1
00:00:05,000 --> 00:00:14,000
’Nedaꞌ zacaꞌlebaꞌ ca to yag daꞌ chbia uvas. Naꞌ X̱anꞌ zacaꞌlebeꞌ ca beṉeꞌ chonšiꞌi yaguenꞌ.

2
00:00:14,000 --> 00:00:30,320
Naꞌ leꞌe chejnilažeꞌle nedaꞌ zacaꞌleble ca xozeꞌ yaguenꞌ. Naꞌ to to xozeꞌ yaguenꞌ daꞌ bibi chbian, chc̱hoguenꞌ. Naꞌ to to xozenꞌ daꞌ chbia uvasenꞌ chpeꞌen cont chbiachen daꞌ zanch.

3
00:00:30,320 --> 00:00:37,740
Naꞌ leꞌe ba nacle ca to xozenꞌ daꞌ ba mpeꞌe, ḻe bac̱h chzenagle xtižanꞌ danꞌ ba beꞌlenaꞌ leꞌe.

4
00:00:37,740 --> 00:00:55,640
Ḻe soac̱hac̱h len nedaꞌ cont soac̱hac̱haꞌ len leꞌe. Canꞌ nac xozeꞌ yaguenꞌ bibi chac cuian to gualazen še bi ncaꞌan ḻeꞌe yaguenꞌ, canꞌ naquen len leꞌe, bi gacle canꞌ chazlažeꞌ Diosenꞌ še bi soac̱hac̱hle len nedaꞌ.

5
00:00:55,640 --> 00:01:19,640
’Nedaꞌ zacaꞌlebaꞌ ca to yag daꞌ chbia uvas naꞌ leꞌe zacaꞌleble ca xozenꞌ. Noteꞌtezle še soac̱hac̱hle len nedaꞌ ḻecze soac̱hac̱haꞌ len leꞌe naꞌ gacle canꞌ chazlažeꞌ Diosenꞌ, caꞌaczenꞌ nac c̱he yag uvazenꞌ danꞌ chbiachgua, ḻe bibi gac gonḻe to gualazle.

6
00:01:19,640 --> 00:01:36,840
Beṉeꞌ bi zoac̱hac̱heꞌ len nedaꞌ, gac c̱heꞌ canꞌ chac len xozeꞌ yag daꞌ bibi chbia, ḻe chesec̱hoguenꞌ naꞌ chesebižen naꞌ chžin ža chosotobenꞌ chesadoenꞌ yiꞌ cont cheseyen.

7
00:01:36,840 --> 00:01:47,620
’Naꞌ leꞌe še zoac̱hac̱hle len nedaꞌ naꞌ zoac̱hac̱hle chzenagle xtižanꞌ, biteꞌtez daꞌ chaclažeꞌle ṉabele Diosenꞌ, goṉczenꞌ.

8
00:01:47,620 --> 00:02:01,080
Chacxen X̱anꞌ cateꞌ zoale chonchguale danꞌ chazlaženꞌ, naꞌ še chonḻe caꞌ, yesacbeꞌe beṉeꞌ daꞌ ḻi chejnilažeꞌle nedaꞌ naꞌ chzenagle c̱hiaꞌ.

9
00:02:01,080 --> 00:02:10,500
Ca X̱anꞌ chacdeꞌ nedaꞌ, ḻecz caꞌ nedaꞌ ba chacdaꞌ leꞌe. Ḻe soa ḻe gon canꞌ žiaꞌ cont gacbeꞌele chacdaꞌ leꞌe.

10
00:02:10,500 --> 00:02:22,400
Še gonḻe canꞌ nonaꞌ mandadw, nachenꞌ gacbeꞌele chacdaꞌ leꞌe, ḻe nedaꞌ chonaꞌ danꞌ non X̱anꞌ mandadw naꞌ chacbeꞌedaꞌ chacdeꞌ nedaꞌ.

11
00:02:22,400 --> 00:02:30,860
’Ba gwniaꞌ leꞌe caꞌ cont soale mbalaz ca mbalazenꞌ zoaꞌ nedaꞌ. Chaclažaꞌ soale mbalaz juisyw.

12
00:02:30,860 --> 00:02:37,280
Naꞌ daꞌ nga nonaꞌ mandadw gonḻe, gaque ḻježle tole yetole canꞌ chacdaꞌ nedaꞌ leꞌe.

13
00:02:37,280 --> 00:02:47,840
Nono zoa beṉeꞌ chaquech ḻježeꞌ ca beṉeꞌ chzanḻažeꞌ cuineꞌ gateꞌ ṉec̱he beṉeꞌ migw c̱heꞌ. Naꞌ canꞌ chonaꞌ nedaꞌ.

14
00:02:47,840 --> 00:02:53,100
Naꞌ leꞌe nacle migw c̱hiaꞌ še chonḻe con canꞌ nonaꞌ mandadw.

15
00:02:53,100 --> 00:03:08,180
Naꞌ bich žiaꞌ nacle beṉeꞌ güen žin c̱hiaꞌ, ḻe to beṉeꞌ güen žin bi ṉezdeꞌ yogoꞌ daꞌ chon x̱anenꞌ, san žiaꞌ nacle migw c̱hiaꞌ. Ḻe yogoꞌḻoḻ daꞌ ba bendaꞌ gwna X̱anꞌ ba bzejniꞌidanꞌ leꞌe.

16
00:03:08,180 --> 00:03:31,940
Gague leꞌe gwlejle nedaꞌ nacaꞌ X̱anḻe. Nedaꞌ gwlejaꞌ leꞌe cont chejnilažeꞌle nedaꞌ. Naꞌ chseḻaꞌ leꞌe cont šjenḻe canꞌ chazlažeꞌ X̱anꞌ, naꞌ gague daꞌ te c̱he daꞌ caꞌ gonḻenꞌ. Naꞌ yogoꞌḻoḻ daꞌ ṉabele X̱anꞌ goneꞌ lagüe daꞌ chejnilažeꞌle nedaꞌ, gonczenꞌ.

17
00:03:31,940 --> 00:03:37,440
Daꞌ nga daꞌ chonaꞌ mandadw gonḻe, gaque ḻježle tole yetole.