1
00:00:05,000 --> 00:00:23,120
Naꞌ beteyo Jesúsenꞌ len beṉeꞌ caꞌ zjanaqueꞌ ḻeꞌ txen gosaꞌaqueꞌ Betanianꞌ naꞌ jaꞌaqueꞌ Jerusalén. Naꞌ beṉeꞌ zan chesežag Jerusalénṉaꞌ daꞌ ba zoa gaḻaꞌ ḻṉinꞌ, naꞌ zaneꞌ cateꞌ goseṉezdeꞌ žin Jesúsenꞌ Jerusalénṉaꞌ,

2
00:00:23,120 --> 00:00:43,160
besežašeꞌ jaseḻezeꞌ ḻeꞌ zjanox̱eꞌ no zin. Naꞌ chesegüeꞌe ḻbanꞌ c̱heꞌ, cheseneꞌ: ―¡Ḻeca beṉeꞌ zacaꞌ benga! Mbalaz benꞌ zaꞌ nga nseḻaꞌ X̱ancho Diosenꞌ ḻeꞌ cont ṉabiꞌe. ¡Mbalaz beṉeꞌ naqueꞌ Rey c̱he nación Israel c̱hechonꞌ!

3
00:00:43,160 --> 00:00:49,480
Naꞌ bžel to burr daoꞌ be gwžia Jesúsenꞌ, naꞌ goc canꞌ nyoj Xtižaꞌ Diosenꞌ žan:

4
00:00:49,480 --> 00:00:57,660
Leꞌe chonxenḻe Diosenꞌ ciuda Jerusalénṉaꞌ, bi žeble; ḻe ṉaꞌ, ba zaꞌ Rey c̱helenꞌ žieꞌ to burr daoꞌ.

5
00:00:57,660 --> 00:01:24,580
Naꞌ beṉeꞌ caꞌ zjanaqueꞌ Jesúsenꞌ txen gague cate gosejniꞌideꞌ chac con canꞌ bosozoj benꞌ gosoꞌe xtižaꞌ Diosenꞌ caniꞌ. Beyož got Jesúsenꞌ naꞌ goc yogoꞌ daꞌ caꞌ gosaquenꞌ cont blaꞌlagüe ḻe Jesúsenꞌ naqueꞌ beṉeꞌ zacaꞌ juisyw, canaꞌch jasyezaꞌlažeꞌ dižaꞌ caꞌ daꞌ zjanyoj c̱he Jesúsenꞌ naꞌ gosejniꞌidenꞌ.

6
00:01:24,580 --> 00:01:36,780
Beṉeꞌ caꞌ beseleꞌe cateꞌ Jesúsenꞌ boḻ güižeꞌ Lázaronꞌ naꞌ bosbaneꞌ ḻeꞌ cont bechojeꞌ ḻoꞌ banꞌ gosoeꞌleneꞌ beṉeꞌ caꞌ žeꞌ ḻo ciudanꞌ dižaꞌ canꞌ goquenꞌ.

7
00:01:36,780 --> 00:01:45,420
Naꞌ daꞌnanꞌ beṉeꞌ zan jaselezeꞌ Jesúsenꞌ daꞌ ba gosendeꞌ dižaꞌ c̱he yeḻaꞌ guac danꞌ beneꞌ bosbaneꞌ Lázaronꞌ.

8
00:01:45,420 --> 00:01:55,900
Nach beṉeꞌ fariseo caꞌ goseꞌ ḻježeꞌ: ―Ba chleꞌele bibi chac bi goncho. Yogoꞌze beṉeꞌ ba chosozenagueꞌ c̱heꞌ.