1
00:00:05,000 --> 00:00:16,420
’Še beṉeꞌ bi chesejnilažeꞌ Diosenꞌ chesegueꞌedeꞌ leꞌe, ḻe gon xbab ba chesegueꞌeczedeꞌ nedaꞌ cateꞌ zaꞌ yesegueꞌedeꞌ leꞌe.

2
00:00:16,420 --> 00:00:34,220
Ša nacle txen len beṉeꞌ caꞌ bi chesejnilažeꞌ Diosenꞌ, nachenꞌ yesacdeꞌ leꞌe canꞌ chesaqueꞌ beṉeꞌ ḻježenꞌ šacaꞌ. Perw ba gwlejaꞌ leꞌe cont chzenagle c̱hiaꞌ. Daꞌnanꞌ chesegueꞌedeꞌ leꞌe daꞌ bi nacle ḻegaqueꞌ txen.

3
00:00:34,220 --> 00:00:52,140
Ḻe šjasaꞌlažeꞌ danꞌ gwniaꞌ leꞌe: “Noteꞌteze mos bi naqueꞌ blaoch ca x̱anenꞌ.” Bosoc̱hi bososacaꞌ beṉeꞌ nedaꞌ, naꞌ ḻecz caꞌ yesondeꞌ leꞌe. Naꞌ baḻze beṉeꞌ bosozenagueꞌ xtižanꞌ, ḻecze baḻzeꞌ yosozenagueꞌ xtižaꞌlenꞌ.

4
00:00:52,140 --> 00:01:02,140
Naꞌ daꞌ bi zjanombiꞌe Diosenꞌ benꞌ gwseḻaꞌ nedaꞌ, daꞌnanꞌ yesondeꞌ leꞌe yogoꞌ daꞌ caꞌ, ḻe chesegueꞌedeꞌ leꞌe daꞌ chzenagle c̱hiaꞌ.

5
00:01:02,140 --> 00:01:14,760
’Ša nedaꞌ bi bedezejniꞌidaꞌ ḻegaqueꞌ, bi zjanapeꞌ doḻaꞌ daꞌ chesegueꞌedeꞌ nedaꞌ šacaꞌ. Perw ṉaꞌa bibi de daꞌ yosodeꞌedeꞌ yeseneꞌ bi zjanapeꞌ doḻaꞌ.

6
00:01:14,760 --> 00:01:18,100
Beṉeꞌ chgueꞌedeꞌ nedaꞌ lente X̱anꞌ chgueꞌedeꞌ.

7
00:01:18,100 --> 00:01:33,700
Ba benaꞌ yeḻaꞌ guac daꞌ nono nochle ṉaꞌ gon, naꞌ šacaꞌ bi beseleꞌedenꞌ bi zjanapeꞌ doḻaꞌ daꞌ chesegueꞌedeꞌ nedaꞌ. Perw ba beseleꞌedeꞌ daꞌ caꞌ naꞌ biaꞌcze chesegueꞌedeꞌ nedaꞌ len X̱anꞌ.

8
00:01:33,700 --> 00:01:42,120
Naꞌ chac canꞌ nyoj Xtižaꞌ Diosenꞌ danꞌ chososedeꞌ ganꞌ žan: “Besegueꞌedeꞌ nedaꞌ ḻaꞌczḻaꞌ bibi daꞌ mal benaꞌ.”

9
00:01:42,120 --> 00:01:54,060
’Ba gwniaꞌ leꞌe seḻaꞌ Spiritw c̱he X̱aꞌ Diosenꞌ gaclenen leꞌe. Spiritonꞌ sanꞌ ganꞌ zoa X̱anꞌ naꞌ gwzejniꞌin leꞌe dižaꞌ ḻi c̱hiaꞌ nedaꞌ.

10
00:01:54,060 --> 00:02:02,700
Naꞌ ḻecz caꞌ leꞌe cheyaḻaꞌ güeꞌle xtižanꞌ, ḻe ba gwzoale len nedaꞌ šlac ba gwdix̱jueꞌedaꞌ xtižaꞌ X̱aꞌ Diosenꞌ.

11
00:02:02,700 --> 00:02:07,020
’Ba gwniaꞌ leꞌe yogoꞌ daꞌ caꞌ cont bi gacžejlažeꞌle.

12
00:02:07,020 --> 00:02:19,680
Ḻe yesyebejeꞌ leꞌe ḻoꞌ yodaoꞌ c̱hegaqueꞌ caꞌ, naꞌ gwžin ža cateꞌ noteꞌtez beṉeꞌ yesoteꞌ leꞌe yesacdeꞌ chebe Diosenꞌ danꞌ chesonenꞌ.

13
00:02:19,680 --> 00:02:24,540
Yesondeꞌ leꞌe yogoꞌ daꞌ caꞌ ḻe bi zjanombiꞌe X̱anꞌ ṉeca nedaꞌ.

14
00:02:24,540 --> 00:02:42,460
Žia leꞌe daꞌ quinga cont cateꞌ žin ža gac canꞌ gwnianꞌ nach šjazeꞌele. ’Bi gwniaꞌ leꞌe yogoꞌ daꞌ caꞌ gac c̱hele cateꞌ zaꞌ gwzolao bzejniꞌidaꞌ leꞌe xtižaꞌ Diosenꞌ, ḻe ṉeꞌ zoaczaꞌ chaclenaꞌ leꞌe.