1
00:00:05,000 --> 00:00:19,900
Béngekle benneꞌ yodoꞌ fariseo kaꞌ kan benneꞌ kaꞌ žónḻengakeꞌ Jesusenꞌ tẕen zej nyanžeꞌ ka benneꞌ kaꞌ žónḻengakeꞌ Ẕwa tẕen, naꞌ ḻezkaꞌ žezóa Jesusenꞌ zanže benách nis ka benách kaꞌ žezóa Ẕwanꞌ nis.

2
00:00:19,900 --> 00:00:26,820
Jesús naꞌkze bi žezóeꞌ benách kaꞌ nis, san benneꞌ wsedle chieꞌ kaꞌ žezóagakeꞌ benách kaꞌ nis.

3
00:00:26,820 --> 00:00:34,160
Kateꞌ wnnezle Jesusenꞌ daꞌ ni, bezéꞌe gan nbab Judea, naꞌ zejdéꞌ daꞌ yoble gan nbab Galilea.

4
00:00:34,160 --> 00:00:37,820
Gan zejeꞌ, žon byenen tieꞌ gan nbab Samaria.

5
00:00:37,820 --> 00:00:49,020
Kaꞌ goken, bḻaꞌ Jesusenꞌ to yeždoꞌ gan nbab Samaria, daꞌ nzinꞌ Sikar, danꞌ ženꞌ gawze gan de yežlyónꞌ daꞌ bneẕjw Jakob che Jwsé chieꞌ ža niꞌte.

6
00:00:49,020 --> 00:01:00,740
Ḻo latjenꞌ Jakobenꞌ bcheꞌneꞌ to yežw nis gžeꞌ. Kateꞌ bḻaꞌ Jesusenꞌ ga naꞌ, wžiꞌe žoaꞌa yežw nisenꞌ danꞌ bejx̱ákeꞌleꞌ yoeꞌe nez, ne naken wawbíž.

7
00:01:00,740 --> 00:01:08,360
Naž bžin to noꞌle Samaria ga naꞌ nich siꞌe nis. Jesusenꞌ gožeꞌ ḻeꞌ, naꞌ wnnéꞌ: —Benn daꞌ yeꞌjaꞌ.

8
00:01:08,360 --> 00:01:15,940
Jesusenꞌ zoeꞌ tozeꞌ danꞌ ba zjak benneꞌ wsedle chieꞌ kaꞌ ḻo yeženꞌ nich chejx̱íꞌgakeꞌ bi daꞌ gáwgakeꞌ.

9
00:01:15,940 --> 00:01:31,360
Naž noꞌle Samaria naꞌ gožeꞌ Jesusenꞌ, naꞌ wnnéꞌ: —¿Ẕnnabloꞌ Leꞌ nedaꞌ daꞌ yeꞌjoꞌ, naꞌ nakoꞌ benneꞌ judío? Nedaꞌ nakaꞌ noꞌle Samaria. Ki wnnéꞌ danꞌ benneꞌ judío kaꞌ bi de chaweꞌ benách Samaria kaꞌ.

10
00:01:31,360 --> 00:01:43,300
Bechebe Jesusenꞌ, naꞌ gožeꞌ ḻeꞌ: —Chelaꞌ nónbiꞌo daꞌ žonn Dios, naꞌ no Bennenꞌ žiꞌe leꞌ: “Benn daꞌ yeꞌjaꞌ” naꞌ leꞌ nnabloꞌ Ḻeꞌ, naꞌ Ḻeꞌ gonneꞌ chioꞌ nis daꞌ gonnen yeḻaꞌ nban.

11
00:01:43,300 --> 00:01:54,140
Naž noꞌlenꞌ gožeꞌ Ḻeꞌ, naꞌ wnnéꞌ: —Benneꞌ, bi noꞌo daꞌ kwéjḻenoꞌ nis, naꞌ žeꞌlte žia nis ni. ¿Gaẕ zaꞌ nisenꞌ danꞌ žonnen yeḻaꞌ nban?

12
00:01:54,140 --> 00:02:09,040
¿Nakžoꞌ Leꞌ ẕen ka Jakob, x̱a wdé chežo, bennenꞌ benneꞌ chetoꞌ yežw nis ni, ga ni wẕiꞌe nis daꞌ weꞌjeꞌ, naꞌ daꞌ weꞌjgak ẕiꞌneꞌ kaꞌ, naꞌ daꞌ weꞌjgak bia beže chieꞌ kaꞌ?

13
00:02:09,040 --> 00:02:15,740
Bechebe Jesusenꞌ, naꞌ wnnéꞌ: —No benneꞌ yeꞌjeꞌ nis ni, daꞌ yoble nnan yeꞌjenꞌ,

14
00:02:15,740 --> 00:02:29,720
san nóteꞌteze benneꞌ yeꞌjeꞌ nisenꞌ daꞌ wneẕjwaꞌ nedaꞌ, biž nnan yeꞌjenꞌ, danꞌ wneẕjwaꞌ chieꞌ nisenꞌ daꞌ gaken ḻo yichj ḻáẕdaꞌweꞌ ka to gan žal nis, daꞌ gonnen yeḻaꞌ nban daꞌ zejlí kanne chieꞌ.

15
00:02:29,720 --> 00:02:38,940
Naž noꞌlenꞌ gožeꞌ Ḻeꞌ, naꞌ wnnéꞌ: —Benneꞌ, benn chiaꞌ nisenꞌ, nich biž bil-laꞌ, naꞌ biž yedjx̱iꞌa nis nga.

16
00:02:38,940 --> 00:02:44,380
Jesusenꞌ wnnéꞌ: —Wyéj, bejḻíž benneꞌ byo chioꞌ, naꞌ le da ga zoaꞌ ni.

17
00:02:44,380 --> 00:02:54,140
Bežíꞌi noꞌlenꞌ, naꞌ gožeꞌ Ḻeꞌ: —Bi zoa benneꞌ byo chiaꞌ. Naž Jesusenꞌ wnnéꞌ: —Daꞌ likze ẕnnoꞌ: “Bi zoa benneꞌ byo chiaꞌ”

18
00:02:54,140 --> 00:03:03,080
danꞌ ba wzóaḻenoꞌ gayoꞌ benneꞌ byo kaꞌ, naꞌ benneꞌ byonꞌ zóaḻenoꞌ-neꞌ naꞌa, bi nakeꞌ benneꞌ byo chioꞌ. Daꞌ ni ẕnnoꞌ, daꞌ likze ẕnnoꞌ.

19
00:03:03,080 --> 00:03:10,060
Naž noꞌlenꞌ gožeꞌ Ḻeꞌ, naꞌ wnnéꞌ: —Benneꞌ, žeklaꞌ nedaꞌ nakoꞌ benneꞌ ẕchaḻjeꞌ ḻo wláz Dios.

20
00:03:10,060 --> 00:03:20,300
X̱a x̱toꞌtoꞌ kaꞌ bkaꞌn ẕéngakeꞌ Dios ḻaw yaꞌa nga, san ẕnnale ḻeꞌe yež Jerusalén naken ga žaḻaꞌ wkáꞌn ẕengak benách kaꞌ Dios.

21
00:03:20,300 --> 00:03:32,800
Jesusenꞌ wnnéꞌ: —Noꞌle, bejḻéꞌ daꞌ ẕnniaꞌ. Zaꞌ ža katenꞌ wkáꞌn ẕenle X̱ažo Dios ḻaꞌkze bi yedjsoale ḻaw yaꞌadoꞌ ni, naꞌ ḻezkaꞌ bi chejsoale ḻo yež Jerusalén.

22
00:03:32,800 --> 00:03:42,340
Ḻeꞌe ẕkaꞌn ẕenle Bennenꞌ bi nónbiaꞌle-neꞌ, san netoꞌ nónbiaꞌtoꞌ Bennenꞌ ẕkaꞌn ẕentoꞌ, danꞌ ben Dios chieꞌ gataꞌ yeḻaꞌ žeslá niꞌa chegak benneꞌ judío kaꞌ.

23
00:03:42,340 --> 00:03:59,680
Naꞌa, zaꞌ ža, naꞌ ba zoažo ža naꞌ, kateꞌ benneꞌ kaꞌ daꞌ li wkáꞌn ẕéngakeꞌ Dios, wkáꞌn ẕéngakeꞌ Ḻeꞌ, zoaḻen Dios Beꞌ Laꞌy, naꞌ daꞌ nak dot daꞌ li, ḻégakeꞌ, danꞌ žénele X̱ažo Dios wkáꞌn ẕengak benneꞌ kaꞌ Ḻeꞌ ki.

24
00:03:59,680 --> 00:04:09,980
Dios nakeꞌ Beꞌ, naꞌ benneꞌ kaꞌ ẕkaꞌn ẕéngakeꞌ Ḻeꞌ, žon byenen wkáꞌn ẕéngakeꞌ Ḻeꞌ, zoaḻen Dios Beꞌ Laꞌy, naꞌ daꞌ nak dot daꞌ li, ḻégakeꞌ.

25
00:04:09,980 --> 00:04:20,600
Naž noꞌlenꞌ gožeꞌ Ḻeꞌ, naꞌ wnnéꞌ: —Nnezlaꞌ žaḻaꞌ ḻaꞌ Benneꞌ Mesías, (daꞌ ẕnnan: “Benneꞌ Cristonꞌ”). Kateꞌ ḻeꞌe Ḻeꞌ, wḻoeꞌeleꞌ žoꞌo yógoꞌte.

26
00:04:20,600 --> 00:04:24,020
Jesusenꞌ wnnéꞌ: —Ḻekzeꞌ ẕcháḻjḻeneꞌ leꞌ.

27
00:04:24,020 --> 00:04:38,080
Ḻaꞌ naꞌze bežingak benneꞌ wsedle kaꞌ che Jesusenꞌ ga naꞌ, naꞌ bebán ḻážeꞌgekleꞌ danꞌ ẕcháḻjḻeneꞌ to noꞌle, san nitóeꞌ bi bežogleꞌ nnableꞌ Ḻeꞌ, bi nneꞌ: “¿Biẕ ẕnnabloꞌ ḻeꞌ?” o “¿Biẕ daꞌ ẕcháḻjḻenoꞌ ḻeꞌ?”.

28
00:04:38,080 --> 00:04:45,280
Naž noꞌlenꞌ bkaꞌneꞌ žeꞌe chieꞌ ga naꞌ, naꞌ beyejeꞌ ḻo yež, naꞌ gožeꞌ benneꞌ kaꞌ nnítaꞌgakeꞌ ga naꞌ,

29
00:04:45,280 --> 00:04:52,960
naꞌ wnnéꞌ: —Le da, ḻéꞌelele to benneꞌ gožeꞌ nedaꞌ yógoꞌte daꞌ ba benaꞌ. ¿Nakkzeꞌ Ḻeꞌ Benneꞌ Cristonꞌ?

30
00:04:52,960 --> 00:04:57,780
Naž bžojgak benneꞌ kaꞌ ḻo yeženꞌ, naꞌ bžíngakeꞌ gan zoa Jesusenꞌ.

31
00:04:57,780 --> 00:05:06,260
Kateꞌ ne zej noꞌlenꞌ, benneꞌ wsedle kaꞌ che Jesusenꞌ ben byéngakeꞌ, naꞌ belyiꞌe Ḻeꞌ: —Benneꞌ Wsedle, bdaw.

32
00:05:06,260 --> 00:05:10,960
Jesusenꞌ gožeꞌ ḻégakeꞌ: —De to daꞌ žawaꞌ, daꞌ bi nónbiaꞌle.

33
00:05:10,960 --> 00:05:18,800
Naž benneꞌ wsedle chieꞌ kaꞌ belnnableꞌ ljéžgakeꞌ toeꞌ yetóeꞌ, naꞌ wnnágakeꞌ: —¿Noẕ benneꞌ ba bedjwéꞌe daꞌ bdaweꞌ?

34
00:05:18,800 --> 00:05:27,760
Naž Jesusenꞌ gožeꞌ ḻégakeꞌ: —Daꞌ nbánḻenaꞌ naken gonaꞌ daꞌ žénele X̱aꞌ, Bennenꞌ bseḻeꞌe nedaꞌ, naꞌ yeyóž gonaꞌ x̱chineꞌ.

35
00:05:27,760 --> 00:05:41,000
Ki ẕnnale ḻeꞌe: “Yetáp byoꞌ žin ža ḻapžo.” Nedaꞌ žapaꞌ ḻeꞌe: le wía naꞌle, naꞌ wíale benách kaꞌ zej nakeꞌ ka gan goz Dios, daꞌ ba nbižen nich chejḻapžon.

36
00:05:41,000 --> 00:05:52,740
Bennenꞌ ẕḻapeꞌ ẕziꞌe laẕjweꞌ, naꞌ danꞌ ẕḻapenꞌ, naken nich gataꞌ yeḻaꞌ nban daꞌ zejlí kanne chegak benách kaꞌ, nich gak yebégekle tẕen benneꞌ žazenꞌ, naꞌ benneꞌ ẕḻapenꞌ.

37
00:05:52,740 --> 00:05:57,860
Nak dot daꞌ li daꞌ ẕnnan: “To benneꞌ žazeꞌ, naꞌ yetóeꞌ ẕḻapeꞌ.”

38
00:05:57,860 --> 00:06:05,860
Nedaꞌ bseḻaꞌa ḻeꞌe chejḻaple gan bi gozle. Benneꞌ yoble gozenꞌ, naꞌ ḻeꞌe ẕziꞌle daꞌ žonn žin naꞌ daꞌ beneꞌ.

39
00:06:05,860 --> 00:06:19,620
Benneꞌ zan, benneꞌ Samaria kaꞌ, benneꞌ nnítaꞌgakeꞌ ḻo yež Sikar naꞌ, bejḻéꞌgakeꞌ che Jesusenꞌ niꞌa che x̱tižaꞌ noꞌlenꞌ, danꞌ bchaḻjeꞌ kan nak chieꞌ, naꞌ wnnéꞌ: “Gožeꞌ nedaꞌ yógoꞌte daꞌ ba benaꞌ.”

40
00:06:19,620 --> 00:06:29,540
Kateꞌ bžingak benneꞌ Samaria kaꞌ gan zoa Jesusenꞌ, gótaꞌyoegekleꞌ Ḻeꞌ gáꞌnḻeneꞌ ḻégakeꞌ. Yechóp ža bgaꞌn Jesusenꞌ ga naꞌ.

41
00:06:29,540 --> 00:06:35,040
Kaꞌ goken, benneꞌ zanže bejḻéꞌgakeꞌ che Jesusenꞌ niꞌa che daꞌ bchaḻjkzeꞌ Ḻeꞌ.

42
00:06:35,040 --> 00:06:51,780
Naž benneꞌ kaꞌ belyiꞌe noꞌlenꞌ, naꞌ wnnágakeꞌ: —Naꞌa žejḻeꞌtoꞌ chieꞌ, kégeze niꞌa che daꞌ bchaḻjoꞌ leꞌ, san ḻezkaꞌ danꞌ benltoꞌ netoꞌ chieꞌ Ḻeꞌ, naꞌ nnezltoꞌ daꞌ li Bennenꞌ nakeꞌ Benneꞌ Cristonꞌ, Bennenꞌ žesléꞌ benách kaꞌ nnítaꞌgakeꞌ yežlyó nga.