1
00:00:05,000 --> 00:00:18,140
Konde udzinn dze lëꞌ Festo uxaꞌl Pablo xtën Italia, lëꞌ Julio, tib minn c̲h̲uꞌnnbéy lo balal soldad minn lë italiano, ugaꞌ ikenap Pablo gana sebalal minn kë lidzgiꞌb

2
00:00:18,140 --> 00:00:32,280
Ga dzekna lëꞌnu sia uzën tib xbarko minn Adramitio, guꞌn sia ted idib xtën Asia. Gana zinkë tib mgiy lë Aristarco x̱itsnu, tib minn Tesalónica, giedz nax xtën Macedonia.

3
00:00:32,280 --> 00:00:45,560
Konde uyenilyu udziꞌnn‑nu giedz Sidón guꞌn nax c̲h̲ow nisdoꞌ, lëꞌ Julio wen uyuꞌnn lo Pablo, udeꞌd diꞌdz lëꞌ Pablo uya uyited lo minn c̲h̲uꞌnnbey ga, gana lëꞌ minn udeꞌd guꞌn xkiꞌn lo Pablo.

4
00:00:45,560 --> 00:00:49,540
Ga uc̲h̲aꞌnu udednu gax Chipre lo x̱oꞌb medoꞌ lad lo barko.

5
00:00:49,540 --> 00:00:59,280
Konde siaꞌnu udednu nisdoꞌ guꞌn nax Cilicia gana Panfilia, ga lëꞌnu udzinn geꞌwbeꞌ nax giedz lë Mira guꞌn nax xtën Licia.

6
00:00:59,280 --> 00:01:06,460
Ñana ga uwiy Julio tib xbarko, minn Alejandría, guꞌn sia Italia, ga uyunu gunu siaꞌnu.

7
00:01:06,460 --> 00:01:23,000
Ga ndal mbidz tsëw siaꞌnu, nenc̲h̲o lëꞌnu uc̲h̲aꞌkë gax geꞌwbeꞌ nax Gnido, lo x̱oꞌbc̲h̲o me, nika xneꞌdzda me diꞌdz siaꞌnu tipta. Ga dzekna lëꞌnu uded gax geꞌwbeꞌ nax Salmón guꞌn nax xtën Creta, lo x̱oꞌb medoꞌ.

8
00:01:23,000 --> 00:01:33,260
Ga tsëwdoꞌ siaꞌnu udednu c̲h̲ow geꞌwbeꞌ lo ndzeꞌbdoꞌ nakga, ga dzekna udziꞌnn‑nu diꞌt zaꞌksa nak sdzuzë barko, gax ga nax giedz lë Lasea.

9
00:01:33,260 --> 00:01:45,820
Ga uyak ndal‑la dze xka yunu, gana lëꞌ iza mëꞌ xc̲h̲oꞌb medoꞌ gana c̲h̲ak nal ziꞌdgaxla lox gunu ndzeꞌbla x̱oꞌb barko lo nis. Ga dzekna lëꞌ Pablo uneꞌ tib xtiꞌdz, c̲h̲ëp:

10
00:01:45,820 --> 00:01:55,160
―Gol bin gandá, diꞌltsa tipta siana ndzeꞌb sakzina, nakdo noꞌnda barko lox gana guꞌn neyo, sinda axta ñana lox.

11
00:01:55,160 --> 00:02:03,100
Ñala minn c̲h̲uꞌnnbéy lo soldad nika ñonda xtiꞌdz Pablo, sinda xtiꞌdz minn stsëꞌ barko gana bixwan barko na.

12
00:02:03,100 --> 00:02:20,100
Ñana lo x̱iy wen nak lger knu ñobiaꞌsnu iza mëꞌ xc̲h̲oꞌb medoꞌ gana c̲h̲ak nal, masda lëꞌ ic̲h̲ëꞌnu uyu gik sia idzinn geꞌwbeꞌ nak Fenice, guꞌn nax xtën Creta. Diꞌt uyobiaꞌsnu mëꞌ c̲h̲ak nal knu, lo ga nak tib lger wen.

13
00:02:20,100 --> 00:02:25,280
Lëꞌ medoꞌ xbe

14
00:02:25,280 --> 00:02:38,680
Konde lëꞌ tib me yal uyuslo xbe lad gët, lëꞌ minn ziñanu në bitser zak ñunu ñaz lad galad; lox gunu lëꞌ minn uziña barko siaꞌnu gax lad c̲h̲ow geꞌwbeꞌ Creta.

15
00:02:38,680 --> 00:02:44,640
Ñana x̱iysa uyak lëꞌ tib medoꞌ lë Euroclidón uyuslo xbe.

16
00:02:44,640 --> 00:02:53,400
Me knu uyuslo xchëꞌp barko lad, lad, nika xlaꞌnc̲h̲anu ñanu lad lo ñakdu, sial usaꞌnnu uyuꞌnn me guꞌn xlaꞌn.

17
00:02:53,400 --> 00:03:01,600
Ga siaꞌnu udednu gax Cauda. Ga masa dele xkuꞌnda xna ulepnu lën barko tib lanc̲h̲, guꞌn ñaꞌg zinkë lad x̱its,

18
00:03:01,600 --> 00:03:21,400
Konde uyelo ulepnu gunu, lëꞌ minn ziña barko ux̱iꞌg barko dziꞌts. Ga dzekna lo sdzeb minn tseloga lëꞌ barko gag diꞌt lë Sirte, lo ga nak diꞌt nc̲h̲ë yuxdoꞌ guꞌn nënda, lox gunu ugob minn lac̲h̲ guꞌn zob gik barko. Lox usaꞌn minn uyuꞌnn me guꞌn xlaꞌn.

19
00:03:21,400 --> 00:03:29,980
Konde uyenilyu, lo masc̲h̲a x̱oꞌb me, sial lëꞌ minn uyuslo uniꞌt guꞌn ney barko lo nis, dzekna xka lëꞌ barko ikiꞌx.

20
00:03:29,980 --> 00:03:35,020
Konde mbidz tson uyuslo uniꞌtnu ic̲h̲ë guꞌn xkiꞌn lo barko lën nis.

21
00:03:35,020 --> 00:03:42,580
Ga ulox xkilxkabnu, lo uyakla ndal dze nëndc̲h̲a mbidz nika mel gana nika nëd me knu dzeꞌ gak.

22
00:03:42,580 --> 00:03:55,060
Ga dzekna lo uyakla ndal dze nika bët zëxda goꞌwnu, lëꞌ Pablo uzuli ic̲h̲olda, c̲h̲ëp: ―Benandá, diꞌltsa ñondá xtidzná ñadna lad Creta, nzakdana guꞌn c̲h̲eꞌn.

23
00:03:55,060 --> 00:04:01,400
Nana xnená lotá iloꞌxdadá xkilxkabdá, chut gëtda, nonga barko dele lox.

24
00:04:01,400 --> 00:04:06,980
Xnenu lo loná nagiaꞌl uyiꞌd tib xangl deDioꞌsná, minn këná stsiꞌn,

25
00:04:06,980 --> 00:04:18,500
xneꞌ loná: “Pablo, idzeꞌbdalá, bët sakdalá nkiꞌn idziꞌnnlá lo César, minn c̲h̲uꞌnnbéy Roma, gana luꞌ guꞌnn‑nu lëꞌ ic̲h̲ë minn ziꞌd lën barko bët sakda.”

26
00:04:18,500 --> 00:04:25,220
Lox gunu xnená: “¡Gol kwchoꞌb ldoꞌtá! Dios isaꞌndna, Dios guꞌnn ic̲h̲ë guꞌn x̱iꞌk uneꞌ angl loná.

27
00:04:25,220 --> 00:04:29,080
Nonga nkiꞌn idzinn‑na diꞌt yu seker nup lyu.”

28
00:04:29,080 --> 00:04:43,080
Uyak tsiꞌda giaꞌl xka lad, lad siaña meꞌnu, nisdoꞌ diꞌt lë Adriático. Ñana uc̲h̲ol giaꞌl, lëꞌ minn kë dziꞌn lën barko uyeꞌnna gaxla c̲h̲ow nisdoꞌ ga uc̲h̲akëꞌnu.

29
00:04:43,080 --> 00:04:55,660
Ga dzekna utiꞌx minn gan be gëtc̲h̲a nak x̱an nisdoꞌ, ñana lit galptsiꞌpxop metr c̲h̲aku, konde uyak snup utiꞌxga minnu lëꞌwu c̲h̲ak galpgadz metr.

30
00:04:55,660 --> 00:05:12,300
Ga dzekna lo gilsdzeꞌb tseloga dzeke barko chu ita, lox gunu uniꞌt minn tap blë giꞌb guꞌn nëdoꞌ lad x̱its barko, lox uyaꞌgu dzekna xka sëdc̲h̲a barko. Ga zak minn leꞌy xkuꞌn ikelá xni.

31
00:05:12,300 --> 00:05:23,840
Ga dzekna lëꞌ balal minn kë dziꞌn lën barko xlaꞌn nx̱oꞌn, ulit lanc̲h̲ guꞌn yu lën barko uxob lo nis, lox uyuꞌnn minn knu x̱iꞌk nak minn sia kix tib blë giꞌb lo barko.

32
00:05:23,840 --> 00:05:33,780
Ñala Pablo uyeꞌnno, lox c̲h̲ëp lo minn c̲h̲uꞌnnbéy lo soldad gana ic̲h̲ë lo soldad: Diꞌltsa ni tib minn c̲h̲eꞌn giaꞌnda lën barko, ni tibna ilaꞌda.

33
00:05:33,780 --> 00:05:39,500
Ga dzekna lëꞌ soldad uchug duꞌ guꞌn zën lanc̲h̲ knu, ga lëꞌ gunu uyaꞌn lo nis.

34
00:05:39,500 --> 00:05:50,520
Konde lëꞌ lyu ziꞌd tsenil, lëꞌ Pablo c̲h̲ëp ic̲h̲ë lo minn: ―Gol kwchoꞌb ldoꞌtá, na uyakla tsiꞌda mbidz nika bët zëxda gowdá, lo kimbiasdá gan bekwaꞌn gak.

35
00:05:50,520 --> 00:05:56,340
Liger gol dow, dzekna xka ndipdá. Iloꞌxdadá xkilxkabdá chut gëtda.

36
00:05:56,340 --> 00:06:03,280
Konde uyelo uneꞌ Pablo guꞌn c̲h̲eꞌn, lëꞌ Pablo uzën giatxtil lox udeꞌd xkix lo Dios lëꞌt lëꞌ minn xwiy. Ga dzekna lëꞌ uyuꞌnn ic̲h̲olu lëꞌ uyuslo uyow.

37
00:06:03,280 --> 00:06:07,240
Ga dzekna lëꞌ ic̲h̲ë minn uc̲h̲oꞌb ldoꞌ. Lëꞌ minn uyowzë.

38
00:06:07,240 --> 00:06:12,740
Ic̲h̲ëꞌnu x̱iꞌk xkuꞌn yunu lën barko, c̲h̲aknu chop gayoꞌw tsongalptsiꞌpxop.

39
00:06:12,740 --> 00:06:20,360
Konde uyelo uyoꞌwnu axta uyelnanu, lëꞌ x̱obxtil guꞌn ney barko uc̲h̲aꞌts, dzekna xka ukiꞌx barko snup.

40
00:06:20,360 --> 00:06:33,080
Konde uyenilyu ñuꞌnnbeyda minn stsëꞌ barko ba ga, ñana ga uwiy minn nën tib c̲h̲ow geꞌwbeꞌ. Ga lëꞌ minn uyab gik uxoꞌn barko ga, dele xkuꞌnda xna.

41
00:06:33,080 --> 00:06:48,520
Ga lëꞌ minn uchug guꞌn zën giꞌb kingaꞌ lad x̱its barko ga lëꞌ gunu sia, gana usulëꞌ minn duꞌ guꞌn ñaꞌg guꞌn xchal barko lo nis gana ulis minn lo me lac̲h̲ guꞌn kë gik barko. Ga lëꞌ barko sia ubig-gax c̲h̲ow geꞌwbeꞌ.

42
00:06:48,520 --> 00:06:58,600
Ñana sia barko uyag gik lo yux guꞌn nc̲h̲ë lën nis. Ñana lo ndip nis, ga lëꞌ nis uyuslo lad, lad uyuꞌnn xke barko, uyuꞌnntlo.

43
00:06:58,600 --> 00:07:05,760
Ga dzekna lëꞌ soldad xlaꞌn ngët ic̲h̲ë minn sia tsu lidzgiꞌb Roma, dzekna xka chut minn xoꞌnda.

44
00:07:05,760 --> 00:07:16,300
Ñala minn c̲h̲uꞌnnbéy lo soldad lo xlaꞌnda gët Pablo. Lëꞌ utse lox uyuꞌnnbéy minn c̲h̲ak xgap nis sia ganeꞌc̲h̲ idzinn lyu diꞌt wen nak.

45
00:07:16,300 --> 00:07:27,480
Gana lëꞌ sebalal minn guꞌnnstsiꞌn tabl ota dele bekwaꞌn chen barko. Xka dele xkuꞌnda xna udziꞌnn‑nu diꞌt wen nak, dzekna ñëtdanu.

46
00:07:27,480 --> 00:07:33,420
Konde lëꞌnu uc̲h̲aꞌkë ga diꞌt wen nak, ga lëꞌnu uyaknan Malta lë ga.

47
00:07:33,420 --> 00:07:41,040
Ic̲h̲ë minn yu ga wen ukañanu, lox uzoꞌl minn gi udzëꞌnu lo zu gia gana c̲h̲ak naldoꞌ.

48
00:07:41,040 --> 00:07:54,000
Ga dzekna lëꞌ Pablo uya uyitop nup yag bidz gax lo gi. Ñana lëꞌt lëꞌ Pablo sdziꞌbo lo gi, lëꞌ tib maꞌl uc̲h̲aꞌ x̱id knu lo nlëꞌ lo gi, utsuw ña Pablo.

49
00:07:54,000 --> 00:08:07,340
Konde lëꞌ minn yu ga uwiy lëꞌ maꞌl kingaꞌ ña Pablo, c̲h̲ëp minn lo xkomier minn: ―Mgiy c̲h̲eꞌnsa nli tib mgët mnech nak, lox gunu nika dele ulaꞌ lo nisdoꞌ, lëꞌ gilzi zinkëkga.

50
00:08:07,340 --> 00:08:13,020
Ñala Pablo nonga udzib ña, lëꞌ maꞌl uyab lo gi. Nika bët nzakda Pablo.

51
00:08:13,020 --> 00:08:24,780
Lëꞌ ic̲h̲ë minn kimbias gan ba or idzë gi ña Pablo ota gët Pablo, ñana konde uyak stse kimbias minn xkakga Pablo. Ga lëꞌ minn c̲h̲ëp: ―Bitser tib dios i.

52
00:08:24,780 --> 00:08:32,740
Gax ga nax chen tib mgiy lë Publio, tib mgiy nc̲h̲oꞌb nak ga. Mgiy knu wen, uneꞌdz diꞌt uyobiaꞌsnu tson mbidz.

53
00:08:32,740 --> 00:08:47,300
Ñana mer or knu lëꞌ pxoz Publio nax dzaknë, xlan xlëꞌ gana dzak gits c̲h̲en. Konde lëꞌ Pablo uya uyesu, lëꞌ Pablo unab lo Dios; lox uxob ña gik mgiy knu, lëꞌ mgiy knu uyakwen.

54
00:08:47,300 --> 00:08:54,200
Konde lëꞌ minn uyon guꞌn uyuꞌnn Pablo, lëꞌ minn yu ga dzak x̱aꞌla, x̱aꞌla gilgidz, uya, uyakwen lo Pablo.

55
00:08:54,200 --> 00:09:05,520
Ga lëꞌ ic̲h̲ë minn knu ugad belkwaꞌn loꞌnu. Gana konde lëꞌnu uyep stib barko ubi ga lëꞌ minn uneꞌdz ic̲h̲ë guꞌn ukiꞌn loꞌnu ñaz.