1
00:00:05,000 --> 00:00:24,740
Tib dze lëꞌ balal minn nak fariseo ndzaꞌl mextr, minn c̲h̲uꞌnnkluw xley Moisés, zob xkediag guꞌn c̲h̲uꞌnnkluw Jesús. Minn knu ziꞌdzë ic̲h̲ë giedz nnaꞌs dën Galilea, ndzaꞌl dën Judea, gana ña giedz Jerusalén. Lëꞌ xkilndip Dios nnaꞌsñaxi lox xka c̲h̲ak c̲h̲uꞌnnwenxi ic̲h̲ë mgidz.

2
00:00:24,740 --> 00:00:36,140
Or knukga ulan chop tson minn ney tib mgiy kë lo da, dzaknë, gudoꞌ idibsa. Xlaꞌn minn nteꞌd mgidz knu lën yu, lox ngix mgidz knu loxi.

3
00:00:36,140 --> 00:00:53,460
Sinda ndzalda diꞌt nteꞌd minn mgidz lo nc̲h̲ë ndaldoꞌ minn. Ga dzekna uyep minn lad gik yu, ugob minn balal tej dzekna xka uyal gik yu. Ga uteꞌd minn da guꞌn kë mgidz lo, ga lëꞌ mgidz knu uyab ic̲h̲olda minn, diꞌt zuxi.

4
00:00:53,460 --> 00:01:02,040
Ga lo uwiyxi nli xlelëdz minn knu zak guꞌnnwenxi mgidz, lëꞌxi c̲h̲ëp lo mgidz: ―Gwiy, ic̲h̲ë xtol‑lá uyak mbila.

5
00:01:02,040 --> 00:01:14,220
Ga dzekna lëꞌ ic̲h̲ë mextr, minn c̲h̲uꞌnnkluw xley Moisés, ndzaꞌl minn nak fariseo uyuslo xneꞌlsa: “¿Chu nak mgiy ki xki ineꞌ? Noꞌnda Dios zak kob xtol mnech.”

6
00:01:14,220 --> 00:01:19,540
Ga lëꞌxi uyeꞌnna guꞌn c̲h̲uꞌnn minn gilxkab, ga lëꞌxi c̲h̲ëp: ―¿Xkuꞌn c̲h̲uꞌnndá gilxkab xki?

7
00:01:19,540 --> 00:01:25,840
Gol kwneꞌ, ¿bekwaꞌn xnusa ineꞌma: ‘Ic̲h̲ë xtol‑lá uyak mbila’ ota gusli, biy xidalá, zak siaꞌlá liꞌdzlá?’

8
00:01:25,840 --> 00:01:41,060
Nana lëꞌná iluw lotá naꞌ nak X̱in Mgiy, loná uyuꞌnnbéy Dios zidná lo gitslyu gunn mbiná xtol mnech. Or knu lëꞌxi c̲h̲ëp lo mgidz: ―Naꞌ xne loꞌlá, gusli, biy xidalá, zak siaꞌlá liꞌdzlá.

9
00:01:41,060 --> 00:01:48,020
Or knukga lëꞌ mgidz knu uyusche x̱id minn, ulis xida guꞌn ukë lo, uyey gunu sia lidz, c̲h̲uꞌnn nc̲h̲oꞌb lë Dios.

10
00:01:48,020 --> 00:01:58,800
Ga lëꞌ ic̲h̲ësa minn udzakyéna gana uyuꞌnn nc̲h̲oꞌb lë Dios, lo gilsdzeꞌbdoꞌ xneꞌzë minn: “Nadzec̲h̲a xwiyna tib guꞌn nc̲h̲oꞌb, guꞌn zëxda gwiyna.”