1
00:00:05,000 --> 00:00:18,360
Chniaꞌ leꞌe to daꞌ zejen, beṉeꞌ bi choꞌo ḻoꞌ leꞌej c̱he xilanꞌ ganꞌ nac choꞌa puertenꞌ san chepeꞌ ga yoble cont choꞌe, benanꞌ naqueꞌ beṉeꞌ gwban.

2
00:00:18,360 --> 00:00:23,920
Benꞌ chsaljueꞌ naꞌ choꞌe choꞌa puertenꞌ, ḻenꞌ güeyoeꞌ xilanꞌ.

3
00:00:23,920 --> 00:00:43,120
Naꞌ benꞌ chap choꞌa puert leꞌej c̱he xilanꞌ chsaljueꞌ puertanꞌ cont choꞌo benꞌ chyoebanꞌ. Naꞌ xilaꞌ caꞌ chosozenagbaꞌ xtižaꞌ benꞌ chyoebanꞌ, ḻe zjanombiaꞌbaꞌ šiꞌen cateꞌ chaxeꞌbaꞌ choꞌe lagacbaꞌ cont chbejeꞌbaꞌ.

4
00:00:43,120 --> 00:00:54,000
Naꞌ cateꞌ ba gwlejeꞌ yogoꞌbaꞌ ḻoꞌ leꞌejenꞌ, chbialagüeꞌ laogacbanꞌ, naꞌ xilaꞌ c̱heꞌ caꞌ chesaꞌobaꞌ ḻeꞌ daꞌ zjanombiaꞌbaꞌ šiꞌen.

5
00:00:54,000 --> 00:01:00,880
Bi chesaꞌobaꞌ beṉeꞌ yoble, san chosyoxoṉjbaꞌ danꞌ bi zjanombiaꞌbaꞌ šiꞌen.

6
00:01:00,880 --> 00:01:12,380
Jesúsenꞌ beꞌe dižaꞌ c̱he beṉeꞌ güeyeꞌ xilaꞌ caꞌ par bzejniꞌideꞌ beṉeꞌ caꞌ žeꞌnaꞌ, perw bi gosejniꞌideꞌ bi zejen danꞌ gožeꞌ ḻegaquenꞌ.

7
00:01:12,380 --> 00:01:25,480
Nach Jesúsenꞌ bsed bloꞌechdeꞌ ḻegaqueꞌ yeto, gwneꞌ: ―Chniaꞌ leꞌe to daꞌ zejen, nedanꞌ nacaꞌ ca choꞌa puert ganꞌ chesoꞌo xilaꞌ caꞌ ḻoꞌ leꞌej c̱hegacbanꞌ.

8
00:01:25,480 --> 00:01:41,980
Yogoꞌ nochle beṉeꞌ ba gosideꞌ cateꞌ zaꞌ yidaꞌ nedaꞌ, beṉeꞌ bosozejniꞌideꞌ dižaꞌ güenḻažeꞌ, guac ṉacho zjanaqueꞌ beṉeꞌ gwban. Perw beṉeꞌ chesejnilažeꞌ nedaꞌ bi chosozenagueꞌ xtižaꞌ beṉeꞌ caꞌ.

9
00:01:41,980 --> 00:01:57,960
Nedaꞌ nacaꞌ ca choꞌa puert c̱he leꞌej c̱he xilaꞌ caꞌ. Naꞌ noteꞌtez beṉeꞌ yesejnilažeꞌ nedaꞌ, gataꞌ yeḻaꞌ mban c̱hegaqueꞌ toḻi tocaṉe naꞌ soaczaꞌ gaclenaꞌ ḻegaqueꞌ biteꞌtez daꞌ cheseyažjdeꞌ.

10
00:01:57,960 --> 00:02:24,020
’Beṉeꞌ caꞌ žiaꞌ beṉeꞌ gwban chesaclažeꞌ yesoneꞌ cont beṉeꞌ caꞌ žiaꞌ zjanaqueꞌ xilaꞌ c̱hiaꞌ yesebejyic̱hjeꞌ xtižanꞌ naꞌ yosozenagueꞌ c̱he ḻegaqueꞌ. Naꞌ še yosozenagueꞌ c̱he ḻegaqueꞌ, yesebiayeꞌe. Naꞌ nedaꞌ zaꞌa chnežjuaꞌ yeḻaꞌ mban toḻi tocaṉe c̱he beṉeꞌ chesejnilažeꞌ nedaꞌ cont ṉiteꞌ güenchgua.

11
00:02:24,020 --> 00:02:40,400
Nedaꞌ binḻo chgüia chṉaꞌa beṉeꞌ chesejnilažeꞌndaꞌ ca chon to beṉeꞌ güeyeꞌ xilaꞌ beṉeꞌ chyoeꞌ xilaꞌ c̱henꞌ binḻo. Naꞌ daꞌ nžiꞌidaꞌ ḻegaqueꞌ, daꞌnanꞌ chzane cuinaꞌ gataꞌ ṉec̱he ḻegaqueꞌ.

12
00:02:40,400 --> 00:03:03,420
Nitaꞌ beṉeꞌ cheseziꞌ laxjueꞌ cont chosoyoeꞌ xilaꞌ c̱he beṉeꞌ. Naꞌ beṉeꞌ cheseziꞌ laxjueꞌ chesebejyic̱hjeꞌ xilaꞌ caꞌ cateꞌ cheseleꞌedeꞌ zaꞌ becoꞌyo, ḻe xilaꞌ caꞌ bi zjanacbaꞌ be c̱hegaqueꞌ. Chesoꞌe latje chṉiz becoꞌyonꞌ xilaꞌ caꞌ naꞌ chesosḻasbaꞌ ḻegacbaꞌ.

13
00:03:03,420 --> 00:03:17,300
Naꞌ beṉeꞌ bi zjanaqueꞌ x̱an xilaꞌ caꞌ chosoxoṉjeꞌ daꞌ bi zjanžiꞌideꞌ xilanꞌ, ḻe bi zjanac xilanꞌ be c̱hegaqueꞌ, san chosoyoebaꞌ danꞌ cheseziꞌ laxjuenꞌ.

14
00:03:17,300 --> 00:03:33,280
’Nedaꞌ binḻo chgüia chṉaꞌa beṉeꞌ caꞌ chesejnilažeꞌndaꞌ, chonaꞌ ca chon to beṉeꞌ chyoeꞌ xilaꞌ c̱henꞌ binḻo. Naꞌ nombiꞌa beṉeꞌ caꞌ chesejnilažeꞌ nedaꞌ naꞌ ḻegaqueꞌ zjanombiꞌe nedaꞌ.

15
00:03:33,280 --> 00:03:43,880
Nombiꞌa ḻegaqueꞌ ca X̱anꞌ nombiꞌe nedaꞌ naꞌ nedaꞌ nombiꞌa X̱anꞌ. Naꞌ daꞌ nžiꞌidaꞌ ḻegaqueꞌ chzane cuinaꞌ gataꞌ ṉec̱he ḻegaqueꞌ.

16
00:03:43,880 --> 00:04:05,660
Nitaꞌ beṉeꞌ yoble beṉeꞌ bi zjanaqueꞌ beṉeꞌ Israel beṉeꞌ yesejnilažeꞌ nedaꞌ. Naꞌ cheyaḻaꞌ šjatobaꞌ ḻegaqueꞌ cont yosozenagueꞌ c̱hiaꞌ, nach yesaqueꞌ toze len yezicaꞌchle beṉeꞌ ba chesejnilažeꞌ nedaꞌ naꞌ toz nedaꞌ gwgüia ṉaꞌa yogoꞌḻoḻeꞌ.

17
00:04:05,660 --> 00:04:17,780
’Chzaneꞌ cuinaꞌ yesot beṉeꞌ nedaꞌ, naꞌ techle yebanaꞌ daꞌ yoble. Naꞌ X̱anꞌ chacchdeꞌ nedaꞌ ḻe chazlažeꞌ daꞌ chonaꞌ caꞌ.

18
00:04:17,780 --> 00:04:32,020
Nono checaꞌa yeḻaꞌ mban c̱hianꞌ san chzanḻažeꞌ cuinaꞌ gataꞌ. Guac zane cuinaꞌ yesoteꞌndaꞌ naꞌ ḻecz guac yeyas yebanaꞌ ladjo beṉeꞌ guatenꞌ, canꞌ non X̱anꞌ mandadw gonaꞌ.

19
00:04:32,020 --> 00:04:39,680
Naꞌ daꞌ yoble beṉeꞌ nación Israel c̱hetonꞌ besechojeꞌ c̱hople ṉec̱he xtižaꞌ Jesúsenꞌ.

20
00:04:39,680 --> 00:04:48,620
Zaneꞌ goseneꞌ: ―Yoꞌo daꞌ x̱igüenꞌ yic̱hjlaždaꞌogüeꞌ, nanꞌ choḻ chṉenošeꞌ. ¿Bixc̱henꞌ chzenagle xtiženꞌ?

21
00:04:48,620 --> 00:04:59,320
Naꞌ yebaḻeꞌ goseneꞌ: ―Beṉeꞌ yoꞌo daꞌ x̱igüenꞌ yic̱hjlaždaꞌogüenꞌ bi gac gwšaljeꞌ caꞌ. ¿Guac gon daꞌ x̱igüeꞌ cont leꞌe beṉeꞌ lc̱hoḻ?