\id 2PE
\h 2 Pedro
\toc1 2 Pedro
\mt1 Nin raroopa dxihtsi nin bacaꞌh San Pehdru
\c 1
\s GuelrgahpaDxiohs Pehdru para laꞌh raꞌ xpwiinn Crixtu
\p
\v 1 Naꞌh nin naan Simohn Pehdru, ruꞌnnahnn xtsiꞌn Jesucristu
nee naa zahn tuhbi pooxtla xteenn Ñiꞌh; rucaꞌhn dxihtsi riiꞌ
loh tu ziga naa tu xpwiinn Jesucristu nin riachii stoꞌ raꞌ
ñiꞌh xchiꞌdxyi Dxiohs talpaꞌh ziga riachii stoꞌ nu
xchiꞌdxyi Dxiohs nin rusiaa xtuhlda nuꞌh pur lah
Jesucristu.
\v 2 Rnaꞌbaꞌhn loh Dxiohs gacanee chaꞌyi ru
Ñiꞌh laꞌhtu; cun gusacwachidxyii ru Ñiꞌh lastoꞌ tu tin
gacabwaꞌ ru tu xchiꞌdxyi Dxiohs neezaa Daada Jesucristu.
\s Ziga nahpa gaca raꞌ xpwiinn Jesucristu
\p
\v 3 Laasii xquelrnabwaꞌ Dxiohs baniꞌhi garaatiiꞌ nin rchiꞌhn
nuꞌh tin guibahan zaꞌca nuꞌh, tin gaca nuꞌh bwiinn nayaa nez
loh Ñiꞌh, pur xcweenta xchiꞌdxyi Ñiꞌh nin banaann zaꞌca
nuꞌh xcweenta Jesucristu, nin gudihdxyi laꞌh raꞌ nuꞌh nee nin
gulii laꞌh raꞌ nuꞌh tin bachicaꞌha raꞌ nuꞌh loh xquelñaꞌñih
Ñiꞌh,
\v 4 ya pur xcweenta raꞌ cohsa raꞌ riiꞌ baniꞌhi Ñiꞌh
dxyiꞌdxyi raꞌ riiꞌ nin guchii nee nin lasahca duxa laꞌh
nuꞌh. Ya sidela chechii stoꞌ nuꞌh xchiꞌdxyi Ñiꞌh, zahca
gaca raꞌ nuꞌh xpwiinn Ñiꞌh nee zahca nuꞌh bwiinn zaꞌca ziga
naa Ñiꞌh laasii basiaꞌhan nuꞌh nez dihtsi nuꞌh dziꞌn dxaaba
raꞌ nin rzaꞌbi stoꞌ snuhn raꞌ bwiinn guidxyiyuh loh ñiꞌh nee
nin ruxiꞌn za laꞌh raꞌ ba.
\v 5 Niꞌchin nnah nahpa gacabwaꞌ
ru tu xa nabahan tu loh guidxyiyuh. Gulguiꞌhnn xa chioo ru
guelriachii stoꞌ xteenn tu nin gacanee laꞌhtu tin guibahan
zaꞌca tu loh Dxiohs; ya ziga guibahan zaꞌca tu chi zirooꞌ ru
xcweenta xquelnaann tu loh dziꞌn zaꞌca raꞌ.
\v 6 Ya ziga
gurooꞌ naa xquelnaann tu xcweenta dziꞌn zaꞌca cun dziꞌn
dxaaba, zahca guinabwaꞌ tu tihxi tu tin ayi guunn tu dziꞌn
dxaaba. Ya chin guinabwaꞌ tu tihxi tu, zahpa tu paseensi,
ya chin ba nahpa tu paseensi, pwihsi zahca tu bwiinn zaꞌca,
bwiinn saantu.
\v 7 Ya chin ba naa tu bwiinn zaꞌca, bwiinn
saantu, zahpa tu guelnadziiꞌhi lasaaꞌ, ya chin laꞌhtu ba
nahpa tu guelnadziiꞌhi lasaaꞌ pwihsi ya nahpa tu
guelnadziiꞌhi lasaaꞌ nin naa xteenn Jesucristu.
\p
\v 8 Ya sidela laꞌhtu mahzi ru ruzoꞌbadxiahga tu garaa raꞌ
dxyiꞌdxyi raꞌ riiꞌ, pwihsi xquelnabahan tu ayi naan
guelnabahan lliaaꞌ zi nee ayi biuꞌnbwaꞌ lliaaꞌzi za tu laꞌh
Daada Jesucristu,
\v 9 laasii garaa raꞌ nin ayi nahpa raꞌ
dxyiꞌdxyi raꞌ riiꞌ, naa bwiinn chi ziga zi nin naa dxieꞌpa
loh ñiꞌh o gulliaaꞌ riin loh ba, laasii biaꞌlda stoꞌ ba xa
basiaa Dxiohs xtuhlda ba nin bwiꞌhnn ba galoh.
\v 10 Pwihsi
niꞌchin rñiꞌn loh tu bwiitsi raꞌn; gulguiꞌhnn nasihsi nee
gulchiꞌhyi xa guluuꞌyiloh tu guchii gudihdxyi Dxiohs
laꞌhtu nee gulii Ñiꞌh laꞌhtu, ya pur nin guzoꞌbadxiahga tu
xcweenta dxyiꞌdxyi raꞌ riiꞌ, pwihsi ayi chuu xa pur guñihchi
tu o chuu xtuhlda tu.
\v 11 Pwihsi sidela guibahan tu squiiꞌ
loh guidxyiyuh riiꞌ, ziuuꞌtii tu loh guelrnabwaꞌ nin naa par
tuꞌpazi xteenn Daada Jesucristu nin bataꞌh laꞌhnuꞌh loh
duhlda.
\p
\v 12 Pwihsi niꞌchin nin nahpa cheezah gusazaꞌhn stoꞌ tu
xcweenta dxyiꞌdxyi raꞌ riiꞌ, nicala banaann tun nee nicala
za ya zeezah zaꞌca tu loh raꞌ dxyiꞌdxyi nanchii nin ba
gwachii stoꞌ tu.
\v 13 Pwihsi loh gaduhbi nin nabahanahn loh
guidxyiyuh riiꞌ naꞌh ruꞌnnahn lligaaba xnehza naa ziga chin
rusannaan stoꞌ tu, tin ziꞌchi guiñiꞌbi ru tu tin guunn tu
ziga naa xnehza,
\v 14 laasii laꞌh Daada Jesucristu ba
baluuꞌyi naꞌh zeꞌyaꞌngahxu dxyih nin tiidxi saꞌhn loh
guelnabahan riiꞌ.
\v 15 Niꞌchin cayuhnn duuxaꞌhn dziꞌn nnah,
tin chin laꞌn ya ba guhchi, garaa dxyih ziagannastoꞌ tu
xcweenta dxyiꞌdxyi raꞌ riiꞌ.
\s Garaa raꞌ nin bwaꞌha loh raꞌ guelnazaꞌca xteenn Jesucristu
\p
\v 16 Pwihsi guelruluuꞌyi nin baluuꞌyi nu xcweenta
guelbiaꞌñih nee cun xcweenta Daada Jesucristu, ayi naan
cweenta nin bachidxiꞌnlaadzi nu cun xilla mahn raꞌ, pwihsi
laꞌhnu cun bizloh nu bidiaꞌha loh nu laꞌh Daada Jesucristu
loh xquelrnabwaꞌ rooꞌ xteenn Ñiꞌh,
\v 17 laasii bidiaꞌha loh
nu chin badiꞌhi Daada Dxiohs nin nuu dxibaaꞌ guelrnabwaꞌ cun
xquelñaꞌñih Ñiꞌh laꞌh Jesucristu chin bihn dxiahga nu guñiꞌ
Dxiohs laꞌn tuhbi xcahyi nin biinloh nez llaaꞌndxibaaꞌ, rahbi
Ñiꞌh: “Dee naa Lliiꞌnahn nin nadziiꞌhihn, nin riahxiꞌhn
xcweenta Ñiꞌh.”
\v 18 Pwihsi laꞌh gahca za nu bihn dxiahga
nu rsiaaꞌha xteenn Dxiohs nin bihn dxiahga nu nez
llaaꞌndxibaaꞌ, pwihsi tuhsi dxunee nu laꞌh Daada Jesucristu
loh dahan nin naa yuh saantu xteenn Dxiohs.
\p
\v 19 Pwihsi pur nin bwaꞌhaloh nu nee pur nin bihn dxiahga za
nu chi, niꞌchin nin mahzi ru riachii stoꞌ nu garaa raꞌ
dxyiꞌdxyi raꞌ nin bacaꞌh guehtu daada raꞌ nin guñiꞌ
xchiꞌdxyi Dxiohs. Pwihsi laꞌhtu bwen naa xcweenta tu
sidela guzoꞌbadxiahga tu xcweenta xchiꞌdxyi Dxiohs nin
bacaꞌh raꞌ ba, nin naa ziga zi tuhbi biaꞌñih nin rusiaꞌñih
hasta nacahyi. Ya hastayi chin rarah gueꞌla chiꞌchi rtahn
gubihdxyi ruziaꞌñih laꞌn lastoꞌ tu.
\v 20 Pwihsi niꞌchin
gulgahcabwaꞌ deeꞌ: Galoh nin tuhbi dxyiꞌdxyi nin caa loh
Xchihtsi Dxiohs, ayi nin tuhbi bwiinn nin gabweꞌhecaa xi
zee loh dxyiꞌdxyi chi cun ganaalla si xigaaba ba.
\v 21 Pwihsi laꞌh raꞌ guehtu daada raꞌ nin guñiꞌ xchiꞌdxyi
Dxiohs, nin tuhbi bweelta ayi guñiꞌ raꞌ ba pur xcweenta
gahca raꞌ ba sino que guhca raꞌ ba bwiinn raꞌ nin guñiꞌ
xcweenta Dxiohs, laasii guhcanee Spíritu Saantu Dxiohs
laꞌh raꞌ ba.
\c 2
\s Nin ruluuꞌyi raꞌ dxyiꞌdxyi raꞌ nin ayi naa guchii
\r (Judas 3‑13)
\p
\v 1 Gyuuꞌ za profeta raꞌ nin baluuꞌyi raꞌ dxyiꞌdxyi raꞌ nin ayi naa dxyiꞌdxyi guchii loh raꞌ bwiinn Israel raꞌ; pwihsi ziꞌchi za loh tu ziuuꞌ raꞌ mwehsu raꞌ nin ayi guluuꞌyi dxyiꞌdxyi nin naa guchii, ya laꞌh raꞌ ba ralaꞌngah sola guluuꞌyi raꞌ ba nin naa lligaba zi raꞌ ba, ya zibweꞌhe stoꞌ raꞌ ba laꞌh Jesucristu nin bataꞌh laꞌh raꞌ ba loh duhlda, ya pur cweenta raꞌ riiꞌ lwehgu ziñihchiloh raꞌ ba.
\v 2 Pwhsi ziahan raꞌ bwiinn zianaꞌhla raꞌ ba laꞌh raꞌ bwiinn raꞌ chi cun loh xneziuh dxaaba raꞌ ba, nee pur xcweenta za raꞌ bwiinn raꞌ chi ziahan raꞌ bwiinn raꞌ ziñiꞌnah raꞌ ba xcweenta xneziuh xchiꞌdxyi Dxiohs,
\v 3 y laasii rzaꞌbi stoꞌ raꞌ ba xmweeyi tu, zuluuꞌyi raꞌ ba laꞌhtu xica dxyiꞌdxyi nin ayi naa dxyiꞌdxyi nin guchii raꞌ, per ya nin naa xcweenta raꞌ ba naa ñichiloh raꞌ ba. Ziꞌchi chiꞌh zi naa rramwehdxi nin gaca laꞌh raꞌ ba, pwihsi ya desde cachieempa rooꞌ la ya naa dxyiꞌdxyi ziñihchiloh raꞌ ba.
\p
\v 4 Dxohs ayi bwiꞌhnn Ñiꞌh pardohn xtuhlda raꞌ aanjla raꞌ nin guyuuꞌ xtuhlda raꞌ ñiꞌh, sino que guxeꞌhla Ñiꞌh laꞌh raꞌ aanjla raꞌ chi para gabihldxi, ya basiaꞌhan Ñiꞌh laꞌh raꞌ aanjla raꞌ chi loh nacahyi, caduꞌh raꞌ ba cun cadehn nee nuuchaꞌyi raꞌ ba para hasta chin gacayi jwisi.
\v 5 Nn ayi za bwiꞌhnn Dxiohs pardohn xtuhlda raꞌ bwiinn raꞌ nin bañihchiloh Ñiꞌh cun ñihsa, sola gulaꞌh guehtu Noeh si, nin baluuꞌyi xchiꞌdxyi Dxiohs laꞌn dxyih raꞌ chi cun zagahdzi raꞌ bwiinn.
\v 6 Bwꞌhnn za Dxiohs guelguxchisi xteenn Ñiꞌh loh guihdxyi Sodoma neezaa loh guihdxyi Gomorra; biuhn Ñiꞌh guihdxyi raꞌ chi ganaalla cobadeh, ziꞌchi bwiꞌhnn Dxiohs tin gacabwaꞌ raꞌ bwiinn xa ruhnnee Dxiohs laꞌh raꞌ bwiinn raꞌ nin ayi ruzoꞌbadxiahga xchiꞌdxyi Ñiꞌh.
\v 7 Pr bataꞌh Ñiꞌh laꞌh tuhbi ndxiꞌhw nin laa Lot, nin guhca tuhbi bwiinn zaꞌca loh guihdxyi chi, laasii bibiin lastoꞌ ba chin bwaꞌha ba zezaꞌbitiiꞌ raꞌ bwiinn guihdxyi raꞌ chi loh duhlda duxa nin naꞌhla raꞌ ba.
\v 8 Pwhsi laꞌh Lot nin naa bwiinn zaꞌca riiꞌ gubahan ba loh raꞌ bwiinn duhlda duxa raꞌ chi, pwihsi batiꞌdxiloh stoꞌ ba loh guelrzaꞌcazii xteenn garaa raꞌ cohsa dxaaba raꞌ nin bwiꞌhnn raꞌ bwiinn raꞌ chi dxyih cun dxyih, nin bwaꞌhaloh ba cun nin bihn dxiahga ba.
\v 9 Pwhsi banaann Dxiohs xa rahcanee Ñiꞌh laꞌh raꞌ bwiinn nin riuꞌn ntriehgu laꞌh raꞌ ñiꞌh loh Dxiohs cun gaduhbi stoꞌ raꞌ ba ya rutaꞌh Ñiꞌh laꞌh raꞌ ba loh guelrzaꞌcazii nin cadiiꞌdxi raꞌ ba, nee banaann za Dxiohs xa gusaꞌcazii Ñiꞌh laꞌh raꞌ bwiinn duhlda chin gadzihnyi dxyih nin guunn Ñiꞌh guelguxchisi xcweenta raꞌ ba.
\p
\v 10 Dxohs zudiꞌhi Ñiꞌh guelrzaꞌcazii rooꞌ laꞌh raꞌ bwiinn raꞌ nin ruzoꞌbadxiahga loh ziga xclaaꞌdzi tihxi raꞌ ba nee cun bwiinn raꞌ nin rreꞌcaa raꞌ loh xquelrnabwaꞌ Dxiohs. Naa raꞌ ba bwiinn stoꞌ radxiipa raꞌ, bwiinn nahda duxa raꞌ; ayi rdxyihbi raꞌ ba rzaꞌbi rwaaꞌ raꞌ ba rñiꞌyah raꞌ ba loh xquelbachaꞌh xtenn aanjla raꞌ,
\v 11 ncala ziga aanjla raꞌ nin nahpa raꞌ zirooꞌ jweersi nee guelrnabwaꞌ za per ayi riaalla raꞌ ba gutiꞌdxisuu raꞌ ba tuhbi dxyiꞌdxyinah nez delanta loh Dxiohs pur xcweenta bwiinn riiꞌ.
\p
\v 12 Pr laꞌh raꞌ bwiinn raꞌ nin zeezahnee dziꞌn dxaaba raꞌ naa raꞌ ba ziga zi guidxaꞌh raꞌ nin ayi xquelrihn raꞌ ñiꞌh, ya cabweeza chiꞌh zi raꞌ ba chyu guinaꞌzu laꞌh raꞌ ba para gachi raꞌ ba. Rñiꞌyah raꞌ ba nin ayi rahcabwaꞌ laꞌgahca raꞌ ba, per zahchi raꞌ ba ziga gahca rahchi raꞌ guidxaꞌh raꞌ.
\v 13 Nhpa raꞌ ba duhlda, niꞌchin ziñihchiloh raꞌ ba; zidiiꞌdxi raꞌ ba loh guelrzaꞌcazii duxa pur xcweenta xtuhlda raꞌ ba. Laꞌh raꞌ ba nin naa xcuuxta raꞌ ba guunn raꞌ ba pur lañihrooꞌ raꞌ garaa dxyih, nee naa raꞌ ba tuhbi cohsa dxiimma nin ayi rarahtiiꞌ nee dxyigah riuuꞌ nasaa stoꞌ raꞌ ba rugueeꞌ raꞌ ba laꞌhtu loh nin cayahca lañih cun loh nin cayahwnee raꞌ ba laꞌhtu.
\p
\v 14 Ay nuu gwaꞌha raꞌ ba loh tuhbi gunnaꞌh lwehgu xclaaꞌdzi raꞌ ba guidxaꞌga raꞌ ba laꞌh gunnaꞌh chi; ayi riagadxahga raꞌ ba cun xtuhlda raꞌ ba, nee rcaꞌha mahn za raꞌ ba ziga rsiaaba duhlda raꞌ ba laꞌh raꞌ bwiinn nin ayi ruhnn dziꞌtsi xigaaba raꞌ ñiꞌh; ruluuꞌyi lastoꞌ raꞌ ba tin saꞌbi stoꞌ raꞌ ba mweeyi, ya laꞌh raꞌ ba nin naa raꞌ lliiꞌn nin nuu dii.
\v 15 Pwhsi guleꞌhe stoꞌ raꞌ ba neziuh zaꞌca, mahzi zeenaꞌhla raꞌ ba ziga bwiꞌhnn guehtu Balaam, lliiꞌn Beor, nin guclaaꞌdzi ñuhnn gahn mweeyi loh nin ñuhnn ba dziꞌn dxaaba raꞌ.
\v 16 Y binaꞌzu ba loh xtuhlda ba pur tuhbi buhrra nin guñiꞌ loh ba ziga rñiꞌ tuhbi bwiinn ya ayi ru basaaꞌn buhrra chi ñazah ba loh lligaaba yoꞌba nin guyuuꞌ ba.
\p
\v 17 Bwinn raꞌ squiiꞌ naa raꞌ ba ziga zi tuhbi bizee nin ayi xi ñihsa nuu, o ziga xcahyi nin riahca bwih. Pwihsi ya naa raꞌ ba para tiidxi raꞌ ba guelrzaꞌcazii para tuꞌpazi hasta nacahyi duxa,
\v 18 lasii ruluuꞌyi raꞌ ba ziga zi dxyiꞌdxyi nin ruluuꞌyi guchii nee ayi naa raꞌn guchii sino que ganaalla dxyiꞌdxyi dxixiꞌhw zohba rwaaꞌ raꞌ ba. Ya pur xcweenta raꞌ xica xtsiꞌn dxaaba raꞌ ba cun xica lligaaba xteenn tihxi raꞌ ba rusiꞌnaahan laꞌh raꞌ bwiinn nin gueꞌdu bwiꞌhnn gahn bariaꞌcaa raꞌ loh raꞌ bwiinn raꞌ nin nabahan raꞌ loh dziꞌn dxaaba raꞌ,
\v 19 ne rahbi raꞌ ba loh raꞌ bwiinn: “Zahca guunn tu nin chiꞌh zi guiclaaꞌdzi tu guunn tu dela guzoꞌbadxiahga tu xchiꞌdxyi nu”, per laꞌhgahca raꞌ ba nin naa raꞌ ba nin yiꞌbiduꞌh ñaaꞌ-naa raꞌ ñiꞌh loh duhlda; pwihsi cada tuhbigah raꞌ bwiinn naa raꞌ ba ziga nin gudooꞌ loh nin bwiꞌhnn gahn basieꞌwbacaala yihca raꞌ ba.
\v 20 Pwhsi bwiinn raꞌ nin ba biuꞌnbwaꞌ raꞌ laꞌh Daada Jesucristu pur xcweenta xchiꞌdxyi Ñiꞌh, ya gulaꞌh raꞌ ba loh raꞌ cohsa duhlda raꞌ xteenn guidxyiyuh; per sidela laꞌhtu gabiaꞌgarii tu loh xcweenta dziꞌn duhlda raꞌ stuhbi, pwihsi mahzi nalaasa ru gaca xcweenta tu loh ziga galoh.
\v 21 Pwhsi pwehda mahzi bwen ñahca xcweenta raꞌ ba ayi ñiuꞌnbwaꞌ raꞌ ba xchiꞌdxyi Dxiohs xlawaaꞌha biuꞌnbwaꞌ raꞌ ban nee cabweꞌhe stoꞌ raꞌ ba xchiꞌdxyi saantu xteenn Dxiohs nin guyaꞌzi dxiahga raꞌ ba loh mwer dxyih nin bihnn raꞌ ban.
\v 22 Pr guyaꞌloh guzohba dxyiꞌdxyi xcweenta raꞌ bwiinn chi nin rñiꞌ squiiꞌ: “Tubhi bwehcu rbiaꞌgarii ma loh xquelrdziiꞌba ma, ya cuuchi nin gueꞌdu guhza rbiaꞌgarii ruguꞌchi bwehn ma laꞌh ma loh bwehn.”
\c 3
\s Xcweenta chin guibiaꞌgarii Jesucristu
\p
\v 1 Pwihsi bwiitsi raꞌn, dee naa nin raroopa dxihtsi nin
caguꞌneezahn para laꞌhtu, tin cayuhꞌnnahn ziga dxiagannastoꞌ
tu tin cheezah zaꞌca tu loh xchiꞌdxyi Dxiohs nin guhca
biñih stoꞌ tu.
\v 2 Gulgasannah stoꞌ tu xcweenta dxyiꞌdxyi
raꞌ nin guñiꞌ guehtu daada raꞌ nin guñiꞌ xchiꞌdxyi Dxiohs
cachieempa rooꞌ duxa, neezaa dxyiꞌdxyi nin guñiꞌ Daada
Jesucristu nin baluuꞌyi raꞌ xpooxtla Ñiꞌh laꞌhtu.
\p
\v 3 Pwihsi gulgahpa dziꞌtsi dee raꞌ stoꞌ tu: Laꞌn dxyih
luulchima raꞌ nin laꞌh guidxyiyuh gaduhbi, ziꞌ raꞌ bwiinn
raꞌ nin guibahan laꞌn dxyih raꞌ chi cun cweenta gahca ziga
xclaaꞌdzi tihxi raꞌ ba, cun zullihdzinee raꞌ ba xcweenta
xchiꞌdxyi Dxiohs,
\v 4 ya zinaaba dxyiꞌdxyi raꞌ ba loh tu:
“¿Xixnaa ayi xi rsohn dxiꞌ Crixtu ziga biaꞌhan dxyiꞌdxyi?
Pwihsi desde chin guhchi raꞌ xtaada guldooꞌ raꞌ nuꞌh,
garaatiiꞌ zeezah gahca ayi xi galuuꞌyi xi stuhbi gaca desde
chin gurihxchih guidxyiyuh.”
\v 5 Bwiinn raꞌ chi ayi
xclaaꞌdzi raꞌ ba gacabwaꞌ raꞌ ba, laꞌn naa la desde chiempa
rooꞌ bwiꞌhnnchaꞌyi Dxiohs llaaꞌndxibaaꞌ pur xchiꞌdxyi
Ñiꞌh, nee pur xchiꞌdxyi Dxiohs za guhcachaꞌyi loh
guidxyiyuh nee gubiꞌhyi ñihsa loh guidxyiyuh.
\v 6 Chiꞌchi
guñihchiloh garaatiiꞌ raꞌ bwiinn raꞌ nin gurih loh
guidxyiyuh chin biaaba tuhbi ñihsadxiah xihn nin bañihchiloh
laꞌh raꞌ ba.
\v 7 Per dxibaaꞌ cun guidxyiyuh nin naa nnah,
zaduhbin cun dxih pur laꞌhgahca xchiꞌdxyi Dxiohs; dxih chi
gucaꞌdxih laꞌhan loh dxyih nin gaca jwisi, chin guñihchiloh
Dxiohs laꞌh raꞌ bwiinn duhlda raꞌ.
\p
\v 8 Nee bwiitsi raꞌn, ayi dxiaꞌlda stoꞌ tu para laꞌh Daada Jesucristu, tuhbi
dxiꞌh dxyih naa ziga tuhbi mihyi yihza ya tuhbi mihyi yihza naa ziga zi tuhbi
dxiꞌh dxyih para laꞌh Ñiꞌh.
\v 9 Dxiohs ayi cayahcanagahn dxiꞌh para guzaꞌloh
xchiꞌdxyi Ñiꞌh ziga ruhnn nuu raꞌ bwiinn lligaaba, sino que paseensi si cayahpa
Ñiꞌh laꞌh raꞌ nuꞌh, laasii ayi xclaaꞌdzi Ñiꞌh nin tuhbi bwiinn ñichiloh
sino que garaa raꞌ ba guzee raꞌ ba para dxibaaꞌ.
\p
\v 10 Per dxyih nin dxiꞌ Jesucristu stuhbi zahcan ziga zi
chin radzihn tuhbi gubaꞌn nin ayi nuu dxyiꞌdxyi tiiꞌ
radzihn, ya chiꞌchi zicaꞌdxih llaaꞌndxibaaꞌ cun garaa nin
zaꞌbi lohon cun tuhbi bwih duxa nin guunn guidxyihbi duxa
raꞌ bwiinn, ya guidxyiyuh cun garaa raꞌ nin rii chiꞌh zi loh
guidxyiyuh zicaꞌdxih raꞌn.
\p
\v 11 Laasii garaa raꞌ deeꞌ raꞌ ziñihchiloh raꞌn, niꞌchin
laꞌhtu gulguibahan nayaa loh guidxyiyuh riiꞌ, ayi gaca tu
bwiinn duhlda.
\v 12 Gulcwehza nee gulguiꞌhnn para dxiooba
gadzihn dxyih chiꞌh zi nin guunn Dxiohs lligaaba dxiꞌ Ñiꞌh.
Pwihsi dxyih chi ziñihchiloh llaaꞌndxibaaꞌ cun dxih, ya
garaa nin rachidiaꞌha raꞌ nuꞌh nez llaaꞌndxibaaꞌ zicaꞌdxih
raꞌn, buꞌhu zi dxiaca raꞌn,
\v 13 per laꞌhnuꞌh nin cabweeza
nuꞌh gadzihn dxyih nin dxiinloh dxibaaꞌ nacuubi nee loh
guidxyiyuh nacuubi nin biaꞌhan dxyiꞌdxyinee Dxiohs loh nuꞌh
gachicaꞌha nuꞌh, hasta gaca ganaalla si dziꞌn zaꞌca nee ayi
chuꞌtiiꞌ nin tuhbi duhlda.
\p
\v 14 Pwihsi niꞌchin bwiitsi raꞌn, loh gaduhbi nin cabweeza
raꞌ nuꞌh cohsa raꞌ riiꞌ; gulguiꞌhnn ziga xclaaꞌdzi Dxiohs
tin ziꞌchi gwaꞌha Ñiꞌh laꞌhtu guchii naa tu bwiinn nin
riidxyii stoꞌ raꞌ ñiꞌh cun xcweenta xchiꞌdxyi Ñiꞌh, sin nin
tuhbi xilla cohsa dxaaba, cohsa duhlda.
\v 15 Gulgahpa
cweenta xcweenta paseensi nin nahpa Daada Jesucristu cun
laꞌhnuꞌh, niꞌchi naa ziga taꞌh nuꞌh loh duhlda. Pwihsi
ziꞌchi za bacaꞌh bwihtsi dziꞌtsi nuꞌh Pahblu xcweenta ziga
badiꞌhi Dxiohs guelnasiin laꞌh ba.
\v 16 Garaa raꞌ loh
dxihtsi nin bacaꞌh ba guñiꞌ ba garaa raꞌ dxyiꞌdxyi raꞌ riiꞌ,
nicala nuu raꞌ dxyiꞌdxyi raꞌ chi nagahn raꞌn para gacabwaꞌ
luꞌhn, per bwiinn raꞌ nin gulliaꞌyiꞌhn rahcabwaꞌ, bwiinn nin
ruhnn chiohpa stoꞌ raꞌ ñiꞌh, bwiinn raꞌ nin ruxiꞌdxi raꞌ loh
xchiꞌdxyi Ñiꞌh, squiiꞌgahcaza ruhnn raꞌ ba loh garaatiiꞌ
xchiꞌdxyi Dxiohs, niꞌchin ziñihchiloh raꞌ ba.
\p
\v 17 Niꞌchin bwiitsi raꞌn, yaque laꞌhtu naann tu xcweenta
dxyiꞌdxyi raꞌ riiꞌ, gulgahca nasiin tin ayi dxiaaba tu loh
guelrusaguiꞌhi xteenn raꞌ bwiinn raꞌ nin ayi xclaaꞌdzi
guzoꞌbadxiahga xchiꞌdxyi Dxiohs, tin ayi guñihchi tu ziga
zeezah dziꞌtsi tu loh xchiꞌdxyi Dxiohs nin zeezahnee tu.
\v 18 Niꞌchin mahzi chaꞌyi gulchezah guldxiuꞌnbwaꞌ laꞌh Daada
Jesucristu nee gulchiooꞌ ru loh xquelnazaꞌca xteenn Ñiꞌh.
Pwihsi ¡ba zaꞌbi dxyiꞌdxyi para laꞌh Ñiꞌh nnah nee para
gaduhbi chieempa tiiꞌ! Ziꞌchi gaca pwihsi.