1
00:00:05,000 --> 00:00:12,800
San ṉaꞌa yeyaꞌa ganꞌ zoa X̱anꞌ benꞌ gwseḻaꞌ nedaꞌ, naꞌ ṉe tole bi chṉabele nedaꞌ ganꞌ yeyaꞌa.

2
00:00:12,800 --> 00:00:17,100
Naꞌ ba chacyašeꞌle danꞌ ba gwniaꞌ yeyaꞌa.

3
00:00:17,100 --> 00:00:33,140
Perw daꞌ ḻi napen leꞌe cuent yeyaꞌa, ḻe še bi yeyaꞌa, Spiritw c̱he X̱aꞌ Diosenꞌ danꞌ gaclenen leꞌe bi yedesoan ḻoꞌ yic̱hjlaždaꞌolenꞌ. Naꞌ yeyaꞌa nach seḻanꞌ len leꞌe.

4
00:00:33,140 --> 00:00:49,480
Naꞌ cateꞌ yid Spiritonꞌ gwzejniꞌin beṉac̱henꞌ zjanapeꞌ doḻaꞌ, naꞌ gwzejniꞌin nonꞌ nac beṉeꞌ güen len Diosenꞌ, naꞌ gwzejniꞌin gataꞌ castigw toḻi tocaṉe c̱he beṉeꞌ bi chosozenagueꞌ c̱hiaꞌ.

5
00:00:49,480 --> 00:00:56,020
Spiritonꞌ gwzejniꞌin ḻegaqueꞌ zjanapeꞌ doḻaꞌ daꞌ bi chesejnilažeꞌ nedaꞌ.

6
00:00:56,020 --> 00:01:05,220
Naꞌ gwzejniꞌin ḻegaqueꞌ nonꞌ nac beṉeꞌ güen len Diosenꞌ, ḻe yeyaꞌa ganꞌ zoa X̱aꞌ Diosenꞌ naꞌ leꞌe bich leꞌele nedaꞌ.

7
00:01:05,220 --> 00:01:23,840
Naꞌ gwzejniꞌin ḻegaqueꞌ gataꞌ castigw c̱he xtoḻaꞌgaquenꞌ toḻi tocaṉe, ḻe Satanás danꞌ chnabiaꞌ daꞌ x̱igüeꞌ caꞌ naꞌ danꞌ chnabiaꞌte beṉeꞌ caꞌ bi chesejnilažeꞌ Diosenꞌ ba nchoglaon c̱hen gwnežjw Diosenꞌ castigw c̱hen toḻi tocaṉe.

8
00:01:23,840 --> 00:01:29,640
’Ṉeꞌ dech daꞌ zan daꞌ ṉiaꞌ leꞌe, perw naquen zdebe šejniꞌilen ṉaꞌa.

9
00:01:29,640 --> 00:01:55,200
San cateꞌ yedesoa Spiritw c̱he Diosenꞌ ḻoꞌ laždaꞌolenꞌ cont gwzejniꞌin leꞌe daꞌ nac daꞌ ḻi, ḻen gwsed gwloꞌen leꞌe yogoꞌ daꞌ cheyaḻaꞌ ṉezele c̱hiaꞌ, ḻe Spiritonꞌ chṉen dižaꞌ ḻi. Bi güeꞌen dižaꞌ to gualazen, san güeꞌen biteꞌtez dižaꞌ daꞌ chzene X̱anꞌ ḻen, naꞌ c̱hix̱jueꞌen leꞌe bicaꞌ daꞌ zaꞌ zaꞌac.

10
00:01:55,200 --> 00:02:02,640
Spiritonꞌ gonen cont gwloꞌelaon nacaꞌ beṉeꞌ zacaꞌ juisyw, ḻe gwzejniꞌin leꞌe xtižaꞌ.

11
00:02:02,640 --> 00:02:12,660
X̱anꞌ ba beneꞌ cont ṉezdaꞌ yogoꞌ daꞌ ṉeze ḻeꞌ, naꞌ daꞌnanꞌ gwniaꞌ Spiritonꞌ c̱hix̱jueꞌen leꞌe xtižanꞌ.

12
00:02:12,660 --> 00:02:21,320
’Šlož bi leꞌele nedaꞌ, naꞌ te yešlož naꞌ yezleꞌele nedaꞌ daꞌ yoble, ḻe yeyaꞌa ganꞌ zoa X̱anꞌ.

13
00:02:21,320 --> 00:02:40,200
Naꞌ baḻe beṉeꞌ caꞌ zjanaqueꞌ Jesúsenꞌ txen goseꞌ ḻježeꞌ: ―¿Bi zejen danꞌ cheꞌe chioꞌ te yešlož naꞌ bich leꞌechoneꞌ naꞌ techle ḻecze yešlož naꞌ yezleꞌechoneꞌ daꞌ yoble? Naꞌ ¿bi zejen danꞌ žeꞌ yeyejeꞌ ganꞌ zoa X̱enꞌ?

14
00:02:40,200 --> 00:02:44,420
¿Bi zejen danꞌ žeꞌ yešlož? Bi chejniꞌicho binꞌ žeꞌ.

15
00:02:44,420 --> 00:03:03,600
Jesúsenꞌ gocbeꞌedeꞌ chesaclažeꞌ yeseṉabdeꞌneꞌ bi zejen, naꞌ gožeꞌ ḻegaqueꞌ: ―¿Ba chṉabe ḻježle bi zejen danꞌ gwniaꞌ: “Yešlož naꞌ bich leꞌele nedaꞌ naꞌ techle ḻecze yešlož naꞌ yezleꞌele nedaꞌ daꞌ yoble”?

16
00:03:03,600 --> 00:03:18,760
Daꞌ ḻi chniaꞌ leꞌe ba zoa cuežle naꞌ yegüineꞌle šlac beṉeꞌ caꞌ bi chesejnilažeꞌ Diosenꞌ yesyebedeꞌ. Yeyašeꞌlažeꞌle, perw šložzenꞌ naꞌ techle yebele.

17
00:03:18,760 --> 00:03:33,640
Cateꞌ chzan noꞌolenꞌ chžaglagüeꞌ šlac chaqueꞌ bes c̱he yeḻaꞌ sanṉaꞌ. Naꞌ cateꞌ ba golje bdaꞌonaꞌ bich choneꞌ xbab c̱he danꞌ bžaglagüenꞌ, ḻe chbedeꞌ ba golje yeto beṉac̱h yežlio nga.

18
00:03:33,640 --> 00:03:46,820
Ḻecze caꞌ leꞌe ba chacyašeꞌle ṉaꞌa, perw cateꞌ yežagcho daꞌ yoble soachle mbalaz naꞌ nono gac yecaꞌa yeḻaꞌ chebe c̱helenꞌ ḻoꞌ yic̱hjlaždaꞌolenꞌ.

19
00:03:46,820 --> 00:04:06,020
’Naꞌ cateꞌ ba bžin ža šjayzoaꞌ daꞌ yoble ganꞌ zoa X̱anꞌ, canaꞌch bich yažjele bi ṉable gwzejniꞌidaꞌ leꞌe. Daꞌ ḻi chniaꞌ leꞌe, daꞌ chejnilažeꞌle nedaꞌ biteꞌtez daꞌ ṉabele X̱anꞌ, goṉczenꞌ leꞌe.

20
00:04:06,020 --> 00:04:23,500
Ža ṉaꞌaža bibi ṉaꞌ ṉabele X̱anꞌ yeꞌlneꞌ chṉablen daꞌ chejnilažeꞌle nedaꞌ. Naꞌ ṉaꞌa ḻe ṉabe X̱anꞌ bi daꞌ ṉabeleneꞌ yeꞌlneꞌ caꞌ, naꞌ goneꞌ canꞌ ṉabelenenꞌ cont soale mbalaz juisyw.

21
00:04:23,500 --> 00:04:36,000
’Daꞌ zan ba gwniaꞌ leꞌe len jempl. Gwžin ža cateꞌ bich gwzejniꞌidaꞌ leꞌe len jempl, san guaꞌa dižaꞌ daꞌ šejniꞌile cateꞌ gwzejniꞌidaꞌ leꞌe c̱he X̱anꞌ.

22
00:04:36,000 --> 00:04:49,400
Naꞌ cateꞌ ba bžin žanaꞌ, canaꞌch ṉabele X̱anꞌ bi daꞌ ṉabeleneꞌ yeꞌlneꞌ chṉablen daꞌ chejnilažeꞌle nedaꞌ. Naꞌ bi yažjen ṉabdaꞌ X̱anꞌ gacleneꞌ leꞌe.

23
00:04:49,400 --> 00:04:56,800
Ḻe cuincze X̱anꞌ chacdeꞌ leꞌe danꞌ chaquele nedaꞌ naꞌ chejḻeꞌle gwseḻeꞌ nedaꞌ.

24
00:04:56,800 --> 00:05:05,600
Ganꞌ zoa X̱aꞌ Diosenꞌ gwzaꞌa naꞌ ba bidaꞌ yežlio nga. Naꞌ ṉaꞌa yezaꞌ yežlio nga naꞌ yeyaꞌa ganꞌ zoa X̱anꞌ.

25
00:05:05,600 --> 00:05:11,600
Nach goseꞌeneꞌ: ―Bac̱h choꞌo dižaꞌ daꞌ chejniꞌitoꞌ naꞌ bi choꞌo jemplw.

26
00:05:11,600 --> 00:05:28,000
Ba chacbeꞌetoꞌ nombiꞌo yogoꞌ xbab c̱he beṉac̱henꞌ. Ba ṉezledoꞌ bi chesaclažeꞌ beṉeꞌ yeseṉezdeꞌ cateꞌ biṉaꞌ yeseṉabenꞌ. Daꞌnanꞌ bac̱h chejḻeꞌtoꞌ zaoꞌ ganꞌ zoa Diosenꞌ.

27
00:05:28,000 --> 00:05:32,120
Naꞌ gož Jesúsenꞌ ḻegaqueꞌ: ―¿Ba chejḻeꞌle ṉaꞌa?

28
00:05:32,120 --> 00:05:45,320
Ba bžin ža naꞌ ṉaꞌa ba goḻeꞌ gaslasle. To tole caꞌa xṉez c̱he c̱hele naꞌ gwcuaꞌaṉle tozaꞌ. Perw bi zoaꞌ tozaꞌ, ḻe zoa X̱anꞌ len nedaꞌ.

29
00:05:45,320 --> 00:06:06,620
Ba gwniaꞌ leꞌe caꞌ cont soa cuezle binḻo len xbab c̱hele, ḻe chejnilažeꞌlendaꞌ. Yežlio nga sacaꞌziꞌle, perw bi gacžejlažeꞌle, nedaꞌ ba benaꞌ cont yenit yeḻaꞌ chnabiaꞌ c̱he gwxiyenꞌ danꞌ zoa ṉaꞌa chnabianꞌ yežlio nga.