1
00:00:05,000 --> 00:00:13,060
Nach to c̱hope beṉeꞌ Jerusalén caꞌ goseneꞌ: ―¿Gague benga benꞌ chesyeyiljueꞌ cont yesoteꞌneꞌ?

2
00:00:13,060 --> 00:00:24,540
Ḻe ṉaꞌ canꞌ choꞌe dižanꞌ lao yogoꞌ beṉeꞌ naꞌ bibi cheseꞌe ḻeꞌ. ¿Gague ba cheson beṉeꞌ gwnabiaꞌ c̱hecho xbab ḻe naqueꞌ Cristo benꞌ chbezcho yedeṉabiaꞌ?

3
00:00:24,540 --> 00:00:33,340
Perw ṉezecho ga beṉeꞌ benga, naꞌ cateꞌ yid Cristonꞌ nono yeseṉeze ga beṉeꞌ ḻeꞌ.

4
00:00:33,340 --> 00:00:56,020
Jesúsenꞌ chsed chloꞌedeꞌ chalšil c̱he yodaoꞌ blao cateꞌ goseneꞌ caꞌ. Nach gwṉeꞌ zižje gožeꞌ ḻegaqueꞌ: ―Chaquele nombiaꞌle nedaꞌ naꞌ chaquele ṉezele ga beṉeꞌ nedaꞌ. Perw gague con zaꞌa to gualazaꞌ. Daꞌ ḻi zoa beṉeꞌ gwseḻeꞌ nedaꞌ, naꞌ leꞌe bi nombiaꞌlneꞌ.

5
00:00:56,020 --> 00:01:01,280
Nedaꞌ nombiꞌaneꞌ, ḻe zaꞌa ganꞌ zoenꞌ naꞌ ḻeꞌ gwseḻeꞌ nedaꞌ.

6
00:01:01,280 --> 00:01:12,900
Naꞌ daꞌ gwneꞌ caꞌ baḻ beṉeꞌ gosaclažeꞌchgüeꞌ yesezeneꞌ ḻeꞌ, perw nono gwzen ḻeꞌ daꞌ biṉaꞌ žin ža gaqueꞌ ḻo naꞌgaquenꞌ.

7
00:01:12,900 --> 00:01:25,640
Naꞌ beṉeꞌ zan gosejḻeꞌe Jesúsenꞌ naqueꞌ beṉeꞌ gwseḻaꞌ Dios, naꞌ goseneꞌ: ―Cateꞌ yid Cristonꞌ ¿goncheꞌ yeḻaꞌ guac daꞌ zacaꞌch ca daꞌ chon benga?

8
00:01:25,640 --> 00:01:44,400
Beṉeꞌ fariseo caꞌ gosendeꞌ dižaꞌ chesoꞌe beṉeꞌ caꞌ c̱he Jesúsenꞌ. Daꞌnanꞌ bosoxiꞌe len beṉeꞌ caꞌ zjanac bx̱oz gwnabiaꞌ c̱he nación Israel c̱hetonꞌ naꞌ goseseḻeꞌ beṉeꞌ chesapeꞌ yodaoꞌ blaonꞌ cont šjasexeneꞌ Jesúsenꞌ.

9
00:01:44,400 --> 00:01:54,740
Nach  Jesúsenꞌ bsed bloꞌechdeꞌ beṉeꞌ caꞌ žeꞌnaꞌ, gwneꞌ: ―Soachaꞌ yeto tiemp daoꞌ len leꞌe nach yeyaꞌa ganꞌ zoa benꞌ gwseḻaꞌ nedaꞌ.

10
00:01:54,740 --> 00:02:01,240
Naꞌ yeyiljwle nedaꞌ naꞌ bi yeželele nedaꞌ, ḻe ganꞌ soanꞌ bi gac yidle.

11
00:02:01,240 --> 00:02:17,760
Nach beṉeꞌ gwnabiaꞌ c̱he nación Israel c̱hetonꞌ goseꞌ ḻježeꞌ: ―¿Ganꞌ chacdeꞌ yeyejeꞌ ga bi yeželechoneꞌ? ¿Yeyejeꞌ ganꞌ zjanasḻas beṉeꞌ gualaž c̱hecho ladjo beṉeꞌ griego caꞌ naꞌ gwsed gwloꞌedeꞌ ḻegaqueꞌ?

12
00:02:17,760 --> 00:02:27,460
¿Bi zejen danꞌ gwnenꞌ: “Yeyiljwle nedaꞌ naꞌ bi yeželele nedaꞌ naꞌ ganꞌ soanꞌ bi gac yidle”?

13
00:02:27,460 --> 00:03:03,100
Ža cateꞌ zelao chesoneꞌ ḻṉinꞌ naquen ža xench, naꞌ Jesúsenꞌ zecheꞌ chsed chloꞌedeꞌ naꞌ gwṉeꞌ zižje, gwneꞌ: ―Noteꞌtezle še ḻoꞌ yic̱hjlaždaꞌolenꞌ nacle ca beṉeꞌ chbiḻlažeꞌ, cheyaḻaꞌ šejnilažeꞌle nedaꞌ naꞌ goṉaꞌ leꞌe yeḻaꞌ mban toḻi tocaṉe, naꞌ ḻenṉaꞌ gaquen ḻoꞌ yic̱hjlaždaꞌolenꞌ ca to nis daꞌ gwbat cheyoꞌojen cont bich gacle ca to beṉeꞌ chbiḻlažeꞌ.

14
00:03:03,100 --> 00:03:21,860
Leꞌe chejnilažeꞌle nedaꞌ, gac c̱hele canꞌ ža Xtižaꞌ Diosenꞌ daꞌ nyojen, to daꞌ güen juisyw gac ḻoꞌ yic̱hjlaždaꞌolenꞌ cont gacle ca to yežlio ga chaldi nis, ganꞌ de zan yegw daꞌ cheseyilen ḻen.

15
00:03:21,860 --> 00:03:48,100
Naꞌ danꞌ gwna Jesúsenꞌ caꞌ beꞌe dižaꞌ c̱he Spiritw c̱he Diosenꞌ daꞌ yedesoan ḻoꞌ yic̱hjlaždaoꞌ noteꞌtezcho chejnilažeꞌchoneꞌ. Naꞌ catenꞌ gwneꞌ caꞌ Spiritonꞌ biṉaꞌ yedesoan ḻoꞌ yic̱hjlaždaoꞌ beṉeꞌ, ḻe biṉaꞌ gac yogoꞌ daꞌ cheyaḻaꞌ gac cont gacbiaꞌ Jesúsenꞌ naqueꞌ beṉeꞌ zacaꞌ juisyw.

16
00:03:48,100 --> 00:04:00,060
Beṉeꞌ caꞌ chosozenag xtižaꞌ Jesúsenꞌ baḻeꞌ goseneꞌ: ―Daꞌ ḻi benga naqueꞌ benꞌ choeꞌ xtižaꞌ Diosenꞌ benꞌ naquen yideꞌ.

17
00:04:00,060 --> 00:04:13,800
Naꞌ yebaḻeꞌ goseneꞌ: ―Benga Cristonꞌ benꞌ naquen yedeṉabiaꞌ. Perw yebaḻeꞌ goseneꞌ: ―¿Bixe ṉacho beṉeꞌ Galilea ba gwlej Diosenꞌ cont yedeṉabiꞌe chioꞌ?

18
00:04:13,800 --> 00:04:25,880
Xtižaꞌ Diosenꞌ daꞌ nyojen žan Cristonꞌ benꞌ yedeṉabiꞌe chojeꞌ ḻo diaža c̱he daꞌ rey David naꞌ gaqueꞌ beṉeꞌ Belén ganꞌ nac laž daꞌ David.

19
00:04:25,880 --> 00:04:30,940
Canꞌ goc beṉeꞌ caꞌ gosaqueꞌ c̱hople ṉec̱he Jesúsenꞌ.

20
00:04:30,940 --> 00:04:36,360
Naꞌ baḻeꞌ gosaclažeꞌ yesezeneꞌneꞌ, perw nono gwzen ḻeꞌ.

21
00:04:36,360 --> 00:04:55,560
Naꞌ beṉeꞌ chesapeꞌ yodaoꞌ blaonꞌ jayaꞌaqueꞌ ganꞌ nitaꞌ bx̱oz gwnabiaꞌ caꞌ len beṉeꞌ fariseo caꞌ, ḻe beṉeꞌ canꞌ goseseḻeꞌ ḻegaqueꞌ cont yesezeneꞌ Jesúsenꞌ. Naꞌ beṉeꞌ caꞌ goseꞌe ḻegaqueꞌ: ―¿Bixc̱henꞌ bi nc̱heꞌelneꞌ?

22
00:04:55,560 --> 00:05:03,500
Naꞌ beṉeꞌ chesapeꞌ yodaoꞌ blaonꞌ goseꞌeneꞌ: ―Biṉaꞌ yenetoꞌ beṉeꞌ choꞌe dižaꞌ güen ca danꞌ choeꞌ benaꞌ.

23
00:05:03,500 --> 00:05:08,700
Nach beṉeꞌ fariseonꞌ goseꞌe ḻegaqueꞌ: ―¿Lente leꞌe ba gwxiyeꞌe?

24
00:05:08,700 --> 00:05:20,540
Ṉe toz netoꞌ nactoꞌ beṉeꞌ fariseo biṉaꞌ šejḻeꞌtoꞌ xtiženꞌ naꞌ ṉeca beṉeꞌ gwnabiaꞌ c̱hechonꞌ, ṉe tozeꞌ biṉaꞌ šejḻeꞌe xtiženꞌ.

25
00:05:20,540 --> 00:05:31,700
Perw beṉeꞌ quinga žeꞌ nga bi zjanombiꞌe ley danꞌ bzoj daꞌ Moisésenꞌ naꞌ ba zjambiayeꞌe, daꞌnanꞌ chesejḻeꞌe xtiženꞌ.

26
00:05:31,700 --> 00:05:41,880
Naꞌ Nicodemo benꞌ gwyej lao Ješusenꞌ šežeꞌle naqueꞌ txen len beṉeꞌ gwnabiaꞌ caꞌ. Naꞌ Nicodemonꞌ gožeꞌ ḻegaqueꞌ:

27
00:05:41,880 --> 00:05:55,440
―Ley c̱hechonꞌ bi choenꞌ latje c̱hoglaocho c̱he to beṉeꞌ ba ben daꞌ mal še biṉaꞌ güeꞌe dižaꞌ naquenꞌ goc naꞌ še biṉaꞌ ṉezecho bi danꞌ beneꞌ.

28
00:05:55,440 --> 00:06:11,480
Nach yezicaꞌchle beṉeꞌ gwnabiaꞌ caꞌ goseꞌe ḻeꞌ: ―¿Lenoꞌ leꞌ ba beyacoꞌ beṉeꞌ Galilea? Bsed Xtižaꞌ Diosenꞌ daꞌ nyojen naꞌ ṉezdoꞌ ṉe to beṉeꞌ choeꞌ xtižaꞌ Diosenꞌ ca ṉaꞌ chojeꞌ Galileanꞌ.

29
00:06:11,480 --> 00:06:15,080
Nach besyeyaꞌac to toeꞌ jayaꞌac ližgaqueꞌ.