1
00:00:05,000 --> 00:00:21,140
Simón Pedronꞌ len yeto beṉeꞌ naqueꞌ Jesúsenꞌ txen gosaꞌogüeꞌneꞌ. Naꞌ nombiaꞌ benꞌ nac bx̱oz blao benꞌ yeto. Daꞌnanꞌ goc gwyoꞌe len Jesúsenꞌ chyoꞌo c̱he bx̱oz blaonꞌ.

2
00:00:21,140 --> 00:00:36,880
Naꞌ Pedronꞌ begaꞌaṉeꞌ do choꞌa puertenꞌ. Nach benꞌ yeto, daꞌ nombiaꞌ bx̱oz blaonꞌ ḻeꞌ, gwyejeꞌ naꞌ beꞌleneꞌ dižaꞌ biꞌ noꞌolenꞌ chap choꞌa puertenꞌ cont gwloꞌobeꞌ Pedronꞌ.

3
00:00:36,880 --> 00:00:49,020
Nach biꞌ noꞌolenꞌ chape choꞌa puertenꞌ gožbeꞌ Pedronꞌ: ―¿Gague lenoꞌ leꞌ chzenagoꞌ danꞌ chsed chloꞌe benga? Naꞌ Pedronꞌ gwneꞌ: ―Bi lenaꞌ nedaꞌ.

4
00:00:49,020 --> 00:01:06,860
Beṉeꞌ güen žin caꞌ naꞌ beṉeꞌ caꞌ chesapeꞌ yodaoꞌ blaonꞌ ba gosebequeꞌ to yiꞌ yaꞌalj, ḻe chac zag, naꞌ zjazecheꞌ choꞌa yinꞌ cont chesyežeꞌedeꞌ. Naꞌ Pedronꞌ zeꞌ len ḻegaqueꞌ choꞌa yinꞌ chežeꞌedeꞌ.

5
00:01:06,860 --> 00:01:17,740
Naꞌ benꞌ nac bx̱oz blaonꞌ gwṉabdeꞌ Jesúsenꞌ c̱he beṉeꞌ caꞌ chosozenag c̱he danꞌ chsed chloꞌedenꞌ naꞌ c̱he daꞌ caꞌ chzejniꞌidenꞌ.

6
00:01:17,740 --> 00:01:36,800
Naꞌ Jesúsenꞌ gožeꞌneꞌ: ―Ba biꞌa dižaꞌ doxen latje lagüe. Zan ṉiꞌa bsed bloꞌedaꞌ ḻoꞌ yodaoꞌ c̱hecho caꞌ naꞌ chyoꞌo yodaoꞌ blaonꞌ ganꞌ chesežag yogoꞌ beṉeꞌ gualaž c̱hechonꞌ. Bibi dižaꞌ gwniaꞌ bagašeꞌze.

7
00:01:36,800 --> 00:01:47,020
¿Bixc̱henꞌ chṉabdoꞌ nedaꞌ? Gwṉabe beṉeꞌ caꞌ gosendeꞌ danꞌ bsed bloꞌedanꞌ. Ḻegaqueꞌ zjaṉezdeꞌ bi dižanꞌ biaꞌ.

8
00:01:47,020 --> 00:01:58,820
Beyož gwna Jesúsenꞌ caꞌ, to benꞌ chape yodaoꞌ blaonꞌ zieꞌ naꞌ, naꞌ gwdapeꞌ x̱aguenꞌ, gožeꞌneꞌ: ―¿Caꞌ chožiꞌo xtižaꞌ benꞌ nac bx̱oz blaonꞌ?

9
00:01:58,820 --> 00:02:10,080
Jesúsenꞌ gwneꞌ: ―Še bi daꞌ mal ba gwniaꞌ, beꞌ dižaꞌ c̱he bi daꞌ malenꞌ ba gwniaꞌ, naꞌ še gwniaꞌ güen, ¿bixc̱henꞌ chgapoꞌ nedaꞌ?

10
00:02:10,080 --> 00:02:18,060
Nach Anásenꞌ bdieꞌ Jesúsenꞌ nchejeꞌ lao Caifásenꞌ benꞌ nac bx̱oz blaonꞌ.

11
00:02:18,060 --> 00:02:35,400
Naꞌ Pedronꞌ zieꞌ choꞌa yinꞌ cont chežeꞌedeꞌ naꞌ beṉeꞌ caꞌ nitaꞌnaꞌ goseꞌeneꞌ: ―¿Gague lenczoꞌ lenꞌ chzenagoꞌ danꞌ chsed chloꞌe benga? Naꞌ bi gwc̱hebeꞌ, gwneꞌ: ―Bi lenaꞌ nedaꞌ.

12
00:02:35,400 --> 00:02:49,880
To xmos bx̱oz blaonꞌ naqueꞌ bišeꞌ ḻjež benꞌ gwc̱hog Pedronꞌ naguenꞌ, naꞌ ḻeꞌ gožeꞌ Pedronꞌ: ―¿Gague bleꞌedaꞌ leꞌ len Jesúsenꞌ ḻoꞌ leꞌej ganꞌ ze yag olivos?

13
00:02:49,880 --> 00:02:55,200
Naꞌ Pedronꞌ daꞌ yoble bi gwc̱hebeꞌ, naꞌ ḻaꞌ gwchežte to jea.