1
00:00:05,000 --> 00:00:22,040
Beyož gwna Jesúsenꞌ daꞌ caꞌ, gwzaꞌleneꞌ beṉeꞌ caꞌ zjanaqueꞌ ḻeꞌ txen jaꞌaqueꞌ šḻaꞌa Yegw Cedrón ganꞌ gotaꞌ to leꞌej ga goseze zan yag olivos. Naꞌ gosoꞌe ḻoꞌ leꞌejenꞌ.

2
00:00:22,040 --> 00:00:37,200
Naꞌ Judasenꞌ benꞌ ba naquen goneꞌ Jesúsenꞌ ḻo naꞌ beṉeꞌ caꞌ chesegueꞌedeꞌ ḻeꞌ ḻecze nombiꞌe latjenꞌ, ḻe zan ṉiꞌa Jesúsenꞌ len beṉeꞌ caꞌ zjanaqueꞌ ḻeꞌ txen ba besedobeꞌ naꞌ.

3
00:00:37,200 --> 00:01:01,160
Caꞌ goquenꞌ bžin Judasenꞌ naꞌ nc̱heꞌe x̱oṉj soldadw naꞌ yex̱oṉj beṉeꞌ chesapeꞌ yodaoꞌ blaonꞌ beṉeꞌ goseseḻaꞌ bx̱oz gwnabiaꞌ caꞌ naꞌ beṉeꞌ fariseo caꞌ cont yesezeneꞌ Jesúsenꞌ. Zjanxobeꞌ no lintern naꞌ zjanox̱eꞌ no yiꞌ yech naꞌ zjanaḻeꞌ spada.

4
00:01:01,160 --> 00:01:11,740
Jesúsenꞌ ba ṉezdeꞌ yogoꞌḻoḻ daꞌ zaꞌ gac c̱heꞌ, naꞌ bchojeꞌ jašagueꞌ ḻegaqueꞌ naꞌ gwneꞌ: ―¿Nonꞌ cheyiljwle?

5
00:01:11,740 --> 00:01:26,920
Naꞌ goseꞌeneꞌ: ―Cheyiljwtoꞌ Jesús beṉeꞌ Nazaret. Naꞌ gož Jesúsenꞌ ḻegaqueꞌ: ―Nedanꞌ. Naꞌ Judasenꞌ benꞌ ba naquen goneꞌ Jesúsenꞌ ḻo naꞌgaquenꞌ zeleneꞌ ḻegaqueꞌ.

6
00:01:26,920 --> 00:01:36,020
Cateꞌ Jesúsenꞌ gožeꞌ ḻegaqueꞌ: “Nedan”, ḻaꞌ besyebigaꞌteꞌ cosxanḻe naꞌ jasechazeꞌ ḻo yonꞌ.

7
00:01:36,020 --> 00:01:46,640
Naꞌ daꞌ yoble Jesúsenꞌ gožeꞌ ḻegaqueꞌ: ―¿Nonꞌ cheyiljwle? Naꞌ ḻegaqueꞌ goseꞌeneꞌ: ―Cheyiljwtoꞌ Jesús beṉeꞌ Nazaret.

8
00:01:46,640 --> 00:01:55,220
Naꞌ Jesúsenꞌ gwneꞌ: ―Ba gwniaꞌ nedanꞌ. Naꞌ še nedanꞌ cheyiljwle, ḻe güeꞌ latje šjayaꞌac beṉeꞌ quinga.

9
00:01:55,220 --> 00:02:07,160
Gwneꞌ caꞌ cont goc canꞌ ba gwdix̱jueꞌedeꞌ catenꞌ gwneꞌ: “Ṉe to beṉeꞌ caꞌ ba gwlej Diosenꞌ chesejnilažeꞌ nedaꞌ bi yesebiayeꞌe.”

10
00:02:07,160 --> 00:02:20,540
Naꞌ Simón Pedronꞌ noꞌe to spada naꞌ goḻjenꞌ gwdinenꞌ mos c̱he bx̱oz blaonꞌ gwc̱hogtechgüeꞌ nagueꞌ ḻicha. Naꞌ mosenꞌ leꞌ Malco.

11
00:02:20,540 --> 00:02:30,920
Naꞌ Jesúsenꞌ gožeꞌ Pedronꞌ: ―Begoꞌo spada c̱hionꞌ ḻoꞌ liženꞌ. ¿Chacdoꞌ bi cheyaḻaꞌ gac daꞌ ba nžia biaꞌ X̱aꞌ Diosenꞌ gac c̱hiaꞌ?

12
00:02:30,920 --> 00:02:43,940
Nach soldadw caꞌ len x̱angaqueꞌ naꞌ len beṉeꞌ chesapeꞌ yodaoꞌ blao c̱he nación Israel c̱hetonꞌ gosezeneꞌ Jesúsenꞌ naꞌ bosoc̱hejeꞌneꞌ.

13
00:02:43,940 --> 00:02:57,120
Naꞌ gosec̱heꞌeneꞌ daꞌ nechw lao Anás benꞌ naqueꞌ xtaꞌobiꞌiṉ c̱he Caifás. Naꞌ Caifásenꞌ goqueꞌ bx̱oz blao c̱he nación Israel c̱hetonꞌ ḻo izenꞌ.

14
00:02:57,120 --> 00:03:07,140
Naꞌ Caifásnaꞌ benꞌ gožeꞌ beṉeꞌ gwnabiaꞌ c̱hetonꞌ napen ḻegaqueꞌ cuent toz benꞌ gat clel ca cuiayiꞌ yogüeꞌ.