1
00:00:05,000 --> 00:00:21,960
Gwde naꞌ Jesúsenꞌ gwdaczeꞌ bsed bloꞌedeꞌ benꞌ žeꞌ distritw Galileanꞌ. Bich goclažeꞌ šejcheꞌ Judeanꞌ, ḻe beṉeꞌ gwnabiaꞌ c̱he nación Israel c̱hetonꞌ žeꞌ naꞌ cheseyiljueꞌ nacle yesoneꞌ yesoteꞌneꞌ.

2
00:00:21,960 --> 00:00:29,180
Naꞌ ba zoa gaḻaꞌ ḻṉi c̱he netoꞌ beṉeꞌ Israel daꞌ nziꞌ Ḻṉi c̱he Ranšw Yix.

3
00:00:29,180 --> 00:00:41,440
Naꞌ beṉeꞌ bišeꞌ Jesúsenꞌ goseꞌeneꞌ: ―Bitw yegaꞌaṉoꞌ nga. San gwyej Judeanꞌ cont beṉeꞌ caꞌ chosozenag c̱hioꞌ yeseleꞌedeꞌ yeḻaꞌ guac danꞌ chononꞌ.

4
00:00:41,440 --> 00:00:58,020
Noteꞌteze beṉeꞌ še chaclažeꞌ yesacbeꞌe beṉeꞌ naqueꞌ to beṉeꞌ zacaꞌ, bi goneꞌ yeḻaꞌ guac bagašeꞌze. Še daꞌ ḻi chonoꞌ yeḻaꞌ guac, ben cont yeseleꞌe yogoꞌḻoḻ beṉeꞌ canꞌ chononꞌ.

5
00:00:58,020 --> 00:01:04,700
Beṉeꞌ bišeꞌ Jesúsenꞌ goseꞌeneꞌ caꞌ, ḻe ṉe ḻegaqueꞌ bi gosejnilažeꞌneꞌ.

6
00:01:04,700 --> 00:01:12,800
Nach gož Jesúsenꞌ ḻegaqueꞌ: ―Biṉaꞌ žin ža šaꞌa, san leꞌe guac šjaꞌacle bateꞌteze.

7
00:01:12,800 --> 00:01:24,180
Beṉeꞌ caꞌ bi zjanombiꞌe Diosenꞌ bi gac yesegueꞌedeꞌ leꞌe, san chesegueꞌedeꞌ nedaꞌ, ḻe chzejniꞌidaꞌneꞌ chesoneꞌ daꞌ xiṉj.

8
00:01:24,180 --> 00:01:29,780
Ḻe šjaꞌac ḻṉinꞌ. Nedaꞌ bi saꞌa ṉaꞌa, ḻe biṉaꞌ žin ža c̱hiaꞌ.

9
00:01:29,780 --> 00:01:35,060
Beyož gožeꞌ ḻegaqueꞌ caꞌ begaꞌaṉeꞌ Galileanꞌ yeto c̱hop ža.

10
00:01:35,060 --> 00:01:49,880
Nach gwde gosaꞌac beṉeꞌ bišeꞌ caꞌ zjaꞌaqueꞌ ḻṉinꞌ gwzaꞌ Jesúsenꞌ len beṉeꞌ caꞌ zjanaqueꞌ ḻeꞌ txen zjaꞌaqueꞌ ḻṉinꞌ, perw bi jaꞌaqueꞌ canꞌ nḻaꞌze san bagašeꞌze.

11
00:01:49,880 --> 00:01:59,080
Naꞌ beṉeꞌ gwnabiaꞌ c̱he nación Israel c̱hetonꞌ žeꞌ Jerusalénṉaꞌ besyeyiljueꞌ ḻeꞌ ḻo ḻṉinꞌ, cheseneꞌ: ―¿Gaṉxe benaꞌ?

12
00:01:59,080 --> 00:02:16,380
Naꞌ beṉeꞌ caꞌ zjandop zjanžag ḻo ḻṉinꞌ šižize gosoꞌe dižaꞌ c̱he Jesúsenꞌ, naꞌ gague toze ca goseneꞌ. Baḻeꞌ goseneꞌ: “Naqueꞌ beṉeꞌ güen”, naꞌ baḻeꞌ goseneꞌ: “Bi naqueꞌ, chonḻedeꞌ beṉeꞌ.”

13
00:02:16,380 --> 00:02:29,280
Naꞌ gosoꞌe dižaꞌ šižize c̱he Jesúsenꞌ, ḻe yogoꞌze beṉeꞌ chesežebeꞌ bi yesone beṉeꞌ gwnabiaꞌ caꞌ ḻegaqueꞌ še yesacbeꞌedeꞌ chesoꞌe dižaꞌ güen c̱he Jesúsenꞌ.

14
00:02:29,280 --> 00:02:39,680
Naꞌ do gašje zej ḻṉinꞌ cateꞌ gwyej Jesúsenꞌ ganꞌ zoa yodaoꞌ blao c̱he netoꞌ beṉeꞌ Israel naꞌ gwzolao chsed chloꞌedeꞌ.

15
00:02:39,680 --> 00:02:48,580
Naꞌ besyebane beṉeꞌ gwnabiaꞌ caꞌ, goseneꞌ: ―¿Nacxec̱henꞌ daꞌ zan ṉeze benga? ḻe gague bi nsedenꞌ.

16
00:02:48,580 --> 00:02:58,380
Naꞌ Jesúsenꞌ gožeꞌ ḻegaqueꞌ: ―Danꞌ chsed chloꞌedanꞌ bi naquen xbab c̱heczaꞌ, san naquen xbab c̱he beṉeꞌ gwseḻaꞌ nedaꞌ.

17
00:02:58,380 --> 00:03:13,460
Noteꞌtez beṉeꞌ chesaclažeꞌ yesoneꞌ canꞌ chazlažeꞌ Dios benꞌ gwseḻaꞌ nedanꞌ, guacbeꞌedeꞌ še danꞌ chsed chloꞌedanꞌ zanꞌ c̱he Dios o še naquen daꞌ chaljlažeꞌzaꞌ.

18
00:03:13,460 --> 00:03:31,640
Cateꞌ to beṉeꞌ chsed chloꞌedeꞌ xbab c̱heczeꞌ, cheyiljueꞌ nacle goneꞌ cont gacxeneꞌ. San cateꞌ to beṉeꞌ chaclažeꞌ gacxen beṉeꞌ gwseḻaꞌ ḻeꞌ, ṉezecho xtiženꞌ naquen daꞌ ḻi naꞌ bi chziyeꞌe.

19
00:03:31,640 --> 00:03:44,440
’Daꞌ Moisésenꞌ beṉeꞌ leꞌe ley danꞌ nsedlenꞌ perw ṉe tole bi chonḻe canꞌ žanṉaꞌ. ¿Bixc̱henꞌ cheyiljwle nacle gonḻe gotlendaꞌ?

20
00:03:44,440 --> 00:03:53,460
Beṉeꞌ caꞌ žeꞌnaꞌ goseꞌeneꞌ: ―Yoꞌo daꞌ x̱igüenꞌ, nanꞌ choḻ chṉenošoꞌ. ¿No chaclažeꞌ got leꞌ?

21
00:03:53,460 --> 00:04:06,640
Jesúsenꞌ gožeꞌ ḻegaqueꞌ: ―Toz yeḻaꞌ guac daꞌ benaꞌ ža c̱he Dios cateꞌ bi de ḻsens gon chioꞌ beṉeꞌ Israel žin, naꞌ yogoꞌle chebanele.

22
00:04:06,640 --> 00:04:25,880
Daꞌ Moisésenꞌ beneꞌ mandadw soacho señw danꞌ žeꞌ circuncisión (ḻaꞌczḻaꞌ bi gwzolao señonꞌ len ḻeꞌ san len daꞌ x̱ozxtaꞌocho caꞌ beṉeꞌ gwnitaꞌ caniꞌte), naꞌ daꞌnanꞌ chzoale biꞌ byo daoꞌ caꞌ señwnaꞌ ža c̱he Dios.

23
00:04:25,880 --> 00:04:45,900
Canꞌ naquen, ḻaꞌczḻaꞌ še naquen ža c̱he Dios, chzoale no biꞌ byo daoꞌ señw cateꞌ chaquebeꞌ x̱onoꞌ ža cont chonḻe canꞌ ža ley danꞌ bzoj Moisésenꞌ, naꞌ ¿bixc̱henꞌ chžaꞌale nedaꞌ danꞌ ba beyonaꞌ to beṉeꞌ güeꞌ ža c̱he Diosenꞌ?

24
00:04:45,900 --> 00:05:05,600
Bi cheyaḻaꞌ yosbagaꞌle beṉeꞌ c̱he daꞌ chleꞌele choneꞌ, ḻe bi ṉezele še chazlažeꞌ Diosenꞌ canꞌ choneꞌ, san ḻe ṉabyaṉeꞌ cont ṉezele bi ža Diosenꞌ, nachenꞌ gacbeꞌele nonꞌ cheyaḻaꞌ yosbagaꞌle.