1
00:00:05,000 --> 00:00:12,800
Naꞌ zjalen to c̱hope beṉeꞌ griego beṉeꞌ caꞌ jaꞌaqueꞌ gosonxeneꞌ Diosenꞌ ḻo ḻṉinꞌ.

2
00:00:12,800 --> 00:00:27,000
Naꞌ beṉeꞌ caꞌ besežineꞌ ganꞌ zoa Felipenꞌ benꞌ nac beṉeꞌ Betsaida ga mbane distritw Galileanꞌ, naꞌ goseꞌeneꞌ: ―Siꞌxenšcoꞌ, chaclažeꞌtoꞌ güeꞌlentoꞌ Jesúsenꞌ dižaꞌ.

3
00:00:27,000 --> 00:00:33,860
Naꞌ Felipenꞌ gwyejeꞌ jaṉeꞌe Andrésenꞌ nach choptieꞌ jasežeꞌ Jesúsenꞌ caꞌ.

4
00:00:33,860 --> 00:00:44,660
Nach Jesúsenꞌ gožeꞌ ḻegaqueꞌ: ―Ṉaꞌa ba bžin hor gac yogoꞌḻoḻ daꞌ cheyaḻaꞌ gac cont laꞌlagüe nacaꞌ beṉeꞌ zacaꞌ juisyw.

5
00:00:44,660 --> 00:00:58,080
Žiaꞌ to daꞌ zejen, še to trigonꞌ bi yexiṉjen cateꞌ lažonꞌ ḻo yonꞌ, con chegaꞌaṉcze tozen; perw še yexiṉjen naꞌ yelanꞌ, daꞌ zan trigonꞌ goṉen.

6
00:00:58,080 --> 00:01:13,980
Noteꞌtez beṉeꞌ con chiꞌ yic̱hjeꞌ gac güen c̱hegaqueꞌ yežlio nga, beṉeꞌ  caꞌ yesebiayeꞌe. Naꞌ noteꞌteze beṉeꞌ cheseneꞌ bibi nonen še bi gac c̱hegaqueꞌ yežlio nga, šjasyezoeꞌ len Diosenꞌ toḻi tocaṉe.

7
00:01:13,980 --> 00:01:33,200
Naꞌ noteꞌtez beṉeꞌ chesaclažeꞌ yesoneꞌ xšinanꞌ, cheyaḻaꞌ yesejnilažeꞌ nedaꞌ naꞌ yosozenagueꞌ c̱hiaꞌ. Naꞌ ganꞌ soaꞌ nedaꞌ ḻecze naꞌ yesezoa beṉeꞌ caꞌ  yeson xšinanꞌ. Noteꞌtez beṉeꞌ yeson xšinanꞌ, X̱anꞌ goneꞌ cont yesacxeneꞌ.

8
00:01:33,200 --> 00:01:46,800
’Ba chžaglaguaꞌ ḻoꞌ yic̱hjlaždaꞌoguanꞌ. ¿Chaquele ṉabdaꞌ X̱anꞌ yosleꞌ nedaꞌ ḻo daꞌ caꞌ ba zoa gac c̱hiaꞌ ṉaꞌa? Bitw gonaꞌ caꞌ, ḻe zaꞌa cont gac c̱hiaꞌ yogoꞌ daꞌ caꞌ.

9
00:01:46,800 --> 00:02:08,080
Nach boḻ güižeꞌ Diosenꞌ, gwneꞌ: ―X̱aꞌ, ben len nedaꞌ cont yesacbeꞌe beṉeꞌ nacoꞌ beṉeꞌ zacaꞌ juisyw. Beyož gwneꞌ caꞌ naꞌ gwṉe Dios benꞌ zoa yabanꞌ, gwneꞌ: ―Ba benaꞌ len leꞌ cont chesacbeꞌe beṉeꞌ nacaꞌ beṉeꞌ zacaꞌ juisyw naꞌ zaꞌ gonchaꞌ caꞌ yeto.

10
00:02:08,080 --> 00:02:19,800
Naꞌ zan beṉeꞌ caꞌ žeꞌ naꞌ gosendeꞌ danꞌ gwna Diosenꞌ naꞌ goseneꞌ gwzionꞌ gwṉe. Naꞌ yebaḻeꞌ goseneꞌ: ―To angl gwṉeꞌ ḻeꞌ.

11
00:02:19,800 --> 00:02:29,760
Naꞌ Jesúsenꞌ gwneꞌ: ―Diosenꞌ gwṉeꞌ nedaꞌ zižje gague cont ṉezdaꞌ nedaꞌ chzenagueꞌ c̱hiaꞌ san cont ṉeze leꞌe.

12
00:02:29,760 --> 00:02:48,000
Ba bžin ža Diosenꞌ c̱hogbiꞌenꞌ c̱he beṉeꞌ caꞌ bi chesejḻeꞌe c̱hiaꞌ. Naꞌ ba bžin ža Satanás danꞌ chnabiaꞌ daꞌ x̱igüeꞌ caꞌ naꞌ danꞌ chnabiaꞌte beṉeꞌ caꞌ bi chosozenag c̱he Diosenꞌ solao ṉit yeḻaꞌ chnabiaꞌ c̱hen.

13
00:02:48,000 --> 00:02:57,480
Naꞌ cateꞌ yeseḻiseꞌ nedaꞌ to ḻeꞌe yag, canaꞌch gonaꞌ cont zan beṉeꞌ žeꞌ doxen ḻo yežlionꞌ yesejnilažeꞌ nedaꞌ.

14
00:02:57,480 --> 00:03:04,140
Gwneꞌ caꞌ cont goseṉezdeꞌ yesot beṉeꞌ ḻeꞌ yosodeꞌeneꞌ to ḻeꞌe yag cruz.

15
00:03:04,140 --> 00:03:34,520
Naꞌ beṉeꞌ caꞌ žeꞌnaꞌ clele gosejniꞌideꞌ danꞌ gwnenꞌ naꞌ goseꞌe ḻeꞌ: ―Ba benetoꞌ canꞌ ža Xtižaꞌ Diosenꞌ daꞌ nyojen, naꞌ ṉezetoꞌ žan Cristo benꞌ seḻaꞌ Diosenꞌ yedeṉabiꞌe nación c̱hechonꞌ soeꞌ toḻi tocaṉe. Naꞌ leꞌ ¿bixc̱henꞌ žoꞌ nacoꞌ beṉeꞌ gwseḻaꞌ Dios goljoꞌ beṉac̱h naꞌ žoꞌ yesoteꞌ leꞌ to ḻeꞌe yag cruz še caꞌ? ¿Nox nacoꞌ šacaꞌ?

16
00:03:34,520 --> 00:04:00,040
Nach Jesúsenꞌ gožeꞌ ḻegaqueꞌ: ―Yešlož daꞌozenꞌ soaꞌ len leꞌe, nedaꞌ nsaꞌ beꞌniꞌ c̱he yic̱hjlaždaꞌolenꞌ. Ḻe gwzenag c̱hiaꞌ šlac ṉeꞌ de latje šoꞌ beꞌniꞌ c̱hianꞌ ḻoꞌ yic̱hjlaždaꞌolenꞌ, cont bi cuiayiꞌlenḻe daꞌ mal danꞌ chnabiaꞌ leꞌe. Benꞌ chda ganꞌ nac c̱hoḻ bi chacbeꞌedeꞌ ganꞌ zejeꞌ. Canꞌ naquen len leꞌe.

17
00:04:00,040 --> 00:04:10,980
Ḻe šejnilažeꞌ nedaꞌ šlac ṉeꞌ zoaꞌ len leꞌe, cont šoꞌ beꞌniꞌ c̱hianꞌ ḻoꞌ yic̱hjlaždaꞌolenꞌ. Gwde gwna Jesúsenꞌ caꞌ bezeꞌe naꞌ bcuašeꞌdeꞌ ḻegaqueꞌ.