1
00:00:05,000 --> 00:00:10,940
Yechóp ža kaꞌ, bezáꞌ Jesusenꞌ gan nbab Samaria, naꞌ wyejeꞌ gan nbab Galilea.

2
00:00:10,940 --> 00:00:19,440
Ki beneꞌ, danꞌ bchaḻjkze Jesusenꞌ, naꞌ wnnéꞌ: “Benneꞌ wláž kaꞌ che to benneꞌ ẕchaḻjeꞌ ḻo wláz Dios bi žápegakeꞌ ḻeꞌ ba laꞌne.”

3
00:00:19,440 --> 00:00:32,220
Kateꞌ beḻáꞌ Jesusenꞌ gan nbab Galilea, wdápegak benneꞌ Galilea kaꞌ Ḻeꞌ ba laꞌne danꞌ ḻezkaꞌ jakeꞌ ḻo yež Jerusalén katenꞌ gok Lni Paskoꞌ, naꞌ bḻéꞌegekleꞌ daꞌ kaꞌ ben Jesusenꞌ ga naꞌ.

4
00:00:32,220 --> 00:00:50,680
Naž beyéj Jesusenꞌ ḻo yež Kaná gan nbab Galilea, gan beyoneꞌ nis x̱is uba. Ḻo yež Kapernaum naꞌ zoa to benneꞌ wnná biaꞌ, benneꞌ nziꞌ ḻo neꞌe yeḻaꞌ wnná biaꞌ ḻo wláz benneꞌ ẕnna biꞌe, naꞌ x̱kwideꞌ byo chieꞌ daꞌbeꞌ yižwéꞌ.

5
00:00:50,680 --> 00:01:05,540
Kateꞌ bennenꞌ benleꞌ ba bezáꞌ Jesusenꞌ gan nbab Judea, naꞌ ba bežineꞌ gan nbab Galilea naꞌ, naž wyejeꞌ gan zoa Jesusenꞌ, naꞌ gótaꞌyoeleꞌ Ḻeꞌ yideꞌ ližeꞌ, nich yeyoneꞌ x̱kwideꞌ byo chienꞌ, danꞌ ba žek gatbeꞌ.

6
00:01:05,540 --> 00:01:13,000
Naž Jesusenꞌ gožeꞌ ḻeꞌ: —Bi chejḻeꞌle chiaꞌ chaꞌ bi ḻéꞌelele daꞌ kaꞌ zej nak bianꞌ, naꞌ yeḻaꞌ wak kaꞌ daꞌ gonaꞌ.

7
00:01:13,000 --> 00:01:22,620
Naž bennenꞌ nziꞌ ḻo neꞌe ḻo wláz benneꞌ ẕnna biꞌe gožeꞌ Jesusenꞌ, naꞌ wnnéꞌ: —Benneꞌ, date náꞌtege nich bi gat x̱kwideꞌ byo chianꞌ.

8
00:01:22,620 --> 00:01:30,940
Naž Jesusenꞌ gožeꞌ ḻeꞌ: —Beyéj ližoꞌ. Nban x̱kwideꞌ byo chionꞌ. Bennenꞌ bejḻiꞌe daꞌ wnná Jesusenꞌ, naꞌ zeyejeꞌ.

9
00:01:30,940 --> 00:01:40,500
Kateꞌ ne yoeꞌe nez zeyejeꞌ, baḻe benneꞌ wen žin chieꞌ bedjchággakeꞌ ḻeꞌ, naꞌ bzéngekleꞌ ḻeꞌ, naꞌ wnnágakeꞌ: —Nban x̱kwideꞌ byo chionꞌ.

10
00:01:40,500 --> 00:01:48,720
Wnnableꞌ ḻégakeꞌ batx̱ wzó ḻaw žeyakbeꞌ. Belyiꞌe ḻeꞌ: —Bacheꞌ, ka gachje ža bežój-beꞌ daꞌ ḻanꞌ.

11
00:01:48,720 --> 00:02:03,460
Naž wnnezle x̱a x̱kwideꞌ byonꞌ, beyakbeꞌ kateꞌ Jesusenꞌ ne ẕcháḻjḻeneꞌ ḻeꞌ, naꞌ gožeꞌ ḻeꞌ: “Nban x̱kwideꞌ byo chionꞌ.” Che ḻen bejḻiꞌe che Jesusenꞌ, naꞌ ḻezkaꞌ benách kaꞌ nnítaꞌgakeꞌ ližeꞌ bejḻéꞌgakeꞌ chieꞌ.

12
00:02:03,460 --> 00:02:12,280
Yeḻaꞌ wak ni naken daꞌ bežopen daꞌ ben Jesusenꞌ katenꞌ wzóeꞌ gan nbab Galilea, daꞌ goken wdé bezéꞌe gan nbab Judea.