1
00:00:05,000 --> 00:00:17,920
Nach Pilatonꞌ bdieꞌ Jesúsenꞌ ḻo naꞌgaqueꞌ cont teꞌe ḻeꞌe yag cruzenꞌ. Nach gosaꞌaqueꞌ Jerusalénṉaꞌ gosec̱heꞌe Jesúsenꞌ choꞌa ciudanꞌ.

2
00:00:17,920 --> 00:00:32,200
Naꞌ Jesúsenꞌ zejeꞌ noꞌe yag cruz c̱henꞌ naꞌ besežineꞌ to latje nziꞌ Latje c̱he Žit Yic̱hj Beṉeꞌ Guat, naꞌ dižaꞌ hebreo nzinꞌ Gólgota.

3
00:00:32,200 --> 00:00:47,920
Naꞌ soldadw c̱he gobernadorenꞌ bosodeꞌeneꞌ ḻeꞌe yag cruzenꞌ, naꞌ ḻecze bosodeꞌe yec̱hope beṉeꞌ ḻeꞌe yec̱hope yag cruz cuitenꞌ naꞌ Jesúsenꞌ gwyoꞌe gachoḻ beṉeꞌ caꞌ c̱hopeꞌ.

4
00:00:47,920 --> 00:01:02,380
Naꞌ gobernador Pilatonꞌ beneꞌ mandadw byoj dižaꞌ daꞌ gwdaꞌ yic̱hj yag cruz c̱he Jesúsenꞌ. Naꞌ bosozojenꞌ žan: “Jesús beṉeꞌ Nazaret, Rey c̱he beṉeꞌ Israel”.

5
00:01:02,380 --> 00:01:18,960
Bosozojenꞌ dižaꞌ hebreo, dižaꞌ griego naꞌ dižaꞌ latín. Naꞌ zan beṉeꞌ Israel gualaž c̱hetoꞌ bosolabenꞌ, ḻe ganꞌ gwdaꞌ Jesúsenꞌ ḻeꞌe yag cruzenꞌ naquen gaḻaꞌze ciuda Jerusalénṉaꞌ.

6
00:01:18,960 --> 00:01:35,320
Nach bx̱oz gwnabiaꞌ caꞌ naꞌ yezicaꞌchle beṉeꞌ gwnabiaꞌ c̱he nación Israel c̱hetonꞌ goseꞌe Pilatonꞌ: ―Bi gwzojoꞌ “Rey c̱he beṉeꞌ Israel”, san bzoj: “Ḻeꞌ gwneꞌ naqueꞌ rey c̱he beṉeꞌ Israel.”

7
00:01:35,320 --> 00:01:41,300
Naꞌ Pilatonꞌ gwneꞌ: ―Daꞌ benaꞌ mandadw bosozojeꞌ, ba nyojenṉaꞌ.

8
00:01:41,300 --> 00:02:02,560
Nach soldadw caꞌ, beyož bosodeꞌe Jesúsenꞌ ḻeꞌe yag cruzenꞌ, gosequeꞌe xaḻanaꞌ Jesúsenꞌ naꞌ besyeḻeꞌen gosebejenꞌ tap cuenḻe naꞌ tgüejen goseziꞌ to toeꞌ. Naꞌ ḻecze gosequeꞌe yeto xeꞌ daꞌ naquen to güeḻize, naꞌ bibi dia c̱hen de.

9
00:02:02,560 --> 00:02:22,020
Naꞌ goseꞌ ḻježeꞌ: ―Bi gwzoxjchon san gonchon rifa cont ṉezecho no yecheḻen. Naꞌ danꞌ gosoneꞌ caꞌ goc canꞌ nyoj Xtižaꞌ Diosenꞌ, žan: “Besyeḻeꞌe xaḻananꞌ ḻegaczeꞌ, naꞌ gosoneꞌ rifa lacheꞌ danꞌ chazanꞌ.”

10
00:02:22,020 --> 00:02:38,300
Naꞌ do gaḻaꞌze yag cruz c̱he Jesúsenꞌ zecha Maríanꞌ benꞌ nac xṉaꞌ Jesúsenꞌ naꞌ beṉeꞌ bile xṉeꞌenaꞌ, naꞌ María beṉeꞌ naqueꞌ noꞌol c̱he Cleofas naꞌ María beṉeꞌ naqueꞌ beṉeꞌ Magdala.

11
00:02:38,300 --> 00:02:48,240
Naꞌ cateꞌ Jesúsenꞌ bleꞌedeꞌ zecha xṉeꞌen gaḻaꞌze len to beṉeꞌ naqueꞌ ḻeꞌ txen, beṉeꞌ chaquechgüe Jesúsenꞌ ḻeꞌ, nach gožeꞌneꞌ: ―Benaꞌ gaqueꞌ ca xiꞌiṉoꞌ.

12
00:02:48,240 --> 00:03:02,000
Nach gožeꞌ benaꞌ: ―Bžiꞌilažeꞌ xṉaꞌ nga ca xṉaoꞌ. Naꞌ žanaꞌ gwqueꞌeneꞌ beneꞌneꞌ ca beṉeꞌ ḻoꞌ yoꞌo.

13
00:03:02,000 --> 00:03:17,560
Gwde naꞌ Jesúsenꞌ ba ṉezdeꞌ bac̱h goc yogoꞌ daꞌ cheyaḻaꞌ gac. Nach cont goc canꞌ ža yelateꞌ Xtižaꞌ Diosenꞌ daꞌ nyojen gwneꞌ: ―Chbiḻdaꞌ nis.

14
00:03:17,560 --> 00:03:33,420
Naꞌ de lateꞌ vino zic̱hj daꞌ yožeꞌ to ḻoꞌ xguag daoꞌ. Naꞌ to beṉeꞌ bzažeꞌdeꞌ vino zic̱hjenꞌ to esponja bzoenꞌ to ḻoꞌ xis daꞌ žeꞌ hisopo naꞌ gwḻisenꞌ blapenꞌ choꞌa Jesúsenꞌ.

15
00:03:33,420 --> 00:03:43,820
Naꞌ beyož gwxop Jesúsenꞌ vinonꞌ naꞌ gwneꞌ: ―Bac̱h goc yogoꞌḻoḻ daꞌ cheyaḻaꞌ gac. Nach bc̱hequeꞌ yic̱hjenꞌ goteꞌ.

16
00:03:43,820 --> 00:04:13,300
Naꞌ yeteyo gaquen ža c̱he Dios naꞌ ža ḻṉi xen, daꞌnanꞌ beṉeꞌ gwnabiaꞌ c̱he nación c̱hetonꞌ jaseṉabdeꞌ Pilatonꞌ goneꞌ mandadw yeseyišjw soldadw c̱heꞌ caꞌ ṉiꞌa beṉeꞌ caꞌ zjadaꞌ ḻeꞌe yag cruzenꞌ cont yob yesateꞌ naꞌ yesyequeꞌe ḻegaqueꞌ ḻeꞌe yag cruz caꞌ, ḻe bi gosaclažeꞌ yesedaꞌch beṉeꞌ caꞌ ḻeꞌe yag cruzenꞌ ža c̱he Dios.

17
00:04:13,300 --> 00:04:27,680
Nach soldadw caꞌ jaꞌaqueꞌ jasedišjueꞌ chope ḻaꞌa ṉiꞌa benꞌ gwdaꞌ šḻaꞌa cuit Jesúsenꞌ. Naꞌ ḻecze caꞌ gosoneꞌ len benꞌ gwdaꞌ ḻeꞌe yag cruzenꞌ cuitenꞌ yešḻaꞌa.

18
00:04:27,680 --> 00:04:35,380
Naꞌ cateꞌ besežineꞌ ganꞌ daꞌ Jesúsenꞌ, beseleꞌedeꞌ ba goteꞌ naꞌ bich goseyišjueꞌ ṉiꞌe caꞌ.

19
00:04:35,380 --> 00:04:44,200
Perw to soldadonꞌ godoeꞌ lanza cuit ḻeꞌe Jesúsenꞌ, naꞌ ḻaꞌ bchojten chen len nis.

20
00:04:44,200 --> 00:04:55,120
Nedaꞌ bleꞌedaꞌ canꞌ goquenꞌ naꞌ ṉezdaꞌ choꞌa dižaꞌ ḻi. Naꞌ choꞌa dižaꞌ ḻi canꞌ goquenꞌ cont lencze leꞌe šejḻeꞌle.

21
00:04:55,120 --> 00:05:06,140
Naꞌ goc daꞌ caꞌ len Jesúsenꞌ cont goc canꞌ ža Xtižaꞌ Diosenꞌ daꞌ nyoj c̱heꞌ, žan: “Ṉe to žit yoꞌe bi yeseyišjueꞌ.”

22
00:05:06,140 --> 00:05:12,140
Naꞌ yeto daꞌ žan: “Yeseṉeꞌe benꞌ ba bosožieꞌ güeꞌ.”