1
00:00:05,000 --> 00:00:18,380
Naꞌ yex̱op ža zaꞌ gaḻaꞌ ḻṉi pasconꞌ, Jesúsenꞌ gwc̱heꞌe beṉeꞌ caꞌ zjanaqueꞌ ḻeꞌ txen yež Betanianꞌ ganꞌ zoa Lázaronꞌ benꞌ bosbaneꞌ ladjo beṉeꞌ guatenꞌ.

2
00:00:18,380 --> 00:00:32,700
Naꞌ baḻ beṉeꞌ Betanianꞌ bososiṉiꞌe to xšeꞌ daꞌ gwdagw Jesúsenꞌ cont gosonxeneꞌneꞌ. Naꞌ Martanꞌ bdieꞌ yeḻaꞌ guagw naꞌ Lázaronꞌ gwcheꞌleneꞌ beṉeꞌ caꞌ choꞌa mesenꞌ txen len Jesúsenꞌ.

3
00:00:32,700 --> 00:00:56,960
Naꞌ Maríanꞌ, de ca do tya set zix̱ c̱heꞌ daꞌ zacaꞌchgua laꞌay naꞌ naquen dogualje daꞌ bchoj ḻo yag yej daꞌ nziꞌ nardo. Naꞌ jabigueꞌ gaḻaꞌze xṉiꞌa Jesúsenꞌ naꞌ gwloꞌe set zix̱enꞌ ṉiꞌenaꞌ naꞌ beyožaꞌ bosbiženꞌ len yišaꞌ yic̱hjeꞌ. Naꞌ doxen yoꞌonaꞌ gwḻaꞌchguan ze set zix̱enꞌ.

4
00:00:56,960 --> 00:01:13,560
Naꞌ Judas Iscariote xiꞌiṉ to beṉeꞌ leꞌ Simón, ḻeꞌ naqueꞌ to beṉeꞌ šižinw caꞌ zjanaqueꞌ Jesúsenꞌ txen, naꞌ ḻenꞌ ba naquen gwdieꞌ Jesúsenꞌ ḻo naꞌ beṉeꞌ caꞌ chesegueꞌedeꞌ ḻeꞌ. Naꞌ Judasenꞌ gwne:

5
00:01:13,560 --> 00:01:24,660
―¿Bixc̱henꞌ bi beteꞌ setenꞌ naꞌ goṉeꞌ mechonꞌ cont gaclenen beṉeꞌ yašeꞌ? ḻe zacanꞌ ca no laxjw mos daꞌ goneꞌ gan tgüiz.

6
00:01:24,660 --> 00:01:37,180
Judasenꞌ gwneꞌ caꞌ gague daꞌ beyašeꞌdeꞌ beṉeꞌ yašenꞌ san daꞌ goqueꞌ beṉeꞌ gwban. Ḻenꞌ bex̱ueꞌ mechw daꞌ bosoc̱hin yogüeꞌ naꞌ gwlejlaneꞌ mechonꞌ.

7
00:01:37,180 --> 00:01:46,640
Nach Jesúsenꞌ gožeꞌneꞌ: ―Bibi yeꞌlneꞌ, ḻe ba beneꞌ daꞌ non goneꞌ len nedaꞌ c̱he ža cateꞌ gašaꞌ.

8
00:01:46,640 --> 00:01:55,560
Beṉeꞌ yašeꞌ caꞌ nitaꞌczeꞌ len leꞌe bateꞌteze, san nedaꞌ bich soaczaꞌ yesša len leꞌe.

9
00:01:55,560 --> 00:02:14,700
Naꞌ beṉeꞌ zan beṉeꞌ Israel gualaž c̱hetonꞌ goseṉezdeꞌ zoa Jesúsenꞌ lagüeꞌ yež Betanianꞌ naꞌ jaꞌaqueꞌ, gague cont yeseleꞌedeꞌ Jesús naꞌzenꞌ san daꞌ gosaclažeꞌ yeseleꞌedeꞌ lencze Lázaronꞌ benꞌ bosbaneꞌ ladjo beṉeꞌ guatenꞌ.

10
00:02:14,700 --> 00:02:21,240
Naꞌ bx̱oz gwnabiaꞌ c̱he nación Israel c̱hetonꞌ bosoxiꞌe ḻecze yesoteꞌ Lázaronꞌ,

11
00:02:21,240 --> 00:02:32,500
ḻe beṉeꞌ zan beṉeꞌ Israel ba chesyecuaseꞌ len ḻegaqueꞌ naꞌ ba chesejnilažeꞌ Jesúsenꞌ danꞌ goseṉezdeꞌ bosbaneꞌ Lázaronꞌ.