1
00:00:05,000 --> 00:00:33,440
Jesúsenꞌ gozoꞌe dižaꞌ daꞌ yoble chzejniꞌideꞌ beṉeꞌ caꞌ žeꞌ naꞌ, gwneꞌ: ―Nedaꞌ nsaꞌa beꞌniꞌ c̱he yic̱hjlaždaoꞌ beṉac̱henꞌ. Beṉeꞌ zjanaqueꞌ nedaꞌ txen bich zjanaqueꞌ ca beṉeꞌ yic̱hjlaždaoꞌ lc̱hoḻ beṉeꞌ cheson daꞌ xiṉj, san ḻoꞌ yic̱hjlaždaꞌogaqueꞌ naquen ca to daꞌ yoꞌo beꞌniꞌ. Daꞌnanꞌ ba de yeḻaꞌ mban c̱hegaqueꞌ toḻi tocaṉe.

2
00:00:33,440 --> 00:00:43,280
Nach beṉeꞌ fariseo caꞌ goseꞌe Jesúsenꞌ: ―Choꞌo dižaꞌ c̱he cuinoꞌ nacoꞌ beṉeꞌ zacaꞌ, naꞌ daꞌnanꞌ bi naquen to daꞌ yesejḻeꞌ beṉeꞌ.

3
00:00:43,280 --> 00:00:58,200
Naꞌ gož Jesúsenꞌ ḻegaqueꞌ: ―Ḻaꞌczḻaꞌ choꞌa dižaꞌ c̱he cuinaꞌ, xtižanꞌ naquen daꞌ ḻi. Nedaꞌ ṉezdaꞌ ganꞌ gwzaꞌa naꞌ ganꞌ yeyaꞌa, perw leꞌe bi ṉezele ganꞌ zaꞌa naꞌ ganꞌ yeyaꞌa.

4
00:00:58,200 --> 00:01:06,620
Ḻeꞌe chosbagaꞌle nedaꞌ con canꞌ chon beṉac̱henꞌ xbab, san nedaꞌ nono chosbagaꞌ bi daꞌ yosbagaꞌ.

5
00:01:06,620 --> 00:01:18,440
Perw naꞌ šacaꞌ bi daꞌ yosbagaꞌ beṉeꞌ, gonanꞌ ca cheyaḻaꞌ, ḻe bibi de daꞌ chonaꞌ to gualazaꞌ, san chonaꞌ danꞌ ža X̱anꞌ benꞌ gwseḻaꞌ nedaꞌ.

6
00:01:18,440 --> 00:01:26,540
Ley c̱hechonꞌ danꞌ chsedlenꞌ žan cheyaḻaꞌ šejḻeꞌcho cateꞌ chediḻ dižaꞌ daꞌ chesoeꞌ c̱hope testigw.

7
00:01:26,540 --> 00:01:36,260
Naꞌ nac c̱hoptoꞌ choeꞌtoꞌ xtižaꞌ: nedaꞌ choꞌa dižaꞌ c̱he cuinaꞌ naꞌ X̱anꞌ benꞌ gwseḻaꞌ nedaꞌ ḻecze choꞌe dižaꞌ c̱hiaꞌ.

8
00:01:36,260 --> 00:01:48,500
Naꞌ goseꞌeneꞌ: ―¿Gaxe zoa x̱aonꞌ? Naꞌ gwna Jesúsenꞌ: ―Ṉe nedaꞌ ṉe X̱anꞌ bi nombiaꞌle. Šacaꞌ nombiaꞌle nedaꞌ ḻecze nombiaꞌle X̱anꞌ.

9
00:01:48,500 --> 00:02:04,620
Dižaꞌ caꞌ bsed bloꞌe Jesúsenꞌ cateꞌ zeꞌ gaḻaꞌze ganꞌ chesegüeꞌe mechw ḻoꞌ yodaoꞌ blao c̱he netoꞌ beṉeꞌ Israel. Naꞌ nono gwzen ḻeꞌ, ḻe biṉaꞌ žin ža gaqueꞌ ḻo naꞌ beṉeꞌ chesegueꞌedeꞌ ḻeꞌ.

10
00:02:04,620 --> 00:02:18,580
Nach Jesúsenꞌ gožeꞌ ḻegaqueꞌ: ―Nedaꞌ yeyaꞌa, naꞌ yeyiljwle nedaꞌ perw bi gac yeyejle ganꞌ yeyaꞌan, ḻe biṉaꞌ yetiṉjele xtoḻaꞌlenꞌ cateꞌ žin ža gatle.

11
00:02:18,580 --> 00:02:28,400
Naꞌ daꞌ gwneꞌ caꞌ beṉeꞌ gwnabiaꞌ c̱he nación Israel c̱hetonꞌ goseneꞌ: ―¿Yeyot cuinenꞌ žeꞌ ganꞌ yeyejenꞌ bi gac šejcho?

12
00:02:28,400 --> 00:02:43,280
Nach Jesúsenꞌ gožeꞌ ḻegaqueꞌ: ―Leꞌe nacle beṉeꞌ c̱he yežlio nga naꞌ chzenagle c̱he danꞌ chnabiaꞌ yežlionꞌ, san nedaꞌ zaꞌa yaba naꞌ bi chzenagaꞌ c̱he danꞌ chnabiaꞌ yežlionꞌ.

13
00:02:43,280 --> 00:02:56,880
Daꞌnanꞌ gwniaꞌ biṉaꞌ yetiṉjele xtoḻaꞌlenꞌ cateꞌ žin ža gatle. Ḻe še bi šejḻeꞌle nedaꞌ nacaꞌ doxen canꞌ gwnianꞌ, gatle biṉaꞌ yetiṉjele xtoḻaꞌlenꞌ.

14
00:02:56,880 --> 00:03:04,960
Nach goseꞌe Jesúsenꞌ: ―¿Nox nacoꞌ leꞌ? Naꞌ gož Jesúsenꞌ ḻegaqueꞌ: ―Zan ṉiꞌa ba gwniaꞌ leꞌe nonꞌ nacaꞌ.

15
00:03:04,960 --> 00:03:20,780
Ṉeꞌ dech daꞌ zan daꞌ ṉiaꞌ cont gwzejniꞌidaꞌ leꞌe naple doḻaꞌ. Perw beṉeꞌ gwseḻaꞌ nedaꞌ ṉezdeꞌ yogoꞌḻoḻ naꞌ choꞌe dižaꞌ ḻi, naꞌ nedaꞌ choeꞌlenaꞌ beṉac̱henꞌ dižaꞌ daꞌ ba bendaꞌ gwneꞌ.

16
00:03:20,780 --> 00:03:27,060
Beṉeꞌ gwnabiaꞌ caꞌ bi gosejniꞌideꞌ choeꞌleneꞌ ḻegaqueꞌ dižaꞌ c̱he X̱eꞌ Diosenꞌ.

17
00:03:27,060 --> 00:03:49,240
Nach Jesúsenꞌ gožeꞌ ḻegaqueꞌ: ―Cateꞌ ba gwde gwḻisle nedaꞌ to ḻeꞌe yag, nedaꞌ nacaꞌ beṉeꞌ gwseḻaꞌ Diosenꞌ goljaꞌ beṉac̱h, canaꞌch gacbeꞌele ḻe nacaꞌ benꞌ ba gwniaꞌ leꞌe, naꞌ gacbeꞌele bibi chonaꞌ to gualazaꞌ, san con daꞌ bzejniꞌi X̱anꞌ nedaꞌ, ḻenṉaꞌ žiaꞌ.

18
00:03:49,240 --> 00:03:58,660
X̱anꞌ benꞌ gwseḻeꞌ nedaꞌ zoaczeꞌ len nedaꞌ. Naꞌ bi chbejyic̱hjeꞌndaꞌ, ḻe bateꞌteze chonaꞌ daꞌ chazlažeꞌ.

19
00:03:58,660 --> 00:04:06,080
Naꞌ šlac Jesúsenꞌ choeꞌleneꞌ beṉeꞌ caꞌ dižanꞌ nach beṉeꞌ zan gosezolao chesejnilažeꞌ ḻeꞌ.