1
00:00:05,000 --> 00:00:19,940
Silga lëꞌ iza px̱oz nak minn c̲h̲uꞌnnbéy lo xkomier, gana iza minn c̲h̲uꞌnnbéy lo giedz gana iza minn sdzaꞌ ley udopgiy ux̱ixtiꞌdz tsiña Jesús lo Pilato, ga dzekna lëꞌ minn knu ux̱iꞌgxi uyiñaxi lo Pilato.

2
00:00:19,940 --> 00:00:27,000
Ga dzekna lëꞌ Pilato unabdiꞌdz loxi: ―¿Be luꞌ nak minn c̲h̲uꞌnnbéy lo minn Judío? Ga lëꞌxi ukëb: ―Luꞌ xneꞌwu.

3
00:00:27,000 --> 00:00:31,540
Ga lëꞌ iza px̱oz nak minn c̲h̲uꞌnnbéy lo xkomier, uyuslo bel lë xneꞌ lëdxi.

4
00:00:31,540 --> 00:00:37,660
Ga lëꞌ Pilato unabdiꞌdzaga c̲h̲ëp: ―Kwiy, ndaldoꞌ guꞌn xneꞌ minn lëdlá, ¿be bët ineꞌdlá?

5
00:00:37,660 --> 00:00:42,180
Ñala lëꞌxi bët xkëbda, ga udzakyéna Pilato uwiy gunu.

6
00:00:42,180 --> 00:00:45,720
Lëꞌ Pilato uyu gik igët Jesús

7
00:00:45,720 --> 00:00:52,720
Ñala Pilato kwzata Pask c̲h̲igial stsunlaꞌ tib minn yu lidzgiꞌb, minn xnab minn ilaꞌ.

8
00:00:52,720 --> 00:01:01,080
Ga lën lidzgiꞌb yu tib mgiy lë Barrabás ic̲h̲ë xkomier lo zak ugët minn or lëꞌ minn udilña minn Roma.

9
00:01:01,080 --> 00:01:08,920
Ga dzekna lëꞌ tajdoꞌ minn uya lo Pilato unab ilaꞌ tib minn yu lidzgiꞌb, x̱iꞌk xkuꞌn ziꞌd c̲h̲uꞌnn minn tipta.

10
00:01:08,920 --> 00:01:14,100
Ga lëꞌ Pilato ukëb c̲h̲ëp: ―¿Be xlaꞌndá isunlaꞌná minn c̲h̲uꞌnnbéy lo minn Judío?

11
00:01:14,100 --> 00:01:23,040
Xka c̲h̲ëp Pilato lo nan Pilato xlëꞌ iza px̱oz nak minn c̲h̲uꞌnnbéy lo xkomier, xwiy Jesús, loxna gunu lëꞌ uyiñaxi lo Pilato.

12
00:01:23,040 --> 00:01:31,340
Ñala iza px̱oz nak minn c̲h̲uꞌnnbéy lo xkomier, ukiꞌl ic̲h̲ë minn giedz, dzekna xka gëp minn: “Barrabás ilaꞌ.”

13
00:01:31,340 --> 00:01:37,960
Ga lëꞌ Pilato uyobic̲h̲ekga c̲h̲ëp stib: ―¿Bekwaꞌn xlaꞌndá gunn-ná minn xneꞌtá nak minn c̲h̲uꞌnnbéy lo minn judío?

14
00:01:37,960 --> 00:01:42,080
Ñala minn lëꞌla masc̲h̲a ukëꞌ c̲h̲edz c̲h̲ëp: ―¡Ikë mgiy ki lo krus!

15
00:01:42,080 --> 00:01:49,800
Lëꞌ Pilato ukëb: ―¿Bay bekwaꞌn lëꞌda uyuꞌnn mgiy c̲h̲eꞌnxi? Ñala minn lëꞌla masc̲h̲a ukëꞌ c̲h̲edz: ―¡Ikë mgiy ki lo krus!

16
00:01:49,800 --> 00:02:00,080
Ga lo xlaꞌn Pilato wen giaꞌn lo minn giedz, loxna gunu usunlaꞌ Barrabás. Ga dzekna lëꞌ uyuꞌnnbéy uyowxu ga loxna ikëxi lo krus.

17
00:02:00,080 --> 00:02:06,920
Ga dzekna lëꞌ soldad uziñaxi udzinn c̲h̲ow diꞌt nak ilëw, ga dzekna udopgiy ic̲h̲ësa soldad.

18
00:02:06,920 --> 00:02:16,720
Lox ugok minnxi lac̲h̲ guꞌn xna nixnë nup. Gana ux̱ixkwaꞌ minn tib guꞌn ñaꞌ noꞌnda gits uzob gikxi, x̱iꞌk nak guꞌn sdzob gik minn c̲h̲uꞌnnbéy.

19
00:02:16,720 --> 00:02:22,220
Ga lox uyuslo minn bel xneꞌ minn, c̲h̲ëp minn: ―¡Stse iban minn c̲h̲uꞌnnbéy lo minn judío!

20
00:02:22,220 --> 00:02:32,920
Lox uyuslo minn ugits minn tib yag gikxi gana utsuk minn loxi, gana lox uzex̱ib minn, c̲h̲uꞌnn minn x̱iꞌk nak minn nc̲h̲oꞌb xwiyxi.

21
00:02:32,920 --> 00:02:43,200
Uyelo xka ugitña minnxi lëꞌ minn ugoliaꞌ lac̲h̲ guꞌn ugok minnxi, lox ugokaga minn x̱abxi. Ga dzekna lëꞌ minn ugoliaꞌxi ga, lëꞌxi sia ikë lo krus.

22
00:02:43,200 --> 00:02:46,180
Lëꞌ Jesús xkë lo krus

23
00:02:46,180 --> 00:02:55,680
Ga lëꞌ minn uyuꞌnnbéy lo tib mgiy lë Simón, ziꞌd uya dën, uyey krus. Mgiy knu nak minn Cirene, pxoz Alejandro ic̲h̲op Rufo.

24
00:02:55,680 --> 00:03:01,920
Ga dzekna uziña minnxi udzinn tib lger diꞌt lë “Giy beꞌc̲h̲ gik ndaꞌgol.”

25
00:03:01,920 --> 00:03:10,200
Gana udeꞌd minn nis nex xc̲h̲aꞌ ubas guꞌn fwert tsiy nots tib gix nexlan nlaꞌ ñaxi ñana ñaduxu.

26
00:03:10,200 --> 00:03:15,620
Konde uyelo ukëꞌ minnxi lo krus, lëꞌ minn uyuslo xgit gan chu zu igaꞌ x̱abxi.

27
00:03:15,620 --> 00:03:19,200
Or ukëꞌ minnxi lo krus, nak or geꞌ, or sil.

28
00:03:19,200 --> 00:03:27,280
Ga lëꞌ minn uzaꞌ tib guꞌn gik krus gan xkuꞌn lo gëtxi, lëꞌ gunu xneꞌ: Lëꞌ minn c̲h̲uꞌnnbéy lo minn Judío neꞌg.

29
00:03:27,280 --> 00:03:30,720
Ga dzekna lëꞌ gatix kwaxi ukëꞌ minn tibga mbaꞌn.

30
00:03:30,720 --> 00:03:36,200
[Xka uyak ic̲h̲ë guꞌn xneꞌ Xtiꞌdz Dios gak, diꞌt xneꞌ: “Ñaxi tsu x̱id ngopxtol.”]

31
00:03:36,200 --> 00:03:44,600
Ga ic̲h̲ë minn xded ga, nonga xchal gik xneꞌ: “¿Bekwaꞌn sdzaklá? lit luꞌda xneꞌ itiꞌx idoꞌ, lox tsonaga mbidz izaꞌluꞌgoꞌ,

32
00:03:44,600 --> 00:03:49,300
nana lëꞌkga lu kwsulaꞌláxi, xnusa kiet lo krus ki.”

33
00:03:49,300 --> 00:04:01,300
Ña mextr ley ndzaꞌl iza px̱oz nak minn c̲h̲uꞌnnbéy lo xkomier, uyuslo noꞌnda xc̲h̲idz xneꞌ: “Uyuꞌnn mgiy ki ndal gilnzaꞌk lo minn, nana xkakga tsët mgiy ki ixi,

34
00:04:01,300 --> 00:04:11,760
lo xneꞌ lëꞌ nak Minn uxaꞌl Dios, minn c̲h̲uꞌnnbéy lo minn Israel. Nana leꞌy tsët ixi, dzekna xka zak ilelëdzna.” Gana xkakga xneꞌ minn kë kwaxi.

35
00:04:11,760 --> 00:04:15,200
Konde uc̲h̲ol mbidz, ukëw gitslyu axta or tson.

36
00:04:15,200 --> 00:04:27,140
Ga lëꞌxi ukëꞌ c̲h̲edz uneꞌ: “Eloi, Eloi, ¿lama sabactani?” (Gunu nak: Luꞌ nak deDioꞌsná, Luꞌ nak deDioꞌsná, ¿Ñana xkuꞌn usunlaꞌñaláná?)

37
00:04:27,140 --> 00:04:33,200
Ga lëꞌ balal minn nc̲h̲ë ga, or uyon gunu c̲h̲ëp: “Gol kwiy lëꞌxi xc̲h̲edz Elías.”

38
00:04:33,200 --> 00:04:44,960
Ga lëꞌ ukëꞌla tib minn karrel ga, uya ugu tiblë x̱iꞌl lo binagr, lox uzoꞌbu tib gik yag udeꞌdu giaxi, lox c̲h̲ëp: “Gobiasna gan be syiꞌd Elías ilitxi’.

39
00:04:44,960 --> 00:04:48,340
Ñala lëꞌxi ukëꞌ c̲h̲edz ndip, lëꞌ uyëtlaga.

40
00:04:48,340 --> 00:04:55,780
Or knu lëꞌ lac̲h̲ guꞌn kë lën idoꞌ uc̲h̲asye, uyuslo lad gia ulox lad gët, chop blë uyak lac̲h̲ knu.

41
00:04:55,780 --> 00:05:04,840
Ga lëꞌ tib mgiy c̲h̲uꞌnnbéy lo soldad zu gax loxi, konde uwiy xka uyëtxi, lëꞌ c̲h̲ëp: “Nli nak mgiy c̲h̲eꞌn x̱in Dios.”

42
00:05:04,840 --> 00:05:15,520
Ña sebalal unaꞌ zu axta tib kwa xwiy, x̱id knu yu María Magdalena, Salomé gana María, xnaꞌ Jacobo ic̲h̲op José.

43
00:05:15,520 --> 00:05:25,640
Iza unaꞌ c̲h̲eꞌn zinkë x̱itsxi, gana uyuꞌnn yudxi or lëꞌxi uyu Galilea. Gana sebalal unaꞌ uzinkë x̱itsxi or lëꞌxi ulan neꞌg Jerusalén.

44
00:05:25,640 --> 00:05:28,440
Lëꞌ Jesús xgëꞌts

45
00:05:28,440 --> 00:05:38,400
Konde sia or lëꞌ ic̲h̲ë minn c̲h̲ixkwaꞌ ic̲h̲ë guꞌn ikiꞌn lo, tsenil lyu, lo tsenil lyu nak dze sabd, dze bëtc̲h̲a gakda guꞌnn minn.

46
00:05:38,400 --> 00:05:51,560
Ga lëꞌ tib mgiy lë José, minn Arimatea, sdzebda uya unab lo Pilato ikëꞌts Jesús. Ña mgiy c̲h̲eꞌn yu x̱id minn nak dziꞌn lo judío. Gana ña mgiy c̲h̲eꞌn kimbias guꞌnnbéy Dios.

47
00:05:51,560 --> 00:05:58,480
Udzakyéna Pilato uyon lëꞌ Jesús uyëtla, or knu lëꞌ uc̲h̲edz minn kenap ga, gan be nli uyëtlaxi.

48
00:05:58,480 --> 00:06:04,180
Konde lëꞌ minn knu c̲h̲ëp, nli uyëtlaxi, ga lëꞌ Pilato udeꞌd diꞌdz ulit Joséxi.

49
00:06:04,180 --> 00:06:15,700
Ulox ulit mgiy c̲h̲eꞌnxi lo krus, ga lëꞌ uchalxi tib lac̲h̲, guꞌn ukaꞌ. Lox uguxi lën tib baꞌ guꞌn ñaꞌ lëd ita, ga lox uchal tib ita utse c̲h̲ow baꞌ.

50
00:06:15,700 --> 00:06:22,800
Ga lëꞌ María Magdalena gana María, xnaꞌ José, zinkë xwiy gan xkuꞌn uyuxi lën baꞌ.

51
00:06:22,800 --> 00:06:33,860
Konde udedsu dze xkëda minn dziꞌn lëꞌ María Magdalena, Salomé gana María xnaꞌ Jacobo, ukaꞌ guꞌn nexlan nlaꞌ gwey tsa idziꞌb lëd xkwerp Jesús.

52
00:06:33,860 --> 00:06:39,240
Konde silga ndoming lëꞌ iza unaꞌ knu uya c̲h̲ow baꞌ, or ansc̲h̲a gien mbidz.

53
00:06:39,240 --> 00:06:47,720
Konde lëꞌ iza unaꞌ knu sia ñaz, lëꞌ c̲h̲ixtiꞌdzlsa xneꞌ: “Nana chu guꞌnn yudna kob ita c̲h̲ow baꞌ, dzekna lëꞌna zak ted.”

54
00:06:47,720 --> 00:06:53,140
Ñana konde udzinn iza unaꞌ knu uwiy udoꞌbla ita nc̲h̲oꞌb knu, guꞌn ntse c̲h̲ow baꞌ.

55
00:06:53,140 --> 00:07:02,020
Konde uded iza unaꞌ knu lën baꞌ uwiy lad derech zob tib niꞌb nok lac̲h̲ nkits xgëꞌs c̲h̲oldoꞌ, udzebdoꞌ iza unaꞌ knu.

56
00:07:02,020 --> 00:07:13,720
Ñala niꞌb knu c̲h̲ëp: ―Idzebdadá. Luꞌtá xgib Jesús, minn Nazaret, minn ukë lo krus. Chut giend neꞌg, lëꞌ Jesús ubanaga. Gol gwiy diꞌt ux̱oꞌbxi.

57
00:07:13,720 --> 00:07:23,080
Nana gol gwa guts lo x̱in useꞌdxi gana lo Pedro, “Lëꞌxi nnec̲h̲la lotá sia Galilea. Ga nak diꞌt gwiydáxi x̱iꞌk xkuꞌn uneꞌxi lotá.”