1
00:00:05,000 --> 00:00:28,020
Beyož gwna Jesúsenꞌ daꞌ caꞌ nach gwṉeꞌe yabale naꞌ gwneꞌ: ―X̱aꞌ, ba bžin hor gac c̱hiaꞌ danꞌ ba bžioꞌ biaꞌ gac. Ben cont nacbiaꞌ nedanꞌ Xiꞌiṉoꞌ nacaꞌ beṉeꞌ zacaꞌ juisyw cont nedaꞌ gonaꞌ ga gacbiaꞌ leꞌ nacoꞌ beṉeꞌ zacaꞌ juisyw.

2
00:00:28,020 --> 00:00:39,020
Ba beṉoꞌ nedaꞌ yeḻaꞌ chnabiaꞌ lao yogoꞌ beṉac̱h cont chnežjuaꞌ yeḻaꞌ mban toḻi tocaṉe c̱he yogoꞌ beṉeꞌ caꞌ ba gwlejoꞌ chesejnilažeꞌ nedaꞌ.

3
00:00:39,020 --> 00:00:51,380
Naꞌ beṉeꞌ caꞌ zjanapeꞌ yeḻaꞌ mban toḻi tocaṉe zjanombiꞌe leꞌ, ḻe tozonꞌ zacoꞌ gonxentoꞌ, naꞌ ḻecze zjanombiꞌe nedaꞌ Jesucristw beṉeꞌ gwseḻoꞌ.

4
00:00:51,380 --> 00:01:01,300
’Ḻo yežlionꞌ ba benaꞌ cont nacbiaꞌ nacoꞌ beṉeꞌ zacaꞌ juisyw, ḻe ba beyož benaꞌ yogoꞌḻoḻ daꞌ gwloꞌo ḻo naꞌ gonaꞌ.

5
00:01:01,300 --> 00:01:14,220
Naꞌ ṉaꞌa X̱aꞌ, ben cont laꞌlaon nacaꞌ beṉeꞌ zacaꞌ juisyw cateꞌ yelaꞌa ganꞌ zonꞌ, doxen canꞌ bloꞌelaon cateꞌ gwzoaꞌ len leꞌ cateꞌ zaꞌ x̱ete yežlionꞌ.

6
00:01:14,220 --> 00:01:30,600
’Ba gwlejoꞌ baḻ beṉac̱h chesejnilažeꞌ nedaꞌ, naꞌ bac̱h bloꞌedaꞌ ḻegaqueꞌ canꞌ nacoꞌ naꞌ canꞌ chononꞌ. Zjanaqueꞌ xiꞌiṉoꞌ naꞌ benoꞌ cont chesejnilažeꞌ nedaꞌ naꞌ chesoneꞌ canꞌ žonꞌ.

7
00:01:30,600 --> 00:01:38,440
Naꞌ ba zjaṉezdeꞌ yogoḻoḻ daꞌ chonaꞌ naꞌ yogoꞌ dižaꞌ daꞌ choaꞌ zjanaquen c̱hioꞌ leꞌ.

8
00:01:38,440 --> 00:01:53,180
Ḻe ba beꞌlenaꞌ ḻegaqueꞌ dižaꞌ danꞌ ba bzejniꞌidoꞌ nedaꞌ naꞌ ba bosozenagueꞌ c̱hen, naꞌ ba chesacbeꞌedeꞌ daꞌ ḻi gwzaꞌa ganꞌ zonꞌ, naꞌ chesejḻeꞌe ḻe lenꞌ gwseḻoꞌ nedaꞌ.

9
00:01:53,180 --> 00:02:05,360
’Chṉabaꞌ gaclenoꞌ ḻegaqueꞌ. Bi chṉabaꞌ gaclenoꞌ yogoꞌ beṉac̱h, san gaclenoꞌ beṉeꞌ caꞌ gwlejoꞌ chesejnilažeꞌndaꞌ ḻe ba zjanaqueꞌ ḻo naoꞌ.

10
00:02:05,360 --> 00:02:23,360
Naꞌ yogoꞌ beṉeꞌ chesejnilažeꞌ nedaꞌ ḻecze chesejnilažeꞌ leꞌ. Naꞌ caꞌcze naquen, noteꞌtez beṉeꞌ zjanaqueꞌ xiꞌiṉoꞌ ḻecz zjanaqueꞌ xiꞌiṉaꞌ, naꞌ beṉeꞌ caꞌ chesejnilažeꞌndaꞌ chosoloꞌe nacaꞌ beṉeꞌ zacaꞌ juisyw.

11
00:02:23,360 --> 00:02:53,280
’Naꞌ ṉaꞌa bich soaꞌ yežlio nga, perw beṉeꞌ quinga chesejnilažeꞌ nedaꞌ ṉitaꞌczeꞌ yežlio nga, naꞌ nedaꞌ ba zezaꞌ ganꞌ zoꞌnaꞌ. X̱aꞌ, nacoꞌ ḻaꞌzelagüe beṉeꞌ laždaoꞌ xilažeꞌ, naꞌ chṉabaꞌ gwc̱hinoꞌ yeḻaꞌ chnabiaꞌ c̱hioꞌ cont gwcuas gwcuižoꞌ daꞌ malenꞌ len ḻegaqueꞌ cont ṉitaꞌczeꞌ yesaqueꞌ toze len ḻježgaqueꞌ, ca chioꞌ naccho toze.

12
00:02:53,280 --> 00:03:13,060
Šlac ba gwzoa len ḻegaqueꞌ, nedaꞌ ba bc̱hinaꞌ yeḻaꞌ chnabiaꞌ c̱hionꞌ cont bcuas bcuižaꞌ daꞌ malenꞌ len ḻegaqueꞌ. Daꞌnanꞌ ṉe toeꞌ bi gwžiayiꞌ, con toz benꞌ ba naquen cuiayeꞌe cont gac doxen canꞌ ža Xtižoꞌ danꞌ nyojen.

13
00:03:13,060 --> 00:03:26,200
’Naꞌ ṉaꞌa ba zezaꞌ ganꞌ zonꞌ, naꞌ šlac ṉeꞌ zoaꞌ yežlio nga choꞌa dižaꞌ quinga cont beṉeꞌ qui ṉitaꞌchgüeꞌ mbalaz ca mbalazenꞌ zoaꞌ nedaꞌ.

14
00:03:26,200 --> 00:03:44,140
Nedaꞌ ba beꞌlenaꞌ ḻegaqueꞌ xtižonꞌ, naꞌ beṉeꞌ caꞌ bi chesejnilažeꞌ leꞌ chesegueꞌedeꞌ ḻegaqueꞌ danꞌ bi chesoneꞌ txen len ḻegaqueꞌ, caꞌ nedaꞌ bi nacaꞌ txen len beṉeꞌ caꞌ bi chesejnilažeꞌ leꞌ.

15
00:03:44,140 --> 00:03:59,920
Naꞌ ca nac beṉeꞌ caꞌ chesejnilažeꞌ nedaꞌ, bi chṉabaꞌ yecaꞌo ḻegaqueꞌ ḻoꞌ yežlio nga, san chṉabaꞌ gaclenoꞌneꞌ cont Satanás danꞌ chnabiaꞌ daꞌ x̱igüeꞌ caꞌ bi siyeꞌen ḻegaqueꞌ.

16
00:03:59,920 --> 00:04:10,200
Ḻegaqueꞌ bi zjanaqueꞌ txen len beṉeꞌ bi chesejnilažeꞌ leꞌ, ca nedaꞌ bi nacaꞌ txen len beṉeꞌ bi chesejnilažeꞌ leꞌ.

17
00:04:10,200 --> 00:04:24,880
Ben cont beṉeꞌ caꞌ chesejnilažeꞌ nedaꞌ yesaclažeꞌ yesoneꞌ con daꞌ žoꞌ, ḻe ba zjanombiꞌe dižaꞌ ḻi c̱hioꞌ. Yogoꞌ daꞌ ba bzejniꞌidoꞌ ḻegaqueꞌ naquen daꞌ ḻi.

18
00:04:24,880 --> 00:04:33,200
Lenꞌ gwseḻoꞌ nedaꞌ yežlionꞌ cont ba biaꞌ xtižonꞌ, naꞌ ḻecze caꞌ chseḻaꞌ ḻegaqueꞌ yesoꞌe xtižanꞌ.

19
00:04:33,200 --> 00:04:43,900
Chzanḻažeꞌ cuinaꞌ chonaꞌ con daꞌ žoꞌ leꞌ cont yesaclažeꞌ yesoneꞌ con canꞌ žoꞌ daꞌ zjanombiꞌe dižaꞌ ḻi c̱hionꞌ.

20
00:04:43,900 --> 00:04:56,140
’Naꞌ bi chṉabaꞌ gaclenoꞌ ḻegaczeꞌ, san ḻecze gaclenoꞌ beṉeꞌ caꞌ yesejnilažeꞌ nedaꞌ cateꞌ yesendeꞌ dižaꞌ danꞌ yesoeꞌ beṉeꞌ quinga.

21
00:04:56,140 --> 00:05:23,700
X̱aꞌ, ben cont yogoꞌḻoḻeꞌ yesaqueꞌ toze len ḻježgaqueꞌ naꞌ yesaqueꞌ txen len chioꞌ, ca leꞌ nacoꞌ toze len nedaꞌ naꞌ nedaꞌ nacaꞌ toze len leꞌ. Ben cont yeyož yesaqueꞌ toze len chioꞌ naꞌ len ḻježgaqueꞌ cont beṉeꞌ caꞌ bi chesejnilažeꞌ leꞌ yesacbeꞌedeꞌ lenꞌ gwseḻoꞌ nedaꞌ.

22
00:05:23,700 --> 00:05:35,180
Naꞌ yeḻaꞌ balaꞌaṉ danꞌ noṉoꞌ nedaꞌ ba bnežjuanꞌ ḻegaqueꞌ cont zjanaqueꞌ toze len beṉeꞌ ḻježeꞌ ca chioꞌ naccho toze.

23
00:05:35,180 --> 00:05:58,180
Ḻegaqueꞌ zjanaqueꞌ txen len nedaꞌ naꞌ nedaꞌ nacaꞌ txen len leꞌ cont yogoꞌcho gaccho toze. Gaccho toze cont beṉeꞌ caꞌ bi chesejnilažeꞌ leꞌ yesacbeꞌedeꞌ lenꞌ gwseḻoꞌ nedaꞌ naꞌ yesacbeꞌedeꞌ chacdoꞌ beṉeꞌ caꞌ canꞌ chacdoꞌ nedaꞌ.

24
00:05:58,180 --> 00:06:18,660
’X̱aꞌ, chacdoꞌ nedaꞌ cateꞌ biṉaꞌ x̱e yežlio nga naꞌ nonoꞌ nedaꞌ beṉeꞌ zacaꞌ juisyw. Naꞌ chaclažaꞌ beṉeꞌ quinga gwlejoꞌ chesejnilažeꞌ nedaꞌ yedyeseniteꞌ len nedaꞌ ganꞌ yedyesoanꞌ cont yeseleꞌedeꞌ nacaꞌ beṉeꞌ zacaꞌ juisyw.

25
00:06:18,660 --> 00:06:40,260
X̱aꞌ, nacoꞌ ḻaꞌzelagüe beṉeꞌ chon daꞌ zej to ḻicha. Naꞌ ca nac beṉeꞌ caꞌ bi chesejnilažeꞌndaꞌ, ḻecze bi zjanombiꞌe leꞌ, perw nedaꞌ nombiꞌa leꞌ, naꞌ beṉeꞌ caꞌ ba gwlejoꞌ cont chesejnilažeꞌ nedaꞌ zjaṉezdeꞌ lenꞌ gwseḻoꞌ nedaꞌ.

26
00:06:40,260 --> 00:06:56,300
Naꞌ ba bzejniꞌidaꞌ ḻegaqueꞌ canꞌ naconꞌ naꞌ canꞌ chononꞌ, naꞌ zaꞌ gwzejniꞌichdaꞌ ḻegaqueꞌ, cont yesacbeꞌedeꞌ chacdoꞌ ḻegaqueꞌ canꞌ chacdoꞌ nedaꞌ, naꞌ cont nedaꞌ soaczaꞌ len ḻegaqueꞌ.