1
00:00:05,000 --> 00:00:10,800
Nikodemo, to benneꞌ yodoꞌ fariseo, nbábḻeneꞌ benneꞌ judío wnná biaꞌ kaꞌ.

2
00:00:10,800 --> 00:00:28,660
Benneꞌ ni bḻeꞌe gan zoa Jesusenꞌ to xeꞌle, naꞌ gožeꞌ Ḻeꞌ: —Benneꞌ Wsedle. Nnezlaꞌ Dios bseḻeꞌe Leꞌ nich wsedloꞌ netoꞌ. Bi zoa no benneꞌ gak goneꞌ yeḻaꞌ wak kaꞌ, daꞌ zej nak bianꞌ, kan zej nak daꞌ kaꞌ žonoꞌ Leꞌ, chaꞌ bi zoaḻen Dios ḻeꞌ.

3
00:00:28,660 --> 00:00:37,140
Bechebe Jesusenꞌ, naꞌ gožeꞌ ḻeꞌ: —Daꞌ li žapaꞌ leꞌ, no benneꞌ bi galjeꞌ daꞌ yoble, bi gak ḻeꞌeleꞌ latjenꞌ gan ẕnna biaꞌ Dios.

4
00:00:37,140 --> 00:00:47,200
Nikodemonꞌ wnnableꞌ Ḻeꞌ, naꞌ wnnéꞌ: —¿Nakx̱kze gak to benneꞌ galjeꞌ daꞌ yoble katenꞌ ba ngoleꞌ? ¿Wak yeyoéꞌe ḻeꞌe x̱neꞌe, naꞌ galjeꞌ yetó?

5
00:00:47,200 --> 00:00:57,840
Bechebe Jesusenꞌ, naꞌ gožeꞌ ḻeꞌ: —Daꞌ li žapaꞌ leꞌ. No benneꞌ bi galjeꞌ niꞌa che nis, naꞌ niꞌa che Dios Beꞌ Laꞌy, bi gak choeꞌe gan ẕnna biaꞌ Dios.

6
00:00:57,840 --> 00:01:06,800
Bennenꞌ naljeꞌ ḻo niꞌa ḻo naꞌ benách, benachze nakeꞌ, san no benneꞌ naljeꞌ niꞌa che Dios Beꞌ Laꞌy, Beꞌ Laꞌy nbánḻeneꞌ.

7
00:01:06,800 --> 00:01:10,660
Bi yebanloꞌ danꞌ žapaꞌ leꞌ, žon byenen galjoꞌ daꞌ yoble.

8
00:01:10,660 --> 00:01:21,680
Gáteꞌteze žak beꞌ, naꞌ ženloꞌ ẕnne benꞌ, san bi nnezloꞌ galenꞌ zanꞌ, o galenꞌ zejen. Ḻezkaꞌ žak chegak benneꞌ kaꞌ zej naljeꞌ niꞌa che Dios Beꞌ Laꞌy.

9
00:01:21,680 --> 00:01:26,900
Naž Nikodemonꞌ wnnableꞌ Jesusenꞌ, naꞌ wnnéꞌ: —¿Nakx̱kzenꞌ gak daꞌ ni, chaꞌ?

10
00:01:26,900 --> 00:01:33,060
Bechebe Jesusenꞌ, naꞌ gožeꞌ ḻeꞌ: —¿Žsedloꞌ benách Israel kaꞌ, naꞌ bi nnezloꞌ daꞌ ki?

11
00:01:33,060 --> 00:01:41,640
Daꞌ li žapaꞌ leꞌ, daꞌ nnezltoꞌ ẕchaḻjtoꞌ chen, naꞌ daꞌ bḻeꞌeltoꞌ ẕḻoeꞌeltoꞌ ḻeꞌe, san bi ẕziꞌ ḻo naꞌle danꞌ žsedltoꞌ.

12
00:01:41,640 --> 00:01:51,940
Chaꞌ bi žejḻeꞌle chiaꞌ kateꞌ ẕcháḻjḻenaꞌ ḻeꞌe kan zej nak daꞌ kaꞌ žákgaken yežlyó nga, ¿nakx̱kze gak chejḻeꞌle chiaꞌ chaꞌ wcháḻjḻenaꞌ ḻeꞌe che daꞌ kaꞌ žákgaken yaꞌabá che Dios?

13
00:01:51,940 --> 00:02:03,100
ꞌBatkle wžén no benneꞌ yaꞌabá che Dios, san tozaꞌ nedaꞌ, Benneꞌ Goljeꞌ Benách, danꞌ bžojaꞌ yaꞌabá che Dios, naꞌ betjaꞌ nga, san zoakzaꞌ yaꞌabá che Dios.

14
00:02:03,100 --> 00:02:15,860
Kan ben Moisés ḻo latje dach, bchiseꞌ žaꞌle to bele ya, bianꞌ bdeꞌe-baꞌ ḻeꞌe yag, ḻezkaꞌ žon byenen gaken chiaꞌ nedaꞌ, Benneꞌ Goljeꞌ Benách, wchísgakeꞌ nedaꞌ to ḻeꞌe yag.

15
00:02:15,860 --> 00:02:25,880
Ki gaken chiaꞌ, nich bi kwia yiꞌgak benneꞌ kaꞌ chejḻéꞌgakeꞌ chiaꞌ, san gataꞌ yeḻaꞌ nban daꞌ zejlí kanne chégakeꞌ. Naž wnná Jesusenꞌ:

16
00:02:25,880 --> 00:02:38,040
—Danꞌ nžíꞌiḻeꞌel Dios benách yežlyó nga, bdieꞌ tlíchaꞌtekze Ẕiꞌneꞌ ḻo yeḻaꞌ got, nich bi kwia yiꞌgak benneꞌ kaꞌ chejḻéꞌgakeꞌ chieꞌ, san gataꞌ yeḻaꞌ nban daꞌ zejlí kanne chégakeꞌ.

17
00:02:38,040 --> 00:02:48,620
Dios bseḻeꞌe Ẕiꞌneꞌ yežlyó nga, kege nich chogeꞌ chegak benách kaꞌ nnítaꞌgakeꞌ yežlyó nga kwia yíꞌgakeꞌ, san nich yelágakeꞌ niꞌa chieꞌ Ḻeꞌ.

18
00:02:48,620 --> 00:03:01,120
ꞌNóteꞌteze benneꞌ žejḻiꞌe che Bennenꞌ nakeꞌ Ẕiꞌn Dios, bi nžog chieꞌ kwia yiꞌe, san no benneꞌ bi žejḻiꞌe chieꞌ, ba nžog chieꞌ gateꞌ danꞌ bi žejḻiꞌe che Bennenꞌ nakeꞌ tlíchaꞌtekze Ẕiꞌn Dios.

19
00:03:01,120 --> 00:03:15,980
Che ḻen ba nžog chegak benách kaꞌ gátgakeꞌ, danꞌ bḻaꞌ Bennenꞌ nakeꞌ baníꞌ yežlyó nga, san benách ki žaz ḻážeꞌgakeꞌ daꞌ nak choḻ, naꞌ kege Bennenꞌ nakeꞌ baníꞌ. Ki žóngakeꞌ danꞌ bi nak chaweꞌ daꞌ žóngakeꞌ.

20
00:03:15,980 --> 00:03:24,760
Yógoꞌte benneꞌ kaꞌ, benneꞌ žóngakeꞌ daꞌ ẕinnj, bi žaz ḻážeꞌgakeꞌ baníꞌ, naꞌ bi ẕḻáꞌgakeꞌ ḻo baníꞌ, nich bi nnaꞌ daꞌ žóngakeꞌ.

21
00:03:24,760 --> 00:03:33,880
Benneꞌ kaꞌ žóngakeꞌ daꞌ nak dot daꞌ li, ẕḻáꞌgakeꞌ ḻo baníꞌ nich gak biaꞌ žóngakeꞌ niꞌa che Dios daꞌ žóngakeꞌ.