1
00:00:05,000 --> 00:00:12,180
Lëꞌ Saulo ndzeꞌb c̲h̲ak xlaꞌn igët x̱in useꞌd Jesús, lox gunu lëꞌ uya lo px̱oz nc̲h̲oꞌb nak.

2
00:00:12,180 --> 00:00:25,620
Unab tib blë gits, diꞌt xdeꞌd minn knu diꞌdz, sëꞌb Saulo ic̲h̲ësa yu diꞌt stseꞌd minn judío Xtiꞌdz Dios guꞌn zob lën giedz Damasco, lox kwaꞌ ic̲h̲ë mgiy, unaꞌ zu xñaz Jesús sia tsu lidzgiꞌb Jerusalén.

3
00:00:25,620 --> 00:00:30,600
Ñana konde lëꞌ Saulo sia mer idzinn Damasco, lëꞌ tib xni uc̲h̲aꞌ ibaꞌ uyots Saulo.

4
00:00:30,600 --> 00:00:38,580
Lëꞌ ubixla Saulo ga uyab lyu, ga lëꞌ uyon tib tsiy minn c̲h̲ëp: ―Saulo, ¿be uyonlu? ¿Xkuꞌn xki kedilñaláná?

5
00:00:38,580 --> 00:00:51,780
Ga lëꞌ Saulo c̲h̲ëp: ―¿Chu naklá? Ga lëꞌ tsiy minn ukëb: ―Naꞌ nak Jesús, minn kedilñalá. [Lëꞌkga lëdlá xiab guꞌn ki. X̱iꞌk nak ngon xlaꞌn ikeniy lëꞌkga lëd yag xkëꞌ minn lëd.

6
00:00:51,780 --> 00:01:02,880
Ga lëꞌ Saulo noꞌnda xc̲h̲iz lo gilsdzeꞌb c̲h̲ëp: ―Dad, ¿bekwaꞌn xlaꞌnlá gunn‑ná? Ga lëꞌ Jesús ukëb:] ―Bische lox gwa Damasco. Ga gaknanlá gan bekwaꞌn guꞌnnlá.

7
00:01:02,880 --> 00:01:10,220
Lëꞌ ic̲h̲ë minn zinkë x̱its Saulo, udzeb gana nika xc̲h̲elodc̲h̲a ineꞌ lo chut bat giend ñala tsiy minn xien.

8
00:01:10,220 --> 00:01:17,220
Konde lëꞌ Saulo uyusli ñakdac̲h̲a nwiy, sial lëꞌ minn zinkë x̱its Saulo, uzën ña Saulo sia udzinn Damasco.

9
00:01:17,220 --> 00:01:22,960
Ga uyu Saulo tson mbidz ñakda nwiy, gana ñowda gana nika bët ñada.

10
00:01:22,960 --> 00:01:34,280
Ga Damasco yu tib mgiy nak x̱in useꞌd Jesús lë Ananías, mgiy knu uyab tib guꞌn lo, uyon lëꞌ Jesús uc̲h̲edz c̲h̲ëp: ―Ananías. Ga lëꞌ ukëb: ―Bekwaꞌno Dad.

11
00:01:34,280 --> 00:01:45,160
Ga lëꞌ Jesús c̲h̲ëp: ―Liger gwa ñaz lë derech, ga zob lidz Judas, gib tib mgiy xneꞌña Dios ga; lë Saulo, nak minn Tarso.

12
00:01:45,160 --> 00:01:51,780
Lo Naꞌ, uluw lo Saulo lëꞌ tib mgiy lë Ananías tsa ixob ña gik Saulo dzekna lëꞌ Saulo gwiy.

13
00:01:51,780 --> 00:02:02,020
Ga lëꞌ Ananías ukëb: ―Dad minn c̲h̲uꞌnnbéy, c̲h̲onná xneꞌ minn noꞌnda sdzakzi mgiy knu minn ugiꞌblá, uyak mbi xtol lo xlelëdz Jesús, Jerusalén.

14
00:02:02,020 --> 00:02:09,200
Gana zën mgiy knu gits diꞌt xdeꞌd ic̲h̲ë px̱oz nc̲h̲oꞌb nak, minn c̲h̲uꞌnnbéy lo xkomier diꞌdz, igaꞌ minn c̲h̲uꞌnn nc̲h̲oꞌb lëlá.

15
00:02:09,200 --> 00:02:20,120
Ga lëꞌ Dad minn c̲h̲uꞌnnbéy ukëb: ―Gwa, Naꞌ ugib mgiy knu ikë stsinná tsa ineꞌ lo minn nakda Judío chu nakná, gana ic̲h̲ë minn nc̲h̲oꞌb nak, gana lo minn Israel.

16
00:02:20,120 --> 00:02:24,900
Naꞌ iluw lo Saulo ic̲h̲ë gilnëdoꞌ ted, lo ineꞌ chu nakná.

17
00:02:24,900 --> 00:02:42,020
Ga dzekna lëꞌ Ananías uya, konde udzinn uded lën yu uxob ña gik Saulo, lox c̲h̲ëp: ―Saulo, bin ganlá bëꞌts, lëꞌ Jesús minn uneꞌ loꞌlá ñaz or ziꞌdlá, uxaꞌlná inabná lo, dzekna lëꞌlá gwiy gana lëꞌlá ikaña Espíritu chen Dios.

18
00:02:42,020 --> 00:02:49,380
Or knukga lë tib blë gunu uc̲h̲aꞌ lo Saulo, leꞌydib gid mal, ga lëꞌ Saulo uwiy. Ga dzekna lëꞌ uc̲h̲oꞌbnisla Saulo ga.

19
00:02:49,380 --> 00:02:57,040
Ga lëꞌ Saulo uyow uyak ndip, ga lox uyaꞌn Saulo balal dze lo x̱in useꞌd Jesús minn yu Damasco.