1
00:00:05,000 --> 00:00:24,360
’Bi žiaꞌ caꞌ c̱he yogoꞌle. Nombiꞌa yic̱hjlaždaoꞌ to to leꞌe ba gwlejaꞌ cont soale txen len nedaꞌ. Naꞌ ṉezdaꞌ gac canꞌ ža Xtižaꞌ Diosenꞌ daꞌ nyojen žan: “Beṉeꞌ gwdagw len nedaꞌ txen ba blej bšošjeꞌ nedaꞌ.”

2
00:00:24,360 --> 00:00:36,700
Chniaꞌ leꞌe daꞌ quinga cateꞌ zaꞌ gac caꞌ cont cateꞌ ba goc caꞌ soac̱hac̱hle šejḻeꞌle ḻe nacaꞌ benꞌ gwseḻaꞌ Diosenꞌ canꞌ ba gwniaꞌ leꞌe.

3
00:00:36,700 --> 00:00:50,660
Chniaꞌ leꞌe to daꞌ zejen, beṉeꞌ caꞌ chosolebeꞌ noteꞌtez beṉeꞌ chseḻaꞌ, nedaꞌczenꞌ chosolebeꞌ še caꞌ, naꞌ beṉeꞌ chosolebeꞌ nedaꞌ ḻecze chosolebeꞌ Dios beṉeꞌ gwseḻeꞌ nedaꞌ.

4
00:00:50,660 --> 00:01:05,520
Beyož gwna Jesúsenꞌ caꞌ ba gwzolao chacyašeꞌchgüedeꞌ ḻoꞌ yic̱hjlaždaꞌogüenꞌ, naꞌ bochix̱gatenꞌ gwneꞌ: ―Daꞌ ḻi chniaꞌ leꞌe, to leꞌe gwdelendaꞌ ḻo naꞌ beṉeꞌ chesegueꞌe nedaꞌ.

5
00:01:05,520 --> 00:01:14,680
Naꞌ beṉeꞌ caꞌ zjanaqueꞌ ḻeꞌ txen con cheseṉaꞌ choꞌalao ḻježeꞌ chesoneꞌ xbab c̱he noenꞌ gwneꞌ caꞌ.

6
00:01:14,680 --> 00:01:19,660
Naꞌ toeꞌ chiꞌe cuitenꞌ danꞌ chaquechgüeꞌ Jesúsenꞌ ḻeꞌ.

7
00:01:19,660 --> 00:01:27,100
Nach Pedronꞌ beneꞌ señw len benaꞌ cont gwṉabdeꞌ Jesúsenꞌ no c̱henꞌ gwneꞌ caꞌ.

8
00:01:27,100 --> 00:01:31,780
Nach gwbigueꞌ bago gožeꞌ Jesúsenꞌ: ―¿Nonꞌ gon caꞌ?

9
00:01:31,780 --> 00:01:52,640
Naꞌ gož Jesúsenꞌ ḻeꞌ: ―Benaꞌ gwnežjuaꞌ lateꞌ yetextilenꞌ cateꞌ ba bḻoꞌojanꞌ ḻoꞌ nis yeḻaꞌ guagonꞌ, ḻeꞌnaꞌ gon caꞌ. Nach bḻoꞌojeꞌ lateꞌ yetextilenꞌ ḻoꞌ nis yeḻaꞌ guagonꞌ naꞌ bnežjuenꞌ Judas Iscariote beṉeꞌ nac xiꞌiṉ to beṉeꞌ leꞌ Simón.

10
00:01:52,640 --> 00:02:07,020
Naꞌ beyož bnežjueꞌ Judasenꞌ yetextilenꞌ ḻaꞌ gwyoꞌo gwyazte Satanás danꞌ chnabiaꞌ daꞌ x̱igüeꞌ caꞌ ḻoꞌ yic̱hjlaždaoꞌ Judasenꞌ. Nach Jesúsenꞌ gožeꞌ Judasenꞌ: ―Daꞌ ba zoa gonoꞌ benen bedaoꞌnez.

11
00:02:07,020 --> 00:02:13,180
Naꞌ ṉe to benꞌ zjachiꞌ choꞌa mesenꞌ bi gosejniꞌideꞌ bixc̱henꞌ gožeꞌ ḻeꞌ caꞌ.

12
00:02:13,180 --> 00:02:26,120
Baḻeꞌ gosacdeꞌ daꞌ nox̱eꞌ Judasenꞌ bols mechonꞌ Jesúsenꞌ gožeꞌ ḻeꞌ šjax̱iꞌe daꞌ cheseyažjdeꞌ ḻo ḻṉinꞌ o šjanežjueꞌ mechw daꞌ chyažje no beṉeꞌ yašeꞌ.

13
00:02:26,120 --> 00:02:37,440
Nach cateꞌ beyož gwdagw Judasenꞌ pedas yetextil danꞌ bnežjw Jesúsenꞌ ḻeꞌ, ḻaꞌ bchojteꞌ. Naꞌ ba nac ba goḻ gual.

14
00:02:37,440 --> 00:02:53,520
Gwde bchoj Judasenꞌ, Jesúsenꞌ gwneꞌ: ―Diosenꞌ gwseḻeꞌ nedaꞌ goljaꞌ beṉac̱h naꞌ ṉaꞌa ba nḻaꞌlaon nacaꞌ beṉeꞌ zacaꞌ juisyw, naꞌ nedaꞌ ḻecze ba chloꞌa Diosenꞌ naqueꞌ beṉeꞌ zacaꞌ juisyw.

15
00:02:53,520 --> 00:03:01,140
Naꞌ danꞌ chloꞌa naqueꞌ beṉeꞌ zacaꞌ, ḻecze ḻeꞌ gwloꞌe nacaꞌ beṉeꞌ zacaꞌ, naꞌ ḻaꞌ gontienꞌ ṉaꞌa.

16
00:03:01,140 --> 00:03:15,060
Xiꞌiṉdaꞌoguaꞌ, yešložga soaꞌ len leꞌe. Naꞌ yeyiljwle nedaꞌ, naꞌ chniaꞌ leꞌe danꞌ gošaꞌ beṉeꞌ gwnabiaꞌ c̱he nación Israel c̱hechonꞌ, bi gac saꞌlenḻe nedaꞌ ganꞌ yeyaꞌan.

17
00:03:15,060 --> 00:03:25,680
Naꞌ to daꞌ cobe chžiaꞌ biaꞌ gonḻe, gaque ḻježle tole yetole. Canꞌ chacdaꞌ leꞌe, ḻecz canꞌ cheyaḻaꞌ gaque ḻježle tole yetole.

18
00:03:25,680 --> 00:03:33,800
Naꞌ yeseṉeze yogoꞌḻoḻ beṉeꞌ nacle nedaꞌ txen še soaczle gaque ḻježle tole yetole.

19
00:03:33,800 --> 00:03:48,660
Naꞌ Simón Pedronꞌ gožeꞌ Jesúsenꞌ: ―X̱anaꞌ, ¿ganꞌ yeyejoꞌ? Naꞌ gož Jesúsenꞌ ḻeꞌ: ―Ganꞌ yeyaꞌan bi gac saꞌlenoꞌ nedaꞌ ṉaꞌa, perw techle yidoꞌ gaꞌoguoꞌ nedaꞌ.

20
00:03:48,660 --> 00:03:59,800
Naꞌ Pedronꞌ gožeꞌ ḻeꞌ: ―X̱anaꞌ, ¿bixc̱henꞌ bi gac saꞌlenaꞌ leꞌ ṉaꞌa? Gwzanḻažeꞌ cuinaꞌ gataꞌ še chonen byen cont gaclenaꞌ leꞌ.

21
00:03:59,800 --> 00:04:15,100
Naꞌ gož Jesúsenꞌ ḻeꞌ: ―¿Chacdoꞌ gwzanḻažeꞌ cuinoꞌ gatoꞌ cont gaclenoꞌ nedaꞌ? Daꞌ ḻi chniaꞌ leꞌ, cateꞌ cuež jeanꞌ ba goc šoṉ ṉiꞌa bi chc̱heboꞌ nombiꞌo nedaꞌ.