1
00:00:05,000 --> 00:00:16,780
Kateꞌ wzó ḻaw, kateꞌ bi naꞌ gataꞌ yežlyó nga, ba zoakze Bennenꞌ lieꞌ Dižaꞌ, naꞌ Bennenꞌ nakeꞌ Dižaꞌ wzóaḻeneꞌ Dios, naꞌ Benneꞌ Dižanꞌ nakkzeꞌ Dios.

2
00:00:16,780 --> 00:00:22,000
Bennenꞌ nakeꞌ Dižaꞌ wzóaḻeneꞌ Dios katenꞌ wzó ḻaw žataꞌ yežlyó nga.

3
00:00:22,000 --> 00:00:29,980
Ḻo naꞌ Benneꞌ ni, Dios beneꞌ yógoꞌte daꞌ zej nnitaꞌ, naꞌ bi be zoa daꞌ ben Dios daꞌ bi beneꞌ ḻo naꞌ Bennenꞌ.

4
00:00:29,980 --> 00:00:37,700
Napkze Bennenꞌ yeḻaꞌ nban, naꞌ yeḻaꞌ nban naꞌ naken ka to baníꞌ daꞌ ẕzaꞌnínꞌ ḻo yichj ḻáẕdoꞌgak benách kaꞌ.

5
00:00:37,700 --> 00:00:44,720
Baníꞌ naꞌ wzaꞌnínꞌ gan nak choḻ che yeḻaꞌ got, san bi gok daꞌ choḻ naꞌ wsoḻen baníꞌ naꞌ.

6
00:00:44,720 --> 00:00:47,900
Dios bseḻeꞌe to benneꞌ lieꞌ Ẕwa ga ni.

7
00:00:47,900 --> 00:00:56,800
Benneꞌ ni bḻeꞌe nga nich wzóa lieꞌ che Bennenꞌ nakeꞌ baníꞌ, nich chejḻeꞌgak yógoꞌte benách kaꞌ che Bennenꞌ niꞌa che danꞌ wchaḻjeꞌ.

8
00:00:56,800 --> 00:01:02,100
Ẕwanꞌ bi nakeꞌ banínꞌ, san bḻaꞌzeꞌ nich wzóa lieꞌ che Bennenꞌ nakeꞌ baníꞌ.

9
00:01:02,100 --> 00:01:11,280
Kateꞌ ža kaꞌ Bennenꞌ nakeꞌ baníꞌ daꞌ naken ḻi ḻažeꞌ ba zeꞌe yežlyó nga, naꞌ ẕzaꞌniꞌe ḻo yichj ḻáẕdoꞌgak yógoꞌte benách kaꞌ.

10
00:01:11,280 --> 00:01:21,320
Bennenꞌ nakeꞌ baníꞌ bḻeꞌe yežlyó nga, naꞌ ḻo neꞌe Ḻeꞌ Dios beneꞌ yežlyó nga, san benách kaꞌ nnítaꞌgakeꞌ yežlyó nga bi beyónbiaꞌgakeꞌ Ḻeꞌ.

11
00:01:21,320 --> 00:01:26,440
Bḻeꞌe gan nak chieꞌ, san benneꞌ kaꞌ nbábḻeneꞌ bi wẕíꞌ ḻo náꞌgakeꞌ Ḻeꞌ.

12
00:01:26,440 --> 00:01:36,320
Benneꞌ kaꞌ bejḻéꞌgakeꞌ che Jesusenꞌ wẕíꞌ ḻo náꞌgakeꞌ Ḻeꞌ, naꞌ yógoꞌte benneꞌ ki, Ḻeꞌ beneꞌ ga wẕíꞌ ḻo náꞌgakeꞌ gákgakeꞌ ẕiꞌnkze Dios.

13
00:01:36,320 --> 00:01:51,880
Benneꞌ ki zej nakeꞌ ẕiꞌn Dios, kege danꞌ zej nakeꞌ ẕiꞌngak benách chieꞌ kaꞌ, naꞌ kege danꞌ náljgakeꞌ niꞌa che daꞌ ẕdan ḻážeꞌgakkzeꞌ, o danꞌ žénele no benneꞌ gaken ki, san zej nakeꞌ ki danꞌ naken daꞌ žénekzele Dios.

14
00:01:51,880 --> 00:02:08,260
Bennenꞌ nakeꞌ Dižaꞌ goljeꞌ benách, naꞌ to chíꞌiꞌdoꞌze wdáḻeneꞌ žoꞌo, naꞌ yeḻaꞌ nžiꞌil che Dios, naꞌ daꞌ naken dot daꞌ li wzóaḻengaken Ḻeꞌ. Bḻeꞌeltoꞌ yeḻaꞌ ẕen chieꞌ, naꞌ yeḻaꞌ ẕen chienꞌ naken daꞌ bneẕjw X̱eꞌ chieꞌ danꞌ nakeꞌ biꞌ byo tlichaꞌ chieꞌ.

15
00:02:08,260 --> 00:02:22,140
Ẕwanꞌ bzoa lieꞌ che Bennenꞌ. Wnníeꞌ zižje, naꞌ wnnéꞌ: —Benneꞌ ni nakeꞌ Bennenꞌ bchaḻjaꞌ chieꞌ katenꞌ wnníaꞌ: “Benneꞌ zaꞌ zeꞌe ka nedaꞌ nakžeꞌ blo ka nedaꞌ, danꞌ zoakzeꞌ Ḻeꞌ zgaꞌaleꞌ ka nedaꞌ.”

16
00:02:22,140 --> 00:02:29,740
Yógoꞌtežo ẕziꞌžo daꞌ chaweꞌ daꞌ naken chieꞌ, daꞌ žonnzeꞌ chežo, naꞌ gonnžeꞌ daꞌ ẕenže chežo.

17
00:02:29,740 --> 00:02:39,640
Daꞌ bchiꞌle Dios bḻanꞌ chežo ḻo naꞌ Moisés, san yeḻaꞌ nžiꞌil che Dios, naꞌ daꞌ naken dot daꞌ li bḻáꞌgaken chežo ḻo naꞌ Jesús, Benneꞌ Cristonꞌ.

18
00:02:39,640 --> 00:02:49,560
Nitó benneꞌ bi naꞌ ḻeꞌeleꞌ Dios, san biꞌ byo tlichaꞌ che Dios, Bennenꞌ nžiꞌil X̱ažo Dios Ḻeꞌ, Benneꞌ ni beneꞌ ga nónbiaꞌžo Dios.