1
00:00:05,000 --> 00:00:19,480
Dze uyuslo lni Pask, lni c̲h̲ow minn giatxtil xiuda lebadur lëd, gana or xgët minn makx̱iꞌl yeꞌn, dze knu lëꞌ x̱in useꞌd Jesús unabdiꞌdz loxi: ―¿Ba xlaꞌnlá tsaꞌnu ix̱ixkwaꞌnu guꞌn gowstseꞌna Pask?

2
00:00:19,480 --> 00:00:29,760
Ga lëꞌxi uxaꞌl chop x̱in useꞌdxi, lox c̲h̲ëpxi: ―Gol gwa Jerusalén, ga idzaꞌldá tib mgiy ney tib c̲h̲e nis. Ga gol kwzinkë.

3
00:00:29,760 --> 00:00:37,160
Konde idzinndá diꞌt ted mgiy knu, gol guts lo minn lidz: “Lëꞌ mextr xlaꞌn gan ba gowstseꞌña x̱in useꞌd lo Pask.”

4
00:00:37,160 --> 00:00:44,260
Ga lëꞌ minn knu iluw lotá tib yu nc̲h̲oꞌb lad gik diꞌt x̱ixkwaꞌla, lox ga gol kwx̱ixkwaꞌ guꞌn gowna.

5
00:00:44,260 --> 00:00:52,980
Ga dzekna lëꞌ ic̲h̲op x̱in useꞌdxi uyu ñaz sia Jerusalén, konde udzinn udzalu xkaꞌpa x̱iꞌk c̲h̲ëpxi, ga lëꞌ ux̱ixkwaꞌluga.

6
00:00:52,980 --> 00:00:56,220
Konde lëꞌ lyu udzel lëꞌxi udzinn iza x̱in useꞌd.

7
00:00:56,220 --> 00:01:12,220
Ga lëꞌxi uyax ndraꞌ c̲h̲ow mës izaxi x̱in useꞌdxi, ga dzekna lëꞌt lëꞌxi c̲h̲ow izaxi x̱in useꞌdxi, lëꞌxi c̲h̲ëp: ―Guꞌn nli xnená, tib xkomierdá, tib minn zob x̱id c̲h̲eꞌn c̲h̲ow stseꞌ, tsiñaná lo minn xlëꞌ c̲h̲anná.

8
00:01:12,220 --> 00:01:18,540
Ga dzekna lëꞌ x̱in useꞌdxi nlas uyak ldoꞌ, lox tibga tibga uyuslo xneꞌ: ―¿Be naꞌwu?

9
00:01:18,540 --> 00:01:25,720
Ga lëꞌxi ukëb: ―Tib xkomierdá nak minn guꞌnnu, lëꞌ mgiy knu nak minn tipsa kuyeꞌnu giatxtil lën gian.

10
00:01:25,720 --> 00:01:37,620
Nana naꞌ, X̱in Mgiy, sakná ic̲h̲ë guꞌn xneꞌ Xtiꞌdz Dios tedná, saꞌnda lëꞌ mgiy guꞌnn guꞌn c̲h̲eꞌn nlasdoꞌc̲h̲a xna, masc̲h̲a wen ñalda mgiy knu lo nlasdoꞌc̲h̲a xna mgiy knu.

11
00:01:37,620 --> 00:01:47,240
Ga uzëꞌngaxi giatxtil lox udeꞌdxi xkix, ga ugoꞌsxi nupgo. Lox udeꞌdxu, c̲h̲ëpxi: ―Gol kwdowu, giatxtil c̲h̲eꞌn nakná.

12
00:01:47,240 --> 00:01:54,440
Ga lëꞌxi uzëꞌnga bas, guꞌn yu nis nex guꞌn xc̲h̲aꞌ ubas, lox udeꞌdxi xkix, lox udeꞌdxu iza lo minn.

13
00:01:54,440 --> 00:02:01,500
Ga dzekna c̲h̲ëpxi: ―Guꞌn c̲h̲eꞌn nak dec̲h̲enná, guꞌn ixená lo xtoldá. Xnu c̲h̲uslo Xtidzná guꞌn usanná.

14
00:02:01,500 --> 00:02:07,800
Guꞌn nli xnená giadc̲h̲aná nis ubas sinda axta or lëꞌ Dios giꞌd guꞌnnbéy lo gitslyu.

15
00:02:07,800 --> 00:02:11,000
Lëꞌ Jesús xneꞌ guꞌn guꞌnn Pedro

16
00:02:11,000 --> 00:02:18,920
Konde ulox uyoꞌl Jesús labans ic̲h̲ë x̱in useꞌd, guꞌn kë lën libr Salmos, lëꞌ uyu ñaz sia dën Yag Olivo.