1
00:00:05,000 --> 00:00:14,560
Txen zej Jesúsenꞌ len beṉeꞌ caꞌ zjanaqueꞌ ḻeꞌ txen cateꞌ beseleꞌedeꞌ to beṉeꞌ byo goljeꞌ nc̱hoḻeꞌ.

2
00:00:14,560 --> 00:00:24,040
Naꞌ goseꞌe Jesúsenꞌ: ―Maestrw, ¿nonꞌ nap doḻaꞌ golje benga nc̱hoḻeꞌ, še ḻeꞌ o še x̱axṉeꞌen?

3
00:00:24,040 --> 00:00:36,760
Naꞌ Jesúsenꞌ gožeꞌ ḻegaqueꞌ: ―Benga goljeꞌ nc̱hoḻeꞌ gague daꞌ napeꞌ doḻaꞌ naꞌ gague daꞌ zjanap x̱axṉeꞌen doḻaꞌ, san goljeꞌ caꞌ cont leꞌele canꞌ chon Diosenꞌ.

4
00:00:36,760 --> 00:00:44,620
Cheyaḻaꞌ goncho xšin Dios benꞌ gwseḻaꞌ nedaꞌ šlac ṉeꞌ de latje. Gwžin ža bich gaḻaꞌ gonchon.

5
00:00:44,620 --> 00:00:49,920
Šlac ṉeꞌ zoaꞌ yežlionꞌ chguaꞌa beꞌniꞌ ḻoꞌ yic̱hjlaždaoꞌ beṉac̱henꞌ.

6
00:00:49,920 --> 00:00:59,680
Beyož gwneꞌ caꞌ gwchoꞌoṉ x̱eneꞌ ḻo yonꞌ naꞌ beneꞌ lateꞌ gonaꞌ len x̱eneꞌ naꞌ gwdebeꞌ gonanꞌ yejlao beṉeꞌ lc̱hoḻenꞌ.

7
00:00:59,680 --> 00:01:18,500
Nach gožeꞌ benꞌ: ―Gwyej jaydib yejlaguonꞌ choꞌa yel daꞌ nziꞌ Yel Siloé. (Naꞌ Siloé zeje dižaꞌ Nseḻaꞌ.) Naꞌ gwyejeꞌ naꞌ beyib yejlagüenꞌ naꞌ cateꞌ bezeꞌe zjaydeꞌ ba chleꞌedeꞌ.

8
00:01:18,500 --> 00:01:32,060
Naꞌ beṉeꞌ gualiž c̱heꞌ naꞌ nochle beṉeꞌ ba beseleꞌe ḻeꞌ yogoꞌ ža cateꞌ ṉeꞌ nc̱hoḻenꞌ goseneꞌ: ―¿Gague benganꞌ ba bleꞌecho chbeꞌ chṉabeꞌ carida?

9
00:01:32,060 --> 00:01:47,300
Naꞌ baḻeꞌ goseneꞌ: ―Ḻe benganꞌ. Naꞌ yebaḻeꞌ goseneꞌ: ―Bi nac ḻeꞌ san yeto beṉeꞌ yoblenꞌ, perw toz ca naqueꞌ len benga. Perw benꞌ beyaquenꞌ gožeꞌ ḻegaqueꞌ: ―Nedanꞌ.

10
00:01:47,300 --> 00:01:51,000
Naꞌ goseꞌeneꞌ: ―¿Nac goquenꞌ gwzolao chleꞌedoꞌ?

11
00:01:51,000 --> 00:02:09,000
Naꞌ gožeꞌ ḻegaqueꞌ: ―To beṉeꞌ le Jesús beneꞌ lateꞌ gonaꞌ naꞌ gwdebenꞌ yejlaguanꞌ naꞌ gožeꞌndaꞌ: “Gwyej choꞌa yel daꞌ nziꞌ Yel Siloé naꞌ jaydibenꞌ.” Naꞌ gwyaꞌa naꞌ beyibanꞌ naꞌ gwzolao chleꞌedaꞌ.

12
00:02:09,000 --> 00:02:16,620
Nach goseꞌ beṉeꞌ caꞌ ḻeꞌ: ―¿Gaṉxe benaꞌ? Naꞌ gožeꞌ ḻegaqueꞌ: ―Bi ṉezdaꞌ.

13
00:02:16,620 --> 00:02:22,560
Nach gosec̱heꞌe benꞌ goc lc̱hoḻenꞌ ganꞌ žeꞌ beṉeꞌ fariseo caꞌ.

14
00:02:22,560 --> 00:02:35,760
Nac to ža c̱he Dios catenꞌ Jesúsenꞌ beneꞌ gonanꞌ danꞌ gwdebeꞌ yejlao benaꞌ cont bleꞌedeꞌ naꞌ bi de ḻsens gon netoꞌ beṉeꞌ Israel žin ža c̱he Diosenꞌ.

15
00:02:35,760 --> 00:02:48,760
Naꞌ beṉeꞌ fariseo caꞌ ḻecze goseṉabdeꞌ ḻeꞌ nac goquenꞌ ba chleꞌedeꞌ. Naꞌ gožeꞌ ḻegaqueꞌ: ―Gwdebeꞌ gonaꞌ yejlaguanꞌ naꞌ jaydibanꞌ naꞌ ṉaꞌa ba chleꞌedaꞌ.

16
00:02:48,760 --> 00:03:13,060
Nach baḻ beṉeꞌ fariseo caꞌ goseneꞌ: ―Ṉezecho bi zoa Diosenꞌ len benaꞌ beyoneꞌ beṉeꞌ lc̱hoḻenꞌ, ḻe choneꞌ daꞌ bi cheyaḻaꞌ goneꞌ ža c̱he Diosenꞌ. Naꞌ yebaḻeꞌ goseneꞌ: ―¿Nac gon to beṉeꞌ güen daꞌ xiṉj goneꞌ yeḻaꞌ guac ca danꞌ ben benga? Naꞌ ḻegaczeꞌ besechojeꞌ c̱hop cuen.

17
00:03:13,060 --> 00:03:26,620
Naꞌ daꞌ yoble goseꞌe benꞌ goljeꞌ nc̱hoḻeꞌ: ―¿Bi žoꞌ leꞌ c̱he benꞌ beneꞌ cont chleꞌedoꞌ? Naꞌ benaꞌ gwneꞌ: ―Naqueꞌ to beṉeꞌ choeꞌ xtižaꞌ Dios.

18
00:03:26,620 --> 00:03:38,480
Naꞌ beṉeꞌ gwnabiaꞌ c̱he nación Israel c̱hetonꞌ bi gosejḻeꞌe golje benꞌ nc̱hoḻeꞌ naꞌ ṉaꞌa bac̱h chleꞌedeꞌ. Nach gosaxeꞌ x̱axṉeꞌenaꞌ.

19
00:03:38,480 --> 00:03:47,300
Naꞌ goseṉabdeꞌ ḻegaqueꞌ, goseꞌeneꞌ: ―¿Xiꞌiṉle benga benꞌ žale goljeꞌ nc̱hoḻeꞌ? ¿Nacxe goquenꞌ chleꞌedeꞌ ṉaꞌa?

20
00:03:47,300 --> 00:03:54,120
X̱axṉeꞌenaꞌ goseꞌe ḻegaqueꞌ: ―Ṉezetoꞌ benganꞌ xiꞌiṉtoꞌ, naꞌ ṉezetoꞌ goljeꞌ nc̱hoḻeꞌ.

21
00:03:54,120 --> 00:04:10,300
Perw bi ṉezetoꞌ nac goquenꞌ ba chleꞌedeꞌ ṉaꞌa, naꞌ ṉeca ṉezetoꞌ nonꞌ ben cont ba chleꞌedeꞌ. Ba zejeczedeꞌ iz, ḻe ṉabe cuineꞌ cont güeꞌe dižaꞌ naquenꞌ goc.

22
00:04:10,300 --> 00:04:29,820
X̱axṉeꞌen goseneꞌ caꞌ daꞌ chesežebeꞌ beṉeꞌ gwnabiaꞌ caꞌ, ḻe beṉeꞌ gwnabiaꞌ caꞌ ba gosec̱hoglagüenꞌ bi yosolebeꞌ ḻoꞌ yodaonꞌ noteꞌteze beṉeꞌ güeꞌe dižaꞌ chejḻeꞌe Jesúsenꞌ naqueꞌ Cristo benꞌ chesebezeꞌ yedeṉabiꞌe.

23
00:04:29,820 --> 00:04:35,280
Daꞌnanꞌ x̱axṉeꞌen goseneꞌ: “Ba zejeczedeꞌ, ḻe ṉabe cuineꞌ.”

24
00:04:35,280 --> 00:04:50,640
Nach daꞌ yoble gosaxeꞌ benꞌ goljeꞌ nc̱hoḻeꞌ naꞌ goseꞌeneꞌ: ―Beꞌ dižaꞌ ḻi lao Diosenꞌ, ḻe bi naquen canꞌ gwnaoꞌ bac̱he. Ṉezetoꞌ benꞌ gwnaoꞌ beyon leꞌ naqueꞌ beṉeꞌ güen daꞌ xiṉj.

25
00:04:50,640 --> 00:05:02,000
Naꞌ benꞌ beyac yejlagüenꞌ gwneꞌ: ―Bi ṉezdaꞌ še naqueꞌ beṉeꞌ güen daꞌ xiṉj o še bi naqueꞌ. Daꞌ ṉezdaꞌ, gocaꞌ beṉeꞌ lc̱hoḻ naꞌ ṉaꞌa ba chleꞌedaꞌ.

26
00:05:02,000 --> 00:05:07,640
Naꞌ daꞌ yoble goseꞌe ḻeꞌ: ―¿Bi bendeꞌ le? ¿Nac benenꞌ chleꞌedoꞌ?

27
00:05:07,640 --> 00:05:19,640
Naꞌ gožeꞌ ḻegaqueꞌ: ―Ba gwniczaꞌ leꞌe naꞌ bi chzenagle. ¿Bixc̱henꞌ chaclažeꞌle yenianꞌ daꞌ yoble? ¿Len leꞌe chaclažeꞌle gwzenagle c̱heꞌ?

28
00:05:19,640 --> 00:05:28,940
Nach goseziꞌdižeꞌ ḻeꞌ, goseneꞌ: ―Leꞌ nacoꞌ txen len ḻeꞌ, san netoꞌ nactoꞌ txen len daꞌ Moisés.

29
00:05:28,940 --> 00:05:34,340
Ṉezetoꞌ Diosenꞌ beꞌleneꞌ Moisésenꞌ dižaꞌ, perw benga bi ṉezetoꞌ ga zeꞌe.

30
00:05:34,340 --> 00:05:43,880
Naꞌ benꞌ goljeꞌ nc̱hoḻeꞌ gožeꞌ ḻegaqueꞌ: ―¡Daꞌ zacaꞌ yebanecho, bi ṉezele ga zaꞌ benga, naꞌ beneꞌ cont chleꞌedaꞌ!

31
00:05:43,880 --> 00:05:55,620
Ṉezecho Diosenꞌ bi chzenagueꞌ c̱he beṉeꞌ cheson daꞌ xiṉj, san chzenagueꞌ c̱he noteꞌtez beṉeꞌ chejnilažeꞌ ḻeꞌ, beṉeꞌ cheson canꞌ chnalaženꞌ.

32
00:05:55,620 --> 00:06:05,100
Naꞌ gwzolaoten cateꞌ gwxe yežlionꞌ biṉaꞌ yenecho zoa beṉeꞌ chac choneꞌ cont chleꞌe beṉeꞌ goljeꞌ nc̱hoḻeꞌ.

33
00:06:05,100 --> 00:06:09,960
Šacaꞌ benganꞌ bi zeꞌe ganꞌ zoa Diosenꞌ bibi gac goneꞌ.

34
00:06:09,960 --> 00:06:23,080
Beṉeꞌ fariseo caꞌ beselocchgüeꞌ naꞌ goseꞌe ḻeꞌ: ―Lenꞌ goljtioꞌ nacoꞌ beṉeꞌ mal juisyw, ¿chacdoꞌ zacoꞌ gwseddoꞌ netoꞌ? Naꞌ besyebejeꞌ ḻeꞌ ḻoꞌ yodaonꞌ.

35
00:06:23,080 --> 00:06:37,880
Jesúsenꞌ bendeꞌ dižaꞌ c̱he benꞌ beyac yejlagüenꞌ canꞌ goc c̱heꞌ ba besyebejeꞌneꞌ ḻoꞌ yodaonꞌ nach jašagueꞌneꞌ naꞌ gožeꞌneꞌ: ―¿Chejnilažoꞌ Xiꞌiṉ Diosenꞌ benꞌ gwseḻenꞌ?

36
00:06:37,880 --> 00:06:44,480
Naꞌ gož benꞌ ḻeꞌ: ―Beṉeꞌ, gwna nedaꞌ nonꞌ, cont šejnilažaꞌneꞌ.

37
00:06:44,480 --> 00:06:51,060
Jesúsenꞌ gožeꞌneꞌ: ―Nedanꞌ benꞌ ba bleꞌeczedoꞌ naꞌ nedanꞌ choeꞌlenaꞌ leꞌ dižaꞌ.

38
00:06:51,060 --> 00:06:58,180
Nach benaꞌ bzoa xibeꞌ benxeneꞌ Jesúsenꞌ, gwneꞌ: ―X̱anaꞌ, chejnilažaꞌ leꞌ.

39
00:06:58,180 --> 00:07:21,240
Nach Jesúsenꞌ gwneꞌ: ―Zaꞌa yežlio nga cont gataꞌbiaꞌ nonꞌ nap doḻaꞌ naꞌ nonꞌ bi nap doḻaꞌ. Zedeyenaꞌ cont beṉeꞌ caꞌ bi chesejniꞌi bich yesaqueꞌ ca beṉeꞌ lc̱hoḻ, naꞌ zedeyenaꞌ cont beṉeꞌ caꞌ chesacdeꞌ chesejniꞌideꞌ yesaqueꞌ ca beṉeꞌ lc̱hoḻ len yic̱hjlaždaꞌogaquenꞌ.

40
00:07:21,240 --> 00:07:33,320
Nach baḻ beṉeꞌ fariseo caꞌ nitaꞌ gaḻaꞌze catenꞌ gwneꞌ caꞌ naꞌ gosendeꞌ xtiženꞌ, goseꞌe Jesúsenꞌ: ―¿Chacdoꞌ len netoꞌ nactoꞌ ca beṉeꞌ lc̱hoḻ?

41
00:07:33,320 --> 00:07:45,420
Nach Jesúsenꞌ gožeꞌ ḻegaqueꞌ: ―Šacaꞌ nacle ca beṉeꞌ lc̱hoḻ, bibi xtoḻaꞌle de, san žale chejniꞌile, naꞌ daꞌnanꞌ naple doḻaꞌ.