1
00:00:05,000 --> 00:00:36,300
Naꞌ do cheniꞌlas beṉeꞌ gwnabiaꞌ caꞌ gosebejeꞌ Jesúsenꞌ ganꞌ zoa Caifásenꞌ naꞌ gosec̱heꞌeneꞌ ganꞌ zoa gobernador Pilato benꞌ chon yeḻaꞌ justis. Naꞌ ḻegaqueꞌ bi gosoꞌe len Jesúsenꞌ yoꞌo ganꞌ zoa Pilatonꞌ, ḻe canꞌ nac costumbr c̱hetonꞌ bi chac yesagüeꞌ xšeꞌ ḻṉi pasconꞌ še yesoꞌe ganꞌ žeꞌ beṉeꞌ bi zjanac beṉeꞌ Israel.

2
00:00:36,300 --> 00:00:43,900
Daꞌnanꞌ Pilatonꞌ bchojeꞌ naꞌ gožeꞌ ḻegaqueꞌ: ―¿Bi ben benga? ¿Bi xya chagwle c̱heꞌ?

3
00:00:43,900 --> 00:00:53,540
Naꞌ beṉeꞌ gwnabiaꞌ caꞌ goseneꞌ: ―Šacaꞌ benga bi naqueꞌ beṉeꞌ güen daꞌ xiṉj bi bdetoꞌneꞌ ḻo naonꞌ.

4
00:00:53,540 --> 00:01:09,800
Naꞌ gož Pilatonꞌ ḻegaqueꞌ: ―Ḻe yec̱heꞌe, naꞌ ḻe gon yeḻaꞌ justis c̱heꞌ canꞌ ža ley c̱helenꞌ. Nach beṉeꞌ gwnabiaꞌ c̱he nación Israel c̱hetonꞌ goseꞌeneꞌ: ―Bi de ḻsens gottoꞌ beṉeꞌ.

5
00:01:09,800 --> 00:01:17,700
Daꞌ gosoneꞌ caꞌ goc canꞌ gwna Jesúsenꞌ catenꞌ bzejniꞌideꞌ nac yesoneꞌ yesoteꞌneꞌ.

6
00:01:17,700 --> 00:01:27,420
Nach Pilatonꞌ beyoꞌe yoꞌonaꞌ naꞌ goxeꞌ Jesúsenꞌ naꞌ gožeꞌneꞌ: ―¿Nacoꞌ leꞌ Rey c̱he beṉeꞌ Israel caꞌ?

7
00:01:27,420 --> 00:01:35,260
Jesúsenꞌ gožeꞌneꞌ: ―¿Con daꞌ goljlažonꞌ chṉaboꞌ, še beṉeꞌ yoble goseꞌe leꞌ caꞌ?

8
00:01:35,260 --> 00:01:50,120
Pilatonꞌ gožeꞌneꞌ: ―¿Chacdoꞌ nacaꞌ nedaꞌ beṉeꞌ Israel? Beṉeꞌ Israel gualaž c̱hioꞌ naꞌ bx̱oz gwnabiaꞌ c̱hele caꞌ bosodieꞌ leꞌ ḻo naꞌ nga. ¿Bi daꞌ xiṉj benonꞌ?

9
00:01:50,120 --> 00:02:23,300
Jesúsenꞌ gožeꞌneꞌ: ―Yeḻaꞌ chnabiaꞌ c̱hiaꞌ nžaꞌle naquen len yeḻaꞌ chnabiaꞌ c̱he beṉeꞌ chesenabiꞌe yežlio nga. Šacaꞌ yeḻaꞌ chnabiaꞌ c̱hiaꞌ naquen c̱he yežlio nga naꞌ šacaꞌ ṉabiꞌa nación caꞌ žeꞌ yežlio nga, beṉeꞌ caꞌ chosozenag c̱hianꞌ gosediḻeꞌ cont bi gocaꞌ ḻo naꞌ beṉeꞌ gwnabiaꞌ c̱he nación Israel c̱hetonꞌ šacaꞌ. Perw yeḻaꞌ chnabiaꞌ c̱hianꞌ bi naquen c̱he yežlio nga.

10
00:02:23,300 --> 00:02:43,300
Nach Pilatonꞌ gožeꞌneꞌ: ―¿Naꞌ lenꞌ nacoꞌ rey še caꞌ? Naꞌ gwna Jesúsenꞌ: ―Daꞌ ḻi canꞌ žonꞌ, nacaꞌ rey naꞌ ba bidaꞌ yežlio nga cont gwzejniꞌidaꞌ beṉac̱henꞌ dižaꞌ ḻi naꞌ yogoꞌ beṉeꞌ chesoneꞌ txen len dižaꞌ ḻi chosozenagueꞌ c̱hiaꞌ.

11
00:02:43,300 --> 00:03:02,840
Nach gož Pilatonꞌ leꞌ: ―¿Bi danꞌ dižaꞌ ḻi? Beyož gwna Pilatonꞌ caꞌ naꞌ bezchojeꞌ yeto šiꞌi ganꞌ žeꞌ beṉeꞌ gwnabiaꞌ c̱he nación Israel c̱hetonꞌ naꞌ gožeꞌ ḻegaqueꞌ: ―Bibi nḻaꞌlagüe še bi daꞌ xiṉj non benga.

12
00:03:02,840 --> 00:03:15,340
Perw naꞌ de costumbr c̱hele gwsanaꞌ to beṉeꞌ de ḻižya ḻo ḻṉi pasconꞌ. ¿Chaclažeꞌle gwsanaꞌ benga naqueꞌ Rey c̱he leꞌe beṉeꞌ Israel?

13
00:03:15,340 --> 00:03:25,880
Nach bososyeꞌe goseneꞌ: ―Bi gwsanoꞌ benaꞌ. Barrabás naꞌ gwsanoꞌ. Naꞌ Barrabásenꞌ naqueꞌ to beṉeꞌ gwban.