1
00:00:05,000 --> 00:00:12,540
’Bich gacžejlažeꞌle. Ḻe šejnilažeꞌ Diosenꞌ naꞌ ḻecze ḻe šejnilažeꞌ nedaꞌ.

2
00:00:12,540 --> 00:00:24,560
Daꞌ zan yoꞌo daꞌ žeꞌ ganꞌ zoa X̱aꞌ Diosenꞌ. Ba gwniaꞌ leꞌe šacaꞌ bibi latje de c̱hele, san yeyaꞌa šjayenšaguaꞌ yoꞌo c̱he to tole.

3
00:00:24,560 --> 00:00:34,760
Naꞌ cateꞌ yeyož šjayenšaguaꞌ yoꞌo c̱hele caꞌ, canaꞌch yidaꞌ daꞌ yoble yec̱hiꞌa leꞌe cont yedyezoale ganꞌ šjayzoaꞌ nedaꞌ.

4
00:00:34,760 --> 00:00:41,220
Ṉezele ganꞌ yeyaꞌanꞌ naꞌ ba ṉezele nac gonḻe cont yežinḻe naꞌ.

5
00:00:41,220 --> 00:00:51,120
Naꞌ gož Tomásenꞌ ḻeꞌ: ―X̱antoꞌ, bi ṉezetoꞌ ganꞌ yeyejoꞌ. ¿Nacxe gac ṉezetoꞌ nac gontoꞌ yežintoꞌ naꞌ?

6
00:00:51,120 --> 00:01:08,580
Jesúsenꞌ gožeꞌneꞌ: ―Nedaꞌ nacaꞌ nezenꞌ naꞌ nsaꞌa yogoꞌ dižaꞌ ḻi, naꞌ toz nedaꞌ chac chnežjuaꞌ beṉeꞌ yeḻaꞌ mban toḻi tocaṉe. Ṉe toze beṉeꞌ bi yežineꞌ ganꞌ zoa X̱anꞌ še bi šejnilažeꞌ nedaꞌ.

7
00:01:08,580 --> 00:01:18,460
Še nombiaꞌyaṉeꞌle nedaꞌ, lente X̱anꞌ ba nombiaꞌle še caꞌ. Naꞌ bac̱h nombiaꞌlneꞌ ṉaꞌa naꞌ ba bleꞌelneꞌ.

8
00:01:18,460 --> 00:01:25,820
Naꞌ gož Felipenꞌ ḻeꞌ: ―Ben cont leꞌetoꞌ X̱aonꞌ, ḻezenꞌ chṉabetoꞌ leꞌ.

9
00:01:25,820 --> 00:01:42,580
Jesúsenꞌ gožeꞌneꞌ: ―Felipe, sša xen ba gwzoaꞌ nga len leꞌe naꞌ ¿biṉaꞌ gombiꞌo nedaꞌ? Noteꞌtez beṉeꞌ ba bleꞌe nedaꞌ ḻencze X̱anꞌ ba bleꞌedeꞌ. ¿Bixc̱henꞌ chṉaboꞌ gonaꞌ cont leꞌele X̱anꞌ?

10
00:01:42,580 --> 00:02:01,180
¿Bi chejḻiꞌo zoaꞌ len X̱anꞌ naꞌ ḻeꞌ zoeꞌ len nedaꞌ? Dižaꞌ daꞌ choaꞌ len leꞌe bi choanꞌ to gualazaꞌ. X̱aꞌ nanꞌ zoeꞌ len nedaꞌ naꞌ ḻenꞌ choneꞌ cont choaꞌ dižanꞌ chaclažeꞌ guaꞌ naꞌ chonaꞌ bi daꞌ chaclažeꞌ gonaꞌ.

11
00:02:01,180 --> 00:02:12,440
Ḻe šejḻeꞌ c̱hiaꞌ zoaꞌ len X̱anꞌ naꞌ ḻeꞌ zoeꞌ len nedaꞌ. Naꞌ še bi chejḻeꞌle xtižanꞌ, ḻe šejḻeꞌ c̱hiaꞌ danꞌ ba bleꞌele chonaꞌ yeḻaꞌ guac.

12
00:02:12,440 --> 00:02:26,520
Naꞌ chniaꞌ to daꞌ zejen, beṉeꞌ caꞌ chesejnilažeꞌ nedaꞌ, daꞌ caꞌ chonanꞌ ḻecze ḻegaquen yesoneꞌ. Naꞌ daꞌ zacaꞌch ca daꞌ caꞌ yesoneꞌ, ḻe yeyaꞌa ganꞌ zoa X̱anꞌ.

13
00:02:26,520 --> 00:02:38,740
Naꞌ biteꞌteze daꞌ ṉabele X̱anꞌ lagüe daꞌ chejnilažeꞌle nedaꞌ nacaꞌ Xiꞌiṉeꞌ, gonanꞌ, cont gwloꞌa nac X̱anꞌ beṉeꞌ zacaꞌ juisyw.

14
00:02:38,740 --> 00:02:45,740
Biteꞌtez daꞌ ṉable gonaꞌ lagüe daꞌ chejnilažeꞌle nedaꞌ, nedaꞌ gonanꞌ.