1
00:00:05,000 --> 00:00:22,120
Ñana stib dze lëꞌt lëꞌnu sia diꞌt xgaꞌlsa minn xneꞌña minn Dios izanu Pablo, ñana ñaz udzaꞌlnu tib minndoꞌkwnaꞌ c̲h̲uꞌnn gilmal, minndoꞌ knu xnusa xneꞌ dele bekwaꞌnda xlaꞌn minn gaknan minn. Xka xgoliaꞌ minndoꞌ knu demi sia lo minn c̲h̲uꞌnnbéy lo.

2
00:00:22,120 --> 00:00:31,360
Ga lëꞌ minndoꞌ knu uzinkë x̱itsnu xkëꞌ c̲h̲edz xneꞌ: ―Iza mgiy c̲h̲eꞌn nak minn kë stsiꞌn Dios, minn zob ibaꞌ, xneꞌ gan xkuꞌn kob Dios xtoldá.

3
00:00:31,360 --> 00:00:47,840
Ñana lo ndal dze tipta c̲h̲uꞌnn minndoꞌkwnaꞌ knu gunu, ga lëꞌ gik Pablo ulëꞌ udzi lo c̲h̲ëp lo me mal guꞌn yu lëd minndoꞌkwnaꞌ knu: ―Lo uneꞌdz Jesús xkilbey loná loxna xnená loꞌlá, kwc̲h̲aꞌ lëd minndoꞌ ki. Or knukga lëꞌ me mal knu uc̲h̲aꞌ lëd minndoꞌ knu.

4
00:00:47,840 --> 00:00:56,380
Konde lë minn c̲h̲uꞌnnbéy lo minndoꞌ knu, uwiy bëtc̲h̲a gakda guꞌnn minndoꞌ knu, kwaꞌ demi, lëꞌ minn unaꞌs Pablo ic̲h̲op Silas uyiña lo minn nak dziꞌn.

5
00:00:56,380 --> 00:01:02,100
Ga lox c̲h̲ëp minn: ―Ic̲h̲op mgiy c̲h̲eꞌn nak minn judío ñana ziꞌd kedilña minn xkiedzna,

6
00:01:02,100 --> 00:01:05,760
c̲h̲uꞌnnkluw guꞌnn minn guꞌn nika c̲h̲igialda guꞌnn‑na lo nakna minn Roma.

7
00:01:05,760 --> 00:01:15,400
Gana ña minn giedz uc̲h̲aꞌ lëd Pablo ic̲h̲op Silas, lox lëꞌ minn nak dziꞌn uchas x̱ab Pablo ic̲h̲op Silas, lox uyuꞌnnbéy udeꞌd minn yag uyow Pablo ic̲h̲op Silas.

8
00:01:15,400 --> 00:01:22,300
Ulox udeꞌd minnu axta baloꞌta lëꞌ minn ugu lidzgiꞌb, lox ukebey minn xkenap lidzgiꞌb gan wen.

9
00:01:22,300 --> 00:01:30,720
Konde lëꞌ minn xkenap lidzgiꞌb uyon gunu, uniꞌt Pablo ic̲h̲op Silas axta lënc̲h̲a, lox ux̱iꞌg niy Pablo ic̲h̲op Silas x̱id chop blë yag.

10
00:01:30,720 --> 00:01:37,260
Konde uc̲h̲ol giaꞌl lë Pablo ic̲h̲op Silas xneꞌña Dios gana c̲h̲uꞌnn nc̲h̲oꞌb lë Dios; lëꞌ sebalal minn kë lidzgiꞌb xkediag.

11
00:01:37,260 --> 00:01:46,260
Ñana tigolpa uni tib x̱udoꞌ, lëꞌ ic̲h̲ë blë lidzgiꞌb uni, ga lëꞌ ic̲h̲ë yagla lidzgiꞌb uyalzë gana lëꞌ ic̲h̲ë kaden ñaꞌg minn uyak.

12
00:01:46,260 --> 00:01:56,800
Lëꞌ uc̲h̲aꞌyela mkaꞌl lo minn kenap lidzgiꞌbga, uwiy ñal-la ic̲h̲ë yagla guꞌn kë lidzgiꞌb, lëꞌ ugoliaꞌla xispadga ngët, në bitser ux̱oꞌn ic̲h̲ë minn kë lidzgiꞌb.

13
00:01:56,800 --> 00:02:01,660
Ga lëꞌ Pablo ukëꞌ c̲h̲edz c̲h̲ëp: ―Guꞌnndlá xki, lëꞌ ic̲h̲ëꞌnu nc̲h̲ë neꞌg.

14
00:02:01,660 --> 00:02:10,140
Ga dzekna lëꞌ mgiy knu unab guꞌn ukëꞌ xni, lox lëꞌ sialaga uded lën lidzgiꞌb noꞌnda xc̲h̲iz lo gilsdzeꞌb sia uzex̱ib lo Pablo ic̲h̲op Silas.

15
00:02:10,140 --> 00:02:16,180
Ga dzekna lëꞌ ugoliaꞌ Pablo lidzgiꞌb ic̲h̲op Silas lox c̲h̲ëp: ―Dad, ¿bekwaꞌn gunn‑ná dzekna kob Dios xtolná?

16
00:02:16,180 --> 00:02:24,900
Ga lëꞌ Pablo ic̲h̲op Silas c̲h̲ëp: ―Diꞌltsa xlelëdzlá Jesús, Dad c̲h̲uꞌnnbéy uxaꞌl Dios, idib gik ldoꞌlá, sdoꞌb xtol‑lá gana xtol minn liꞌdzlá.

17
00:02:24,900 --> 00:02:29,760
Ga dzekna lëꞌ Pablo ic̲h̲op Silas uneꞌ Xtiꞌdz Dios lo mgiy knu gana lo ic̲h̲ë minn lidz mgiy knu.

18
00:02:29,760 --> 00:02:37,080
Ga giaꞌl knukga lëꞌ mgiy knu ugë lëd Pablo ic̲h̲op lëd Silas diꞌt në. Ga dzekna lëꞌ mgiy knu uc̲h̲oꞌbnis ic̲h̲ë minn lidz.

19
00:02:37,080 --> 00:02:46,000
Uyeloga lëꞌ uziña Pablo ic̲h̲op Silas udzinn lidz, udeꞌd guꞌn uyow Pablo ic̲h̲op Silas. Ga lëꞌ ic̲h̲ë minn lidz mgiy knu xc̲h̲iꞌlna lo ulelëdz Dios.

20
00:02:46,000 --> 00:02:53,280
Konde uyenilyu lëꞌ minn nak dziꞌn uxaꞌl soldad uya lo minn kenap lidzgiꞌb c̲h̲ëp: ―Zak ilaꞌ ic̲h̲op minn uzëꞌb lidzgiꞌb ñaꞌg.

21
00:02:53,280 --> 00:03:00,360
Ga dzekna lëꞌ minn kenap lidzgiꞌb uya c̲h̲ëp lo Pablo: ―Lëꞌ minn nak dziꞌn uyuꞌnnbéy ic̲h̲aꞌtá, lox gunu xnená zakla siatá.

22
00:03:00,360 --> 00:03:13,100
Ñala Pablo c̲h̲ëp: ―Ñanu nak minn Roma, ñana uyuꞌnnbéy minn nak dziꞌn uyoꞌwnu axta baloꞌta lëꞌt lëꞌ minn nc̲h̲ëzë, gana lox ugunu lidzgiꞌb. ¡Nana ngëꞌts kwaꞌnu, masda giꞌd x̱al minn knu kwaꞌnu!

23
00:03:13,100 --> 00:03:21,080
Ga dzekna lëꞌ soldad uya c̲h̲ëp gunu lo minn nak dziꞌn. Konde lëꞌ minn knu uyon ña Pablo ic̲h̲op Silas nak minn Roma udzeb minn knu.

24
00:03:21,080 --> 00:03:26,340
Ga dzekna lëꞌ minn knu uya c̲h̲ëp: ―Gol gop pasens ―lox unab, c̲h̲ëp―: Gol kwc̲h̲aꞌ lën giedz.

25
00:03:26,340 --> 00:03:37,020
Konde lëꞌ Pablo uc̲h̲aꞌ lidzgiꞌb ic̲h̲op Silas lëꞌ sia udzinn lidz Lidia. Konde uwiy ic̲h̲ë minn ulelëdz Dios, lëꞌ c̲h̲ëp isaꞌndtá Xtiꞌdz Dios, ga dzekna lëꞌ ubi ga.