1
00:00:05,000 --> 00:00:16,440
Naꞌ ḻaꞌczḻaꞌ beṉeꞌ Israel gualaž c̱hetoꞌ caꞌ beseleꞌedeꞌ ben Jesúsenꞌ daꞌ zan yeḻaꞌ guac, zaneꞌ bi gosejnilažeꞌneꞌ.

2
00:00:16,440 --> 00:00:30,160
Goc canꞌ bzoj daꞌ Isaíasenꞌ benꞌ beꞌ xtižaꞌ Diosenꞌ caniꞌ, gwneꞌ: X̱antoꞌ, nono chejḻeꞌ dižaꞌ danꞌ chyix̱jueꞌetonꞌ, naꞌ nono chesacbeꞌe bloꞌo yeḻaꞌ guac c̱hionꞌ.

3
00:00:30,160 --> 00:00:37,840
Bi goc yesejḻeꞌe, ḻe goc c̱hegaqueꞌ canꞌ ža yeto danꞌ bzoj daꞌ Isaíasenꞌ, žan:

4
00:00:37,840 --> 00:01:05,320
Diosenꞌ beneꞌ cont bi gosejniꞌideꞌ naꞌ cont zjanaqueꞌ beṉeꞌ güedena. Ba beneꞌ cont cheseleꞌedeꞌ naꞌ bi zjaṉezdeꞌ bi zejen, naꞌ bi chesacbeꞌedeꞌ ḻoꞌ yic̱hjlaždaꞌogaqueꞌ bi zejen danꞌ chloꞌedeꞌ ḻegaqueꞌ. Šacaꞌ chesejniꞌideꞌ naꞌ chesacbeꞌedeꞌ bi zejen danꞌ chloꞌedaꞌ ḻegaqueꞌ, ba besyetiṉjdeꞌ naꞌ ba becaꞌa xtoḻaꞌgaquenꞌ šacaꞌ.

5
00:01:05,320 --> 00:01:13,960
Daꞌ Isaíasenꞌ gwneꞌ caꞌ daꞌ bleꞌebandeꞌ nac Jesúsenꞌ beṉeꞌ zacaꞌ juisyw nach beꞌe dižaꞌ c̱heꞌ.

6
00:01:13,960 --> 00:01:34,960
Naꞌ ḻaꞌczḻaꞌ zanch beṉeꞌ Israel gualaž c̱hetoꞌ caꞌ bi gosejnilažeꞌ Jesúsenꞌ, biaꞌcze beṉeꞌ zan naꞌ len no beṉeꞌ gwnabiaꞌ c̱hetoꞌ gosejnilažeꞌneꞌ, perw bi gosoꞌe dižaꞌ chesejnilažeꞌneꞌ ḻe besežebeꞌ bich yosoleb beṉeꞌ fariseo caꞌ ḻegaqueꞌ ḻoꞌ yodaonꞌ.

7
00:01:34,960 --> 00:01:42,700
Gosaclažeꞌcheꞌ yeseniteꞌ binḻo len beṉac̱henꞌ clel ca yeseniteꞌ binḻo len Diosenꞌ.

8
00:01:42,700 --> 00:01:55,580
Nach Jesúsenꞌ gwneꞌ zižje gožeꞌ beṉeꞌ caꞌ žeꞌnaꞌ: ―Beṉeꞌ chesejnilažeꞌ nedaꞌ gague nedaꞌzenꞌ chesejnilažeꞌ san lente X̱anꞌ benꞌ gwseḻaꞌ nedaꞌ.

9
00:01:55,580 --> 00:02:00,560
Naꞌ beṉeꞌ chṉeꞌe nedaꞌ chleꞌedeꞌ beṉeꞌ gwseḻaꞌ nedaꞌ.

10
00:02:00,560 --> 00:02:10,300
Nedaꞌ zaꞌa yežlio nga chguaꞌa beꞌniꞌ ḻoꞌ yic̱hjlaždaoꞌ beṉeꞌ caꞌ chesejnilažeꞌ nedaꞌ, cont bi yeseniteꞌ yesoncheꞌ daꞌ malenꞌ.

11
00:02:10,300 --> 00:02:33,000
Naꞌ noteꞌtez beṉeꞌ ṉezdeꞌ canꞌ ba gwnianꞌ naꞌ bi chzenagueꞌ c̱hiaꞌ, gague nedaꞌ gwnežjuaꞌ castigw c̱he xtoḻenꞌ, ḻe bi zaꞌa yežlionꞌ cont gwnežjuaꞌ castigw c̱he xtoḻaꞌ beṉac̱henꞌ, san zaꞌa cont gwnežjuaꞌ yeḻaꞌ mban toḻi tocaṉe c̱he beṉeꞌ yesejnilažeꞌ nedaꞌ.

12
00:02:33,000 --> 00:02:48,880
Perw de daꞌ c̱hoglaon c̱he beṉeꞌ caꞌ bi chesejnilažeꞌ nedaꞌ naꞌ bi chosozenagueꞌ c̱he danꞌ ba gwnianꞌ, xtižanꞌ danꞌ ba bianꞌ, ḻenṉaꞌ c̱hoglaon c̱he beṉeꞌ caꞌ zjanapeꞌ doḻaꞌ cateꞌ žin ža te c̱he yežlionꞌ.

13
00:02:48,880 --> 00:02:59,220
Gague biaꞌ dižaꞌ to gualazaꞌ, san X̱aꞌ benꞌ gwseḻaꞌ nedanꞌ noneꞌ mandadw binꞌ cheyaḻaꞌ ṉiaꞌ naꞌ binꞌ cheyaḻaꞌ gwsed gwloꞌedaꞌ.

14
00:02:59,220 --> 00:03:13,340
Naꞌ ṉezdaꞌ danꞌ noneꞌ mandadw ṉiaꞌ nsanꞌ yeḻaꞌ mban toḻi tocaṉe c̱he beṉeꞌ  yosozenag c̱hen. Naꞌ daꞌ ḻi, con canꞌ ža X̱anꞌ, canꞌ choeꞌlenaꞌ leꞌe dižaꞌ.