1
00:00:05,000 --> 00:00:09,180
Gana lëꞌ Jesús c̲h̲ëp: ―Uyu tib mgiy c̲h̲ap chop minndoꞌpgiy.

2
00:00:09,180 --> 00:00:18,360
Ñana tib dze lëꞌ minndoꞌ ñab c̲h̲ëp lo pxoz: “Upa, giꞌt balal guꞌn c̲h̲aplá, guꞌn c̲h̲igial gak chenná.” Ga dzekna lëꞌ pxoz minndoꞌ uselë chen lo ic̲h̲op bëts minndoꞌ.

3
00:00:18,360 --> 00:00:27,880
»X̱iysa dze udedsu lëꞌ minndoꞌ ñab uto chen, guꞌn udeꞌd pxoz. Lox lëꞌ uyu ñaz sia stib kwa. Ga uxin xtemi, uyuꞌnn guꞌn uzata ldoꞌ.

4
00:00:27,880 --> 00:00:34,460
»Konde uyelo uloꞌx ic̲h̲ë xtemi, lën dze knu uyu tib ubin giedz knu. Or knu uyuslo uzak ubindoꞌ.

5
00:00:34,460 --> 00:00:41,460
Ga lëꞌ minndoꞌ knu uya unab dziꞌn tib lo mgiy giedz knu, lëꞌ mgiy knu uxaꞌl minndoꞌ knu xtën gan kuch.

6
00:00:41,460 --> 00:00:45,560
Lo ubin knu xlaꞌn ñow guꞌn c̲h̲ow kuch lo chut xdeꞌdta guꞌn gow.

7
00:00:45,560 --> 00:00:53,300
»Ga dzekna axta or knuc̲h̲a uyax xni uyuꞌnn gilxkab: “¡Blak xmos duwpaꞌná c̲h̲ap guꞌn c̲h̲ow, axta xielna, ñala naꞌ c̲h̲ët ubin neꞌg!

8
00:00:53,300 --> 00:00:59,820
Masda guꞌn gunn‑ná, gobic̲h̲eꞌná lidz duwpaꞌná gëpná: Upa, ñondná xtiꞌdz Dios gana xtiꞌdzlá.

9
00:00:59,820 --> 00:01:03,580
C̲h̲igialdc̲h̲a gakná x̱inlá; ¡masda biꞌnn‑ná tib xmoꞌslá!”

10
00:01:03,580 --> 00:01:15,960
»Ga dzekna lëꞌ uyu ñaz uyobic̲h̲e lidz pxoz. »Ñana ansc̲h̲a idzinn minndoꞌ c̲h̲ow yu lëꞌ pxoz minndoꞌ uyuꞌnnbey, ulas ldoꞌ uwiy. Ga uc̲h̲aꞌ xnusa ukaꞌñaz x̱in, ga lëꞌ ugeꞌdz, uyow chut kwas x̱in.

11
00:01:15,960 --> 00:01:22,500
Ga lëꞌ minndoꞌ c̲h̲ëp lo pxoz: “¡Upa, ñondná xtiꞌdz Dios gana xtiꞌdzlá! ¡C̲h̲igialdc̲h̲a gakná x̱inlá!”

12
00:01:22,500 --> 00:01:33,880
»Ga nika zëxda tselo ineꞌ minndoꞌ lëꞌ pxoz minndoꞌ uc̲h̲edz xmos, lox c̲h̲ëp: “¡Xnusa! Gol guxi lac̲h̲ kub, lox gol dok niꞌbu, gol klu tib inil ña niꞌb, gol këꞌ gilgid niy niꞌb.

13
00:01:33,880 --> 00:01:36,680
¡ Loxna gol gët tib ngon xc̲h̲o guꞌnn‑na tib lni,

14
00:01:36,680 --> 00:01:45,160
lo lëꞌ demëꞌdná uyobic̲h̲e! Nak x̱iꞌk nak minn uyët nana ubanaga; gana x̱iꞌk nak minn uzëꞌb nana udzalaga.” »Ga dzekna lëꞌ lni uyuslo.

15
00:01:45,160 --> 00:01:53,480
»Ñala bëtsgol minndoꞌ kë dziꞌn dën. Konde lëꞌ ubi dën ñana mer idzinn c̲h̲ow yu, lëꞌ uyon lëꞌ di xkë, lëꞌ wiꞌl c̲h̲ak.

16
00:01:53,480 --> 00:01:56,900
Ga lëꞌ uc̲h̲edz tib mos lox unabdiꞌdz, c̲h̲ëp: “¿Bekwaꞌn c̲h̲ak?”

17
00:01:56,900 --> 00:02:07,420
»Ga lëꞌ mos ukëb: “Bëtslá uyobic̲h̲e ina lo lëꞌ xupaꞌlá ukaña bëtslá ndaꞌn. Loxna gunu lëꞌ uyuꞌnnbéy uyët tib ngon xc̲h̲o c̲h̲ak lni.”

18
00:02:07,420 --> 00:02:14,840
»Ga dzekna lëꞌ bëts gol minndoꞌ ulëꞌ, nëd nded yu. Sial x̱al pxoz minndoꞌ uc̲h̲aꞌ unab c̲h̲ëp: “Kwdedc̲h̲a.”

19
00:02:14,840 --> 00:02:25,400
Ñala minndoꞌ ukëb: “Na gwiy, blakla is tipta këná dziꞌn, ni nup xkëb c̲h̲owdná loꞌlá, ñana ni tib chib win zëxda ineꞌdzlá gunn‑ná tib lni ic̲h̲ëꞌnu deamiꞌgná.

20
00:02:25,400 --> 00:02:32,040
¡Ñala x̱in kiꞌlá uyelo uloꞌx xtemilá lo unaꞌ nana lëꞌ ulan lëꞌlá ugët tib ngon xc̲h̲o, c̲h̲uꞌnnlá xelni!”

21
00:02:32,040 --> 00:02:38,480
»Ga lëꞌ pxoz minndoꞌ ukëb: “¡Xina! Luꞌ tipta yu loná, ic̲h̲ësa guꞌn c̲h̲apná, chenlá naku.

22
00:02:38,480 --> 00:02:45,700
¿Xkuꞌn be gunndná tib lni nc̲h̲oꞌb lo lëꞌ bëtslá ulan? Nak x̱iꞌk nak minn uyët nana ubanaga; gana x̱iꞌk nak minn uzëꞌb nana udzalaga.”