1
00:00:05,000 --> 00:00:26,180
Naꞌ Jesúsenꞌ ba ṉezdeꞌ ba bžin ža yezeꞌe yežlionꞌ naꞌ yeyejeꞌ ganꞌ zoa X̱eꞌ Diosenꞌ, naꞌ gocdeꞌ yogoꞌ beṉeꞌ ba chejnilažeꞌ ḻeꞌ ḻo yežlio nga. Daꞌnanꞌ zaꞌ gaḻaꞌ ḻṉi pasconꞌ bzejniꞌideꞌ beṉeꞌ caꞌ zjanaqueꞌ ḻeꞌ txen, ḻe chacyaṉeꞌczedeꞌ ḻegaqueꞌ.

2
00:00:26,180 --> 00:00:41,680
Bac̱h gwloꞌo Satanásenꞌ xbab ḻoꞌ yic̱hjlaždaoꞌ Judas Iscariote, benꞌ nac xiꞌiṉ to beṉeꞌ le Simón, cont gwdieꞌ Jesúsenꞌ ḻo naꞌ beṉeꞌ caꞌ chesegueꞌedeꞌ ḻeꞌ. Naꞌ ba zjaniteꞌ chesagüeꞌ xšeꞌ.

3
00:00:41,680 --> 00:00:54,420
Naꞌ Jesúsenꞌ ṉezdeꞌ X̱enꞌ ba beneꞌ cont napeꞌ ḻaꞌzelagüe yeḻaꞌ chnabiaꞌ, naꞌ ṉezdeꞌ ganꞌ zoa Diosenꞌ gwzeꞌe naꞌ ganꞌ zoeꞌ nanꞌ yeyejeꞌ.

4
00:00:54,420 --> 00:01:04,320
Daꞌnanꞌ gwzožeꞌe cateꞌ ba chesyedagüeꞌ xšeꞌ naꞌ gwlec̱hjeꞌ xeꞌ daꞌ nyazeꞌ chaꞌle naꞌ gwxiꞌe to lacheꞌ daꞌ bc̱hej ḻsinenꞌ.

5
00:01:04,320 --> 00:01:15,840
Nach gwxiꞌe nis naꞌ gwdeꞌen to ḻoꞌ šaꞌ naꞌ gwzolagüeꞌ gwdibeꞌ ṉiꞌa beṉeꞌ caꞌ zjanaqueꞌ ḻeꞌ txen ca to mos, naꞌ bosbižeꞌ ṉiꞌagaquenꞌ len lachenꞌ nc̱hej ḻsinenꞌ.

6
00:01:15,840 --> 00:01:23,040
Naꞌ cateꞌ ba zoa c̱hibeꞌ ṉiꞌa Simón Pedro, Pedronꞌ gožeꞌneꞌ: ―X̱anaꞌ, ¿leꞌ c̱hiboꞌ ṉiꞌanꞌ?

7
00:01:23,040 --> 00:01:30,420
Naꞌ Jesúsenꞌ gožeꞌneꞌ: ―Danꞌ chonaꞌ nga bi chejniꞌidonꞌ ṉaꞌa, perw gwžin ža cateꞌ šejniꞌidonꞌ.

8
00:01:30,420 --> 00:01:40,080
Naꞌ gož Pedronꞌ ḻeꞌ: ―Gwbat guaꞌa latje c̱hiboꞌ ṉiꞌanꞌ. Jesúsenꞌ gožeꞌneꞌ: ―Še bi c̱hibanꞌ, bich gacoꞌ txen len nedaꞌ.

9
00:01:40,080 --> 00:01:46,200
Naꞌ Pedronꞌ gožeꞌneꞌ: ―X̱anaꞌ, gague ṉiꞌa naꞌzenꞌ c̱hiboꞌ še caꞌ, san doxenaꞌ.

10
00:01:46,200 --> 00:02:01,180
Nach gož Jesúsenꞌ ḻeꞌ: ―Beṉeꞌ nošaꞌ nazjeꞌ, ṉiꞌe naꞌzenꞌ chyažjen c̱hibeꞌ, ḻe doxen cuerp c̱henꞌ naquen xilažeꞌ. Canꞌ nac leꞌe, nac laždaꞌolenꞌ xilažeꞌ, ḻaꞌczḻaꞌ gague yogoꞌle.

11
00:02:01,180 --> 00:02:11,560
Jesúsenꞌ gwṉezdeꞌ nonꞌ gwdeꞌ ḻeꞌ ḻo naꞌ beṉeꞌ chesegueꞌedeꞌ ḻeꞌ. Daꞌnanꞌ gwneꞌ: “Gague yogoꞌle nac laždaꞌolenꞌ xilaže.”

12
00:02:11,560 --> 00:02:25,980
Naꞌ cateꞌ beyož gwdibeꞌ ṉiꞌa yogüeꞌ, nach beyazeꞌ xeꞌ danꞌ chazeꞌ chaꞌle naꞌ bebiꞌe daꞌ yoble choꞌa mesenꞌ. Naꞌ gožeꞌ ḻegaqueꞌ: ―¿Chejniꞌile bi zejen danꞌ ba benaꞌ nga len leꞌe?

13
00:02:25,980 --> 00:02:32,620
Leꞌe nsiꞌle nedaꞌ Maestrw naꞌ X̱anḻe, naꞌ güenczenꞌ žale, ḻe canꞌ nacaꞌ.

14
00:02:32,620 --> 00:02:43,680
Naꞌ nedaꞌ ḻaꞌczḻaꞌ nacaꞌ X̱anḻe naꞌ Maestrw c̱hele, ba gwdibaꞌ ṉiꞌalenꞌ ca to mos, naꞌ canꞌ cheyaḻaꞌ gaclen ḻježle ca to mos.

15
00:02:43,680 --> 00:02:49,400
Ba gwdibaꞌ ṉiꞌalenꞌ cont bloꞌedaꞌ leꞌe cheyaḻaꞌ gonḻe canꞌ ba benanꞌ.

16
00:02:49,400 --> 00:03:01,180
Chniaꞌ leꞌe to daꞌ zejen, noteꞌteze mos bi naqueꞌ beṉeꞌ blaoch ca x̱aneꞌ, naꞌ to beṉeꞌ zej mandadw bi zacaꞌcheꞌ ca beṉeꞌ gwseḻaꞌ ḻeꞌ.

17
00:03:01,180 --> 00:03:06,560
Še chejniꞌile daꞌ quinga naꞌ gonḻe canꞌ gwnianꞌ, nach soale mbalaz.