ḻegaqueꞌ yeḻaꞌ mban toḻi tocaṉe, naꞌ nedaꞌ yosbanaꞌ ḻegaqueꞌ ladjo beṉeꞌ guatenꞌ še ba gosateꞌ cateꞌ žin ža te c̱he yežlionꞌ.

19
00:04:29,280 --> 00:04:39,000
Naꞌ zan beṉeꞌ Israel gualaž c̱hetoꞌ ḻegaczeꞌ besežešeꞌ c̱he danꞌ gwna Jesúsenꞌ: “Nedaꞌ nacaꞌ yeḻaꞌ guagw daꞌ zaꞌ yaba.”

20
00:04:39,000 --> 00:04:50,540
Goseneꞌ: ―¿Gague benganꞌ Jesús xiꞌiṉ José? Nombiaꞌcho x̱axṉaꞌ benga. ¿Bi dižanꞌ choꞌe žeꞌ zeꞌe yaba betjeꞌ yežlio?

21
00:04:50,540 --> 00:04:54,720
Nach Jesúsenꞌ gožeꞌ ḻegaqueꞌ: ―Bich žešele c̱hiaꞌ.

22
00:04:54,720 --> 00:05:08,660
Nono gac yesejnilažeꞌ nedaꞌ še X̱anꞌ benꞌ gwseḻeꞌ nedaꞌ bi gacleneꞌ ḻegaqueꞌ yesejnilažeꞌ, naꞌ cateꞌ žin ža te c̱he yežlionꞌ yosbanaꞌ ḻegaqueꞌ še ba gosateꞌ.

23
00:05:08,660 --> 00:05:27,760
Ḻeꞌe ganꞌ bosozoj beṉeꞌ caꞌ goseyix̱jueꞌedeꞌ xtižaꞌ Diosenꞌ caniꞌ žan: “Yogüeꞌ Diosenꞌ gwsed gwloꞌedeꞌ ḻegaqueꞌ.” Naꞌ yogoꞌ no yeseṉeze canꞌ ža X̱anꞌ naꞌ yosozenagueꞌ cont yesoneꞌ canꞌ žeꞌnaꞌ, ḻecz yesejnilažeꞌ nedaꞌ.

24
00:05:27,760 --> 00:05:34,320
’Bi ṉacho zoa beṉeꞌ ba bleꞌedeꞌ X̱anꞌ. Tozaꞌ nedaꞌ ba bleꞌedaꞌneꞌ, ḻe zaꞌa ganꞌ zoenꞌ.

25
00:05:34,320 --> 00:05:42,320
Chniaꞌ leꞌe to daꞌ zejen, beṉeꞌ chesejnilažeꞌ nedaꞌ, de yeḻaꞌ mban c̱hegaqueꞌ toḻi tocaṉe.

26
00:05:42,320 --> 00:05:48,800
Nedaꞌ nacaꞌ yeḻaꞌ guagw daꞌ chnežjon yeḻaꞌ mban toḻi tocaṉe c̱he beṉac̱henꞌ.

27
00:05:48,800 --> 00:05:58,460
Daꞌ x̱ozxtaꞌocho caꞌ gosagüeꞌ yeḻaꞌ guagw daꞌ nziꞌ maná šlac goseniteꞌ latje dašenꞌ, naꞌ biaꞌcze gosat yogüeꞌ.

28
00:05:58,460 --> 00:06:05,800
Nedaꞌ choꞌa dižaꞌ c̱he to yeḻaꞌ guagw daꞌ zaꞌ yabanꞌ naꞌ beṉeꞌ chagw ḻen bi gateꞌ.

29
00:06:05,800 --> 00:06:23,180
Nedaꞌ nacaꞌ yeḻaꞌ guagw danꞌ zaꞌ yabanꞌ danꞌ nsaꞌ yeḻaꞌ mban toḻi tocaṉe. Beṉeꞌ šejnilažeꞌ nedaꞌ, baneꞌ toḻi tocaṉe. Naꞌ yeḻaꞌ guagw daꞌ chnežjuaꞌ cont gataꞌ yeḻaꞌ mban c̱he beṉac̱henꞌ naquen cuerp c̱hiaꞌ.

30
00:06:23,180 --> 00:06:33,260
Nach beṉeꞌ Israel gualaž c̱hetoꞌ caꞌ ḻegaczeꞌ besežešeꞌ, goseṉeꞌ c̱heꞌ: ―¿Nacxe goneꞌ goṉeꞌ cuerp c̱henꞌ gagwchon?

31
00:06:33,260 --> 00:06:47,340
Jesúsenꞌ gožeꞌ ḻegaqueꞌ: ―Chniaꞌ leꞌe to daꞌ zejen, Diosenꞌ gwseḻeꞌ nedaꞌ goljaꞌ beṉac̱h, naꞌ še bi chagwle cuerp c̱hianꞌ naꞌ še bi cheꞌejle xc̱henanꞌ, bi de yeḻaꞌ mban c̱hele toḻi tocaṉe.

32
00:06:47,340 --> 00:07:01,220
Beṉeꞌ chesagw cuerp c̱hianꞌ naꞌ cheseꞌejeꞌ xc̱henanꞌ de yeḻaꞌ mban c̱hegaqueꞌ toḻi tocaṉe, naꞌ še ba gosateꞌ, cateꞌ te c̱he yežlionꞌ yosbanaꞌ ḻegaqueꞌ ladjo beṉeꞌ guat caꞌ.

33
00:07:01,220 --> 00:07:08,580
Ḻe cuerp c̱hianꞌ naquen dogualje yeḻaꞌ guagw, naꞌ xc̱henanꞌ naquen dogualje daꞌ yeꞌejle.

34
00:07:08,580 --> 00:07:21,460
Beṉeꞌ caꞌ chesagw cuerp c̱hiaꞌ naꞌ cheseꞌejeꞌ xc̱henanꞌ de yeḻaꞌ mban c̱hegaqueꞌ toḻi tocaṉe, naꞌ zjanaqueꞌ txen len nedaꞌ naꞌ nedaꞌ nacaꞌ txen len ḻegaqueꞌ.

35
00:07:21,460 --> 00:07:36,440
X̱aꞌ Diosenꞌ gwseḻeꞌ nedaꞌ naꞌ de yeḻaꞌ mban c̱hiaꞌ daꞌ nacaꞌ toze len ḻeꞌ. Naꞌ caꞌcze gac len beṉeꞌ yesagw cuerp c̱hianꞌ, yeseniteꞌ toḻi tocaṉe danꞌ zjanaqueꞌ txen len nedaꞌ.

36
00:07:36,440 --> 00:07:54,080
Cuerp c̱hianꞌ naquen yeḻaꞌ guagw daꞌ zaꞌ yaba. Naꞌ ḻen bi naquen ca daꞌ gosagw daꞌ x̱ozxtaꞌocho caꞌ latje dašenꞌ, ḻe beṉeꞌ gosagw ḻen biaꞌcze gosateꞌ. Naꞌ beṉeꞌ chesagw yeḻaꞌ guagw danꞌ žiaꞌ caꞌ, yeseniteꞌ toḻi tocaṉe.

37
00:07:54,080 --> 00:08:02,020
Jesúsenꞌ bsed bloꞌedeꞌ daꞌ caꞌ ḻoꞌ yodaoꞌ c̱he beṉeꞌ Israel gualaž c̱hetoꞌ caꞌ daꞌ zoa Capernaum.

38
00:08:02,020 --> 00:08:14,400
Naꞌ zan beṉeꞌ caꞌ zjanaoꞌ Jesúsenꞌ, cateꞌ gosendeꞌ daꞌnaꞌ chzejniꞌideꞌ ḻegaqueꞌ, goseneꞌ: ―Zdebechgua naquen goncho danꞌ chzejniꞌidenꞌ. ¿Noxenꞌ gac gon canꞌ ženꞌ?

39
00:08:14,400 --> 00:08:23,460
Gocbeꞌe Jesúsenꞌ cheseṉieꞌ c̱heꞌ danꞌ bzejniꞌideꞌ ḻegaqueꞌ daꞌ caꞌ, naꞌ gozneꞌ: ―¿Bi chazlažeꞌle canꞌ ba gwnianꞌ?

40
00:08:23,460 --> 00:08:32,080
¿Nacxe ṉale cateꞌ leꞌele nedaꞌ yeyepaꞌ ganꞌ gwzoaꞌ canaꞌ? nedaꞌ nacaꞌ benꞌ gwseḻaꞌ Diosenꞌ goljaꞌ beṉac̱h.

41
00:08:32,080 --> 00:08:48,540
Spiritw c̱hianꞌ chnežjon beṉac̱henꞌ yeḻaꞌ mban, naꞌ cuerp c̱hianꞌ bi gac gonen caꞌ. Dižaꞌ danꞌ bac̱h biaꞌ len leꞌe zjazacanꞌ len yic̱hjlaždaꞌolenꞌ cont banḻe toḻi tocaṉe še šejḻeꞌle c̱hen.

42
00:08:48,540 --> 00:09:05,540
Perw ṉeꞌ nitaꞌ baḻle bi chejḻeꞌle. Jesúsenꞌ gwneꞌ caꞌ ḻe gocbeꞌedeꞌ cateꞌ gosezolao beṉeꞌ caꞌ gosedaleneꞌ ḻeꞌ noeꞌ bi chesejḻeꞌe c̱heꞌ naꞌ noeꞌ gwdieꞌneꞌ ḻo naꞌ beṉeꞌ caꞌ chesegueꞌedeꞌ ḻeꞌ.

43
00:09:05,540 --> 00:09:15,980
Naꞌ goznaꞌ Jesúsenꞌ: ―Chac canꞌ ba gwnianꞌ, nono gac šejnilažeꞌ nedaꞌ še bi gaclen X̱aꞌ Diosenꞌ ḻeꞌ cont šejnilažeꞌndaꞌ.

44
00:09:15,980 --> 00:09:25,900
Beyož bzejniꞌi Jesúsenꞌ ḻegaqueꞌ daꞌ caꞌ, zan beṉeꞌ caꞌ ba chosozenag xtiženꞌ gosebejyic̱hjeꞌ bich bosozenaguenꞌ.

45
00:09:25,900 --> 00:09:34,740
Nach Jesúsenꞌ gožeꞌ šižiṉw beṉeꞌ caꞌ gwlejeꞌ cont gosaqueꞌ ḻeꞌ txen: ―¿Len leꞌe chaclažeꞌle yeyejle?

46
00:09:34,740 --> 00:09:46,620
Naꞌ gož Simón Pedronꞌ ḻeꞌ: ―X̱antoꞌ, noch no zacaꞌ gwzenagtoꞌ xtiženꞌ. Tozoꞌ leꞌ choꞌo dižaꞌ daꞌ chnežjon yeḻaꞌ mban c̱he beṉeꞌ chzenagueꞌ c̱hen.

47
00:09:46,620 --> 00:09:58,960
Netoꞌ chejnilažeꞌtoꞌ leꞌ naꞌ ṉezetoꞌ nacoꞌ Cristo benꞌ gwlej Diosenꞌ cont ṉabiꞌo, naꞌ nacoꞌ dogualje Xiꞌiṉ Dios, Dios benꞌ zoa toḻi tocaṉe.

48
00:09:58,960 --> 00:10:09,320
Naꞌ Jesúsenꞌ gožeꞌ ḻegaqueꞌ: ―Ba gwlejaꞌ leꞌe šižiṉwle cont zoale len nedaꞌ naꞌ ṉezdaꞌ tole chzenagle c̱he gwxiyenꞌ.

49
00:10:09,320 --> 00:10:25,940
Gwneꞌ caꞌ c̱he Judas Iscariote benꞌ naqueꞌ xiꞌiṉ to beṉeꞌ leꞌ Simón, ḻe gwṉezdeꞌ Judasenꞌ ba naquen gwdieꞌ ḻeꞌ ḻo naꞌ beṉeꞌ caꞌ chesegueꞌe ḻeꞌ, naꞌ Judasenꞌ naqueꞌ to beṉeꞌ šižiṉw caꞌ.