1
00:00:05,000 --> 00:00:17,820
Konde lëꞌ Jesús udzinn ic̲h̲ë x̱in useꞌd, diꞌt lë Getsemaní diꞌt yu yag olivo, ga lëꞌxi c̲h̲ëp lo x̱in useꞌdxi: ―Neꞌg gol kwzob, lëꞌt lëꞌná tsa ineꞌña Dios.

2
00:00:17,820 --> 00:00:27,800
Nonga minn uziñaxi nak Pedrona, Jacobona gana Juan, ga lëꞌxi uyuslo nlasdoꞌ uyak ldoꞌ gana udeꞌd gilxkabdoꞌ.

3
00:00:27,800 --> 00:00:35,380
Ga lëꞌxi c̲h̲ëp: ―Nlas c̲h̲ak ldoꞌná, zakná merla gëtná. Nu gol gobias nonga igësdadá.

4
00:00:35,380 --> 00:00:44,340
Ga lëꞌxi uyu ñaz sia fwer snup, ga lëꞌxi uzex̱ib lox unabxi lo Dios, gan be gakda tedsu sakdaxi gunu,

5
00:00:44,340 --> 00:00:56,680
c̲h̲ëpxi: ―Upa, luꞌsa zak guꞌnnlá ic̲h̲ësa guꞌn, dele zak kwteꞌdsu gilnë c̲h̲eꞌn saktaná guꞌn c̲h̲eꞌn. Nonga guꞌn xnabná biꞌnn guꞌn xlaꞌnlá, gakda naꞌ ine guꞌn gak.

6
00:00:56,680 --> 00:01:08,560
Ga lëꞌxi uyobic̲h̲e, konde udzinnxi lëꞌ x̱in useꞌdxi ugëszë. Ga lëꞌxi c̲h̲ëp lo Pedro: ―Simón ¿Lëꞌla naxkeslá? ¿Be ñakda ñaxnaꞌlá seker tib or?

7
00:01:08,560 --> 00:01:20,620
Lox c̲h̲ëpxi: ―Tipta gol gok nlëts, lox gol kwx̱ixtiꞌdzña Dios, dzekna xka ikiꞌlda Minn Dzabdá. Lo gol bislëdz, luꞌtá xlaꞌndá guꞌnndo, sinda gakda guꞌnndo.

8
00:01:20,620 --> 00:01:24,380
Ga lëꞌxi uyobic̲h̲ekga lger knu, uneꞌkga diꞌdz knu lo Dios.

9
00:01:24,380 --> 00:01:32,640
Konde lëꞌxi uyobic̲h̲e stib lëꞌ iza x̱in useꞌdxi ugësaga lo yuc̲h̲o mkaꞌl, ga nanda x̱in useꞌdxi be gëp.

10
00:01:32,640 --> 00:01:44,420
Ga lëꞌxi uya guꞌn uyon, konde uyobic̲h̲exi lëꞌxi c̲h̲ëp: ―¿Be binaxkesdá? Lëꞌloganaxi, nasa lëꞌ or udzinnla lëꞌ X̱in Mgiy giab lën ña minn xlëꞌ c̲h̲an.

11
00:01:44,420 --> 00:01:50,320
Gol gusche, siana, lëꞌ minn kuná lën ña minn xlëꞌ c̲h̲anná ziꞌdgaxla.

12
00:01:50,320 --> 00:01:53,700
Lëꞌ minn xlëꞌ xnaꞌs Jesús

13
00:01:53,700 --> 00:02:13,240
Bixneꞌ Jesús, lëꞌ Judas udzinn, mgiy yu x̱id iza tsiꞌpchop x̱in useꞌdxi. X̱its Judas zinkë tajdoꞌ minn, yu minn zën spad gana yu minn zën yag. Ic̲h̲ë minn knu uya, lo ic̲h̲ë px̱oz nak minn c̲h̲uꞌnnbéy lo xkomier ndzaꞌl mextr ley gana minngol uxaꞌl minn knu.

14
00:02:13,240 --> 00:02:21,320
Ga lëꞌ Judas c̲h̲ëpla: “Mgiy gowná chut kwas, lëꞌ Jesúsga, gol kwzënxi zaꞌksa lox gol biyxi.”

15
00:02:21,320 --> 00:02:27,400
Konde lëꞌ Judas udzinngax loxi c̲h̲ëp: ―Mextr. Lox lëꞌ uyowla chut kwasxiga.

16
00:02:27,400 --> 00:02:30,340
Ga dzekna lëꞌ ubigla minn, uzën minnxiga.

17
00:02:30,340 --> 00:02:38,440
Ñala tib x̱in useꞌdxi, lëꞌ ubiglaga ugoliaꞌ xispad lox uchug diag tib xmos px̱oz nc̲h̲oꞌb nak.

18
00:02:38,440 --> 00:02:45,720
Ga lëꞌxi unabdiꞌdz lo minn c̲h̲ëp: ―¿Be tib mbaꞌn nakná lox xki ziꞌdtá neꞌydá yagna spadna gweydáná?

19
00:02:45,720 --> 00:02:54,020
Izata dze uzuná lotá lën idoꞌ, ñana xkuꞌn nnaꞌsdáná. Nana nkiꞌn xnu gaku, dzekna xka gak guꞌn xneꞌ Xtiꞌdz Dios.

20
00:02:54,020 --> 00:02:58,420
Ga dzekna lëꞌ iza x̱in useꞌdxi usaꞌnxi, lox lëꞌ ux̱oꞌn.

21
00:02:58,420 --> 00:03:01,160
Niꞌb ux̱oꞌn kolet

22
00:03:01,160 --> 00:03:09,860
Ñala x̱id knu yu tib niꞌb zinkë x̱its Jesús, nc̲h̲al noꞌnda tiblë lac̲h̲ ñana konde lëꞌ minn nnaꞌs niꞌb knu,

23
00:03:09,860 --> 00:03:15,320
lëꞌ ux̱oꞌnla niꞌb knuga noꞌnda kolet, lëꞌ lac̲h̲ knu uyaꞌn ga.

24
00:03:15,320 --> 00:03:18,640
Lëꞌ Jesús udzinn lo guxtis

25
00:03:18,640 --> 00:03:28,800
Ga lëꞌ minn uyiñaxi lo px̱oz nc̲h̲oꞌb nak. Ga udopgiy iza px̱oz nak minn c̲h̲uꞌnnbéy lo xkomier, minn c̲h̲uꞌnnbéy lo giedz, gana minn nak mextr ley.

26
00:03:28,800 --> 00:03:39,380
Ñala Pedro zinkë axta x̱its, udzinn axta xley px̱oz nc̲h̲oꞌb nak. Ga lëꞌ minn uzoꞌl gi ley, gana ña Pedro uzob x̱id soldad sdzëꞌ lo gi.

27
00:03:39,380 --> 00:03:50,920
Lëꞌ ic̲h̲ë px̱oz nak minn c̲h̲uꞌnnbéy lo xkomier ndzaꞌl ic̲h̲ë guxtis, xgib gan chu ineꞌ bekwaꞌn lëꞌda uyuꞌnn Jesús, dzekna xka zak igët minnxi ñana ndzalda bekwaꞌn lëꞌda uyuꞌnnxi.

28
00:03:50,920 --> 00:03:56,300
Ga dzekna ndal minn uya bel lë uneꞌ lëdxi, ñana x̱aꞌla, x̱aꞌla xneꞌ minn.

29
00:03:56,300 --> 00:03:59,760
Ga dzekna lëꞌ balal minn uyusli, uyusgeꞌ, c̲h̲ëp:

30
00:03:59,760 --> 00:04:08,580
―Nuꞌwu uyon uneꞌ Jesús: “Naꞌ itiꞌx idoꞌ c̲h̲eꞌn, guꞌn uzaꞌ mnech gitslyu, loxna tsonaga mbidz izano gana nika nkiꞌnda chu guꞌnn yuꞌdná.”

31
00:04:08,580 --> 00:04:12,480
Ñana nika xka uneꞌ minn bët ñakda ñak.

32
00:04:12,480 --> 00:04:20,320
Ga lëꞌ px̱oz nc̲h̲oꞌb nak uzuli ic̲h̲olda, lox c̲h̲ëp loxi: ―¿Be bët ineꞌdlá? Na xki xneꞌ minn lëdlá.

33
00:04:20,320 --> 00:04:30,800
Ñala lëꞌxi dzeꞌ nak bët nkëbda. Ga dzekna lëꞌ px̱oz nc̲h̲oꞌb nak uyobic̲h̲ekga unabdiꞌdz: ―¿Be luꞌ nak Minn uxaꞌl Dios, x̱in Dios, minn c̲h̲uꞌnn nc̲h̲oꞌbna lë?

34
00:04:30,800 --> 00:04:39,780
Ga lëꞌxi ukëb: ―Naꞌwu. Gana luꞌtá gwiyná, X̱in Mgiy sob diꞌt c̲h̲uꞌnnbéy Dios or lëꞌná zid x̱id xkëw ibaꞌ.

35
00:04:39,780 --> 00:04:46,920
Ga lëꞌ px̱oz nc̲h̲oꞌb nak uchas x̱ab lo gilulëꞌ, lox c̲h̲ëp: ―¿Bac̲h̲a ikimbiasna, chuc̲h̲a giꞌd belë ineꞌ?

36
00:04:46,920 --> 00:04:54,580
Luꞌtá uyon guꞌn uneꞌ mgiy ki lëꞌ nak x̱in Dios ¿Be ineꞌtá? Gana lëꞌ ic̲h̲ësa minn c̲h̲ëp: ―Gëtxi.

37
00:04:54,580 --> 00:05:08,840
Ga lëꞌ balal minn uyuslo utsuk loxi gana lëꞌt lëꞌ minn stse loxi lëꞌ minn xgits puñet, lox xneꞌla minn kwneꞌ: “¿Chu ukëꞌwu lëdlá?” Gana ña minn nak soldad xkakga c̲h̲uꞌnn xgëꞌsyë loxi.

38
00:05:08,840 --> 00:05:12,340
Lëꞌ Pedro xneꞌ c̲h̲uꞌnnbeyda Jesús

39
00:05:12,340 --> 00:05:17,820
Lëꞌt lëꞌ Pedro zobga, lëꞌ tib unaꞌ kë dziꞌn lo px̱oz nc̲h̲oꞌb nak udzinn.

40
00:05:17,820 --> 00:05:25,420
Konde uwiy unaꞌ knu lëꞌ Pedro zob sdzëꞌ lo gi, lox c̲h̲ëp: ―Lit ñalá zinkë x̱its Jesús, minn Nazaret.

41
00:05:25,420 --> 00:05:36,680
Ñala Pedro c̲h̲ëp: ―C̲h̲uꞌnnbeydaná mgiy ki gana nandná bekwaꞌn xneꞌlá. Lëꞌ uyula Pedro ñazga sia lad c̲h̲ow yagla. Or knukga lëꞌ ngid ukëꞌ c̲h̲edz.

42
00:05:36,680 --> 00:05:44,540
Ñana konde lëꞌ unaꞌ knu uyobic̲h̲ekga uwiy Pedro, lëꞌ c̲h̲ëp ic̲h̲ë lo minn nc̲h̲ë ga: ―Ña mgiy c̲h̲eꞌn nak xminn Jesús.

43
00:05:44,540 --> 00:05:58,740
Ga lëꞌ Pedro c̲h̲ëpaga: ―C̲h̲uꞌnnbeydná Jesús. Konde uyak snup lëꞌ ic̲h̲ë minn nc̲h̲ë ga c̲h̲ëp lo Pedro: ―Ñalá nak xminn Jesús, lo ñalá nak minn Galilea. [Gana lo nak xtiꞌdzlá x̱iꞌk nak ic̲h̲ë xtiꞌdz minn knu].

44
00:05:58,740 --> 00:06:05,600
Ga dzekna lëꞌ Pedro c̲h̲ëp: ―C̲h̲uꞌnnbeydná mgiy ki, gana diꞌltsa nlida xnená izakzi Dioꞌsná.

45
00:06:05,600 --> 00:06:21,020
Ga lëꞌ ngid ubedz guꞌn uc̲h̲op. Ga dzekna lëꞌ Pedro uyuslëdz guꞌn c̲h̲ëp Jesús: “Ansc̲h̲a ikëꞌ ngid c̲h̲edz chop bueld lëꞌlá gëp tson bueld nandlá chu nakná.” Ga dzekna nkedzda Pedro, sial lëꞌ Pedro uyuslo uyoꞌn.