1
00:00:05,000 --> 00:00:17,140
Konde lëꞌ Jesús udzinn diꞌt zu sebalal x̱in useꞌd, lit uwiyxi tajdoꞌ minn zu gagu x̱in useꞌdxi. Ga lëꞌ balal mextr ley bel lë xneꞌ lo x̱in useꞌdxi.

2
00:00:17,140 --> 00:00:22,360
Konde lëꞌ minn uwiy loxi, udzakyéna minn, lëꞌ siala minnga uneꞌ minn diux loxi.

3
00:00:22,360 --> 00:00:25,760
Ga lëꞌxi c̲h̲ëp: ―¿Bekwaꞌn xneꞌzëtá?

4
00:00:25,760 --> 00:00:37,720
Ga lëꞌ tib tsiy minn uyen x̱id knu c̲h̲ëp: ―Mextr, naꞌ ziꞌdña demëꞌdná loꞌlá, lo nge tib me mal demëꞌdná, guꞌn c̲h̲uꞌnn xnit xtiꞌdz demëꞌdná.

5
00:00:37,720 --> 00:00:56,060
Diꞌt zuꞌta minndoꞌ tigolpa xiab me mal lëd minndoꞌ, xkwiꞌb gunu minndoꞌ, ga lëꞌ mtsiꞌn sdzib c̲h̲ow minndoꞌ gana c̲h̲uslo sdzaꞌl-lsa lay minndoꞌ, lox dzeꞌ xiaꞌn minndoꞌ ni nup xnida minndoꞌ. Ina lëꞌná unabla lo x̱in useꞌdlá ngoliaꞌ me mal, ñana ñakdu.

6
00:00:56,060 --> 00:01:06,360
Ga lëꞌxi c̲h̲ëp: ―¡Axta xkiꞌta ngiedz gikdá nika xlelëdztadáná! ¿Ba or dzekna ilelëdzdáná? ¿Be nëtána tipta suná lotá? Gol dëña minndoꞌ neꞌg.

7
00:01:06,360 --> 00:01:18,860
Konde lëꞌ minn uyisaꞌn minndoꞌ loxi or knu lëꞌ me mal uwiy loxi, lëꞌ uyabla me mal lëd minndoꞌga, ga lëꞌ minndoꞌ uyab lyu, lëꞌ me mal uyuslo xkwiꞌb minndoꞌ lad lad gana sdzib mtsiꞌn c̲h̲ow minndoꞌ.

8
00:01:18,860 --> 00:01:26,700
Ga lëꞌxi unabdiꞌdz lo pxoz minndoꞌ, c̲h̲ëpxi: ―¿Bok udzib xki dzak x̱inlá? Ga lëꞌ pxoz minndoꞌ c̲h̲ëp: ―Axta win minndoꞌ udzibu.

9
00:01:26,700 --> 00:01:38,860
Ndaldoꞌla bueld xlaꞌn me mal igët minndoꞌ, loxna gunu xniꞌt minndoꞌ lo gi gana lo nis. Nana xnabná loꞌlá, diꞌltsa zak bekwaꞌn guꞌnnlá. ¡Kwlas ldoꞌlá, biꞌnn yuꞌdnu!

10
00:01:38,860 --> 00:01:49,480
Ga lëꞌxi c̲h̲ëp: ―¿Xkuꞌn lo xneꞌlá ‘diꞌltsa zak bekwaꞌn gunn-ná’? Diꞌltsa slelëdzláná, minn xlelëdzná ic̲h̲ësa guꞌn zak gak, gwiy minn knu.

11
00:01:49,480 --> 00:01:57,340
Or knukga lëꞌ pxoz minndoꞌ ndip ukëꞌ c̲h̲edz c̲h̲ëp: ―Xlelëdzná, biꞌnn yuꞌdná ilelëdzc̲h̲aná luꞌ.

12
00:01:57,340 --> 00:02:12,940
Konde lëꞌ Jesús uwiy lëꞌ minn uyuslola xdoꞌwlsa, ga lëꞌxi c̲h̲ëp lo me mal: ―Me luꞌ c̲h̲uꞌnn lëꞌ minndoꞌ c̲h̲eꞌn nkwë gana gakda ineꞌ, nana lëꞌná xne loꞌlá kwc̲h̲aꞌ lëd minndoꞌ c̲h̲eꞌn gobic̲h̲eꞌdc̲h̲alá sëꞌblá lëd minndoꞌ.

13
00:02:12,940 --> 00:02:30,720
Ga dzekna lëꞌt lëꞌ me mal knu xc̲h̲aꞌ lëꞌ me mal knu uyuslo xkëꞌ c̲h̲edz gana uyuslo sdzib minndoꞌ knu axta baloꞌta, konde lëꞌ me mal knu uc̲h̲aꞌ lëꞌ minndoꞌ knu uyaꞌn x̱iꞌk nak minn uyët, ga ndaldoꞌ minn c̲h̲ëp: “Uyët minndoꞌ.”

14
00:02:30,720 --> 00:02:35,740
Ñala lëꞌxi uzën ña minndoꞌ lox uzuli minndoꞌ, ga lëꞌ minndoꞌ uzuli.

15
00:02:35,740 --> 00:02:43,240
Konde lëꞌxi uded lën yu, ga lëꞌ x̱in useꞌdxi unabdiꞌdz x̱aꞌsa c̲h̲ëp: ―¿Xkuꞌn ñala nuꞌwu ñakda ngoliaꞌnu me mal knu?

16
00:02:43,240 --> 00:02:50,260
Ga lëꞌxi ukëb: ―Nonga minn xneꞌña Dios [gana c̲h̲uꞌnn ayuno] zak kwaꞌ me mal xki nak.