1
00:00:05,000 --> 00:00:09,520
’Še chaquele nedaꞌ, gonḻe canꞌ nonaꞌ mandadw.

2
00:00:09,520 --> 00:00:22,120
Naꞌ ṉabdaꞌ X̱anꞌ cont seḻeꞌ Spiritw c̱henꞌ soan len leꞌe toḻi tocaṉe naꞌ gaclenen leꞌe. Naꞌ Spiritw c̱he Diosenꞌ gwzejniꞌin leꞌe daꞌ nac daꞌ ḻi.

3
00:00:22,120 --> 00:00:41,100
Naꞌ beṉeꞌ bi chesejnilažeꞌ Diosenꞌ, Spiritw c̱henꞌ bi gac soan len ḻegaqueꞌ, ḻe bi cheseleꞌedenꞌ naꞌ ṉeca chesejḻeꞌe še zoan. San leꞌe nombiaꞌlen, ḻe zoan len leꞌe naꞌ gwžin ža yedesoan ḻoꞌ yic̱hjlaždaꞌolenꞌ ṉabianꞌ leꞌe.

4
00:00:41,100 --> 00:00:48,040
Bi yocuaꞌaṉaꞌ leꞌe ca biꞌ güezebe. Güidczaꞌ yeto ganꞌ zoale nga.

5
00:00:48,040 --> 00:01:02,480
Yešlož beṉeꞌ caꞌ bi chesejnilažeꞌ Diosenꞌ bich yeseleꞌedeꞌ nedaꞌ, perw leꞌe gwleꞌeczele nedaꞌ. Naꞌ daꞌ zoaꞌ toḻi tocaṉe, daꞌnanꞌ soale toḻi tocaṉe.

6
00:01:02,480 --> 00:01:15,580
Naꞌ cateꞌ žin ža yedesoa Spiritw c̱he Diosenꞌ ḻoꞌ yic̱hjlaždaꞌolenꞌ, canaꞌch gacbeꞌele nedaꞌ zoaꞌ len X̱anꞌ naꞌ leꞌe zoale len nedaꞌ naꞌ nedaꞌ zoaꞌ len leꞌe.

7
00:01:15,580 --> 00:01:34,660
Beṉeꞌ zjaṉezdeꞌ danꞌ nonaꞌ mandadw yesoneꞌ naꞌ chesonenꞌ, beṉeꞌ caꞌ chesacdeꞌ nedaꞌ. Naꞌ beṉeꞌ caꞌ chesacdeꞌ nedaꞌ ḻecze chaque X̱anꞌ ḻegaqueꞌ, naꞌ nedaꞌ ḻecze soaꞌ gacdaꞌ ḻegaqueꞌ naꞌ gonaꞌ cont yesombiaꞌcheꞌ nedaꞌ.

8
00:01:34,660 --> 00:01:49,300
Naꞌ Judas (perw gague Judas Iscariote) gožeꞌneꞌ: ―X̱antoꞌ, ¿bixc̱henꞌ gonoꞌ cont netoꞌ ṉezetoꞌ zoaczoꞌ len netoꞌ naꞌ bi gonoꞌ caꞌ len beṉeꞌ bi chesejnilažeꞌ Diosenꞌ?

9
00:01:49,300 --> 00:02:04,140
Naꞌ Jesúsenꞌ gožeꞌneꞌ: ―Beṉeꞌ chesacdeꞌ nedaꞌ chosozenagueꞌ xtižanꞌ, naꞌ X̱anꞌ ḻecze gacdeꞌ ḻegaqueꞌ naꞌ nedaꞌ len x̱anꞌ yedesoatoꞌ len ḻegaqueꞌ.

10
00:02:04,140 --> 00:02:16,300
Beṉeꞌ bi chesacdeꞌ nedaꞌ bi chosozenagueꞌ xtižanꞌ. Naꞌ dižaꞌ danꞌ chnianꞌ bi choꞌan to gualazaꞌ san choꞌa dižaꞌ daꞌ ža X̱anꞌ benꞌ gwseḻaꞌ nedaꞌ.

11
00:02:16,300 --> 00:02:20,620
’Daꞌ quinga ba gwniaꞌ leꞌe šlac ṉeꞌ zoaꞌ len leꞌe.

12
00:02:20,620 --> 00:02:40,500
Naꞌ X̱anꞌ seḻeꞌ Spiritw c̱henꞌ soan ḻoꞌ yic̱hjlaždaoꞌ leꞌe chejnilažeꞌle nedaꞌ cont gaclenen leꞌe. Naꞌ Spiritonꞌ gwzejniꞌin leꞌe yogoꞌ daꞌ cheyaḻaꞌ ṉezele naꞌ gonen cont šjayzaꞌlažeꞌle yogoꞌ danꞌ ba gwniaꞌ leꞌe.

13
00:02:40,500 --> 00:03:02,980
’Naꞌ chcuaꞌaṉaꞌ leꞌe naꞌ chonaꞌ cont soa cuezle binḻo len xbab c̱helenꞌ. Chaclažaꞌ soa cuezle binḻo len xbab c̱helenꞌ canꞌ zoaꞌ nedaꞌ. Nono beṉac̱h gac goneꞌ cont soa cuezle binḻo len xbab c̱helenꞌ canꞌ chac chonaꞌ nedaꞌ. Bi gacžejlažeꞌle, ṉeca žeble.

14
00:03:02,980 --> 00:03:18,680
Ba benele gwniaꞌ yeyaꞌa ganꞌ zoa X̱anꞌ naꞌ yidaꞌ daꞌ yoble ganꞌ zoale nga. Naꞌ ša chaquelendaꞌ ca cheyaḻaꞌ, nach chebele danꞌ yeyaꞌa ganꞌ zoa X̱anꞌ, ḻe X̱anꞌ zacaꞌcheꞌ ca nedaꞌ.

15
00:03:18,680 --> 00:03:27,420
Naꞌ ba gwniaꞌ leꞌe ṉaꞌa bibi ṉaꞌ gac, cont soac̱hac̱hle šejnilažeꞌle nedaꞌ catenꞌ gac caꞌ.

16
00:03:27,420 --> 00:03:42,920
’Bich guaꞌa dižaꞌ zan len leꞌe, ḻe ba zaꞌ Satanás danꞌ chnabiaꞌ daꞌ x̱igüeꞌ caꞌ naꞌ danꞌ chnabiaꞌte beṉeꞌ caꞌ bi chesejnilažeꞌ nedaꞌ, naꞌ tiḻlenen nedaꞌ, perw bi gonen nedaꞌ gan.

17
00:03:42,920 --> 00:03:53,080
Chonaꞌ con canꞌ non X̱anꞌ mandadw cont ṉeze  beṉac̱henꞌ chacdaꞌ X̱anꞌ. Ḻe šoꞌo ṉaꞌa, ba goḻe šejcho.