1
00:00:05,000 --> 00:00:15,980
Wdé naꞌ, Jesusenꞌ wyéjḻeneꞌ benneꞌ kaꞌ žónḻengakeꞌ Ḻeꞌ tẕen, naꞌ bžíngakeꞌ gan nbab Judea, naꞌ wzóaḻeneꞌ ḻégakeꞌ gan žezóagakeꞌ benách kaꞌ nis.

2
00:00:15,980 --> 00:00:28,240
Ḻezkaꞌ Ẕwa žezóeꞌ benách kaꞌ nis ḻo latjenꞌ nzinꞌ Enón, gawze gan žeꞌ yež Salim, danꞌ de nis zil ga naꞌ. Belžín benneꞌ kaꞌ latjenꞌ nich yezóagakeꞌ nis.

3
00:00:28,240 --> 00:00:31,440
Ki goken kateꞌ Ẕwanꞌ bi naꞌ yejweꞌ liž ya.

4
00:00:31,440 --> 00:00:42,300
Naž baḻe benneꞌ kaꞌ, benneꞌ žónḻengakeꞌ Ẕwanꞌ tẕen, wzó ḻáwgakeꞌ ẕdíḻ dížaꞌgakeꞌ ḻen benneꞌ judío kaꞌ kan nak che yeḻaꞌ žeyón kwin chaweꞌ chegak benneꞌ yodoꞌ kaꞌ.

5
00:00:42,300 --> 00:00:56,740
Bžíngakeꞌ gan zoa Ẕwanꞌ, naꞌ belyiꞌe ḻeꞌ: —Benneꞌ wsedle. Bwia nga. Bennenꞌ wzóaḻeneꞌ leꞌ yecheḻáꞌa yego Jordán, bennenꞌ bzoa lioꞌ chieꞌ, žezóeꞌ benách kaꞌ nis, naꞌ želžín yógoꞌte benách kaꞌ gan zoeꞌ.

6
00:00:56,740 --> 00:01:05,240
Naž bechebe Ẕwanꞌ, naꞌ gožeꞌ ḻégakeꞌ: —Chaꞌ zoa no benneꞌ zoa daꞌ nziꞌ ḻo neꞌe, naken daꞌ ba bde Dios ḻo neꞌe.

7
00:01:05,240 --> 00:01:14,640
Bénkzelele danꞌ bchaḻjaꞌ katenꞌ wnníaꞌ: “Bi nakaꞌ nedaꞌ Benneꞌ Cristonꞌ” san Dios bseḻeꞌe nedaꞌ nich wzenlaꞌ benách kaꞌ zaꞌ zeꞌe Ḻeꞌ.

8
00:01:14,640 --> 00:01:31,880
Benneꞌ byo, bennenꞌ ẕziꞌe x̱kwideꞌ noꞌle ẕchag naꞌbeꞌ, nakeꞌ benneꞌ ẕchag neꞌe, san ljež bennenꞌ ẕchag neꞌe, naꞌ žónḻeneꞌ ḻeꞌ tẕen, ẕze nageꞌ chieꞌ, naꞌ žebeleꞌ danꞌ ženleꞌ daꞌ ẕchaḻj bennenꞌ ẕchag neꞌe. Ḻezkaꞌ žebéḻeꞌelaꞌ nedaꞌ danꞌ žaken chieꞌ ki.

9
00:01:31,880 --> 00:01:37,540
Žon byenen gakže blo Benneꞌ Cristonꞌ, san žon byenen yéx̱jwžaꞌ nedaꞌ.

10
00:01:37,540 --> 00:01:55,720
Ḻezkaꞌ wnná Ẕwanꞌ: —Bennenꞌ zeꞌe zakaꞌ yaꞌabale nakžeꞌ blo ka yógoꞌte benách. No benneꞌ nakeꞌ che yežlyó nga, che yežlyó nga nakzeꞌ, naꞌ ẕchaḻjzeꞌ che daꞌ žaken yežlyó nga, san Bennenꞌ zeꞌe zakaꞌ yaꞌabá che Dios nakžeꞌ blo ka yógoꞌte benách kaꞌ.

11
00:01:55,720 --> 00:02:03,020
Benneꞌ ni ẕchaḻjeꞌ che daꞌ bḻeꞌeleꞌ, naꞌ che daꞌ benleꞌ, san bi zoa no benneꞌ ẕziꞌ ḻo neꞌe danꞌ ẕchaḻjeꞌ.

12
00:02:03,020 --> 00:02:10,400
Nóteꞌteze benneꞌ ẕziꞌ ḻo neꞌe danꞌ ẕchaḻjeꞌ, ẕḻoeꞌeleꞌ ḻaw žejḻiꞌe nak dot daꞌ li daꞌ ẕnna Dios.

13
00:02:10,400 --> 00:02:18,120
Bennenꞌ bseḻaꞌ Dios, ẕchaḻjeꞌ dižaꞌ che Dios, danꞌ Dios naꞌkze dot ḻažeꞌe bseḻeꞌe Dios Beꞌ Laꞌy ḻen Bennenꞌ.

14
00:02:18,120 --> 00:02:23,300
X̱ažo Dios nžiꞌileꞌ Ẕiꞌneꞌ, naꞌ ba bdieꞌ ḻo naꞌ Ẕiꞌnenꞌ yógoꞌte daꞌ de.

15
00:02:23,300 --> 00:02:35,860
Nóteꞌteze benneꞌ žejḻiꞌe che Ẕiꞌn Dios, ba de yeḻaꞌ nban daꞌ zejlí kanne chieꞌ, san bennenꞌ bi žejḻiꞌe che Ẕiꞌnenꞌ, bi gataꞌ yeḻaꞌ nban naꞌ chieꞌ, san nbageꞌe ẕia ḻaw Dios.