1
00:00:05,000 --> 00:00:13,600
Lëꞌ iza tsiꞌpchop minn gwey Xtiꞌdz Dios udopgiy loxi, xgu kwend gan bekwaꞌn uyuꞌnn gana bekwaꞌn uyuꞌnnkluw.

2
00:00:13,600 --> 00:00:23,260
Ñana lo ndaldoꞌ minn xbig sdzinn loxi, nika gowxi xiobda, sial lëꞌxi c̲h̲ëp lo x̱in useꞌdxi: “Siana diꞌt dzeꞌ nak sobdá nup.”

3
00:00:23,260 --> 00:00:29,140
Ga dzekna lëꞌxi uzën tib barko win ic̲h̲ëxi x̱in useꞌdxi, sia tib lger diꞌt dzeꞌ nak.

4
00:00:29,140 --> 00:00:39,960
Ñana ndal minn uwiy lëꞌxi uyu ñaz, uyuꞌnnbey minnxi, ga lëꞌ uyula minn ñazga uzëniy minn; ñana ganeꞌc̲h̲ minn udzinn loxi ga dzekna udzaꞌl minnxi.

5
00:00:39,960 --> 00:00:53,440
Konde lëꞌxi uyët lën barko uwiyxi tajdoꞌ minn nc̲h̲ë, ga ulas ldoꞌxi uwiyxi ic̲h̲ë minn knu, lo nak minn knu x̱iꞌk nak makx̱iꞌl c̲h̲apda minn ikenap, ga dzekna lëꞌxi uyuslo uyuꞌnnkluw ndal guꞌn.

6
00:00:53,440 --> 00:01:03,200
Konde lëꞌ lyu mer idzel, lëꞌ iza tsiꞌpchop x̱in useꞌdxi uya c̲h̲ëp loxi: ―Na kwiy udzel‑la lyu, ñala neꞌg bët giend.

7
00:01:03,200 --> 00:01:08,240
Kwxaꞌl minn ki na sia, tsa ic̲h̲ë giedz gax nax, ikaꞌ guꞌn gow

8
00:01:08,240 --> 00:01:21,180
Ga lëꞌxi c̲h̲ëp: ―Luꞌtá gol kwdeꞌd guꞌn gow minn. Ga lëꞌ x̱in useꞌdxi ukëb: ― Be xlaꞌnlá tsaꞌnu ixinnu guꞌn gutsnaꞌma xun mëꞌ, ikaꞌnu giatxtil ideꞌdnu guꞌn gow ic̲h̲ësa minn c̲h̲eꞌn.

9
00:01:21,180 --> 00:01:31,520
Ga lëꞌxi c̲h̲ëp: ―Gol gwa gan blak giatxtil c̲h̲apdá. Konde lëꞌ x̱in useꞌdxi uyaknanu lëꞌ c̲h̲ëp: ―Gaꞌy giatxtil c̲h̲apnu gana schop mal.

10
00:01:31,520 --> 00:01:38,780
Ga lëꞌxi c̲h̲ëp: ―Gol guts lo minn, balalga, balalga minn gax ndraꞌzë lo gix ngë.

11
00:01:38,780 --> 00:01:47,360
Ga lëꞌ iza x̱in useꞌdxi uyuꞌnnbéy gax ndrazë chopgalptsiꞌga minn gana tibga gayoꞌw minn-na.

12
00:01:47,360 --> 00:02:03,900
Ga lëꞌxi uzën iza gaꞌy giatxtil gana ic̲h̲op mal knu, lox ulis lo uwiy ibaꞌ, udeꞌd xkix lo Dios. Ga dzekna lëꞌ uyuꞌnn ic̲h̲ol giatxtil, loxna udeꞌdu lo x̱in useꞌd. Ga dzekna lëꞌ x̱in useꞌdxi ugiꞌs giatxtil gana ic̲h̲op mal knu lo minn.

13
00:02:03,900 --> 00:02:07,200
Ic̲h̲ësa minn uyow, wen udzë ldoꞌ.

14
00:02:07,200 --> 00:02:13,480
Ñana konde lëꞌ giatxtil gana mal guꞌn uyaꞌn udopgiy uyaklo stsiꞌpchop xkutu kwdzë.

15
00:02:13,480 --> 00:02:17,980
Lo ic̲h̲ë minn uyow noꞌnda mgiy c̲h̲ak masa gaꞌy mil.