1
00:00:05,000 --> 00:00:33,900
Beyož goc yogoꞌ daꞌ caꞌ, José beṉeꞌ nac beṉeꞌ ciuda Arimatea jaṉabdeꞌ Pilatonꞌ gwnežjueꞌ ḻsens yequeꞌe cuerp c̱he Jesúsenꞌ. Naꞌ Pilatonꞌ beꞌe ḻsens. Nach Josénꞌ gwyejeꞌ naꞌ bequeꞌe cuerp c̱he Jesúsenꞌ. Josénꞌ ba chejnilažeꞌ Jesúsenꞌ perw chejnilažeꞌneꞌ bagašeꞌze daꞌ chžebeꞌ beṉeꞌ gwnabiaꞌ c̱hetoꞌ caꞌ.

2
00:00:33,900 --> 00:00:54,320
Naꞌ len Josénꞌ ḻecze gwyej Nicodemo benꞌ ba gwyej ganꞌ zoa Jesúsenꞌ šežeꞌle. Naꞌ Nicodemonꞌ noꞌe to daꞌ chḻaꞌ zix̱ daꞌ noneꞌ len yal danꞌ žeꞌ mirra, naꞌ len to bište danꞌ žeꞌ aloes, ca do šoṉa robenꞌ.

3
00:00:54,320 --> 00:01:07,200
Nach bosyoc̱heleꞌ cuerp c̱he Jesúsenꞌ to lacheꞌ xen naꞌ len danꞌ chḻaꞌ zix̱enꞌ, caꞌ chon netoꞌ beṉeꞌ Israel cateꞌ chcuašeꞌtoꞌ beṉeꞌ guat.

4
00:01:07,200 --> 00:01:22,800
Naꞌ gaḻaꞌze latje ganꞌ bosodeꞌe Jesúsenꞌ ḻeꞌe yag cruzenꞌ gotaꞌ to leꞌej ga goseze yag. Naꞌ naꞌ zaꞌ gosec̱heꞌeneꞌ to bloj cont yosoc̱hinenꞌ ca to ba, naꞌ nono beṉeꞌ guat ṉaꞌ šoꞌ ḻoꞌenṉaꞌ.

5
00:01:22,800 --> 00:01:40,940
Ža catenꞌ got Jesúsenꞌ naquen ža catenꞌ chososiṉiꞌe c̱he ža c̱he Diosenꞌ. Naꞌ daꞌ chesacbyendeꞌ yosocuašeꞌneꞌ, daꞌnanꞌ jaseḻoꞌe Jesúsenꞌ ḻoꞌ bloj cobaꞌ, ḻe naquen gaḻaꞌze.

6
00:01:40,940 --> 00:01:54,180
Naꞌ bal dmigw María beṉeꞌ Magdalanꞌ gwyejeꞌ choꞌa blojenꞌ ganꞌ bosocuašeꞌ Jesúsenꞌ naꞌ bleꞌedeꞌ ba bgaꞌa yejenꞌ danꞌ bosodeꞌe choꞌa blojenꞌ.

7
00:01:54,180 --> 00:02:09,420
Nach bezaꞌseseꞌ beyejeꞌ ganꞌ zoa Simón Pedronꞌ len yeto beṉeꞌ naqueꞌ Jesúsenꞌ txen, naꞌ gožeꞌ ḻegaqueꞌ: ―Ba besyebejeꞌ X̱anchonꞌ ḻoꞌ blojenꞌ naꞌ bi ṉezetoꞌ ga besyeyoꞌeneꞌ.

8
00:02:09,420 --> 00:02:14,540
Nach Pedronꞌ naꞌ benꞌ yeto gosaꞌaqueꞌ jaꞌaqueꞌ choꞌa blojenꞌ.

9
00:02:14,540 --> 00:02:25,240
Choptieꞌ gosezaꞌseseꞌ perw benꞌ yeto gwzaꞌsescheꞌ ca Simón Pedronꞌ naꞌ byobech bžineꞌ choꞌenṉaꞌ ca ḻeꞌ.

10
00:02:25,240 --> 00:02:33,120
Naꞌ bchequeꞌ gwṉeꞌe ḻoꞌenṉaꞌ naꞌ bleꞌedeꞌ lacheꞌ caꞌ zjachinꞌ ḻo yo perw bi gwyoꞌe.

11
00:02:33,120 --> 00:02:40,680
Ḻaꞌ blaꞌte Simón Pedronꞌ naꞌ ḻeꞌ gwyoꞌe ḻoꞌ blojenꞌ naꞌ ḻecze bleꞌedeꞌ lacheꞌ caꞌ ganꞌ zjachinꞌṉaꞌ.

12
00:02:40,680 --> 00:02:49,200
Naꞌ bay danꞌ bosoguazjeꞌ yic̱hjenꞌ bi chinꞌ ganꞌ chiꞌ lacheꞌ caꞌ, san ndoben chinꞌ šḻaꞌale.

13
00:02:49,200 --> 00:03:00,840
Nach lencze benꞌ yeto gwyoꞌe, ḻe biṉaꞌ šoꞌe ḻaꞌczḻaꞌ byobech bžineꞌ choꞌenṉaꞌ, naꞌ bleꞌedeꞌ canꞌ naquen naꞌ gwyejḻeꞌe.

14
00:03:00,840 --> 00:03:09,180
Ḻe biṉaꞌ yesejniꞌideꞌ Xtižaꞌ Diosenꞌ daꞌ nyojen žan cheyaḻaꞌ yebaneꞌ ladjo beṉeꞌ guatenꞌ.

15
00:03:09,180 --> 00:03:15,320
Naꞌ besyeyaꞌaqueꞌ jayaꞌaqueꞌ yoꞌo ganꞌ niteꞌnaꞌ.

16
00:03:15,320 --> 00:03:24,620
Naꞌ Maríanꞌ begaꞌaṉeꞌ naꞌ gwzecheꞌ gaḻaꞌze choꞌa blojenꞌ chbežeꞌ. Naꞌ ṉeꞌ chbežteꞌ caꞌ bchequeꞌ gwṉeꞌe ḻoꞌ blojenꞌ.

17
00:03:24,620 --> 00:03:38,680
Naꞌ bleꞌedeꞌ c̱hope angl beṉeꞌ zjanyaz lacheꞌ šiš zjachiꞌe ḻoꞌ blojenꞌ, toeꞌ chiꞌ zej yic̱hjle naꞌ yetoeꞌ chiꞌ zej xṉiꞌale ganꞌ gotaꞌ cuerp c̱he Jesúsenꞌ.

18
00:03:38,680 --> 00:03:50,660
Nach goseꞌe noꞌolenꞌ: ―¿Bixc̱henꞌ chbežoꞌ noꞌole? Naꞌ božiꞌen gožeꞌ ḻegaqueꞌ: ―Ba besyeyoꞌe X̱ananꞌ naꞌ bi ṉezdaꞌ gale jasesaneꞌneꞌ.

19
00:03:50,660 --> 00:04:00,100
Beyož gwnaꞌ Maríanꞌ caꞌ gwyec̱hjeꞌ bleꞌedeꞌ zecha Jesúsenꞌ coženꞌ, perw bi gocbeꞌedeꞌ še naqueꞌ ḻeꞌ.

20
00:04:00,100 --> 00:04:22,000
Naꞌ gož Jesúsenꞌ ḻeꞌ: ―¿Bixc̱henꞌ chbežoꞌ, noꞌole? ¿Nonꞌ cheyiljoꞌ? Maríanꞌ beneꞌ xbab še benꞌ chapeꞌ yaguenꞌ nach boḻ güižeꞌ ḻeꞌ, gožeꞌneꞌ: ―Beṉeꞌ, še lenꞌ beyoꞌoneꞌ ga yoble, gwna nedaꞌ gale jaysanoꞌneꞌ cont yeyoaꞌneꞌ.

21
00:04:22,000 --> 00:04:33,760
Jesúsenꞌ gožeꞌneꞌ: ―¡María! Naꞌ Maríanꞌ gwyec̱hjeꞌ daꞌ yoble naꞌ gožeꞌneꞌ: ―¡Raboni! ―naquen to dižaꞌ hebreo naꞌ zejen Maestrw.

22
00:04:33,760 --> 00:05:01,340
Jesúsenꞌ gožeꞌneꞌ: ―Bi gox̱oꞌ nedaꞌ, ḻe biṉaꞌ yeyepaꞌ ganꞌ zoa X̱anꞌ. Beyej len yezicaꞌchle beṉeꞌ caꞌ ba bosozenag xtižanꞌ beṉeꞌ caꞌ zjanaqueꞌ ca bišeꞌ zanaꞌ, naꞌ gožgaqueꞌ yeyepaꞌ ganꞌ zoa X̱anꞌ benꞌ ḻecz naque X̱ale. Naqueꞌ Dios benꞌ chonxenaꞌ naꞌ ḻecze naqueꞌ Dios benꞌ chonxenḻe.

23
00:05:01,340 --> 00:05:13,360
Nach bezaꞌ María beṉeꞌ Magdalanꞌ naꞌ jaydix̱jueꞌedeꞌ yezicaꞌchle beṉeꞌ caꞌ chosozenag xtižaꞌ Jesúsenꞌ ḻe ba bleꞌedeꞌ X̱anchonꞌ.