1
00:00:05,000 --> 00:00:17,120
Gwdechle yeto ža yoble Jesúsenꞌ bozloꞌelagüeꞌ beṉeꞌ caꞌ zjanaqueꞌ ḻeꞌ txen choꞌa nisdaoꞌ daꞌ nziꞌ Nisdaoꞌ Tiberias. Quinga goc:

2
00:00:17,120 --> 00:00:35,520
Txen niteꞌ Simón Pedronꞌ len Tomásenꞌ benꞌ bososiꞌe Tomás Cuaš, naꞌ Natanael beṉeꞌ yež Caná ganꞌ mbane Galileanꞌ, naꞌ c̱hope xiꞌiṉ Zebedeo naꞌ yec̱hope beṉeꞌ caꞌ zjanaqueꞌ Jesúsenꞌ txen.

3
00:00:35,520 --> 00:00:52,860
Naꞌ Simón Pedronꞌ gožeꞌ ḻegaqueꞌ: ―Šaꞌa gwxen beḻ daꞌ yoble. Naꞌ goseꞌe ḻeꞌ: ―Ḻecze saꞌ netoꞌ. Nach gosaꞌaqueꞌ jaꞌaqueꞌ choꞌa nisdaonꞌ naꞌ gosoꞌe to ḻoꞌ barcw. Naꞌ nocze no beḻ beseželdeꞌ žeꞌnaꞌ.

4
00:00:52,860 --> 00:01:02,160
Naꞌ do ba zoa šeniꞌ beseleꞌedeꞌ zecha Jesúsenꞌ choꞌa nisdaonꞌ, perw bi gosacbeꞌedeꞌ še Jesús nanꞌ.

5
00:01:02,160 --> 00:01:11,460
Nach Jesúsenꞌ gožeꞌ ḻegaqueꞌ: ―Beṉeꞌ migw c̱hiaꞌ ¿nono beḻ chdoḻeꞌle? Naꞌ goseꞌeneꞌ: ―Nono chdoḻeꞌtoꞌ.

6
00:01:11,460 --> 00:01:28,700
Nach gožeꞌ ḻegaqueꞌ: ―Ḻe gwzaḻaꞌ yix̱jw beḻ c̱helenꞌ cuit barconꞌ ḻichale naꞌ senḻbaꞌ. Nach bosozaḻaꞌ yix̱jw beḻ c̱hegaquenꞌ, naꞌ tantw be zan besedoḻaꞌ, bi gosezoedeꞌ yosyocuenꞌ ḻoꞌ barconꞌ.

7
00:01:28,700 --> 00:01:48,800
Nach benꞌ chaquechgüe Jesúsenꞌ leꞌ, gožeꞌ Pedronꞌ: ―X̱ancho nanꞌ. Naꞌ cateꞌ gožeꞌ Simón Pedronꞌ X̱ancho nanꞌ, ḻaꞌ beyacwte Pedroaꞌ xaḻanenꞌ, ḻe gague bi nyazeꞌ chaꞌlenꞌ choneꞌ žinṉaꞌ, naꞌ ḻaꞌ bxiteꞌteꞌ ḻoꞌ nisenꞌ cont byob bežineꞌ ganꞌ zoa Jesúsenꞌ.

8
00:01:48,800 --> 00:02:02,100
Naꞌ yezicaꞌchle beṉeꞌ caꞌ zjaꞌacleneꞌ barcw daonꞌ zjanxobeꞌ yix̱jw ganꞌ žeꞌ beḻ yaꞌa caꞌ. Bi naquen zitoꞌ choꞌa nisdaonꞌ, ca do yeto gayoa metrze.

9
00:02:02,100 --> 00:02:11,500
Naꞌ cateꞌ besyežineꞌ choꞌa nisdaonꞌ beseleꞌedeꞌ chiꞌ yiꞌ yaꞌalj naꞌ xoa beḻ yaꞌa lagüenṉaꞌ naꞌ len yetextil.

10
00:02:11,500 --> 00:02:18,300
Naꞌ Jesúsenꞌ gožeꞌ ḻegaqueꞌ: ―Ḻe yeyox̱eꞌ ngale to c̱hope beḻ yaꞌa caꞌ zaꞌ gwxenḻe.

11
00:02:18,300 --> 00:02:35,240
Naꞌ Simón Pedronꞌ gwyejeꞌ jaxiꞌe yix̱jw beḻenꞌ ganꞌ chiꞌ barconꞌ naꞌ bexobenꞌ ga nac yo biž. Ženꞌ to gayoa šiꞌiṉeyon beḻ xen, perw bi bchezaꞌ yix̱jonꞌ ḻaꞌczḻaꞌ be zan gwžeꞌ ḻoꞌenṉaꞌ.

12
00:02:35,240 --> 00:02:46,940
Naꞌ Jesúsenꞌ gožeꞌ ḻegaqueꞌ: ―Ḻe da gagwle xsil. Naꞌ ṉe toeꞌ bi besyeyaxjdeꞌ yeꞌeneꞌ: “¿No leꞌ?”, ḻe ba gosacbeꞌedeꞌ naqueꞌ X̱anchonꞌ.

13
00:02:46,940 --> 00:02:56,520
Jesúsenꞌ gwbigueꞌ naꞌ gwxiꞌe yetextilenꞌ naꞌ bnežjueꞌ c̱he to toeꞌ naꞌ ḻecz caꞌ beneꞌ len beḻ yaꞌan.

14
00:02:56,520 --> 00:03:05,300
Daꞌnaꞌ goc daꞌ gwyoṉ ṉiꞌa bloꞌelao Jesúsenꞌ beṉeꞌ caꞌ zjanaqueꞌ ḻeꞌ txen gwde bebaneꞌ ladjo beṉeꞌ guatenꞌ.

15
00:03:05,300 --> 00:03:32,160
Naꞌ cateꞌ besyedagüeꞌ, Jesúsenꞌ gožeꞌ Simón Pedronꞌ: ―Simón xiꞌiṉ Jonás, ¿chaquechdoꞌ nedaꞌ clel canꞌ chesaque beṉeꞌ quinga nedaꞌ? Pedronꞌ božiꞌen gožeꞌneꞌ: ―X̱anaꞌ, ṉezdoꞌ chacdaꞌ leꞌ. Jesúsenꞌ gožeꞌneꞌ: ―Bsed bloꞌe beṉeꞌ caꞌ zaꞌ gwzolao chesejnilažeꞌ nedaꞌ, beṉeꞌ caꞌ zjanac ca meꞌ xilaꞌ c̱hiaꞌ.

16
00:03:32,160 --> 00:03:51,640
Naꞌ daꞌ gwchop ṉiꞌa gožeꞌ ḻeꞌ: ―Simón xiꞌiṉ Jonás, ¿chacdoꞌ nedaꞌ? Naꞌ daꞌ yoble gwna Pedronꞌ: ―X̱anaꞌ, leꞌ ṉezdoꞌ chacdaꞌ leꞌ. Jesúsenꞌ gožeꞌneꞌ: ―Bgüia gwṉaꞌ beṉeꞌ caꞌ chesejnilažeꞌ nedaꞌ, beṉeꞌ caꞌ zjanac ca xilaꞌ c̱hiaꞌ.

17
00:03:51,640 --> 00:04:19,100
Daꞌ gwyoṉ ṉiꞌa gož Jesúsenꞌ ḻeꞌ: ―Simón xiꞌiṉ Jonás, ¿chacdoꞌ nedaꞌ? Naꞌ Pedronꞌ gocyašeꞌdeꞌ danꞌ gož Jesúsenꞌ ḻeꞌ caꞌ daꞌ gwyoṉ ṉiꞌa, naꞌ gožeꞌ ḻeꞌ: ―X̱anaꞌ, leꞌ ṉeze nḻeꞌedoꞌ yogoꞌḻoḻ. Ṉezdoꞌ chacdaꞌ leꞌ. Jesúsenꞌ gožeꞌ ḻeꞌ: ―Bsed bloꞌe beṉeꞌ caꞌ chesejnilažeꞌ nedaꞌ, beṉeꞌ caꞌ zjanac ca xilaꞌ c̱hiaꞌ.

18
00:04:19,100 --> 00:04:37,220
Daꞌ ḻi chniaꞌ leꞌ, cateꞌ gocoꞌ beṉeꞌ güegoꞌ, cuinoꞌ gwyaz xaḻanonꞌ naꞌ gwyejoꞌ con ga žan c̱hioꞌ. Perw cateꞌ gacoꞌ beṉeꞌ gole, gwḻi naonꞌ naꞌ beṉeꞌ yoble c̱hizeꞌ xaḻanoꞌ naꞌ yec̱heꞌe leꞌ ga bi chaclažoꞌ.

19
00:04:37,220 --> 00:04:54,320
Gožeꞌneꞌ caꞌ cont gwṉezdeꞌ canꞌ gacxen Diozenꞌ len daꞌ gac c̱heꞌ cateꞌ žin ža gateꞌ. Naꞌ gwde gwna Jesúsenꞌ canꞌ gac c̱he Pedronꞌ nach gožeꞌneꞌ: ―Con gwyejnilažeꞌ nedaꞌ naꞌ bzenag c̱hiaꞌ.

20
00:04:54,320 --> 00:05:39,220
Naꞌ yeto beṉeꞌ naqueꞌ Jesúsenꞌ txen naꞌogüeꞌ ḻegaqueꞌ. Naꞌ beyec̱hj Pedronꞌ naꞌ bleꞌedeꞌ ḻeꞌ naꞌ gožeꞌ Jesúsenꞌ: ―X̱anaꞌ, ¿nac gac c̱he benga? Jesúsenꞌ gožeꞌneꞌ: ―Še chaclažaꞌ ṉeꞌ zoaczeꞌ cateꞌ yidaꞌ yeto ¿binꞌ chacžejlažoꞌ? Con gwzoateze gwyejnilažeꞌ nedaꞌ naꞌ bzenag c̱hiaꞌ. Benꞌ gwneꞌ caꞌ naqueꞌ benꞌ chaquechgüe Jesúsenꞌ naꞌ benꞌ gwcheꞌ cuit Jesúsenꞌ txen cateꞌ gosagüeꞌ xšeꞌ ženꞌ cateꞌ zaꞌ gac Jesúsenꞌ ḻo naꞌ beṉeꞌ caꞌ chesegueꞌedeꞌ ḻeꞌ. Naꞌ canaꞌ benaꞌ gwṉabdeꞌneꞌ: “X̱anaꞌ, ¿noxenꞌ gwdieꞌ leꞌ ḻo naꞌ beṉeꞌ caꞌ?”

21
00:05:39,220 --> 00:06:06,120
Naꞌ danꞌ gož Jesúsenꞌ Pedronꞌ: “Še chaclažaꞌ ṉe zoaczeꞌ cateꞌ yidaꞌ yeto ¿binꞌ chacžejlažoꞌ?”, daꞌnanꞌ gwditj dižaꞌ len beṉeꞌ caꞌ chsejnilažeꞌ Cristonꞌ goseneꞌ bi gat benaꞌ. Perw Jesúsenꞌ gague gožeꞌneꞌ bi gateꞌ, san gožeꞌneꞌ: “Še chaclažaꞌ ṉeꞌ zoacz benga cateꞌ yidaꞌ yeto, ¿binꞌ chacžejlažoꞌ?”

22
00:06:06,120 --> 00:06:18,660
Nedanꞌ ṉezdaꞌ canꞌ goc yogoꞌ daꞌ quinga naꞌ daꞌnanꞌ ba biaꞌ dižaꞌ c̱hegaquen naꞌ ba bzojanꞌ. Naꞌ ḻecze leꞌe ṉezczele choaꞌ dižaꞌ ḻi.

23
00:06:18,660 --> 00:06:30,760
Naꞌ daꞌ zanch daꞌ ben Jesúsenꞌ daꞌ bi zjanyojen, ḻe ša zjanyoj yogonꞌ tgüeje tgüejen, libr zan juisyw yesaquen še caꞌ. Daꞌ naꞌze chzojaꞌ ṉaꞌa.