1
00:00:05,000 --> 00:00:10,760
Lëꞌ Jesús sia ic̲h̲ë x̱in useꞌd udzinn stib kwa nisdoꞌ diꞌt nak dën lë Gerasa.

2
00:00:10,760 --> 00:00:14,980
Or lëꞌxi uyët lën barko lëꞌxi udzaꞌl tib mgiy yu me mal lëd.

3
00:00:14,980 --> 00:00:19,900
Mgiy knu yu lën pantion, chut gakda ix̱iꞌg mgiy knu, nika kon kaden.

4
00:00:19,900 --> 00:00:27,060
Ndal-la xc̲h̲iꞌg minn niy ña mgiy knu kon kaden, ñana lëꞌkga mgiy knu xchug kaden, chut xkedzda lo mgiy knu.

5
00:00:27,060 --> 00:00:35,220
Gana tipta dze giaꞌl xia mgiy knu idib giy gana pantion, ga dzekna lëꞌ mgiy knu c̲h̲izëꞌ ita lëd xc̲h̲ug.

6
00:00:35,220 --> 00:00:41,720
Konde ferc̲h̲a ziꞌd Jesús, lëꞌ mgiy knu uwiyxi lëꞌ siala mgiy knu xnusa ga uzex̱ib loxi.

7
00:00:41,720 --> 00:00:53,140
Ga lëꞌ ukëꞌ c̲h̲edz c̲h̲ëp: ―Jesús, luꞌ nak x̱in Dios, minn nc̲h̲oꞌb nak. Izakziꞌdláná ¿Bekwaꞌn guꞌnnláná?

8
00:00:53,140 --> 00:00:57,360
Xka c̲h̲ëp me mal lo lëꞌxi c̲h̲ëpla lo me mal “kwsaꞌn mgiy ki.”

9
00:00:57,360 --> 00:01:01,720
Ga lëꞌxi unabdiꞌdz: ―¿Be lëlá? Ga lëꞌ me mal knu ukëb: ―Ndaldoꞌ lëná, lo ndaꞌlnu.

10
00:01:01,720 --> 00:01:06,700
Lëꞌ ic̲h̲ë me mal knu laboen unab loxi ixaꞌldaxi me knu fwerdoꞌ.

11
00:01:06,700 --> 00:01:11,320
Gax ga zob tib giy, x̱an giy knu yuzë ndal kuch c̲h̲ow gix.

12
00:01:11,320 --> 00:01:17,920
Ga lëꞌ ic̲h̲ë me mal knu unab loxi ixaꞌl diꞌt yu kuch, lox ideꞌd diꞌdz sëꞌb lëd kuch.

13
00:01:17,920 --> 00:01:32,020
Ga lëꞌxi udeꞌd diꞌdz lëꞌ me mal knu uc̲h̲aꞌzë lëd mgiy knu sia uzëꞌb lëd kuch. Ic̲h̲ë kuch knu c̲h̲ak masa chop mil, ga lëꞌ kuch ukëꞌzë karrel sia unit lën nisdoꞌ, ga uyepna.

14
00:01:32,020 --> 00:01:43,260
Ga lëꞌ ic̲h̲ë minn kenapzë kuch, ni gitslyu zuda uya giedz, c̲h̲ëp guꞌn uyak. Gana lo ic̲h̲ë minn zu ñazna. Ga lëꞌ minn uc̲h̲aꞌzë uya uwiy guꞌn uyak.

15
00:01:43,260 --> 00:01:51,800
Konde lëꞌ minn udzinn diꞌt zuxi, udzeb minn uwiy minn lëꞌ mgiy uc̲h̲aꞌ me mal lëd nokla x̱ab gana ngiaꞌl‑la c̲h̲ak zob ga.

16
00:01:51,800 --> 00:01:59,460
Ga lëꞌ minn uyan ic̲h̲ë gunu, ugu kwend lo ic̲h̲ësa minn gan xkuꞌn uzak mgiy knu gana xkuꞌn uzak ic̲h̲ë kuch.

17
00:01:59,460 --> 00:02:04,080
Ga lëꞌ ic̲h̲ësa minn giedz uyuslo unab loxi ibixiga.

18
00:02:04,080 --> 00:02:10,820
Konde lëꞌxi xiep lën barko gobic̲h̲e, lëꞌ mgiy uc̲h̲aꞌ me mal lëd unab loxi nzinkë x̱itsxi.

19
00:02:10,820 --> 00:02:18,160
Ñala lëꞌxi ukebey mgiy knu, c̲h̲ëpxi: ―Gobic̲h̲e liꞌdzlá, klu kwend ic̲h̲ë lo minn gan xkuꞌn uyuꞌnnwen Dad c̲h̲uꞌnnbéylá.

20
00:02:18,160 --> 00:02:28,920
Ga dzekna lëꞌ mgiy knu sia udzinn Decápolis uyuslo xgu kwend gan xkuꞌn uyuꞌnnwen Jesús. Ga lëꞌ ic̲h̲ësa minn udzakyéna uyon gunu.