1
00:00:05,000 --> 00:00:17,300
Wdé gok daꞌ ni, wdé Jesusenꞌ gan nbab Galilea. Bi góneleꞌ chejeꞌ gan nbab Judea danꞌ žénegekle benneꞌ judío wnná biaꞌ kaꞌ, benneꞌ nnítaꞌgakeꞌ ga naꞌ, gótgakeꞌ Ḻeꞌ.

2
00:00:17,300 --> 00:00:26,800
Ža naꞌ zaꞌ žin lni chegak benneꞌ judío kaꞌ kateꞌ žejsáꞌ ḻážeꞌgakeꞌ ka x̱a wdé chégakeꞌ wnnítaꞌgakeꞌ gan besbíngakeꞌ ẕan yoꞌo lágaꞌdoꞌ.

3
00:00:26,800 --> 00:00:40,400
Che ḻen benneꞌ bicheꞌ Jesusenꞌ kaꞌ belyiꞌe Ḻeꞌ, naꞌ wnnágakeꞌ: —Bžoj ga ni, naꞌ wyéj gan nbab Judea nich ḻéꞌegekle benneꞌ wsedle chioꞌ kaꞌ, benneꞌ nnítaꞌgakeꞌ ga naꞌ, yeḻaꞌ wak kaꞌ daꞌ žonoꞌ.

4
00:00:40,400 --> 00:00:53,280
Chaꞌ žénele no benneꞌ gónbiaꞌgak benách kaꞌ ḻeꞌ, bi žoneꞌ ngácheꞌze daꞌ žoneꞌ. Danꞌ žonoꞌ yeḻaꞌ wak ẕen ki, bḻoeꞌel kwinoꞌ ḻawgak yógoꞌte benách kaꞌ nich ḻéꞌegekleꞌ daꞌ žonoꞌ.

5
00:00:53,280 --> 00:00:57,040
Ki wnnagak benneꞌ bicheꞌe kaꞌ danꞌ bi naꞌ chejḻéꞌgakeꞌ chieꞌ Ḻeꞌ.

6
00:00:57,040 --> 00:01:06,820
Naž Jesusenꞌ gožeꞌ ḻégakeꞌ: —Bi naꞌ žin ža chiaꞌ nich wḻoeꞌelaꞌ danꞌ nakaꞌ ḻawgak benách kaꞌ, san ža ni naken nich bi daꞌ gonle ḻeꞌe.

7
00:01:06,820 --> 00:01:19,540
Benách kaꞌ nnítaꞌgakeꞌ yežlyó nga bi ẕzóagakeꞌ ḻeꞌe cheḻaꞌale, san ẕzóagakeꞌ nedaꞌ cheḻaꞌale danꞌ ẕḻoeꞌelaꞌ ḻaw kan zej nakeꞌ, naꞌ daꞌ ẕnniaꞌ nak bianꞌ bi nak chaweꞌ daꞌ žóngakeꞌ.

8
00:01:19,540 --> 00:01:24,600
Le chej ḻeꞌe lni naꞌ. Bi chaꞌa nedaꞌ lni naꞌ naꞌa danꞌ bi naꞌ žin ža chiaꞌ.

9
00:01:24,600 --> 00:01:29,620
Kateꞌ beyóž gožeꞌ ḻégakeꞌ daꞌ ki, bgaꞌneꞌ gan nbab Galilea.

10
00:01:29,620 --> 00:01:38,080
Wdé jak benneꞌ bicheꞌ Jesusenꞌ kaꞌ lni naꞌ, ḻezkaꞌ wyejeꞌ Ḻeꞌ, kege kwáselo, san ngácheꞌze wyejeꞌ.

11
00:01:38,080 --> 00:01:44,960
Gan žak lni naꞌ, wdiljgak benneꞌ judío wnná biaꞌ kaꞌ Jesusenꞌ, naꞌ wnnágakeꞌ: —¿Gaẕ zoa bennenꞌ?

12
00:01:44,960 --> 00:01:56,740
Benneꞌ zan bcháḻjgakeꞌ daꞌ zanḻeꞌe kan nak che Jesusenꞌ. Baḻeꞌ wnnágakeꞌ: —Nakeꞌ chaweꞌ. Yebaḻeꞌ wnnágakeꞌ: —Bi nakeꞌ chaweꞌ danꞌ žon ḻážeꞌleꞌ benách kaꞌ.

13
00:01:56,740 --> 00:02:04,140
Nitó benneꞌ bi bchaḻjeꞌ kwáselo kan nak che Jesusenꞌ, danꞌ benneꞌ zan kaꞌ ẕžébegakeꞌ benneꞌ judío wnná biaꞌ kaꞌ.

14
00:02:04,140 --> 00:02:10,760
Kateꞌ ba bžin gachje lni naꞌ, bḻaꞌ Jesusenꞌ ḻiꞌa yodoꞌ, naꞌ bsedleꞌ benách kaꞌ nnítaꞌgakeꞌ ga naꞌ.

15
00:02:10,760 --> 00:02:18,160
Bebán ḻážeꞌgak benneꞌ judío kaꞌ, naꞌ wnnágakeꞌ: —¿Nakx̱ chenꞌ, žakḻeꞌe bennenꞌ, naꞌ bi nsedleꞌ che yodoꞌ?

16
00:02:18,160 --> 00:02:26,640
Bechebe Jesusenꞌ, naꞌ gožeꞌ ḻégakeꞌ: —Daꞌ žsedlaꞌ nedaꞌ, kege chezanꞌ, san naken che X̱ažo Dios, Bennenꞌ bseḻeꞌe nedaꞌ.

17
00:02:26,640 --> 00:02:35,740
Chaꞌ žénele no benneꞌ goneꞌ kan žénele Dios, naꞌ gákbeꞌleꞌ chaꞌ nak che Dios daꞌ žsedlaꞌ benách kaꞌ o chaꞌ žakze chiaꞌ ẕchaḻjaꞌ.

18
00:02:35,740 --> 00:02:51,640
Nóteꞌteze benneꞌ ẕchaḻjeꞌ žakze chieꞌ, žoneꞌ ki nich gápegak benách kaꞌ ḻeꞌ ba laꞌne, san bennenꞌ žéneleꞌ gápegak benách kaꞌ ba laꞌne bennenꞌ bseḻeꞌe ḻeꞌ, benneꞌ ni ẕchaḻjeꞌ daꞌ naken dot daꞌ li, naꞌ bi žon ḻažeꞌe.

19
00:02:51,640 --> 00:02:59,740
ꞌMoisés bdieꞌ ḻo naꞌle daꞌ bchiꞌle Dios, san nitole ḻeꞌe bi žonle kan ẕnna x̱tižeꞌe. ¿Biẕ chenꞌ žénelele gotle nedaꞌ?

20
00:02:59,740 --> 00:03:07,720
Bežiꞌigak benneꞌ zan kaꞌ, naꞌ belyiꞌe Ḻeꞌ: —Daꞌ x̱iweꞌ žónḻenen leꞌ tẕen. ¿Noẕkze benneꞌ žéneleꞌ goteꞌ leꞌ?

21
00:03:07,720 --> 00:03:14,400
Bechebe Jesusenꞌ, naꞌ gožeꞌ ḻégakeꞌ: —To yeḻaꞌ wak benaꞌ, naꞌ žebán ḻážeꞌle yógoꞌtele.

22
00:03:14,400 --> 00:03:33,700
Daꞌ li Moisés benneꞌ chele danꞌ nžogen ḻo beḻaꞌ chele danꞌ nak bianꞌ nziꞌle x̱tižaꞌ Dios. Kege Moisés naꞌkze bennenꞌ chele, san wẕiꞌen ḻo naꞌgak x̱a x̱taꞌweꞌ kaꞌ. Naꞌa, ḻaꞌkze nak ža laꞌy, ẕchogle ḻo beḻaꞌ chegak x̱kwideꞌ byo chele kaꞌ danꞌ nak bianꞌ zej nbabbeꞌ che Dios.

23
00:03:33,700 --> 00:03:47,440
Chaꞌ želziꞌbeꞌ ḻo beḻaꞌ chégakbeꞌ danꞌ nak bianꞌ kateꞌ nak ža laꞌy, nich bi wkaꞌnle caꞌze daꞌ ẕnna daꞌ bchiꞌle Moisés, ¿ẕžaꞌle nedaꞌ danꞌ beyonaꞌ to benneꞌ, nich beyakeꞌ cháweꞌdoꞌ kateꞌ nak ža laꞌy?

24
00:03:47,440 --> 00:03:51,940
Bi žaḻaꞌ kon wchiꞌa ḻážeꞌle, san le wchiꞌa ḻažeꞌ kan nak daꞌ li.