1
00:00:05,000 --> 00:00:18,760
Nach Jesúsenꞌ gožeꞌ beṉeꞌ gualaž c̱hetoꞌ caꞌ bac̱h gosezolagüeꞌ chesejnilažeꞌneꞌ: ―Še soaczle gonḻe canꞌ ba gwnianꞌ, gwloꞌen daꞌ ḻi nacle txen len nedaꞌ.

2
00:00:18,760 --> 00:00:30,560
Naꞌ še soaczle gonḻe canꞌ ba gwnianꞌ, nachenꞌ šejniꞌile dižaꞌ ḻi c̱hianꞌ naꞌ gaclenen leꞌe cont yechojle ḻo naꞌ daꞌ chnabiaꞌ leꞌe.

3
00:00:30,560 --> 00:00:44,700
Baḻ beṉeꞌ caꞌ goseꞌe Jesúsenꞌ: ―Netoꞌ nactoꞌ diaža c̱he daꞌ Abrahanṉaꞌ naꞌ nono ṉaꞌ soa beṉeꞌ ṉabiaꞌ netoꞌ. ¿Bixc̱henꞌ žoꞌ yechojtoꞌ ḻo naꞌ daꞌ chnabiaꞌ netoꞌ?

4
00:00:44,700 --> 00:00:54,620
Naꞌ gož Jesúsenꞌ ḻegaqueꞌ: ―Chniaꞌ leꞌe to daꞌ zejen, yogoꞌ beṉeꞌ cheson daꞌ xiṉj zjanaqueꞌ ḻo naꞌ daꞌ mal daꞌ chnabianꞌ ḻegaqueꞌ.

5
00:00:54,620 --> 00:01:11,060
Beṉeꞌ zoa liž x̱an xšineꞌ bi naqueꞌ xiꞌiṉ benꞌ ganꞌ choneꞌ žinṉaꞌ, san šlož güejze zoeꞌ txen len ḻegaqueꞌ len bi daꞌ chesoneꞌ. San beṉeꞌ goljeꞌ txen len ḻeꞌ, bateꞌteze zoeꞌ len ḻegaqueꞌ.

6
00:01:11,060 --> 00:01:23,020
Nedaꞌ nacaꞌ dogualje Xiꞌiṉ Dios naꞌ guac gonaꞌ cont daꞌ malenꞌ bich ṉabiꞌan yic̱hjlaždaꞌolenꞌ naꞌ yechojle ḻo neꞌen naꞌ bich gaquen ca x̱anḻe.

7
00:01:23,020 --> 00:01:36,400
Ṉezdaꞌ nacle diaža c̱he daꞌ Abrahanṉaꞌ, perw biaꞌcze cheyiljwlažeꞌle nac gonḻe cont gotle nedaꞌ. Naꞌ chonḻe caꞌ daꞌ bi chzenagle xtižanꞌ.

8
00:01:36,400 --> 00:01:45,000
Nedaꞌ choꞌa dižaꞌ c̱he daꞌ caꞌ ba bleꞌedaꞌ cateꞌ zoaꞌ cuit X̱anꞌ, naꞌ leꞌe ḻecze chonḻe daꞌ ba benele gwna x̱alenꞌ.

9
00:01:45,000 --> 00:02:00,700
Nach beṉeꞌ caꞌ goseꞌe Jesúsenꞌ: ―¿Bixc̱henꞌ žoꞌ caꞌ? Netoꞌ nactoꞌ diaža c̱he daꞌ Abraham. Naꞌ gož Jesúsenꞌ ḻegaqueꞌ: ―Šacaꞌ nacle dogualje diaža c̱he daꞌ Abraham, gonḻe canꞌ ben daꞌ Abrahanṉaꞌ šacaꞌ.

10
00:02:00,700 --> 00:02:15,020
Ḻaꞌczḻaꞌ ba bzejniꞌidaꞌ leꞌe dižaꞌ ḻi daꞌ bendaꞌ gwna Diosenꞌ, biaꞌcze cheyiljwlažeꞌle nac gonḻe gotle nedaꞌ. Daꞌ Abrahanṉaꞌ bi beneꞌ canꞌ chonḻenꞌ.

11
00:02:15,020 --> 00:02:25,660
Toz canꞌ chonḻe len x̱alenꞌ. Nach beṉeꞌ caꞌ goseꞌe ḻeꞌ: ―Toz Diosenꞌ naqueꞌ X̱atoꞌ naꞌ bi chzenagtoꞌ c̱he nochle beṉeꞌ.

12
00:02:25,660 --> 00:02:37,400
Jesúsenꞌ gožeꞌ ḻegaqueꞌ: ―Šacaꞌ Diosenꞌ naqueꞌ x̱ale gaquele nedaꞌ, ḻe nedaꞌ gwzaꞌa ganꞌ zoa Diosenꞌ. Bi zaꞌa nga to gualazaꞌ, Diosenꞌ gwseḻeꞌ nedaꞌ.

13
00:02:37,400 --> 00:02:45,960
¿Bixc̱henꞌ bi chejniꞌile danꞌ chniaꞌ leꞌe? Ṉezdaꞌ bi chejniꞌile danꞌ bi chaclažeꞌle gwzenagle c̱hiaꞌ.

14
00:02:45,960 --> 00:03:15,920
Satanás danꞌ chnabiaꞌ daꞌ x̱igüeꞌ caꞌ naquen x̱ale, nachenꞌ chebele chonḻe canꞌ chnalaženꞌṉaꞌ. Ḻen ba naquen güet beṉeꞌ cateꞌ gwxete yežlionꞌ. Naꞌ bi chzenaguen c̱he dižaꞌ ḻi, ḻe dižaꞌ ḻi bi yoꞌon ḻoꞌ yic̱hjlaždaꞌogüen. Cateꞌ chṉen dižaꞌ güenḻažeꞌ chṉen con canꞌ nac cuinen, ḻe naquen güenḻažeꞌ naꞌ yogoꞌ dižaꞌ güenḻaženꞌ zanꞌ len ḻen.

15
00:03:15,920 --> 00:03:20,400
Naꞌ nedaꞌ, daꞌ choꞌa dižaꞌ ḻi, bi chejḻeꞌle c̱hiaꞌ.

16
00:03:20,400 --> 00:03:33,820
Bibi daꞌ mal nonaꞌ naꞌ daꞌnanꞌ ṉe tole bi gac gwloꞌele še bi daꞌ mal ba benaꞌ. Nedaꞌ zoatezaꞌ choꞌa dižaꞌ ḻi, ¿bixc̱henꞌ bi chejḻeꞌle c̱hiaꞌ?

17
00:03:33,820 --> 00:03:45,380
Beṉeꞌ caꞌ chon Diosenꞌ ḻegaqueꞌ cuent ca xiꞌiṉeꞌ chosozenagueꞌ xtiženꞌ. Naꞌ leꞌe bi chzenagle c̱henꞌ daꞌ bi nacle xiꞌiṉeꞌ.

18
00:03:45,380 --> 00:04:02,520
Nach beṉeꞌ gwnabiaꞌ c̱he nación Israel c̱hetonꞌ goseꞌe Jesúsenꞌ: ―Canꞌ ba gwnacztoꞌ nacbiaꞌcze nacoꞌ txen len beṉeꞌ Samaria caꞌ naꞌ yoꞌo to daꞌ x̱igüeꞌ ḻoꞌ yic̱hjlaždaꞌoguonꞌ chonen ga choḻ chṉenošoꞌ.

19
00:04:02,520 --> 00:04:12,320
Jesúsenꞌ gožeꞌ ḻegaqueꞌ: ―Bi yoꞌo daꞌ x̱igüenꞌ ḻoꞌ yic̱hjlaždaꞌoguaꞌ, san chonxenaꞌ X̱anꞌ naꞌ leꞌe chṉele c̱hiaꞌ.

20
00:04:12,320 --> 00:04:26,060
Bi chyiljuaꞌ no gonxen nedaꞌ, perw zoa X̱anꞌ chaclažeꞌ beṉac̱henꞌ yesonxeneꞌ nedaꞌ naꞌ X̱anꞌ c̱hoglagüenꞌ c̱hele naple doḻaꞌ daꞌ chṉele c̱hiaꞌ.

21
00:04:26,060 --> 00:04:34,600
Chniaꞌ leꞌe to daꞌ zejen, noteꞌteze beṉeꞌ yosozenagueꞌ xtižanꞌ, guataꞌcze yeḻaꞌ mban c̱heꞌ toḻi tocaṉe.

22
00:04:34,600 --> 00:05:03,020
Nach daꞌ yoble beṉeꞌ gwnabiaꞌ caꞌ goseꞌe ḻeꞌ: ―Nach beyož gwṉezetoꞌ yoꞌo to daꞌ x̱igüeꞌ ḻoꞌ yic̱hjlaždaꞌoguonꞌ chonen ga choḻ chṉenošoꞌ. Ba got daꞌ x̱ozxtaꞌocho Abrahanṉaꞌ, naꞌ len beṉeꞌ caꞌ gosoꞌe xtižaꞌ Diosenꞌ caniꞌ ḻecze ba gosateꞌ, naꞌ chṉenošoꞌ žoꞌ beṉeꞌ chosozenag xtižonꞌ gataꞌ yeḻaꞌ mban c̱heꞌ toḻi tocaṉe.

23
00:05:03,020 --> 00:05:15,760
¿Chacdoꞌ zacaꞌchoꞌ ca daꞌ x̱ozxtaꞌocho Abrahanṉaꞌ len beṉeꞌ caꞌ gosoeꞌ xtižaꞌ Dios beṉeꞌ ba gosat? ¿Noxenꞌ chacdoꞌ nacoꞌ?

24
00:05:15,760 --> 00:05:27,100
Gož Jesúsenꞌ ḻegaqueꞌ: ―Šacaꞌ chonxen cuinaꞌ bibi zejen, perw X̱anꞌ benꞌ žale naqueꞌ Dios benꞌ chejnilažeꞌle chonxeneꞌ nedaꞌ.

25
00:05:27,100 --> 00:05:41,560
Leꞌe bi nombiaꞌlneꞌ, san nedaꞌ nombiꞌaneꞌ. Šacaꞌ ṉiaꞌ bi nombiꞌaneꞌ gacaꞌ beṉeꞌ güenḻažeꞌ canꞌ naclenaꞌ. Perw nedaꞌ nombiꞌaneꞌ naꞌ chzenagaꞌ xtiženꞌ.

26
00:05:41,560 --> 00:05:54,240
Daꞌ Abrahanṉaꞌ benꞌ žale nac x̱ozxtaꞌole bebechgüedeꞌ gwṉezdeꞌ leꞌedeꞌ ba zaꞌa len beṉac̱henꞌ naꞌ zoeꞌ mbalaz ba bleꞌedenꞌ.

27
00:05:54,240 --> 00:06:03,840
Naꞌ goseꞌ beṉeꞌ blao c̱he nación Israel c̱hetonꞌ ḻeꞌ: ―Biṉaꞌ gacdoꞌ šiyon iz. Chṉenošoꞌ žoꞌ ba bleꞌedoꞌ Abrahanṉaꞌ.

28
00:06:03,840 --> 00:06:11,780
Jesúsenꞌ gožeꞌ ḻegaqueꞌ: ―Chniaꞌ leꞌe to daꞌ zejen, ba zoaczaꞌ nedaꞌ cateꞌ biṉaꞌ galje Abrahanṉaꞌ.

29
00:06:11,780 --> 00:06:22,300
Nach goseṉizeꞌ yej daꞌ yosoc̱heḻeꞌ ḻeꞌ, perw Jesúsenꞌ bcuašeꞌ naꞌ bezeꞌe yodaonꞌ. Ṉeca gosacbeꞌedeꞌ cateꞌ bedieꞌ ladjogaqueꞌ.