1
00:00:05,000 --> 00:00:16,940
Naꞌ cateꞌ bžin ža gwyoꞌo ḻṉi danꞌ chesoneꞌ chjasyezeꞌedeꞌ žanꞌ beyož besyeyoneꞌ yodaoꞌ blao c̱he Diosenꞌ, ba bžin tiemp zag Jerusalénṉaꞌ.

2
00:00:16,940 --> 00:00:23,420
Naꞌ Jesúsenꞌ chdeꞌ chašil c̱he yodaoꞌ blaonꞌ ganꞌ nziꞌ Chašil c̱he Salomón.

3
00:00:23,420 --> 00:00:44,200
Naꞌ beṉeꞌ gwnabiaꞌ c̱he nación Israel c̱hetonꞌ gosec̱hjeꞌ Jesúsenꞌ naꞌ goseꞌeneꞌ: ―¿Bixc̱henꞌ chonoꞌ cont chacžejlažeꞌtoꞌ še nacoꞌ Cristo benꞌ chbeztoꞌ seḻaꞌ Diosenꞌ cont yedeṉabiꞌe nación c̱hechonꞌ? Še lenꞌ Cristonꞌ, gwnatega netoꞌ zacaꞌlao.

4
00:00:44,200 --> 00:00:55,560
Naꞌ gož Jesúsenꞌ ḻegaqueꞌ: ―Ba gwniaꞌ leꞌe naꞌ bi chejḻeꞌle. Daꞌ caꞌ ba benaꞌ len yeḻaꞌ guac c̱he X̱anꞌ chloꞌen nacaꞌ beṉeꞌ gwseḻeꞌ.

5
00:00:55,560 --> 00:01:03,700
Perw bi chejḻeꞌle c̱hiaꞌ daꞌ bi nacle txen len beṉeꞌ chesejnilažeꞌ nedaꞌ, canꞌ ba gwniczaꞌ leꞌe.

6
00:01:03,700 --> 00:01:15,500
Nombiꞌa beṉeꞌ chesejnilažeꞌ nedaꞌ, naꞌ žiaꞌ ḻegaqueꞌ xilaꞌ c̱hiaꞌ. Ḻegaqueꞌ chosozenagueꞌ c̱hiaꞌ naꞌ chesoneꞌ con canꞌ chzejniꞌidaꞌneꞌ.

7
00:01:15,500 --> 00:01:24,680
Naꞌ chnežjuaꞌ ḻegaqueꞌ yeḻaꞌ mban toḻi tocaṉe naꞌ gwbat yesebiayeꞌe naꞌ nono gac yesyecaꞌa ḻegaqueꞌ ḻo naꞌ.

8
00:01:24,680 --> 00:01:39,540
X̱anꞌ ba gwlejeꞌ beṉeꞌ caꞌ chesejnilažeꞌ nedaꞌ cont chgüia chṉaꞌa ḻegaqueꞌ. Naꞌ nono gac yesyecaꞌa ḻegaqueꞌ ḻo naꞌ X̱anꞌ, ḻe napeꞌ ḻaꞌzelagüe yeḻaꞌ chnabiaꞌ xen.

9
00:01:39,540 --> 00:01:43,000
Nedaꞌ naꞌ X̱anꞌ toz beṉeꞌ nactoꞌ.

10
00:01:43,000 --> 00:01:49,440
Beyož gwneꞌ caꞌ beṉeꞌ gwnabiaꞌ caꞌ goseṉizeꞌ yej cont yosoc̱heḻenenꞌ.

11
00:01:49,440 --> 00:02:00,020
Naꞌ gož Jesúsenꞌ ḻegaqueꞌ: ―Daꞌ zan daꞌ güen ba bleꞌele benaꞌ len yeḻaꞌ guac c̱he X̱anꞌ. ¿C̱he nonṉaꞌ chaclažeꞌle gwc̱heḻle nedaꞌ yej?

12
00:02:00,020 --> 00:02:12,300
Naꞌ beṉeꞌ gwnabiaꞌ caꞌ goseꞌe ḻeꞌ: ―Gague c̱he yeḻaꞌ guac caꞌ benonꞌ gwc̱heḻtoꞌ leꞌ yej san daꞌ chṉeyaꞌo c̱he Diosenꞌ. Con beṉac̱hze leꞌ naꞌ chon cuinoꞌ ca Dios.

13
00:02:12,300 --> 00:02:23,160
Naꞌ gož Jesúsenꞌ ḻegaqueꞌ: ―Ṉezeczele canꞌ nyoj Xtižaꞌ Diosenꞌ danꞌ nsedle ganꞌ žan: “Nedaꞌ ba gwniaꞌ, leꞌe nacle ca nedaꞌ Dios.”

14
00:02:23,160 --> 00:02:34,100
Naꞌ Xtižaꞌ Diosenꞌ daꞌ nyojen gague daꞌ te c̱henꞌ, naꞌ ḻenṉaꞌ žan Diosenꞌ gwneꞌ c̱he beṉeꞌ caꞌ bosozenag xtiženꞌ caniꞌ gosaqueꞌ ca ḻeꞌ.

15
00:02:34,100 --> 00:02:45,460
Diosenꞌ gwlejeꞌ nedaꞌ cont gaclenaꞌ beṉac̱henꞌ žeꞌ yežlio nga naꞌ ¿nacxec̱henꞌ ža leꞌe chṉeyaꞌa c̱he Diosenꞌ daꞌ žiaꞌ nacaꞌ Xiꞌiṉeꞌ?

16
00:02:45,460 --> 00:02:52,540
Še danꞌ chonanꞌ bi chloꞌen yeḻaꞌ guac c̱he X̱aꞌ Diosenꞌ, bi cheyaḻaꞌ šejḻeꞌle c̱hiaꞌ šecaꞌ.

17
00:02:52,540 --> 00:03:14,580
Perw še chacbeꞌele chonaꞌ daꞌ zacaꞌ len yeḻaꞌ guac c̱he Diosenꞌ, cheyaḻaꞌ šejḻeꞌle ḻenꞌ gwseḻeꞌ nedaꞌ, ḻaꞌczḻaꞌ bi chaclažeꞌle šejḻeꞌle xtižanꞌ. Naꞌ še šejḻeꞌle c̱he daꞌ caꞌ chonanꞌ, nachenꞌ ṉezele zoa X̱anꞌ len nedaꞌ naꞌ nedaꞌ zoaꞌ len ḻeꞌ, ḻe toz beṉenꞌ nactoꞌ.

18
00:03:14,580 --> 00:03:20,360
Nach daꞌ yoble gosaclažeꞌ yesezeneꞌ Jesúsenꞌ perw bitw bdoḻeꞌ.

19
00:03:20,360 --> 00:03:29,140
Jesúsenꞌ beyejeꞌ jayzoeꞌ yešḻaꞌa yegw Jordanṉaꞌ latje ganꞌ gwzoa daꞌ Juanṉaꞌ šlac ṉeꞌ chzoeꞌ beṉeꞌ nis.

20
00:03:29,140 --> 00:03:42,840
Naꞌ beṉeꞌ zan jaꞌac ganꞌ gwzoenꞌ cont bosozenagueꞌ xtiženꞌ naꞌ goseneꞌ: ―Daꞌ Juanṉaꞌ ṉe to yeḻaꞌ guac bi beneꞌ, perw yogoꞌḻoḻ danꞌ gwneꞌ c̱he benga naquen daꞌ ḻi.

21
00:03:42,840 --> 00:03:48,000
Naꞌ beṉeꞌ zan gosejnilažeꞌ Jesúsenꞌ latje naꞌ.