1
00:00:05,000 --> 00:00:32,360
Naꞌ cateꞌ ba goc c̱hoḻ žeꞌ dmigonꞌ, beṉeꞌ caꞌ zjanaqueꞌ Jesúsenꞌ txen zjandop zjanžagueꞌ ḻoꞌ yoꞌo naꞌ zjanseyjwtieꞌ puert caꞌ daꞌ besežebeꞌ beṉeꞌ gwnabiaꞌ c̱he nación Israel c̱hetonꞌ. Nach Jesúsenꞌ bleꞌe naꞌ gwzeꞌ gachoḻ ḻegaqueꞌ. Naꞌ gožeꞌ ḻegaqueꞌ: ―Ḻe soa binḻo len xbab daꞌ yoꞌo ḻoꞌ yic̱hjlaždaꞌole.

2
00:00:32,360 --> 00:00:44,260
Beyož gwneꞌ caꞌ naꞌ bloꞌedeꞌ ḻegaqueꞌ taqueꞌ caꞌ naꞌ cuit ḻeꞌenaꞌ. Naꞌ besyebedeꞌ cateꞌ beseleꞌedeꞌ ḻe naqueꞌ X̱anchonꞌ.

3
00:00:44,260 --> 00:00:58,240
Naꞌ gozneꞌ daꞌ yoble: ―Ḻe soa binḻo len xbab daꞌ yoꞌo ḻoꞌ yic̱hjlaždaꞌolenꞌ. Canꞌ gwseḻaꞌ X̱anꞌ nedaꞌ yežlio nga biaꞌ xtiženꞌ, ḻecze caꞌ nedaꞌ chseḻaꞌ leꞌe güeꞌle xtižanꞌ.

4
00:00:58,240 --> 00:01:05,360
Beyož gwneꞌ caꞌ blobeꞌ ḻegaqueꞌ naꞌ gožeꞌ ḻegaqueꞌ: ―Ḻe siꞌ Spiritw c̱he Diosenꞌ.

5
00:01:05,360 --> 00:01:23,360
Beṉeꞌ caꞌ yesyetiṉje xtoḻaꞌgaquenꞌ, naple yeḻaꞌ chnabiaꞌ yeꞌlneꞌ ba gwnitlaon, naꞌ naple yeḻaꞌ chnabiaꞌ cont yeꞌle beṉeꞌ bi yesyetiṉje xtoḻaꞌgaquenꞌ bitw ṉitlaon.

6
00:01:23,360 --> 00:01:38,040
Naꞌ Tomás benꞌ bososiꞌe Tomás Cuaš leneꞌ len beṉeꞌ šižiṉw caꞌ ba gosedaleneꞌ Jesúsenꞌ, naꞌ bi gwzoeꞌ cateꞌ Jesúsenꞌ bedyeloꞌelagüeꞌ ḻegaqueꞌ žeꞌ dmigonꞌ.

7
00:01:38,040 --> 00:01:57,820
Naꞌ beṉeꞌ caꞌ yezicaꞌchle goseꞌeneꞌ: ―Ba bleꞌetoꞌ X̱anchonꞌ. Naꞌ Tomásenꞌ gožeꞌ ḻegaqueꞌ: ―Bi šejḻiꞌa mbanczeꞌ še bi leꞌedaꞌ yiž c̱he clavenꞌ ḻeꞌe taqueꞌ caꞌ naꞌ gwzebe xbenanꞌ ganꞌ gwdebe clav caꞌ naꞌ gwzebe naꞌan cuit ḻeꞌen.

8
00:01:57,820 --> 00:02:18,840
Gozdeꞌ to xman zjaniteꞌ ḻoꞌ yoꞌon daꞌ yoble naꞌ zoa Tomásenꞌ len ḻegaqueꞌ. Naꞌ daꞌ yoble nyeyjw puert caꞌ, cateꞌ bezlaꞌ Jesúsenꞌ naꞌ gozzecheꞌ gachoḻ ḻegaqueꞌ. Naꞌ gwneꞌ: ―Ḻe soa binḻo len xbab daꞌ yoꞌo ḻoꞌ yic̱hjlaždaꞌolenꞌ.

9
00:02:18,840 --> 00:02:32,380
Nach gožeꞌ Tomásenꞌ: ―Gwṉaꞌ ḻoꞌ tacaꞌ quinga naꞌ bzeben xbenonꞌ. Naꞌ bzebe naonꞌ cuit ḻiꞌa nga cont šejḻiꞌo. Naꞌ bich gacoꞌ beṉeꞌ bi chejḻeꞌ, san šejḻiꞌo.

10
00:02:32,380 --> 00:02:37,220
Nach Tomásenꞌ gožeꞌneꞌ: ―¡X̱anaꞌ naꞌ Dios c̱hiaꞌ!

11
00:02:37,220 --> 00:02:50,600
Naꞌ Jesúsenꞌ gožeꞌ Tomásenꞌ: ―Tomás, ba chejḻiꞌo daꞌ ba bleꞌedoꞌ nedaꞌ. Mbalaz beṉeꞌ caꞌ ba chesejḻeꞌe ḻaꞌczḻaꞌ biṉaꞌ yeseleꞌedeꞌ nedaꞌ.

12
00:02:50,600 --> 00:02:57,320
Daꞌ zan yeḻaꞌ guac ben Jesúsenꞌ daꞌ beseleꞌe beṉeꞌ caꞌ zjanaqueꞌ ḻeꞌ txen daꞌ bi nyojen nga.

13
00:02:57,320 --> 00:03:12,560
Perw zjanyoj daꞌ quinga cont šejḻeꞌle Jesúsenꞌ naqueꞌ Cristo benꞌ gwlej Diosenꞌ cont ṉabiꞌe naꞌ naqueꞌ Xiꞌiṉ Dios, naꞌ cont gataꞌ yeḻaꞌ mban toḻi tocaṉe c̱hele daꞌ chejnilažeꞌleneꞌ.